Brukseli Do Ta Beje Mitrovicen Si Srebrenicen

[sibishi]

Shkruan: Abdullah PRAPASHTICA

Nga deklaratat e kreut të UNMIK-ut për ta krijuar një polici etnike serbe që e financon UNMIK-u (& Serbia) dhe nga deklarata e Petriqit që Mitrovica të shndërrohet në Bërçko, shihet se BE edhe EULEKS-i kanë për qëllim që Mitrovicën të e shndërojnë në Srebrenicë e me këtë veriun e Kosovës në “republika serbska”. Po shihet çartë se UNMIK-u dhe BE derisa në njërën anë po kërkojnë nga shqiptarët të jenë “multietnikë” në anën tjetër po punojnë në ndarjen dhe në krijimin e kolonive një etnike serbe. Këto janë rezultatet praktike të planin të Ahtisarit. Lëvizja Vetëvendosje dhe Albin Kurti me kohë i kanë bërë paralajmërimet për këto synime, por institucionet aktuale nuk i kanë përfill ato! Tani vjen propozimi i Petriqit dhe ky është një skenar për një luftë të re në Kosovë. Sepse pa një masakër si në Serberincë nuk ka mundësi që as Mitrovica dhe as veriu të ndahen nga Kosova. Megjithatë, BE me Planin e Ahtisarit po tregon se është e vendosur që t' i përkrahin dhe t'i shpërblejnë Serbinë, Malin e Zi dhe Maqedoninë në politikën e tyre agresiv e antishqiptare me motivacione fundamentaliste konservative fetare. Prandaj, përkundrejt se qarqet zyrtare shqiptare po betohen se janë për paqe e miqësi edhe me Serbinë, Serbia po përgatitet ta mbushë lumin Ibër me gjakun e shqiptarëve me mbështetjet e Solanës, Ahtisarit e Petriqit për t'i vendos sa ma thellë në tokat shqiptare kufijtë e ri ndërkombëtar të Serbisë në vend se ata kufij të kthehen në vijën Ushqe-Nish, ose në kufijtë real të Serbisë të pashallëkut të Beogradit. Këto qarqe po bëjnë përpjekje, që në kohën derisa Republika e Kosovës qeveriset akoma nga institucionet e përkohshme në varësi të jashtme, ta shfrytëzojnë këtë kohë që të bëjnë koncesione të reja në favorin e Serbisë. Institucionet e përkohshme të Kosovës pa vetëdije apo me të po i kontribuojnë realizimit të këtyre planeve edhe me miratimin e akteve juridike shtetërore të imponuara nga Brukseli edhe me zvarritjen e zgjedhjeve të reja të cilat do të sjellnin një qeveri me mandat dhe me kompetenca të rregullta të mbështetur nga populli i vet! Duke pasë parasysh gjendjen në të cilën gjendet vendi, nga Presidenti, Parlamenti dhe Kryeministri, menjëherë pas 17 Shkurtit 2008, së pari do të duhej t'i ipej rëndësi emërimit të kuadrove energjike e të pa kompromis në raport me respektimin e parimeve të ndërtimit të shtetit. Do të duhej të emërohej Sekretari i Shtetit për Siguri Kombëtare në varësinë e të cilit do të ishin edhe Ministria e Mbrojtjes, Komandanti i Ushtrisë, pastaj Ministria e Brendshme e Komandanti i Policisë si dhe Drejtori i Shërbimit të Zbulimit, të cilët së bashku do të merreshin me sigurinë e sovranitetit të tërësisë territoriale të vendit dhe të sigurisë së brendshme, duke i përfillë vetëm interesat kombëtare dhe normat që dalin nga e Drejta Ndërkombëtare. Por, si dihet puna e nevojshme dhe emërimi për këto detyra po zvarritet në pa fund. Institucionet si Presidenca, Parlamenti dhe Qeveria e parë pas shpalljes së pavarësisë, do të duhej t'i kishte në përbërjen e vet ato kuadro që në pavarësinë e këti vendi e kanë investuar tërë jetën e vet, që me vendosmërinë, me përvojën dhe përgatitjet e veta profesionale do të dinin t'i përmbushnin detyrat e veta dhe që në radhë të par e vejnë interesin e vendit e jo interesin personal. Këto institucione duhet të lirohen nga pjesëmarrësit direkt dhe indirekt të ish regjimit jugosllav në Kosovë. Sepse ata dhe imituesit e ri të tyre do të bëjnë përpjekje qe sundimi i huaj, qoftë ai i OKB, i BE apo i kujtdo qoftë tjetër, të vazhdoi të jetë prezent në vendin tonë, sepse ajo është garancia për të mos dhënë përgjegjësi për krimet aktuale apo nga e kuluara e tyre ndaj popullit e ndaj vendit të vet. Mu për këto arsye para do kohe propozova publikisht rizgjedhjen e Azem Sylës për Ministër të Mbrojtjes të Republikës së Kosovës me shpresë se rizgjedhja e ti do të kthente procesin e pavarësisë në binarët kryesor. Unë i uroj detyrën Ministrit të ri Mujota dhe gjithë atyre kuadrove që i takojnë krahut kombëtar brenda këtyre institucioneve për periudhën e përkohshme të kësaj qeverie dhe shpresoj se në mandatin e ardhshëm të qeverisë së rregullt do të korrigjohet kjo përbërje nga ata që aty nuk e kanë vendin dhe qe në vend të tyre të vinë ata që do të vazhdojnë t'i rrinë besnik kauzës kombëtare. E them këtë, sepse Presidenca, Parlamneti e Qeveria e parë e Republikës së Kosovës do të duhej ta kishin në krye Adem Demaçin dhe për deputet e ministra gjitha ata ish të burgosur apo mërgimtarë politikë e luftëtarë të UÇK e që e investuan jetën e vet për çlirimin e vendit, pavarësisht se a janë jashtë partive dhe apo se cilës parti i takojnë, e jo të vijnë njerëz që ma së paku e kanë vendin aty . E them këtë, sepse kjo gjendje është akoma e jashtëzakonshme dhe ajo nuk duron kuadro të komprimituar, të korruptuar, të pa përvojë dhe aq më pak kuadro të pa kurriz që përkulen përpara gjithkujt për të ruajtur do privilegje personale, siç janë ata që kanë qenë pjese e ish regjimit titist dhe disa nxënës të rinj të tillë, që tani kanë hyrë në strukturat aktuale. Ky qëndrim i tyre labil është shkak pse Petriqi guxon të dal me tezat e Bërçkos. Ky qëndrim i tyre është shkak se Brukseli na imponon falsifikimin e identiteti tonë, kushtetutën e ligjet dhe flamurin e himnin e Ahtisarit! Ky qëndrim është shkak pse BE po përgatit subvencione e plane që Kosova të bëhet DEPONI E MBETURINAVE HELEMUESE të Evropës si ato që janë vendosur në Shupkovc! Pra, fatkeqësia nuk ka mbaruar këtu, por ajo do të bëhet edhe më e madhe nëse në krye të vendit vazhdojnë të jenë këta njerëz të pa përgjegjshëm dhe të pa ndërgjegjshëm! Jam plotësisht i bindur se shumica absolute e përbërjes së presidencës, së parlamentit dhe të qeverisë janë për bashkimin e kombit tonë brenda një shteti, por atyre u mungon besimi edhe ndaj vetes edhe ndaj popullit të vet, prandaj vazhdimisht u nënshtrohen presioneve dhe pranojnë kompromise e lëshojnë pe para shantazheve të forcave të huaja. Kjo ndodh, sepse ata nuk kanë as dije e plane dhe as energji që të mobilizojnë, rirreshtojnë dhe angazhojnë fuqitë dhe resurset e brendshme për ecjen e vendit përpara. Por, ata krejtësisht të relaksuar e pasiv presin asistencën e jashtme e cila vërtet arrinë të korruptojë një grusht drejtuesish, por që kurrë nuk mundet as që dëshiron ta nxjerr një vend nga kriza dhe t'i sigurojë atij zhvillim e përparim! Për këtë flet fakti se Fuqitë e vjetra të Evropës kanë pas kolonit të veta që i kanë sunduar me shekuj në të gjitha kontinentet, por atje nuk kanë investuar as një metalik për zhvillimin e tyre, por kanë bër vetëm aq investime sa ka qenë e domosdoshme për transportin e mallrave që i kanë plaçkitur nga ato koloni dhe në bazë të të cilave këto vende kanë krijuar zhvillimin e mirëqenien e vet me të cilën ata krenohen para tjerëve. Është në interes të Presidencës, të Parlamentit dhe të Qeverisë që t'i ndalin të gjitha proceset e zbatimit të Planit të Ahtisarit dhe të koncentrohen që sa më shpejt të organizohen zgjedhjet e reja, nga të cilat do të dilnin institucione kurrizore të cilave Petriqët e Ahtisaroviqët etj. nuk do të kishin më hapësirë t'ju parashtrojnë propozime të tilla destruktive që e zhytin vendin tonë në kriza të pa fund dhe në përçarje të brendshme! Kjo do ta ruante edhe unitetin brenda kombit edhe integritetin e tërë atyre që marrin pjesë në institucionet e tanishme. Ne si popull duhet t'i kthehemi vetvetes dhe njeri- tjetrit, sepse vetëm të bashkuar kemi mundësi të dalim nga këto rrugë të errëta të Petriqëve e maskarenjve tjerë të rruzullit! Prandaj, e shoh të rrugës që pas propozimit të Petriqit të merret një iniciativë për krijimin e një Asambleje Kombëtare Shqiptare ku (pa pakicat kombëtare) do të uleshin bashkë që nga Albin Kurti e deri te Hashim Thaqi që ta shqyrtojnë gjendjen e sigurisë dhe të hartojnë plane për garantimin e saj me theks të veçant në veriun e Mitrovicës dhe në kolonitë tjera të banuara me serbë që nuk e njohin sovranitetin e Republikës së Kosovës. E them këtë, sepse polarizimet nuk i bien dobi askujt, por vetëm fatkeqësi të gjithëve dhe dobi për armiqtë e kombit tonë !Pasi që po kalojnë 10 vite pas lufte dhe kjo pakicë kololniste serbe po vazhdon të qëndrojë në pozicionet e Millosheviqit e të Sheshelit edhe pas qindra thirrjeve paqësore e miqësore që ata ta njohin realitetin e ri në Kosovës, koha është që ata ose të hjekin dorë nga kjo rrugë menjëherë, ose të ballafaqohen me një opsion energjik të Republikës sëi Kosovës! Kjo do të ishte edhe përgjigjja më e mire edhe për Petriqët!

[Blearti007]

Ska nevoj te thot Petriqi ktu shifet qart pa Petroviqin,,qe 9 vite ska ligj ska pushtet veq zhurem kush po i fito votat me shum ndersa kriminaliteti ne rritje jo qe kemi humb mitrovicen,,po jemi duke humb edhe me shum,,,ndersa pasojat do shifem pas 10 vitesh,,UNMIK e BE jan ne punim e siper te kurthave te mira ne favor te serbis,perderisa flejn qeveria,e merret me biznis privat

[Renea]

Brcko esht brenda kufijve te Bosnjes dhe Hercegovines , esht e perber nga 3 entitetet (boshnjak, serb , kroat) dhe funksionojn ligje te posacme nga ato te Rep. Srpskes dhe njesis tjeter federative (boshnjako-kroate) . - (kshtu i kam un njohunit).

Kjo me te gjelbert
http://upload.wikimedia.org/wikipedi...y_location.gif

[sibishi]

Ska nevoj te thot Petriqi ktu shifet qart pa Petroviqin,,qe 9 vite ska ligj ska pushtet veq zhurem kush po i fito votat me shum ndersa kriminaliteti ne rritje jo qe kemi humb mitrovicen,,po jemi duke humb edhe me shum,,,ndersa pasojat do shifem pas 10 vitesh,,UNMIK e BE jan ne punim e siper te kurthave te mira ne favor te serbis,perderisa flejn qeveria,e merret me biznis privat

I nderua,
plotësisht pajtohem me JU.

[v3t0n]

valla rrezik i madh ekziston me mitrovicen.
sipas mendimit tim un jam per shkembimin e tokave (preshev-mitrovic) opsion i vetem.

[Flora82]

Vetem fjale jane , kurren e kurres s'kan per ta marrurê , po bisha qe done te cofê sillete keshtu e ashtu .