Personalitet Shpifarak, Klepto-Traumatik

[juanito02]

Ceshte kjo parti o i nderuar ?
Shpresa Demokrate?

[PetritKola]

Eshte kjo qe se bashku me Ameriken ndreqin Shqiperine.

http://shpresademokrate.blogspot.com/

[Shpat Berisha]

Pa pasur pretendime se dikush nga jasht Shqipëria mund të gjykojë me saktësi për rrjedhat aktuale politike në këtë vend,dua të jap një përshtypje të cilen e kanë shumë shqiptarë jashta Shqipërisë,për rrolin dhe kontributin e politikanit dhe aktualisht -kryeministrit shqiptar z.Sali Berisha në proceset tejet delikate të tranzicionit post-komunist shqiptar .
E para,Sali Berisha dhe PD-ja janë më meritoret që erdhi deri te shembja e establishmentit të urryer komunist,i cili asnjëherë nuk kishte prioritet politik dhe strategjik kombëtarë-interesin shtetror dhe kombëtar të Shqipërisë dhe shqiptarëve në përgjithësi,por kishte interes luften e klasave,natyrisht si maskë dhe arsyetim për likuidimin gjithë asaj që la pas veti rilindja kombëtare dhe shteti parakomunist,me pretendimin apsurd të kastes komuniste se bota fillon me ta dhe për ta.
E dyta,Sali Berisha dhe PD-ja,natyrisht me përkrahjen e të gjithë qytetarëve demokratë,pa marrë parasysh përkatësinë partiake,krijuan parakushte për një zhvillim të Shqipërisë,kuptohet si shoqëri e hapur,me ekonomi të lirë,me pluralizëm,liri të njeriut etj.,pa pësuar fatin e Rumanisë e të shumë shteteve të ish Jugosllavisë.
E treta,Shqipëria e sotshme,përkundër të gjitha të metave që nuk janë të pakta (sepse janë pasojë engecjes ekonomike)është shembull i një demokracie funkcionale.Ndoshta,do ti duket dikujt paradoksale,por e them me bindje të plotë se në gjithë rajonin tonë,nuk ka një zhvillim të këtillë të lirisë së shprehjes,artikulimit të lirë të interesave të ndryshme,rritjeje ekonomike dhe çka është më e rëndësishme,asnjë problem shoqëror,politik,arsimor,historik,kushtetues etj.,në Shqipëri nuk mund të kalojë, pa iu nënshtruar një gjykimi të rrept të opinionit publik, i cili e them sinçerisht neve në Kosovë na befason ,por edhe na inkurajon.
E katërta,Standardet e krijuara demokratike,funkcionaale që sot aplikon pozita dhe opozita shqiptare,janë garanca më e mirë se shoqëria shqiptare është në rrugë të mbarë drejt konsolidimit të fuqishëm që do të pasojë pas pavarësimit të Kosovës,pranimit në NATO dhe hapjes së perspektives së anëtarësimit në UE dhe organiznat tjera të fuqishme financiare.
Dhe në fund,Shqipërisë dhe shqiptarëve iu konvenon vetem paqja,rendi,liria e lëvizjes dhe stabiliteti i mbarë Rajonit.Krejt Çka kemi krijuar këto vite të demokracisë,janë tregues për një perspektivë të mbarë kombit.

[PetritKola]

I nderuar Shpat,

Berisha me gojen e tij kujt i takojne meritat.

[Antimafia]

Eshte kjo qe se bashku me Ameriken ndreqin Shqiperine.

http://shpresademokrate.blogspot.com/

Partia Shpresa Demokrate qenka rregjistruar ne gjykate ne 2002

Nga nje kontroll, tek KQZ, i listes se partive pjesmarrese ne zgjedhjet e viteve 2005 dhe 2007 nuk me rrezulton, qe kjo parti te kete marre pjese ne zgjedhje.

(Listat e partive pjesmarrese ne zgjedhjet e viteve 2005 dhe 2007:
http://www.cec.org.al/2004/Zgjedheje...partit2005.pdf
http://www.cec.org.al/2004/zgjedhven...tite/shqip.xls)



Nejse.


Pash në ënderr sot paradite (nuk mund ta them me saktesi nese isha apo jo ne gjume, sepse kisha bëre një “BAR” te hatashëm) Skender Beun me Don Kishotin, qe po dridhnin nga nje cigare dhe po bënin muhabet per politik.

Don Kishoti bertiste: -Ne 2009 zgjedhjet e pergjithshme do i fitoj “Partia e Blertë” e Brigit Kokëdhimes.

Kurse Skender Beu i ulerinte duke i bere padshje Don-it te gjore „dush me sterlaka peshtyme“:
- Sikterr kaurr i m.utit, zgjedhjet do i fitoj “Partia e Reformave Demokratike” e Skender Halilit, sepse eshte adashi im.

Ne momentin qe u afrua Skender Gjinushi, per ti kerkuar llogari Skender Beut, se pse nuk e mbeshteste ate (pasi edhe ky ishte adash i tij), mu keput filmi



Ika ti fus edhe nje cigare tjeter tani

Tung BURRA

[Duaje Siveten]

Sot, 21 Korrik 2008

Zhurmëmëdhenjtë sërish zhurmojnë

Nga Bajram AGALLIU -

Fushata elektorale e vitit 2OO5 nga ana e PD qe mjaft e zhurmshme dhe tepër e ngarkuar me premtime."Koha për ndryshim "kishte ardhur dhe çdo gjë në Shqipëri do të ndryshonte nga ajo që nuk mund të bënin socialistët në tetë vjet. Pavarësisht se socialistët e ngritën në këmbë shtetin e shkërmoqur nga "lufta shqiptaro-shqiptare" e vitit 1997.

Jemi dëshmitarë të atij viti të mbrapshtë, kur shteti as që funksiononte më dhe ai ish Presidenti i Republikës së Shqipërisë me emrin Sali Berisha, u tulat dhe si një i penduar që nuk qe në gjendje të mbante shtetin në këmbë, dhe zgjodhi rrugën e dorëheqjes dhe të heshtjes. Por heshtja e tij nuk qe e gjatë. Me humbjen e 29 qershorit të atij viti (sepse nuk kishte tjetër rruge), nisi të belbëzonte se fajin e këtyre trazirave te papara, na i paskëshin të kuqtë. Ata ishin ideatorët dhe organizatoret. Kësaj i thonë:" I kuqi shan të kuqtë ".

Ndërsa zoti Berisha ishte fajtori pa faj dhe si i tillë nuk i hyri asnjë gjemb në këmbë, qoftë dhe sado i vockël që të ishte!!! Nga ajo katrahurë e paparë ndonjëherë, ai doli "pa u lagur" dhe pa asnjë farë përgjegjësie, mundi t'u rezistojë edhe tundimeve brenda PD. Dhe mbeti përsëri në krye të saj. Bëri riorganizim të PD nga e para dhe përsëri nisi të ulërasë se ata që morën pushtetin, janë burimi i të gjitha të këqijave. Miratimi i Kushtetutës së re me 1998 nga sovrani, u quajt nga Sali Berisha një leckë Kushtetute dhe nxori popullin ne shesh duke futur në lojë dhe mbretin e ashtuquajtur Leka, të veshur ushtarak dhe me kobure në brez.

Atë leckë Kushtetute Sali Berisha nuk e njohu, sepse ajo nuk i vinte për shtat. Ajo kishte ndryshime nga ajo e vitit 1994 që Sali Berishën e bënte të plotfuqishëm, pasi ky njeri "vdes" për të qenë i përjetshëm i veshur me pushtet. Kjo është për të një "sëmundje" që nuk ka mjek që ta diagnostikojë... 14 shtatori qe një tjetër dëshmi që Sali Berisha do të merrte pushtetin e Fatos Nanos qoftë edhe me dhunë (megjithëse ai zhurmonte gjithmonë për rrugën demokratike të marrjes së pushtetit). E bëri dhe një katrahurë tjetër, e cila akoma mbetet e pambyllur edhe sot.

Gjatë periudhës tetëvjeçare që ishte në opozitë kryetari i përjetshëm i PD, sa baltë hodhi mbi Shqipërinë në foltoren e Evropës, edhe me tej: Vetëm verë villte për pozitën dhe Shqipërinë, e fuste në listën e zeze të mafies, të korrupsionit, të prapambetjes dhe në vende e një mijë e një të zezave. Ky njeri e nxiu imazhin e Shqipërisë në botë. Çajupi, po të ishte gjallë do ta kishte zili dhe do të ribotonte edhe një herë pamfletin "klubi i Selanikut" me versionin e ri të kohëve tona: "Po s'fole një fjalë për Shqipërinë, o Kryetari ynë ! Po të plastë koka, o Kryetari ynë!..."

Dhe ja, nga goditja që mori në 1997 Sali Berisha dukej se u plak. Po shpejt e mori veten. Shpejt e mori veten dhe nisi të belbëzonte nëpër dhëmbë:"Të bëhem dhe një herë nuse, po di unë se si të nusëroj "Me pak makijazh dhe një luk të ri, u be nuse dhe çfarë nuse. Me 3 korrik 2005, ai nisi të nusërojë, por edhe të zhurmojë. Të gjithë e dinim se plaka sado që të bëjë tualet,ajo kurrë nuk bëhet nuse. Por Sali Berisha, ja që bën edhe mrekullira. Por tashmë, të gjithë e njohin se ky është një nuse plot huqe: Di të shajë, të fyejë, të bërtasë, të luajë bukur rolin e hipokritit, të demagogut, të mashtruesit dhe nuk do që të ketë asnjë mbi vete.

Me të ardhur në pushtet duhej të justifikonte mungesën e dritave në të gjithë vendin, në vjeshtën e atij viti. Atëherë nisi të bëjë një zhurmë aq të madhe sa që çdo ditë bërtiste se fajin e kishin ata (socialistët) që kishin zbrazur dhe liqenet e Drinit, kishin zbrazur dhe arkën e KESH-it. Kështu kaluan 6 muajt e dimrit dhe të qeverisjes së Sali Berishës, me zhurmën e dritave dhe ne mbetëm atje ku ishim, pa drita. Në vitin 2006 nisi një fushatë zhurmimesh të reja, atë të shkarkimit të Prokurorit të Përgjithshëm Theodhori Sollaku. Ai na i paskësh të gjitha fajet. Me komisione hetimore dhe me shpifje ndaj tij, që s’qenë të pakta, u propozua shkarkimi i tij, por Presidenti Moisiu nuk e pa të arsyeshme shkarkimin e tij dhe nuk e dekretoi atë. Atëherë nisi zhurmimin kundër presidentit Moisiu si i lidhur me krimin dhe lloj lloj etiketash qe iu ngjitën këtij të fundit.

Përse bëhej gjithë kjo zhurmë?

Gjithë politika duhej që të tërhiqte vëmendjen nga problemet kryesore, si dhe nga puna që po bënte Qeveria në mbajtjen e premtimeve të bëra para elektoratit, por edhe për arsye që ishte uzurpimi i Prokurorisë. Të gjithë pushtetet, duhet të jenë në një dorë të vetme, të komanduar nga një njeri, me emrin Sali Berisha. Pa ardhur koha e mbarimit të mbarimit të mandatit të Presidentit Moisiu (5 muaj përpara), nisi zhurma për zgjedhjen e Presidentit të ri (me konsensus, pa konsensus, me dhe pa tryezë partish, me pazare e marrëveshje të fshehta me Fatos Nanon.) një herë dilte në krah të Bamirit një herë kundër sa që vendi u fut në krizë. Dhe ai që futi vendin në krizë ishte prapë Sali Berisha. Rrezikohej të kalohej edhe në zgjedhje të parakohshme. Po kjo askujt nuk i interesonte. As dhe vetë Sali Berishës. Kjo kishte edhe kosto të madhe financiare, po ashtu dhe politike. Të gjithë i shmangeshin kësaj te fundit. Dhe ju dha zgjidhja: Fatos Nano, pa dëshirën e Berishës mbeti kartë e djegur dhe Presidenti i ri mbeti Bamir Topi. Dhe mire u bë.

Por Sali Berisha shpresonte se ky njeri do të mbetej si më parë N/kryetar i PD dhe do të ishte gur shahu në duart e tij dhe të znj. Topalli. Kjo e fundit e shfaq këtë me fytyrën e saj të një inatçoreje të vërtetë ndaj Presidentit të Republikës sa që bie në sy të publikut mëria dhe inati i saj ndaj "të pabindurit" Bamir Topi. E kaloi dhe gjashtë muaj të tjera me këto zhurma, zhurmuesi Berisha: pa drita, pa ujë, vendi i zhytur në papunësi dhe në varfëri të plotë.

Nga një politikan i vjetër i mbetur tashmë mbrapa kuintave të politikës shqiptare, ish diplomat dhe përfaqësues i Përhershëm i Shqipërisë në OKB, kam huazuar një shprehje me vlerë."Sali Berisha hedh një grusht me morra dhe pastaj fillojnë të kruhen të gjithë". Dhe, me të vërtetë "Morrat"e Berishës e bëjnë efektin: Të gjithë kruhen, kur s'u kruhet, të gjithë bërtasin kur s'duhet të bërtasin zhurmojnë kur s'duhet të zhurmojnë dhe harrojnë e lënë në dorë të dytë ato më thelbësoret: Si po qeveris qeveria e premtimeve të pa mbajtura, ç'po bëhet me ato miliona dollarë abuzime dhe shpërdorime që po konstaton herë pas here KLSH? Përse korrupsioni në administratën shtetërore ka arritur kulmin e lulëzimit, gjendja skandaloze në QSUT Tiranë, etj,etj. probleme nga më të ndryshmet.

Mjafton të përmendim këshilltarin "special" amerikan i z. Berisha, TOM Ridge, i cili për këtë detyrë sipas kontratës me të paguhet me një shumë marramendëse prej 500 000 dollarë amerikanë, vetëm për mandatin 4 vjeçar të Sali Berishës. Nuk i mjaftojnë z. Berisha 14 këshilltarët e tij që secili prej tyre paguhet me një rrogë mujore prej një milion e dyqind mijë lekë?! Kjo është qeveri e Sali Berishës në dietë Pranimi i Shqipërisë si kandidatë për të hyrë në NATO, është një zhurmë më e madhe se ato të parat, pasi vjen menjëherë pas gjëmimit të Gërdecit që bëri gjëmë aq të madhe: Por Kryeministri ynë i nderuar e harroi atë gjëmë. Sipas tij hyrja në NATO është ngjarja më e madhe historike, por ne shqiptarët jemi mësuar me këto ngjarje të mëdha historike. Edhe në vitin 1948 (mos gabohem) një ngjarje e madhe historike ishte pjesëmarrja e Shqipërisë në Traktatin e Varshavës, kur ne shqiptarët, së bashku edhe me Sali Berishën në "gojë të ujkut hidhnim valle". Por në vitin 1969 e braktisëm atë sepse "ata të mëdhenjtë e bllokut komunist" kishin qëllime të këqija ndaj Shqipërisë Socialiste dhe përsëri në "në gojë të ujkut hodhëm valle". Por këtë radhe, në NATO na pranoi si kandidatë në gjirin e saj, paçka se Gërdeci tronditi jo vetëm Shqipërinë.

Dhe Sali Berisha zhurmon dhe trumbeton se kjo ishte merita e Qeverisë së tij, meritë e reformave që kjo qeveri kishte ndërmarrë se po ta kishin pushtetin socialistët, Shqipëria nuk do të ishte futur në NATO. Gjeopolitika, sipas zotot Berisha, nuk është favorizuese në hyrjen e Shqipërisë në NATO. Kjo bëri që opozita zbuti tempin e të berit opozitë, duke i lënë terren Sali Berishës të marrë një revan të ri me turin e tij nëpër Shqipëri duke pas tre vjetësh "gju më gju me popullin". Mjafton të pres shiritin e pak kilometrave rrugë, apo përurimin e ndonjë ujësjellësi si ai i Golemit të Kavajës apo Unazës së Orikumit, dhe Sali Berisha gjen kurajën të shprehet se "Shqipëria ka ndryshuar "Shqipëria nuk është Golemi, Mbikalimi i Kamzës a Orikumi në Vlorë, a ndonjë vend tjetër, por është shumë e madhe dhe ka shumë halle: Bujqësia është në pikë të hallit, asgjë nuk ka ndryshuar, varfëria dhe papunësia kanë arritur kulmin.

Sali Berisha ngopet me lugën bosh "Qeveria ime" (kështu i pëlqen të shprehet gjithmonë kryeministri ynë), ka bërë këtë apo atë. Ka harruar të thotë se ç'ka bërë qeveria e tij për "strategjinë e kafshatës", kur ka qindra apo dhe mijëra familje shqiptare që e marrin bukën me listë, nuk ja nxë goja të flasë për papunësinë që lista e tyre që kanë qenë dhe po shkurtohen nga puna sa vjen dhe po shtohen. Krenaria e tij është rruga Durrës Kukës sa qe e impresionuar edhe zonja Topalli, kur e vizitoi atë. Kush nuk e di: Po të derdhen miliona e miliona euro, bëhet jo vetëm kjo rrugë, por e gjithë Shqipëria bëhet me tunele më të mëdhenj e me rrugë me katër korsi! Nuk thotë kotë populli:"Paraja e ngre ujin përpjetë". Po kjo rrugë siç e quajnë rrugë "patriotike" është dhe rrugë e vjedhjeve dhe e harxhimeve të mëdha.

Tashmë Z. Berisha sa ka hedhur një grusht me "morra" të rinj, atë për ligjin për hapjen e dosjeve të spiunëve gjatë kohës së komunizmit. Nuk është hera e parë që është bërë zhurma e këtij lloji. Qysh në vitet e para të demokracisë është folur e stërfolur për pastërtinë e figurave politike. Mos të harrojmë komisionin e drejtuar nga i ndjeri Bezhani: Sa zhurmë dhe sa u reklamua puna e bërë prej tij. Dezinjatorja" "Calamania", "Financieri", Kartela", "Tigri " e qindra e qindra të tjerë vazhdojnë të mbeten në vende kyçe në politikë dhe në qeverisje. E çuditshme! Por më e çuditshme është se përse hapet kjo çështje në këtë moment. Këtu është fjala për hapjen e dosjes së spiunëve cironka "apo për ato të peshqve të mëdhenj"? Kjo të lë të kuptosh se kjo zhurmë vetëm një demagogji e radhës. Impresionizmi emocionant i zj. Jozefia Topalli para kamerave televizive se nuk do të lejojmë më që spiunët të mbeten në politikë" të lë të mendosh se vërtetë kjo është një demagogji e radhës. Ky është një shantazh për të dy krahët e politikës, për t'i mbajtur ata spiunët e dikurshëm të rrinë "sus" se ndryshe do t'ja u nxjerrë të palarat, ndërsa ata "shpifësit" të qëndrojnë larg "Dezinjatores" dhe "Çalamanes" se ndryshe...

Me këtë ligj që do të shqyrtohet në ditët e ardhshme në Parlament, zhurmat sërish do të vazhdojnë. Por a do të dalin të gjithë spiunët? Ka se çfarë të merret Parlamenti për ca kohë. Berisha po përgatitet për zhurma të tjera. "Morrat " i ka gati për t'i hedhur!!!

[Brari]

petrit.. aty me rri kol..

cfar mendon o petrit per ate grup politik mediatik qe shpiku e perhapi shpifjen se bushit ju vodh ora ne fushkruj?

ste kam pare ta kesh denuar kte akt.. ne ndonje shkrim tendin ketu e gjithandej..

kurse aty lart thua se je i partis qe solli bushin ne fush te krujes..
pak cudi..

apo jo duj..

[Duaje Siveten]

Biseda e plote ne parlament

Taulant Balla
Të nderuar kolegë deputetë, një ndër arsyet më të rëndësishme që kryeministri është larguar më herët se të gjithë deputetët nga seanca sot, është që për shkak se ka dalë emri i vajzës së Sabri Godos për ministre të Shëndetësisë, kryeministrit i ka plas sherri në shtëpi se dhe vajza e tij do me u bërë dhe ajo ministre pse jo dhe kryeministre. Të nderuar kolegë deputetë, përballë një kryeministri dhe qeverie mashtruese, është e kotë që në analizën e këtij buxheti të hyjmë në detaje dhe shifrat e tij.

(ndërhyn Sali Berisha)
Jot mëmë dhe jot shoqe çfarë do të bëhet, jot motër ç’do të bëhet?

Taulant Balla
Po s’e di..

Sali Berisha
Ç’do bëhet, fundërrinë jot motër?

Taulant Balla
Ej, mbush ti mor..!

Sali Berisha
Fundërrinë do të bëhet jot motër? Prostitutë motelesh do të bëhet?

Taulant Balla
Po si nuk të vjen turp mor, ej po ç’je ti mor..

(Berisha i bën me shenjë Topallit)
(ndërhyn) Jozefina Topalli
Ulu zoti Balla, ulu, ulu! Në fakt, ky e meriton me e kap për zhelesh e jashtë!

Sali Berisha
Dëgjo o qelbësirë muti më kupto apo jo. Jot motër të shkër... hoteleve apo moteleve? S’të vjen turp..

Taulant Balla
O zotëri të vijë turp për këto që thua. Ja ky është morali i kryeministrit tonë. Po pusho, mor pusho! Ç’është ky mo, ky është i çmendur mo.

Sali Berisha
Qepe o shkër…

(Deputetët çohen në këmbë. Edi Paloka i afrohet foltores dhe shtyn me dhunë Taulant Ballën. Ndërhyn Andis Harasani duke e tërhequr pas Palokën)

Jozefina Topalli
Kapeni e nxirreni jashtë atë zotërinë, kapeni e nxirreni jashtë. Vagabond, ik andej ik. Dil jashtë edhe nuk hyn më!

Sali Berisha (çohet në këmbë dhe u drejtohet deputetëve të PS)
Nuk u bë ky me përmend nji e dy vajzën time, ky vëllai i prostitutës

(Deputetët e PS)
Ça thu mo, a je në terezi!

Jozefina Topalli (u drejtohet deputetëve të PS)
Ju duhet t’i tërhiqni vëmendjen atij!

Sali Berisha (i drejtohet Taulant Ballës duke e kërcënuar)
Ta dish mirë se do të vras! Ti nuk shkel më i gjallë në këtë Parlament. Unë do të të vras!

Taulant Balla
Hajde more. Ik o i çmendur!

Jozefina Topalli
Ndërpritet seanca, ai zotëria del jashtë

(Të gjitha mediave vizive u ndërpritet sinjali. Vetëm televizioni publik TVSH vazhdon transmetimin)

Jozefina Topalli (çohet në këmbë dhe i afrohet podiumit ku ulet qeveria dhe urdhëron oficerët e Gardës ta nxjerrin Ballën me dhunë jashtë)
Nxirreni jashtë atë vagabond, urgjent tani. Mos më shikoni ashtu se do ju shkarkoj
(Garda nuk ndërhyn)

Sali Berisha
Do ta mbyll gojën o shkër…

(Rahim Kaleci ushtron dhunë ndaj Taulant Ballës, duke tentuar ta godasë me grusht por frenohet nga deputetët e PS-së. Ministri i Transporteve, Sokol Olldashi çohet i irrituar në këmbë dhe tenton gjithashtu të godasë me grusht Taulant Ballën. Ai gjithashtu frenohet nga deputetët e PS-së. Në këtë moment deputetët e PS-së bashkë me Ballën largohen të gjithë nga salla).

(d.b/GazetaShqiptare/Balkanweb)