Prishtina zyrtare: Jo planit me 6 pika te Ban Ki Moon te OKB

[Sabriu]

Mesic: Serbia po kërkon luftë të re

Serbia eshte ne kerkim te nje lufte te re ne Ballkan; keshtu ka deklaruar per Top Channel, Stipe Mesic, presidenti i Kroacise duke e lidhur kete me perpjekjet serbe per ndarjen e kosoves.
E martë, 25 Nëntor 2008

Rajoni dhe vete Serbia eshte e ndertuar nga minoritete thote Mesic.

"Ndarja e Kosovës, sipas oreksit serb, është një ëndërr e Beogradit, që na kujton epokën e diktatorit Millosheviç.
Dhe nëse vërtet do të ndodhte ashtu siç pretendon Beogradi, kjo do të thotë kthim prapa. Do të thotë realizim i ëndrrës për krijimin e Serbisë së Madhe", u shpreh Mesic.

Kreu kroat theksoi se kërkesa sjell edhe krizën, meqë Ballkani dhe vetë Serbia janë ndërtuar nga minoritete.

"Nuk duhen harruar shqiptarët e Preshevës, Bujanocit dhe Medvegjës, pastaj minoritetet në Serbi dhe Vojvodinë, ata
në Maqedoni", theksoi Mesic, sipas të cilit, me këto lojëra politike janë të rrezikshme në Ballkanin e sapodalë nga lufta.

Mesic tërheq vëmendjen se propozimet e Serbisë, mund të provokojnë konflikte të reja e të përgjakshme në Ballkan.

[jessi89]

Mos i pranoni keto pika o Kosovare, edhe sikur tju keshillojne miqte tane perendimore.
Perse?
Pergjigjen e jep artisti durresak ne kete video:

http://www.youtube.com/watch?v=Ijkkz...eature=related

Ja perse.

Madheshtore,bravo i qofte Mirush Kabashit per kete interpretim qe i del nga zemra.
Sma mer mendja qe ndonje gjak shqiptari ta pranoj kete plan 6 pikesh.

[saura]

Hiç mos ta prononi ,mjaft toka kane ngel nen serbi jugure .kam frike se Mitrovicen dun me e bo si Mostarin te ndare po ndiqet i njejti plan.

[Dorontina]

Hiç mos ta prononi ,mjaft toka kane ngel nen serbi jugure .kam frike se Mitrovicen dun me e bo si Mostarin te ndare po ndiqet i njejti plan.

keshtu kan ba kur iku Turku , tash bejn te njeten se kan ne dokumenta planin si te lozet me shqiptar.......
se pari katastrofa ishte sefaja e madhe, pare sat dush femna sat dush ....
e koha iku pa ba asgje.........
tash amerikanet po ikun nji nga nji po vin tjeret.............

vetem nese e percillni pak historin si ndodhi kur e ndoqen turkun e njeta po behet edhe sot, kuptohet me tjera arme por politika e njet....

[Cimo]

Keto pika jane dhene Kosoves me planin B gati pas kesaj , nese nuk i pranon Kosova qe pastaj te pranoje ndarjen e Mitrovices.

[bledikorcari]

uroj qe politikanet kosovare mos ndryshojne mendje ne te ardhmen persa i perket qendrimit ndaj 6 pikeshit.

[*Anxhi*]

Me poshte jane 6 pikat e famshme te propozuara prej OKB-se ne lidhje me vendosjen e EULEX ne Kosove.
Une do te thosha ato jane nje thike mbas shpine per ne.

1. EULEX bazohet në rezolutën 1244, e cila Kosovën e konsideron si provincë të Jugosllavisë, e meqë Serbia pretendon se është trashëgimtare e vetme e asaj Jugosllavie, kjo lë të kuptohet se Kosova është provincë e Serbisë.
2. EULEX është neutral ndaj statusit të Kosovës që dmth se nuk do të përfillet fare deklarata e pavarësisë dhe se Kosova do të trajtohet si njëfarë territori me status të pazgjidhur.
3. EULEX nuk do ta implementojë Planin e Ahtisarit. Ky është absurdi më i madh meqë vetë EULEX-i si mision del nga Plani i Ahtisarit! Të mos e implementosh Planin e Ahtisarit do të thotë edhe të mos e përfillësh Kushtetutën e Kosovës e cila bazohet në këtë plan.
4. Në pikat doganore në veri të Kosovës do të vendosen doganierë ndërkombëtarë. Për prodhimet e Serbisë nuk do të paguhet doganë. Fitimi nga doganat do t'u shkonte institucioneve paralele të udhëhequra nga serbët.
5. Do të formohet policia lokale e përbërë vetëm nga Serbët, të cilët nuk do të jenë nën komandën e Policisë së Kosovës.
6. Gjyqësia, administrata dhe institucionet tjera do të jenë të mbikqyrura vetëm nga EULEX-i e jo nga institucionet kosovare, dhe do t'i zbatojnë ligjet e Serbisë.

Per mendimin tim ky eshte mohim i pavaresise.

Drejte e ke ti por 'palacot' (politikanet kosovare) qe duan te japin shfaqje duke luajtur me ndienjat e nje populli te tere si i behet?

“1-Jemi për vendosjen sa më të shpejtë të EULEX-it në Kosovës sipas mandatit të paraparë me deklaratën e pavarësisë, dokumentin e presidentit Ahtisari, Kushtetutën e Republikës së Kosovës , ligjet e Kosovës, aksionin e përbashkët të katër shkurtit 2008 dhe ftesën e bërë EULEX-it nga institucionet e Kosovës .
2- Institucionet e Kosovës e refuzojnë në tërësi dokumentin gjashtë pikësh. (dmth e pranojne EULEX-in por e refuzojne planin 6-pikesh, hehe)
3- Institucionet e Kosovës do të bashkëpunojnë ngushtë me EULEX-in në tërë territorin e Kosovës në bazë të mandatit sipas dokumentet të lartpërmendura, duke respektuar sovranitetin dhe integritetin e Kosovës. (po po)
4- Institucionet e Kosovës do të bashkëpunojnë si gjithmonë me SHBA-të, BE-në dhe NATO-në “

Si mund t'ia vesh emrin kesaj?!

[sabah08]

Tani do te duket se kush eshte shqiptar ne kosove.Kush e pranon planin e ban ki ***** ka hedhur poshte sakrificat e kombit shqiptar per liri dhe pavaresi.Mjaft i kemi degjuar nderkombetaret,per fatin tone duhet te vendosim vete.Ti bashkohemi VETVENDOSJES,eshte e vetmja alternative e politikes shqiptare ne kosove qe e shpeton kosoven nga coptimi prej serbeve.Kombi shqiptar si nje trup i vetem duhet ti dale ne mbrojtje kosoves me te gjitha mjetet.O sot o kurre!

[Sabriu]

Berisha kritikon planin 6-pikësh për shtrirjen e misionit Eulex

Armand Mero
Tiranë
25-11-2008


Kryeministri Sali Berisha u shpreh sot kritik ndaj planit të ofruar nga Sekretari i Përgjithshëm i Kombeve të Bashkuara për shtrirjen e misionit Eulex në Kosovë.

Komentet e tij zoti Berisha i bëri gjatë një konference shtypi me homologun e tij malazez Milo Gjukanoviç. Sipas kryeministrit shqiptar projektet duhet të konsultohen më gjerë edhe me faktorët lokalë.

Ai shtoi se shpresonte që Këshilli i Sigurimit të marrë parasysh jo vetëm planin me 6 pika por edhe propozimet e udhëheqjes së Kosovës.

Nga ana e tij kryeministri malazez Milo Gjukanovic deklaroi se sipas tij "ndarja e Kosoves bazuar mbi kufijtë etnikë eshte nje plan i varrosur. Në Ballkan tha ai "nuk duhen lejuar skenare te cilet do te aktivizonin reaksionet zinxhire që do te rindiznin situatën e fillimit të viteve '90".

[Llapi]

Kryeministri Thaçi: Çfarëdo raporti që mund të përpilohet nga KS i OKB-së, pa miratimin zyrtar të Republikës së Kosovës, do të jetë plotësisht i papranueshëm dhe i pa zbatueshëm në territorin e shtetit tonë







Prishtinë, 25 nëntor 2008

Lidhur me planin 6 pikësh të propozuar nga Sekretari i Përgjithshëm i OKB-së, i cili pritet të përfshihet në raportin që Sekretari i Përgjithshëm i OKB-së do t’ia paraqes Këshillit të Sigurimit të Kombeve të Bashkuara, më lejoni të ritheksoj edhe një herë se:


1.
Statusi i Kosovës është i zgjidhur dhe kjo çështje është e mbyllur. Kosova që nga 17 shkurti 2008 është shtet i pavarur dhe sovran dhe i tillë do të jetë përgjithmonë.

2.
EULEX do të vendoset në Kosovë ashtu siç e parashikon Kushtetuta e Kosovës dhe Plani i Ahtisarit. UNMIK-u nuk do të ketë asnjë rol ekzekutiv, por vetëm lehtësues për vendosjen e EULEX-it. Çdo tendencë tjetër, konsiderohet si shkelje e Kushtetutës së Republikës së Kosovës dhe si dhunim i sovranitetit tonë shtetëror. Rezoluta 1244 e OKB-së është plotësisht jo relevante dhe e pakuptimtë në shtetin tonë sovran. Si e tillë institucionet e Kosovës nuk kanë asnjë obligim juridik që të njëjtën ta marrin në konsideratë.

3.
Të gjitha fushat për të cilat flet plani gjashtë pikësh i OKB-së, siç janë drejtësia, policia, kufijtë,doganat, trashëgimia serbe, transporti dhe infrastruktura janë të rregulluara me ligjet tona përkatëse, të cilat janë miratuar nga Parlamenti i Kosovës dhe të cilat janë në përputhje të plotë me Kushtetutën e Kosovës. Çdo plan tjetër, çdo dokument tjetër e aq më tepër ndonjë raport qoftë ai edhe nga OKB-ja është i paligjshëm dhe i pazbatueshëm.

4.
Kosova ka paraqitur 4 pikat e saj që në fakt vetëm paraqet qëndrimin tonë zyrtar në raport me 6 pikat e propozuara. Kosova e ka Kushtetutën dhe ligjet e saj moderne, të cilat i rregullojnë të gjitha çështjet e ngritura në planin 6 pikësh të Sekretarit të Përgjithshëm të OKB-së.

5.
Prandaj, është Kushtetuta e Kosovës dhe ligjet e miratuara nga Parlamenti i Kosovës, që unë si Kryeministër i Kosovës do t’iu përmbahem dhe do t’i zbatoj në praktikë dhe asgjë tjetër. Ky është plani ynë, ky është vizioni ynë.

6.
Çfarëdo plani apo raporti që mund të përpilohet nga Këshilli i Sigurimit i Kombeve të Bashkuara, pa miratimin zyrtar të Republikës së Kosovës, do të jetë plotësisht i papranueshëm dhe i pa zbatueshëm në territorin e shtetit tonë.