Punonjesit Greviste te Gerdecit Perfundojne ne Spital

[Duaje Siveten]

www.balkanweb.com

Përfundojnë në spital në gjendje të rëndë
grevistët e Gërdecit. Sot dita e 9-të

• Teksa kanë hyrë në ditën e nëntë të grevës, shtatë
ish-punëtorët e fabrikës së Gërdecit janë dërguar me urgjencë
në spital pasi gjendja e tyre shëndetësore paraqitet e rëndë.
Sipas burimeve mësohet se tre prej grevistëve ndodhen në
repartin e infektivit gjendje kritike si pasojë e ditëve të
grevës së urisë. Sipas mjekut të ambulancës së Vorës grevistët
duhej të dërgoheshin menjëherë në urgjencë për të shmangur
komplikacione edhe më të mëdha.


Kreu i Shoqatës së Grevistëve, Gjoni: Qeveria indiferente për situatën e grevës

Ora 19:00 - Kryetari i Shoqatës së Grevistëve Gëzim Gjoni ka
reaguar pas shtrimit të spital të shtatë ish-punëtorëve të
Gërdecit. Në një deklaratë për “News24”, Gjoni ka deklaruar se
asnjë pjesëtarë nga qeveria nuk është shqetësuar për situatën
e ndodhur dhe as për nëntë ditë grevë të këtyre personave.
Gëzim Gjoni ka deklaruar se janë bërë dy takime nga
përfaqësues të Bashkisë së Vorës por jo nga shteti i cili
duhej të kishte dërguar përfaqësuesit e tij pasi është palë
direkte e problemit. Grevistët ia kanë drejtuar kërkesën e
tyre shtetit dhe qeverisë dhe ajo duhej të ulej në bisedime,
gjë e cila sipas Gjonit nuk është realizuar deri më sot.

Mjeku i ambulancës së Vorës: Grevistët duheshin dërguar
menjëherë në spital

Ora 18:40 - Mjeku i ambulancës së Vorës ka qënë ai i cili ka
evidentuar gjendjen tepër të rënduar të grevistëve të
ish-punëtorëve të Gërdecit. Mjeku Bedri Zela ka deklaruar për
televizionin e “News24” se gjatë kontrollit të grevistëve të
shtatë ish-punëtorët e Gërdecit kanë shfaqur shenja
përkeqësimi por në gjendje tepër kritike janë paraqitur
Pëllumb Sula, Andi Belli dhe Adriatik Spahiu të cilët janë
dërguar me urgjencë në repartin e infektivit në QSUT. Ndërkohë
sipas mjekut të ambulancës së Vorës në gjendje të rëndë
shëndetësore janë paraqitur edhe katër grevistët e tjerë të
cilët janë dërguar në spitalin numër.1. Mjeku Bedri Zela ka
shpjeguar se shenjat e tyre kanë qenë dhimbje koke, dobësi të
përgjithshme, rënie të tensionit dhe komplikacione të tjera
janë evidentuar tek grevistët të cilet për të parandaluar një
përkeqësim të mundshëm janë dërguar me urgjencë në spital.

Përfundojnë në spital në gjendje të rëndë grevistët e
Gërdecit. Sot dita e 9-të

Ora 17:40 - Në ditën e nëntë të grevës ish-punëtorët e
Gërdecit kanë përfunduar në spital pasi gjendja e tyre
shëndetësore paraqitet tejet e rënduar. Lajmi është bërë i
ditur në orët e pasdites kur të shtatë grevistët janë dërguar
me urgjencë në spital për të marrë ndihmën mjekësore. Sipas
burimeve nga spitali i QSUT-së bëhet e ditur se tre prej
grevistëve të cilët ndodhen në repartin e infektivit janë në
gjendje tepër kritike për jetën dhe bluzat e bardha po
ndihmojnë në kapërcimin e situatës.
Shtatë ish-punëtorët e Gërdecit kanë hyrë qysh nëntë ditë më
parë në grevën e urisë në shenjë proteste ndaj qeverisë.
Kërkesat e punëtorëve të ish fabrikës së demontimit Alba-Demil
në Gërdec shpërthimi i së cilës shkaktoi 26 të vdekur, 300 të
plagosur dhe qindra banesa të dëmtuara janë 400 mijë lekë
dëmshpërblim, lidhje pensioni për familjet e punëtorëve të
vrarë, dhënia e 150 000 mijë lekëve si dëmshpërblim për të
plagosurit e shpërthimit dhe një vit asistencë.
Ndërkohë që ditën e djeshme një numër i madh ish-punëtorësh të
fabrikës së Gërdecit kanë protestuar përpara kryeministrisë në
mbështetje të kolegëve të tyre grevistë. Ata kanë hedhur
parulla kundër qeverisë dhe kanë kërkuar që të plotësohen
kërkesat e punëtorëve, por edhe sot asnjë përgjigje apo reagim
nuk është dhënë nga ana e kryeministrit Sali Berisha.
(A.S/Balkanweb)

[juanito02]

Ku e rruan Saliu per te gjoret e Gerdecit. E kur ka menduar vrasesi per te vrarin qe te mendoje kete here

[Brari]

ne shtabin qe nxit keta grevistet te bejne lajm per llogari te topchanellit e te bollin malltezes.. se edvin gjinush metes.. jan me siguri dhe vrasesit e vertete.. ata qe e dogjen gerdécin..
grevistet e gerdecit jane vegla te mafies..

po perse mafia e piketoj gerdecin nja 1 vit para se ta eksplodoje..

varianti i konsumuar me 97-ten nga po kjo mafie.. ju refuzua nga ish ambasadorja amerikane marsi ris.. keshtu qe mafia vrau mendjen qe te gjeje nje menyre tjetr per 97 tip i ri..

dhe e gjeti..
deliun e jorgjise e kishin te vetin e i dhane dhe truall per pallate ne tirane.. qe te blejne nga ai krejt muhabetet gerdecore..
po ashtu vegla te bindura kjo mafie ka dhe ne ministri te mediut.. ushtarake qe jan gati te tregojne si tenente gurabardhi se ku duhet vendosur "eshka"..

ate dite qe plasi gerdeci.. ishte krejt e pergatitur kupola roze dhe vegla e saje topi i tanit te chanellit..

cdo lajm qe vjen tash nga gerdeci.. tregon me se miri se kush perfitoj nga gerdeci dhe se kush eshte ne shtabin qe piketoj e organizoj "eshken" ndezese.. sipas parimeve guerile.. qe i ka per zanat mafia miljardere enveriste ne seli roze..

grevistet e gerdecit jane caush arapet e Ps-se dhe trojkes.. meto gjinush ceko milove..

thx dusiv ..qe na skjaron planet..
na sill cdo dite lajme nga kupola..

[Duaje Siveten]

brarishka,

lajmet nga mafja une i mar prej teje ... je koka e gjarprit

postimi i mesiperm eshte publik, me adrese ...

grykesia shtazarake e juaja solli gerdecin ... ka per autore ty familiarisht, mediun, e qehallare te tjere ...

greva te tremb shume, se te inkriminon drejtperdrejt ...

ashtu si perfitove nga "situata" e greves se urise se studenteve 17 vite me pare, me dhe uzurpove pd-ne, ashtu mund ta gjesh edhe fundin tend ...

trembesh si djalli prej temjanit ...

mos zbulova gje ndonje sekret te mafjes????

[kobra 70]

Ti Brari qenke i thekur per salen, po si sala dhe edi jam k...a qe se ruajn per ty e per asnji njeri te popullit. Ata shikojne vetem xhepin e tyre. Zbrip pak ne toke dhe shikoj me hapur gjerat, shikoj si nji pjestar i popullit, dhe jo si partiak i thekur.

[PetritKola]

Sa keq i vjen serbeve per nje shqiptar kaq e vjen Sali EnverRamizJanullatosMilloshevic Berishes.

[PetritKola]

Sa i pafytyre mund te jete i pafytyri Berisha?

I pafytyri, do te ngreje obelisk ne qender te Tiranes ne perkujtim te viktimave te komunizmit. Por sa i pafytyre mund te jete i pafytyri?
Pas 25 vjete antarsie aktive si komunist me teser dhe sekretar i organizatave te PPSH qe percaktonin fatin (jete e vdejkjen) e viktimave te asaj periudhe, i pafytyri na flete per obelisqe. Por sa i pafytyre munde te jete i pafytyri?
Pasi e vune te bente rolin e “disidentit” me shkrimet ne “Zerin e Popullit”, i pafytyri kandidoi ne favor te PPSH. Sa i pafytyre eshte i pafytyri?
Pas asaj, i pafytyri mori urdher te kapte kreun e PD-se. Sa i pafytyre munde te jete i pafytyri?
“Bashkefajtor dhe bashkevuajtes”; na tha i pafytyri duke barazuar xhelatin (veten e tij) me viktimen dhe tani pranon se ka pasur viktima, por pa fajtor!!! Sa i pafytyre munde te jete i pafytyri?
Pasi i zhdepi ne dru viktimat e komunizmit (ish te perndjekurit) qe protestonin ne menyre paqesore dhe demokratike ne favor te te drejtave te tyre, i pafytyri na flet per padrejtesite qe i jane bere atyre! Sa i pafytyre munde te jete i pafytyri?
E ndersa ja premtoi pronen ish pronareve, asnje kacidhe nuk ja ktheu. Sa i pafytyre munde te jete i pafytyri?
E ndersa e deboi nga Atdheu dhe i vodhi votat Leka Zogut tani i uron ditelindjen. Sa i pafytyre mund te jete i pafytyri?
Pasi u perpoq te likujdonte politikisht Azem Hajdarin, i pafytyri na e cileson ate si “Hero te Demokracise”. Sa i pafytyre mund te jete i pafytyri?
E instaloi Janullatosin ne krye te Kishes Autoqefale Shqiptare dhe ketej morri “zvarre” priftin grek ne Gjirokaster. Sa i pafytyre munde te jete i pafytyri?
E ndersa e shpalli person te padeshirueshem Nikon, tani merr urdhra prej tij. Sa i pafytyre munde te jete i pafytyri?
E ndersa do te ndertonte obelisk ne kujtim te Camerise martire ndertoi ne territorin shqiptar mauzelumin e ushtareve grek. Sa i pafytyre munde te jete i pafytyri?
E ndersa na fliste per fjalen e lire, rrihte dhe gjakoste gazetar, digjte redaksi gazetash. Sa i pafytyre munde te jete i pafytyri?
E ndersa instaloi ne Shqiperi kulturen e korrupsionit tani po na e “lufton” ate. Sa i pafytyre munde te jete i pafytyri?
E ndersa vete e vendosi keshilltarin e tij Kryeprokuror dhe tani po na e sulmon. Sa i pafytyre munde te jete i pafytyri?
E ndersa na e futi Nanon ne burg per vjedhje, pastaj e mohoi dhe kerkoj edhe falje. Sa i pafytyre mund te jete i pafytyri?
Pas asaj, na e akuzoi ate, Nanon, per korrupsion dhe te lidhur me krimin dhe me pas i dha amnisti personale. Sa i pafytyre mund te jete i pafytyri?
E ndersa hiqet si dashamires i shqiptareve te Kosoves, pavaresine do qe t’ja japi me pikatore. Sa i pafytyre mund te jete i pafytyri?
E ndersa deklaron se nuk kish djeni per Gerdecin, bisnesin e kontrabandeve te armeve drejt Afganistanit e kontrollonte djali dhe baxhanaku i tij. Sa i pafytyre eshte i pafytyri?
…
…
…
Vertet, sa i pafytyre mund te jete i pafytyri?

Petrit Kola
pojofree@yahoo.com

[PetritKola]

[leci]

Edhe ndonje tjeter duhet te futet ne grev urie per te kerkuar nje te drejte te pamohueshme,qe eshte ajo e kerkimit te trurit.

Jam solidal me grevistet,dhe me familjaret e viktimave.

[Brari]

rd

--

Nga tetë personat që kanë hyrë në grevë, vetëm njëri ka qenë punëtor në fabrikën e demontimit


Mashtrimi me Gërdecin, tërhoqi 37.1 milion lekë dhe u fut në grevë urie


Një prej grevistëve të urisë në Vorë, Albin Nexhaj ka tërhequr nga shteti shumën e 37.1 milionë lekëve për të cilën ka rënë tërësisht dakort dhe ka firmosur në Bashkinë e Vorës dhe më pas është futur në grevën e urisë duke deklaruar se nuk ka përfituar asgjë nga dëmi i pësuar nga shpërthimi në Gërdec.

Nga dokumentat që disponon Bashkia Vorë rezulton se, vetëm një grevist ka qenë punëtor në fabrikën e demontimit në Gërdec. Nga 8 grevistë që janë aktualisht, vetëm 4 janë banorë të Bashkisë Vorë. Kryetari i shoqatës "punëtorët e Gërdecit", Andi Belliu, rezulton se ka qenë në SHBA, deri në muajin janar të këtij viti. Më pas, ai ka ardhur në Shqipëri dhe nuk ka punuar asnjë ditë në fabrikën e demontimit në Gërdec. Madje, ai as nuk e ka ditur se në Gërdec ka pasur fabrikë demontimi, nuk ka qenë me asnjë protestë që banorët kanë zhvilluar, pranë Bashkisë. Kjo është vërtetuar dhe nga punonjësit e tjerë, si dhe nga dokumentacioni përkatës i firmës. "Aludimet që kanë dalë në media nuk janë të vërteta", shprehet një banor pranë vilës të grevistëve. "Të gjithë ata nuk kanë qenë punëtorë në fabrikë, po të kenë qenë kanë dokumente që e vërtetojnë", shprehet një ish-punëtor në fabrikën e Gërdecit. Ai tha se, në fabrikë ku merrnin rrogat ka pasur një bordero dhe rroga jepej me faturë, por ata nuk figurojnë gjëkundi me përjashtim të njërit. Ish-punëtori nuk pranoi të identifikohej, por pranoi se gjatë periudhës që ka punuar asnjërin prej tyre nuk e ka pasur koleg. Grevistët, sipas shefit të kabinetit pranë Bashkisë Vorë, Subi Përzhilla, janë shpërblyer sipas premtimeve të dhëna nga qeveria dhe Bashkia. Të gjithë punëtorët kanë marrë shumën prej 1 milion lekë të vjetra të akorduar nga qeveria. Të gjithë ata që kanë humbur jetën në aksidentin teknologjik kanë marrë shumën prej 20 milion lekësh të vjetra për person. Shpërndarja e tyre është bërë sipas Përzhillës kohë më parë. Ai pohoi se, shumica prej grevistëve nuk janë banorë të Bashkisë Vorë. Një nga pikat që grevistët ia kanë dërguar qeverisë është dhe pagimi i siguracionit siç ishte rënë në ujdi me firmën "Albademil". Punëtorët e fabrikës sipas vendimit numër 348, datë 1.4.2008 thuhet: dhënie e një ndihme të menjëhershme financiare, në masën 50.000 lekë të reja për çdo punëtor, i cili më 15 Mars 2008, datë kur ndodhi aksidenti teknologjik, ka qenë i pranishëm në fabrikën e çmontimit të municioneve në Gërdec. Po kështu, me një vendim dhe një urdhër tjetër, Ministria e Punës, Çështjeve Sociale dhe e Shanceve të Barabarta, i ka akorduar Bashkisë Vorë, në degën e Thesarit në Tiranë fondin në masën 6.950.000 lekë. Ky fond është dhënë në kodin e Bashkisë Vorë nr. 2165001, Art. 604.01. "Transferim tek organet e Pushtetit Vendor". Ky fond të përdoret si ndihmë për të financuar punonjësit që kanë qenë të pranishëm më datë 15.3.2008 në fabrikën e demontimit në Gërdec. Masa e ndihmës për njeri është 50.000 lekë të reja për person. Në bazë të këtyre urdhërave të nxjerra nga institucionet qeveritare, çdo punëtor e ka përfituar shumën që ka rënë dakord me autoritetet dhe kreun e ekzekutivit. Nga 37 persona që kanë firmosur peticionin për të hyrë në grevë urie për plotësimin e kërkesave, pas arsyetimit dhe bindjes së tyre për kërkesat absurde 29 firmëtarë janë tërhequr, dhe në grevë kanë hyrë vetëm 8 persona, që kanë vetëm probleme periferike me shpërthimin teknologjik të Gërdecit.


Bashkia Vorë: Asnjë nga grevistët nuk ka para pa marrë


Nga zyrat e Financës pranë Bashkisë Vorë na u konfirmua se asnjë prej grevistëve nuk ka para pa marrë, nga ato që ka premtuar kryeministri dhe kryebashkiaku i Vorës.

Adriatik Fiqiri Spahiu, grevist dhe anëtar i Shoqatës punëtorët e Gërdecit, ka marrë nga filiali i Financës pranë Bashkisë Vorë shumën që vetë ai ka rënë dakord me grupet e vlerësimit. Fiqiri Gani Spahiu, ka marrë 12 milion lekë për dëme në ndërtime. Kurse në njerëz nuk ka pasuar asnjë dëm, dhe nuk rezulton punëtor në fabrikën e demontimit në Gërdec. Albin Nexhaj grevist, ka marrë në emër të të ëmës shumën prej 37.1 milion lekë. Kjo shumë është tërhequr sipas zyrës së Financave pranë Bashkisë Vorë pak kohë më parë me akordin e arritur midis grupit të rivlerësimit dhe familjarëve të tij. Hajdar Halili, ka marrë në emër të të atit shumën prej 4 milionësh. Dhe kjo shumë është marrë me konsensus nga i dëmtuari dhe grupi i ekspertëve. Burime nga Bashkia Vorë bënë të ditur, se asnjë nga grevistët nuk është trajtuar me indiferencë, përkundrazi të gjithë premtimet i janë dhënë konform afatit kohor të premtuar nga qeveria. Ndërsa, procesi i dëmshpërblimeve i shtëpive ka mbaruar vetëm pak ditë më parë. Grevistët i kanë marrë të gjithë lekët në afatet kohore dhe më herët.


Grevistët nuk rezultojnë në asnjë listë


Grevistët kanë pohuar se nuk kanë kërkuar asnjëherë paratë e dëmshpërblimit për shtëpitë apo për dëmet materiale, pasi ata i kanë marrë. Vetë kryetari i grevës ka pohuar se, mediat e kanë politizuar më shumë seç duhet këtë problem, pasi ai personalisht nuk ka thënë asnjëherë se qeveria nuk ka dëmshpërblyer banorët e Gërdecit. Greva, sipas tij ka ardhur, sepse kërkojnë të marrin një shpërblim ekstra si punëtorë të kësaj fabrike. Kërkesat e tyre kanë qenë vetëm në këtë drejtim dhe jo për mungesë të mbajtjes së premtimeve. Kryetari i grevës nuk pranoi t'i përgjigjej pyetjeve se kush i mbështet në këtë nismë dhe pse kanë hapur llogari bankare të veçantë. Kjo, sipas Bashkisë Vorë, devijimi i fondeve nga Bashkia dhe qeveria që janë organe legjitime, nën administrimin e njerëzve që nuk kanë për qëllim mbrojtjen e interesave të punëtorëve, apo banorëve, por interesa vetiake. Në Shoqatën punëtorët e Gërdecit nuk bën pjesë asnjë i plagosur nga shpërthimi teknologjik në Gërdec. Në këtë shoqatë, që është ngritur pas 15 prillit nuk ka pasur asnjë organizim apo kërkesë për bisedim me autoritetet shtetërore. Nga grevistët aktualë nuk ka asnjë punëtor që është dëmtuar nga shpërthimi. Pretendimi i tyre që të trajtohen si punonjës të Ministrisë së Mbrojtjes është jo real. Bashkia Vorë nuk i ka takuar grevistët për faktin se, kërkesat e tyre nuk i janë bërë të ditura në një kohë të përshtatshme. Sipas tyre, kërkesa për plotësimin e kushteve ka ardhur vetëm dy ditë para se këta banorë jo të juridiksionit të saj të hynin në grevë urie. Sipas shefit të kabinetit të Bashkisë, autoriteti lokal ka marrë kontakte me grevistët që janë nën juridiksionin e Bashkisë Vorë. Ata janë sqaruar dhe i kanë bërë me dije familjarëve të grevistëve, se premtimet janë mbajtur. Kërkesat e reja të grevistëve nuk janë kompetencë e saj. 8 grevistët nuk disponojnë asnjë dokumentacion që të vërtetojë praninë e tyre më 15 mars në fshatin Gërdec. Po ashtu, grevistët nuk figurojnë tek lista e të dëmtuarve fizikisht nga shpërthimi që u dëmshpërblyen nga vendimi i qeverisë. Gjithashtu, grevistët nuk figurojnë as tek lista e spitaleve që u morën me kurimin e të dëmtuarve të Gërdecit.


Opozita mbështetje politike aventurierëve


Ndërkohë, gjatë vizitës së djeshme të një grupi deputetësh socialistë pranë grevistëve, iu është kërkuar indirekt qëndrimi i tyre në grevë. Cinizmi i kryetares së Grupit kuvendor, Valentina Leskaj, në Parlament ku tregoi foton e një njeriu të djegur, dhe pohoi se qeveria nuk e ka ndihmuar. Por, vetë i dëmtuari ka pohuar se, shpenzimet për shërimin e tij në Itali janë paguar nga shteti. Gjithashtu, ai pranoi se ka marrë shumën që ishte rënë dakord me kreun e ekzekutivit. Valentina Leskaj nuk i kërkoi një dokumentacion që të vërtetonte, qoftë dhe 2 grevistë si punëtorë në fabrikën e demontimit. Kryetarja e shqetësuar Leskaj, nuk i kërkoi grevistëve sqarime pse kanë hapur llogari bankare jashtë institucionit. Bërja politike me disa persona që janë në hall dhe nuk dinë se çfarë të kërkojnë, është motoja e G 99, e cila u rekrutua në grupimin e vogël të Edi Ramës. Ndërsa, Veliaj investigo "korrupsionin" e qeverisë siç thotë ai, pse nuk investigoi në Bashkinë e Vorës që e kishte vetëm dy metra larg makinës së tij, për të pyetur pse këta banorë nuk kanë marrë shpërblimet. Dhënia e kredos politike të disa aveturierëve nga segmente të opozitës është një tallje për të dëmtuarit real të kësaj tragjedie. Këta të dëmtuar tashmë janë në fazën e rindërtimit dhe fillimit të jetës së tyre normalisht.


Elis KUÇI





10 qershori, ditë e falenderimit të shqiptarëve ndaj SHBA


Një vit nga vizita e Presidentit Bush në Tiranë


Mujë Buçpapaj


A ka prodhuar 10 qershori 2007 histori? Natyrisht që po. Pavarësia e Kosovës dhe ftesa e Shqipërisë për në NATO zënë fill nga 10 qershori 2007. Kjo datë është një konfirmim i një miqësie që bazohet tek aspirata e lirisë dhe e shpresës për miliona shqiptarë.

Si rrallë herë në historinë e kombit tonë, vizita e një udhëheqësi të madh projektoi një zhvillim pozitiv për ta, siç ka ndodhur nga vizita e Presidentit amerikan G.W. Bush.

Presidenti amerikan inkurajoi shqiptarët për të ecur me vendosmëri në rrugën e lirisë, sipërmarrjes dhe të reformave, për të lënë pas një të kaluar që i kishte bërë ata të dështonin shpesh përgjatë historisë. Ai kërkoi nga politikanët shqiptarë "që të punojnë së bashku tani, për të përmbushur standardet." Siç u shpreh ai, "ata duhet të lënë mënjanë mosmarrëveshjet politike dhe të përqëndrohen në atë që është e dobishme për Shqipërinë. Nëse populli shqiptar dëshiron të anëtarësohet në NATO, atëherë politikanët duhet të punojnë për përmbushjen e standardeve", bëri thirrje miku i madh i kombit tonë.

Mbështetja amerikane për shqiptarët, e deklaruar qartë nga Presidenti Bush në Tiranë, vendosi ekuilibrin e lirisë dhe të fuqisë në Ballkan. Këto ekuilibre do të përforcoheshin akoma më shumë nga deklaratat e Presidentit amerikan bërë në Zagreb, në prill 2008, vetëm pak orë pasi Shqipëria kishte marrë ftesën e anëtarësimit në NATO, se askush nuk mund të kërcënojë më lirinë e shqiptarëve.

Dashuria njerëzore e qytetarëve të Fushë-Krujës, posterat, flamujt amerikanë e shqiptarë, si dhe tërë mikpritja fisnike e shqiptarëve bënë xhiron e botës. "Krenohem që jam Presidenti i parë amerikan në detyrë që viziton Shqipërinë. Jam veçanërisht i lumtur që ndodhem këtu në Shqipëri, në një vend që ka flakur tej vargonjtë e një shoqërie shtypëse dhe tani po i tregon botës çfarë është e mundur", tha Presidenti Bush gjatë një konference shtypi me kryeministrin Berisha.

Shpërblimi i lirisë dhe mirëqenjes pati një kuptim për shqiptarët. Pas një endjeje të gjatë në historinë ballkanike dhe europiane me pushtime dhe kërcënime, më së fundi u ndjemë krenarë, jo vetëm pse patëm në shtëpi burrështetin më të fuqishëm të botës tonë, por edhe se për ta nisi një tjetër rrugë në jetën e tyre. Rruga e lirisë së kërkuar dhe e sigurisë së garantuar nga një aleat besnik siç janë SHBA-të. Presidenti amerikan u shpreh se "e vlerësoj faktin që Shqipëria është vend mik, besnik dhe aleat i fortë. Dhe shpresoj se kjo vizitë sot do të përcjellë këtë mesazh te populli shqiptar: Ju mund të mbështeteni tek Amerika, ashtu sikurse Amerika mund të mbështetet te ju, me qëllim që të bëhet punë e madhe dhe e nevojshme për përhapjen e lirisë dhe, rrjedhimisht, edhe të paqes."

Për rreth 88 vjet me radhë, duke filluar qysh nga koha e Presidentit Willson, Amerika ka qenë mbrojtëse e lirisë së shqiptarëve dhe identitetit të tyre, pavarësisht regjimeve të Tiranës. Presidenti Amerikan, duke e vlerësuar pjesëmarrjen e Shqipërinë me trupa në Afganistan dhe Irak, deklaroi se "shqiptarët e njohin tmerrin e tiranisë. Prandaj edhe po punojnë për t'u sjellë shpresën e lirisë popujve që nuk e kanë shijuar atë. Dhe kjo është përpjekje fisnike, është sakrificë. Dhe unë e vlerësoj sakrificën tuaj".

Tokën e shqiponjave e kishin vizituar përgjatë shekujve shumë perandorë, sulltanë, kryetarë shtetesh dhe qeverish, që nga Çezari deri tek Hrushovi, por asnjëri prej tyre nuk kishte bërë histori në zemrat e tyre, si vizita e G.W Bush. Ata kishin ardhur për të sjellë në vend dhe rajon pushtime të egra, varfëri, epidemi vuajtjesh dhe netë të gjata në diktaturë dhe izolim.

Historia e Amerikës është histori e shërbimit ndaj lirisë dhe mbrojtjes së guximit të lirisë, është histori e mbrojtjes së idealeve më të larta njerëzore, të themeleve të lirisë. Këtë mesazh përcolli në Tiranë G.W Bush më 10 qershor 2007, duke dhënë garancitë më të mëdha për Pavarësinë e Kosovës. Thirrja e Presidentit amerikan "Mjaft më! Kosova është e pavarur! Ky është qëndrimi ynë", ka ndryshuar jetën e miliona shqiptarëve në Kosovë. Ky fjalim u përmbahej parimeve hyjnore të demokracisë dhe lirisë, të shprehura në Deklaratën e Pavarësisë së Shteteve të Bashkuara të Amerikës. Më 17 shkurt 2008, SHBA-të qenë të parët që njohën Pavarësinë e Kosovës, duke koordinuar deri në perfeksion një njohje të shpejtë të vendeve më të fuqishme të botës. Presidenti Bush e mbajti premtimin për lirinë dhe Pavarësinë e Kosovës, bërë më 10 qershor, në Tiranë, e mbajti premtimin për anëtarësimin e vendit në NATO.

Sot mbushen 365 ditë nga vizita e Presidentit amerikan G.W.Bush në Tiranë. Në historinë e shqiptarëve, kjo është një ditë e falenderimit ndaj Shteteve të Bashkuara të Amerikës.




--


kanibale.. mos kerkoni gjak ..