Parlamenti i Mitrovices, Provokacion i rende serb.

[RaPSouL]

Nacionalistet serbe kanë ngritur sot parlamentin serb në qytetin e ndarë të Mitrovicës në shenjë sfide të hapur ndaj shtetit të pavarur të Kosovës. Parlamenti serb do të luftojë kundër krijimit të një tjetër shteti shqiptar në Ballkan ka thënë lideri i nacionalistëve serbë Jaksic. Ndërkohë presidenti kosovar Fatmir Sejdiu e ka cilësuar destabilizues parlamentin serb, por megjithatë i ka bërë një apel shqiptarëve për të ruajtur qetësinë . “Ruani qetësinë dhe mos reagoni ndaj provokimeve”, ka qenë apeli i presidnetit Sejdiu

MITROVICE- Nacionalistet serbe kanë ngritur sot parlamentin serb në qytetin e ndarë të Mitrovicës në shenjë sfide të hapur ndaj shtetit të pavarur të Kosovës. Parlamenti serb do të luftojë kundër krijimit të një tjetër shteti shqiptar në Ballkan ka thënë për agjensinë e lajmeve “Reuters” lideri i nacionalistëve serbë Marko Jaksic. Gjithsesi parlamenti serb në Mitrovicë nuk do të ketë asnjë fuqi legjislative dhe ekzekutive, por reflekton ndarjen e thellë që ka ende në Kosovë mes shumicës shqiptare dhe pakicës serbe që pas shpalljes së pavarësisë në 17 shkurt. Ndërkaq kanë ardhur menjëherë reagimet e para për këtë veprim të serbëve në Mitrovicë, kështu presidenti kosovar Fatmir Sejdiu e ka cilësuar destabilizues parlamentin serb, por megjithatë i ka bërë një apel shqiptarëve për të ruajtur qetësinë. “Ruani qetësinë dhe mos reagoni ndaj provokimeve”, ka qenë apeli i presidnetit Sejdiu. Edhe shefi i ri UMNIK-ut italiani Lamberto Zanier ka reaguar duke u shprehur se parlamenti serb në Kosovë do të ketë vetëm një rol simbolik. Serbët zgjodhën sot për të ngritur paralmentin e tyre pikërisht për të përkujtuar betejën për Kosovën në 28 qershor të 1389 kundër osmanëve. Ndërkaq UMNIK dhe policia kosovare kanë shtuar kontrollet në Mitrovicë për të parandaluar çdo incident të mundshëm.



(a.r-news24/balkanweb)

[Llapi]

I ashtuquajturi “kuvend paralel serb” është ilegal e virtual, thonë zyrtarët, analistët, por edhe disa përfaqësues serbë

Zyrtarë të Qeverisë së Kosovës, analistët, por edhe disa përfaqësues serb të Kosovës e kundërshtojnë formimin e paralajmëruar të të ashtuquajturit “kuvend paralel serb” në veri të Kosovës. Një kuvend i tillë, thonë ata, do t’i mbrojë vetëm interesat e një grupi të vogël njerëzish, do të ndikojë negativisht në stabilitetin në vend, dhe se një veprim i tillë është ilegal dhe i pa inkorporueshëm.
Në prag të formimit të të ashtuquajturit “kuvend serb”, në veri të Mitrovicës, i paralajmëruar për sot pasdite, zyrtarë të Qeverisë së Kosovës kanë reaguar ashpër duke thënë se një kuvend i tillë do të jetë ilegal dhe virtual. Zv/ kryeministri i Qeverisë së Republikës së Kosovës, Ramë Manaj, thotë se “Qeveria dhe institucionet e Kosovës, që me kohë i kanë shpallur si përpjekje jo-legale, të cilat nuk do të prodhojnë efekte juridike”. Sipas tij, veprimet e tilla nuk mund të inkorporohen në sistemin e qeverisjes dhe në atë juridik e politik të vendit, në çfarëdo varianti të synuar.

“Prandaj janë përpjekje virtuale për ndërtimin e një kuvendi virtual, i cili mund t’iu shërbejë atyre për synimet e veta mashtruese ndaj qytetarëve serb. Përndryshe, nuk prodhon efekte juridike në Kosovë, cilësim të cilin e kanë bërë edhe Bashkësia Ndërkombëtare qysh para 11 majit dhe se nuk ka vlerësime të tjera”, ka theksuar Manaj.

Manaj theksoi se do të jenë të paefektshme përpjekjet e serbëve për formimin e një kuvendi të tillë ilegal dhe ekzistimi i çfarëdo strukture eventuale paralele, e cila formalisht edhe mund të duket se do të performohet

“Do të jetë i painkorporuar në sistemin e punës, të funksionimit dhe realizimit në kuptimin juridik dhe politik, sepse është në kundërshti të plotë me sistemin, rendin juridik, si dhe me Kushtetutën”, thotë Manaj.

Ndërkohë, përfaqësuesi i listës serbe për Kosovë, Oliver Ivanoviq, një veprim të tillë e quan të parëndësishëm sepse formohet nga partitë opozitare, ajo radikale serbe dhe Partia Demokratike e Serbisë, për qëllime të një grupi të vogël njerëzish.

“Ata do të tentojnë të gjejnë mënyrën për ndërtimin e një institucioni i cili do të kundërshtojë koalicionin e ri në Beograd. Qeveria pro evropiane në Beograd është po ashtu e ndjeshme përballë çështjes së Kosovës dhe se është e qartë se ata do të tentojnë të veprojnë si forcë opozitare, e cila do të jetë absolutisht e parëndësishme”, ka thënë Ivanoviq.

Ivanoviqi mendon se nuk duhet të merren hapa të tillë, sepse një institucion i tillë nuk do të jetë partner as i Bashkësisë Ndërkombëtare, as i institucioneve kosovare e as për qeverinë e re të koalicionit në Beograd. Ai thekson se një Kuvend i tillë do të formohet vetëm për interesat e një grupi të vogël njerëzish sa për të marrë funksione.

“Jo ! Nuk mendoj se i mbron interesat e serbëve të Kosovës. Por, ai do të jetë edhe një përpjekje për formimin e një organizate të re. Ju duhet ta dini se këta njerëz deri më tani kanë formuar 10 organizata që nga viti ’99, dhe se çdo herë me emërtime të reja, por me njerëz të njëjtë, pra asgjë e rëndësishme nuk ka ndodhur”, thekson Ivanovoq.

Për analistin kosovar, Behlul Beqaj, formimi i të ashtuquajturit parlament paralel serb objektivisht reflekton politikën e Qeverisë së Serbisë për ta faktorizuar veten përmes serbëve të Kosovës. Beqaj thotë se me këto veprime, ata dëshmojnë se serbët e Kosovës janë pjesë e pushtetit të Serbisë dhe po mundohen që ta shtrijnë pushtetin dhe kushtetutën e tyre në Kosovë. Mirëpo, Beqaj nuk mendon se formimi i një parlamenti të tillë do të ketë vetëm efekte simbolike.

Ndryshe, i ashtuquajturi “kuvend paralel serb” pritet të formohet sot në përvjetorin e 619 të Betejës së humbur të Kosovës, të cilën serbët e festojnë si një nga datat më të rëndësishme të historisë së tyre. Megjithë paralajmërimet se një gjë e tillë do të ndodhë, autoritetet vendore dhe ndërkombëtare në Prishtinë janë shprehur kundër një veprimi të tillë duke shtuar se i ashtuquajturi “kuvend serb në veri të Kosovës është ilegal dhe i paligjshëm.
| s.b & RTK staff |
28 qershor 2008 - 13:34:10

[Llapi]

Manaj: Konstituimi i Kuvendit serb nuk do të ketë asnjë efekt juridik

Prishtinë, 28 qershor 2008 (Kosovapress) Koha 12:50
Manaj: Konstituimi i Kuvendit serb nuk do të ketë asnjë efekt juridik

Zyrtarë të Qeverisë së Republikës së Kosovës kanë thënë të shtunën për Kosovapress se paralajmërimet për konstituimin e Kuvendit serb në pjesën veriore të Mitrovicës janë provokim i radhës, ndërsa formimin e kuvendit serb e kanë quajtur ilegal dhe të papranueshëm, që nuk do të ketë asnjë efekt juridik.

[Tigrimelara]

Fshinja temen e mos u merni me kte.

[Coca-Cola]

Fshinja temen e mos u merni me kte.

Do hapet tema e rradhes : Hapet parlamenti paralel ne Tetove

[Tigrimelara]

Do hapet tema e rradhes : Hapet parlamenti paralel ne Tetove

Gostivar, se aty eshte foleja. Si me 93.

[Coca-Cola]

Gostivar, se aty eshte foleja. Si me 93.

A dush krejt Gostivari ne Turqi te shperngulet ?

[Tigrimelara]

A dush krejt Gostivari ne Turqi te shperngulet ?

Si 2001 qe u nisen 50 autobuza, haha

[drenicaku]

eshte koha qe shqiptaret e lugines se presheves dhe bujanovcitti pergjigjen me te njeten metod.
te formojn kuvendin e shqiptarve ne kete rajon pa ta shofin shkiet se ku do te shpie kjo.
Une nuk po muj me i kuptu qeveritaret tan se si sillen ne kete koh kur kosova eshte ber nje ven ku po eksperimentohet.
Ne kosove akoma levizin automjetet me regjistrime te vjetra pra akoma nuk kan kontroll jo ne veri po askund ne kosove.
Ku eshte thaqi qe dikur e akuzonte rugoven per politik paqsore kurse sot eshte ber ma rugov se rugova.
E vetmja gje e mire sot ne kosove eshte se nuk kemi ushtri te uniformuar serbe,te tjeret jan si e ma keq,dhe po te shiqosh se kush na udheheq shprest jan minimale qe kosova te funksionoj si shtet.
Keta politiqaret tan me ju than dikush nga bashksia nderkombtare a ban me jau ban ate pune meniher e miratojn,se a del kopil a jo kjo fare nuk ju intereson.
Shteti i kosoves eshte ne udhekryq shume te rrezikeshem dhe asnjeher ne parlament nuk kemi pas rastin te ndegjojm se perse nuk po zbatohet kushtetuta ne ter kosoven,eshte leht me shkru kushtetuta(per dit mund te shkruajm)por sa zbatohet ajo.

[RaPSouL]

Kreu i PDSM, në Shkup merr pjesë në konstituimin e parlamentit serb në Kosovë

Shkup- Kryetari i Partisë Demokratike të Serbëve në Maqedoni (PDSM), Ivan Stoilkoviç, ka marrë pjesë në seancën konstituive të Kuvendit paralel serb në Kosovë. Partia e tij është pjesë e koalicionit me VMRO-DPMNE-në e mandatarit aktual Nikolla Gruevski. Prania e tij në radhët e koalicionit aktual do të paraqes problemin e parë brenda koalicionit të VMRO-DPMNE-së që numron shumicë absolute prej 62 deputetësh, në rast se Qeveria e re do ta njoh brenda këtyre muajve shtetin fqinj të Kosovës. Kryetari i PDSM-së), Ivan Stoilkoviç dy muaj më parë, i propozoi Parlamentit të Maqedonisë një rezolutë kundër njohjes së pavarësisë së Kosovës.


(s.g/ina/Balkanweb)