Prishtina zyrtare: Jo planit me 6 pika te Ban Ki Moon te OKB

[Edvin83]

http://www.emportal.co.yu/en/news/serbia/69439.html

http://www.newkosovareport.com/index...ge=0&Itemid=35

http://www.setimes.com/cocoon/setime...08/11/13/nb-02

ja ku keni lajme per planin!

Ndersa Kosova eshte ne lufte per ekzistence, qeveria shqiptare i kthen shpinen qeverise se Kosoves duke e lene te vetme te perballet me kete situate.

[Llapi]

Daniel Fried: Amerika e respekton qëndrimin e Kosovës lidhur me 6 pikëshin

Pas takimit të diplmatit të lartë amerikan Daniel Fried me kryetarin Sejdiu dhe kryeministrin Thaçi, në konferencën e jashtëzakonshme për media, Daniel Fried e prezantoi porosinë themelore amerikane për popullin e Kosovë- se SHBA e njohin Kosovën si shtet sovran dhe qeverinë e Kosovës si sovrane në vendimet e saj. Ai po ashtu përsëriti qëndrimin që Eulex duhet të vendoset në gjithë territorin e Kosovës, por duke shprehur respekt për këndvështrimin e institucioneve të Kosovës lidhur me 6 pikëshin.
Ne e mbështesim vendosjen e misionit të ERulec-ity sa më shpejtë që të jetë e mundur, tha Fried, duke konfirmuar qëndrimin amerikan se është Kosova ajo që duhet të vendos për këtë proces. “Kosova wshtw vend i pavarur dhe sovran dhe askush nuk duhet të mendojë të kundërten” tha Fried.

Në pyetjen lidhur me mundësitë e riformulimit të 6 pikëshit ai tha se “nëse do mendoja se problemet do të zgjidheshin me një rishikim të atij plani, unë do të isha i atij mendimi, por duhet të konsultohet edhe qeveria e Kosovës, si qeveri e një vend sovran”, tha Fried.

Ai po ashtu tha se “ky plan është i përkohshëm, pra jopermanent. Por, ne respektojnë faktin se qeveria e Kosovës ka një këndvështrim tjetër”.

“Mbështetja dhe miqësia jonë mbetet e fuqishme”, tha Fried, duke porositur se Amerika e mban Fjalën.

Kryetari Sejdiu dhe kryeministri Thaçi sërish shprehën falënderimet më të thella për popullin dhe qeverinë amerikane për mbështetjen në kohët më të këqija për Kosovën, duke shprehur qëndrimin kundër 6 pikëshit, por pa hequr dot nga miqësia dhe aleanca me SHBA-në dhe nda perspektiva euroatlantike.
rtk 17 nëntor 2008 - 16:59:51

[Llapi]

OKB-ja ASHT NJE INSTRUMENT QE URGJENTISHT DUHET TE NJOHE REPUBLIKEN E KOSOVES! NUK BESOJ SE POLITIKA ZYRTARE E PRISHTINES DO BAJ LESHIME! GJAKU I HERONJVE DHE DESHMOREVE NUK BAHET HARRAM AS PREJ BAN KI MUN(T)IT DHE AS PREJ KURVERIVE POLITIKE EUROPIANE - ORDODOKSE - SLLAVO -RUSE - SERBE - ANTSHQIPTARE!
PO QE SE DIKUSH I BAN ME DIJE FORUMIT 6 PIKAT, DO ISHTE MIRE MADJE SHUME MIRE.
RRNOFTE REPUBLIKA E KOSOVES!

Kjo është pjesë nga letra që Ban Ki Mun i ka dërguar Tadiqit dhe Sejdiu.
1. Policia
Shërbimi Policor i Kosovës që operon në rajonet e rëndësishme me shumicë
serbe, duhet të raportojë tek policia ndërkombëtare nën autoritetin e
përgjithshëm të Përfaqësuesit tim Special.

2. Gjykatat
Gjykata shtesë të qarkut dhe lokale që do të shërbenin në hapësirat me shumicë relevante serbe mund të krijohen. Ato do të veprojnë në kuadër të sistemit të gjykatave të Kosovës, sipas ligjit që aplikohet, përbrenda kornizës së Rezolutës 1244 (1999).

3. Doganat
I dërguari im i Posaçëm do të përcaktojë, në konsultim me faktorët relevantë, një strukturë organizative që do t’i lejojë Kosovës të vazhdojë të funksionojë si një vend i veçantë me dogana, që do të përfshijë garancitë për një prezencë të vazhdueshme të zyrtarëve ndërkombëtarë doganorë në pikat e rëndësishme të doganave.


4. Transporti dhe infrastruktura
Një Këshill teknik koordinues, përfshirë Republikën e Serbisë dhe faktorët e tjerë të rëndësishëm, do të krijohet nga Përfaqësuesi im i Posaçëm, për të drejtuar të gjitha çështjet teknike dhe kalimit të vijave kufitare, duke marrë
parasysh punën e grupit punues Prishtinë-Beograd në kuadër të dialogut
teknik.

5. Vijat kufitare administrative
Në përputhje me Rezolutën 1244 (1999), NATO’, si prezencë ndërkombëtare
ushtarake, do të do të vazhdojë të kryejë mandatin e saj ekzistues për sigurinë në tërë Kosovën, përfshirë kufijtë administrativë, së bashku me organizatat tjera ndërkombëtare.


6. Trashëgimia serbe

Kishës Ortodokse Serbe (SOC) në Kosovë duhet t’i jepet mbrojtje
ndërkombëtare. SOC në Kosovë do të qëndrojnë nën autoritetin direkt të
selisë fetare të saj në Beograd. Ajo do të ruajë të drejtën e veçantë të mbrojë dhe rindërtojë objektet e saj fetare, historike dhe kulturore në Kosovë. Republika e Serbisë do të vazhdoj bashkëpunimin e afërt me Kombet e Bashkuara dhe të gjithë trupat relevantë në ofrimin e mbështetjes për një mbrojtje të tillë dhe aktivitetet e rindërtimit. Sa i përket implementimit të dispozitave më lartë, i Dërguari im i Posaçëm do të dialogojë me Qeverinë tuaj.

[Edvin83]

Tirana zyrtare nuk ben asnje note proteste ndaj ketij plani ogurzi. Tradhetaret e vertete i kemi mes nesh!

[KILI MERTURI]

Duke pas parasyshë reagimet e Tiranës zyrtre ndaj planit antikombëtar të Ahtisarit , nuk më cudi shumë fakti se Tirana zyrtare nuk reagon.
Kam pas frikë se Tirana zyrtare do të bën presjon për pranimin e pikave(ndarjes së Kosovës).

Neutraliteti , natyrisht nuk i ka hije Tiranës zyrtare , dhe natyrisht kjo është për cdo kritikë.
Duke kundërshtuar planin , Tirana do të kundërshtoi drejtpërdrejt ndarjen e Kosovës!

Kili

SHQIPËRIA ËSHTË GJAKU IM QË NUK FALET!

[drenicaku]

Po nuk reagoj as ajo e prishtines deri sa u vendos kjo pune.

[dias10]

Me poshte jane 6 pikat e famshme te propozuara prej OKB-se ne lidhje me vendosjen e EULEX ne Kosove.
Une do te thosha ato jane nje thike mbas shpine per ne.

1. EULEX bazohet në rezolutën 1244, e cila Kosovën e konsideron si provincë të Jugosllavisë, e meqë Serbia pretendon se është trashëgimtare e vetme e asaj Jugosllavie, kjo lë të kuptohet se Kosova është provincë e Serbisë.
2. EULEX është neutral ndaj statusit të Kosovës që dmth se nuk do të përfillet fare deklarata e pavarësisë dhe se Kosova do të trajtohet si njëfarë territori me status të pazgjidhur.
3. EULEX nuk do ta implementojë Planin e Ahtisarit. Ky është absurdi më i madh meqë vetë EULEX-i si mision del nga Plani i Ahtisarit! Të mos e implementosh Planin e Ahtisarit do të thotë edhe të mos e përfillësh Kushtetutën e Kosovës e cila bazohet në këtë plan.
4. Në pikat doganore në veri të Kosovës do të vendosen doganierë ndërkombëtarë. Për prodhimet e Serbisë nuk do të paguhet doganë. Fitimi nga doganat do t'u shkonte institucioneve paralele të udhëhequra nga serbët.
5. Do të formohet policia lokale e përbërë vetëm nga Serbët, të cilët nuk do të jenë nën komandën e Policisë së Kosovës.
6. Gjyqësia, administrata dhe institucionet tjera do të jenë të mbikqyrura vetëm nga EULEX-i e jo nga institucionet kosovare, dhe do t'i zbatojnë ligjet e Serbisë.

Per mendimin tim ky eshte mohim i pavaresise.

[jessi89]

Kjo eshte mohim i gjakut te derdhur per pavaresi ne Kosove.
Pse OKB-ja del me kete rezultat,me keto 6 pika? Me perpara nuk thuhej gje kesi soji,tani cka ndryshu?...
Pas kaq kohe lufte,qe nga 1981 me duket, do te kemi prap Kosove, si krahine e Jugosllavise, qe nuk ekziston...skandal

[dias10]

Mos i pranoni keto pika o Kosovare, edhe sikur tju keshillojne miqte tane perendimore.
Perse?
Pergjigjen e jep artisti durresak ne kete video:



Ja perse.

[Sabriu]

Raporti për Kosovën i sekretarit të përgjithshëm të Kombeve të Bashkuara, Ban Ki-moon, iu është dorëzuar të hënën shteteve anëtare të Këshillit të Sigurimit.
E martë, 25 Nëntor 2008

Paraqet,Sabri Selmani

Telegrafi ka siguruar kopjen e këtij raporti – ku sekretari Ban jep instruksione për rikonfigurimin e pranisë ndërkombëtare në Kosovë dhe modalitetet që duhet ndjekur në këtë proces – duke u bazuar në negociatat që janë zhvilluar me Beogradin rreth kësaj çështjeje. Raporti do të diskutohet mes shteteve anëtare të Këshillit të Sigurimit, ndërkaq më pas do të caktohet data e mbledhjes së këtij këshilli, ku do të diskutohet ky raport.

Përmbajtja e raportit:

• Janë zhvilluar diskutime, për të pasqyruar synimin tim të paraqitur në raportin e 12 qershorit para Këshillit të Sigurimit për misionin e administratës së OKB-së në Kosovë për qasjen neutrale të OKB-së ndaj statusit.

• Përfaqësuesi im special ka këshilluar se dialogu dhe konsultimet me të gjitha palët janë zhvilluar në Beograd dhe Prishtinë, pa paragjykime lidhur me qëndrimin e tyre për çështjen e statusit dhe në frymën e Kartës së OKB-së. Të gjithë kanë vazhduar të kërkojnë përparim pragmatik në kuadër të diskutimeve me përfaqësuesin tim special, sa u përket gjashtë pikave, të nënvizuara në raportin tim të 12 qershorit. Jam mirënjohës për përkushtimin e tyre për të arritur një përparim të tillë dhe mezi pres vazhdimin e dialogut për këto dhe çështjet tjera.

• Siç është bërë e qartë në raportin tim më 12 qershor, të gjitha aranzhimet lidhur me gjashtë pikat do të aplikohen, përderisa të mos fillojnë të funksionojnë mekanizmat relevant pasues. Në këtë kontekst, unë nënvizoj se të gjitha palët e kanë pranuar rikonfigurimin e pranisë ndërkombëtare, ashtu siç është paraparë në nenin 16 të Raportit tim më 12 qershor, i cili është në përputhje me situatën e evoluar në Kosovë dhe që i mundëson BE-së që të marrë përsipër një rol më të madh operativ në Kosovë, në veçanti në fushat e policisë ndërkombëtare, të drejtësisë dhe të doganave.

• Rezultatet e këtyre diskutimeve janë shpalosur. Përderisa janë arritur rezultate për disa nga gjashtë çështjet, të tjerat do të kërkojnë vazhdimin e diskutimeve.

1. Policia

a.) Diskutimet kanë nxjerrë në sipërfaqe synimin e përbashkët të përgjithshëm për implementimin e sundimit të ligjit në tërë Kosovën. Kjo do të siguronte më mire mbrojtjen e të gjitha komuniteteve, administrimin koherent të drejtësisë kriminale, zbatimin jodiskriminues të ligjit kriminal dhe ofrimin e plotë të shërbimeve policore, me respektimin të plotë të të drejtave të njeriut të të gjitha komuniteteve.

b.) Në përputhje me praktikat më të mira ndërkombëtare, shërbimi policor duhet të pasqyrojë të gjithë shoqërinë dhe shërbimet policore të bazuara në komunitet, për aq sa është e realizueshme dhe e përshtatshme, duhet të ofrohen nga pjesëtarët e komuniteteve lokale. Për këtë arsye, vëmendje e posaçme do t'i kushtohet, nën mbikëqyrjen ndërkombëtare, kushteve të punës së oficerëve serbë të policisë së Kosovës, në vendet e tyre të punës. Sa i përket kësaj, tashmë janë duke u zhvilluar diskutime aktive.

c.) Stacionet dhe nënstacionet në rajonet e pakicave janë hapur në të gjitha komunat.
Nënstacione shtesë do të hapen, varësisht nga kërkesat e sigurisë dhe ato operative. Stacionet dhe nënstacionet do të mbesin nën zinxhirin ekzistues të komandës dhe do të monitorohen nga policia ndërkombëtare.

d.) Përfaqësuesi im special, nëpërmjet komisarit të tij të policisë, do të iniciojë emërimet në funksionet e larta, në përputhje me ligjet e zbatueshme, të oficerëve serbë të policisë së Kosovës me përvojë të përshtatshme, të cilët ndër të tjera do të kenë obligime dhe përgjegjësi, të cilat ndërlidhen me aktivitetet në terren. Këta oficerë do t'i raportojnë oficerëve të lartë të policisë ndërkombëtare në Kosovë, nëpërmjet kanaleve ekzistuese të komandës.

e.) Të gjitha detyrat policore në Kosovë do të monitorohen ndërkombëtarisht, siç është arritur pajtimi me aranzhimet aktuale dhe atyre në të ardhmen. Vëzhguesit ndërkombëtarë të policisë do të vendosen në të gjitha stacionet dhe nënstacionet, në të gjitha rajonet dhe departamentet. Këta monitorë do të kenë strukturë të pavarur komanduese dhe vija të raportimit, e cila aktualisht përfundon me PSSP-në. Krahas monitorimit të sundimit të ligjit, roli ndërkombëtar do të mbikëqyrë edhe trajtimin korrekt të oficerëve të policisë nga radhët e pakicave dhe mbrojtjen e kushteve të punës, në përputhje me udhëzimet ekzistuese. Do të përgatitet edhe një pako e trajnimit, për t'u siguruar se monitoruesit ndërkombëtarë kanë aftësitë e duhura.

2. Doganat

a.) Kosova do të vazhdojë të funksionojë si një rajon i vetëm doganor.

b.) Oficerët ndërkombëtarë të doganave, të emëruar në përputhje me Rezolutën 1244 të Këshillit të Sigurimit të OKB-së (1999), do të rikthehen në portat 1 dhe 31. Modalitetet e stacionimit të tyre, sa më shumë që është e mundshme do të pasqyrojnë modalitetet e konceptit të menaxhimit të kufijve të integruar të Evropës dhe kjo mund të përfshijë edhe bashkërenditje të pikave doganore. Ata do të aplikojnë procedura në përputhje me Rezolutën 1244 të Këshillit të Sigurimit, përfshirë këtu edhe "Protokollin ndërmjet administratës tatimore të Republikës së Serbisë, që vepron për Ministrinë e Financave dhe Shërbimit të Doganave të UNMIK-ut, të cilat veprojnë për misionin e përkohshëm të administratës së UNMIK-ut në Kosovë, për kooperim dhe asistencë të ndërsjellë administrative për Tatimin në Vlerën e Shtuar dhe çështjet e tatimeve indirekte, të cilat ndërlidhen me transportin e mallrave përtej vijës administrative kufitare", e me këtë edhe të anekseve, e gjithashtu "Minutat e pajtuara të takimit bilateral në kontekstin e negociatave për zgjerimin e CEFTA-s" në vitin 2006.

c.) Do të aplikohen tarifat, të cilat janë në përputhje me kodin e doganave të rregullores 2004/1 të UNMIK-ut.

d.) Do të nevojiten negociata të mëtutjeshme mes palëve relevante negociuese, për të arritur pajtimin dhe për të përcaktuar modalitetet për operim për riaktivizimin e pikave doganore, të përmendura më lart. Këto diskutime gjithashtu do t'i adresohen edhe distribuimit të të ardhurave doganore, të grumbulluara në pikat 1 dhe 31, të cilat gjithashtu duhet t'i kontribuojnë edhe zhvillimit të komuniteteve lokale.

3. Drejtësia

a) Diskutimet kanë dhënë shenja edhe për pranim të gjerë të parimeve bazë, duke përfshirë edhe sundimin e ligjit që të aplikohet në të gjithë Kosovën, dhe që drejtësia të jetë në dispozicion të të gjithëve, pavarësisht etnisë, komunitetit apo lokaliteteve. Këto parime mbështesin funksionalizimin e një sistemi koherent të drejtësisë, përfshirë çështjet civile dhe kriminale dhe ato të policisë në të gjithë Kosovën.

b) Pas diskutimeve për zhvillimin e këtyre parimeve, ndërtesa e gjykatës në veri të Mitrovicës ka kohë që është vënë në funksion të limituar nën kontrollin e UNMIK-ut, duke zbatuar vetëm ligjet e UNMIK-ut dhe i mbështetur nga stafi i UNIMK-ut deri në 60 ditë nga dita e hapjes së gjykatës. Një plan periodik ka ofruar një kornizë për veprimet e tanishme dhe të ardhshme të drejtësisë.

c) Gjatë fazave pasuese, gjykatësit dhe prokurorët lokalë do të emërohen në pajtueshmëri me Rezolutën 1244 të Këshillit të Sigurimit të OKB-së (1999). Përzierja e gjyqtarëve dhe prokurorëve lokalë të emëruar në këto faza do të reflektohet në komunitet dhe në juridiksionin e vendosur territorial, ku ata do të shërbejnë.

4. Transporti dhe infrastruktura

a) Diskutimet kanë dhënë shenja të pranimit të nevojës për bashkëpunim të ngushtë mbi çështjet e mëdha infrastrukturore (rrugë, hekurudhë, ujë, energji elektrike), rrjedhën e trafikut dhe tregtinë, si dhe mbi çështjet shumë të rëndësishme praktike siç është identifikimi i kualifikimeve. Shumë prej këtyre çështjeve janë të rëndësisë qenësore për qytetarët e të gjitha komuniteteve, dhe mungesa e aranzhimeve praktike bashkëpunuese shkakton probleme të mëdha.

b) Duke pasur parasysh këtë, Raporti im i kaluar ka dhënë shenja se një komitet i bashkëpunimit teknik do të themelohet nga Përfaqësuesi im Special për t'iu adresuar të gjitha çështjeve relevante. Një komitet i bashkëpunimit teknik është themeluar, por nuk ka arritur ndonjë përparim praktik. Mirëpo, Qeveria e Serbisë në diskutimet e fundit, ndërsa ka ritheksuar qëndrimin e saj mbi statusin e ardhshëm të Kosovës, ka shfaqur shenja se do ta riforcojë këtë propozim, në mënyrë që çështjet të mund të adresohen më konkretisht. Përfaqësuesi im special do të sigurojë dialog të mëtejmë.
Progresi në këto fusha nuk është vetëm çështje e sigurisë që do të mirëpritet në Evropë, por në veçanti do të jetë një zhvillim i mirëpritur për të gjitha komunitetet në Kosovë.

5. Kufijtë

Shumë prej çështjeve relevante me menaxhimin e kufirit do të adresohen nga procesi i komitetit teknik për transport dhe infrastrukturë. Në të kundërtën, dhe siç është theksuar në Raportin tim të mëhershëm, në pajtueshmëri me Rezolutën 1244 (1999), KFOR-i si prezencë ushtarake ndërkombëtare, vazhdon ta përmbushë mandatin e tij të sigurisë nëpër të gjithë Kosovën, përfshirë këtu edhe respektimin e kufijve, në bashkëpunim me organizata tjera ndërkombëtare.

6. Trashëgimia serbe

a) Mbrojtja ndërkombëtare e Kishës Ortodokse Serbe në Kosovë duhet dhe do të vazhdojë. Diskutimet kanë treguar mbështetje universale për parimin e mbrojtjes së trashëgimisë kulturore dhe trashëgiminë e Kishës Ortodokse Serbe në Kosovë.

b) Nën rrethanat e tanishme dhe duke marrë parasysh rolin e statusit neutral të OKB së në Kosovë, konsideroj se dialogu i vazhdueshëm është i nevojshëm në Beograd dhe Prishtinë. Këtu duhet përfshirë edhe Kisha Ortodokse Serbe, aktorë relevantë ndërkombëtarë dhe aksionarë tjerë. Kjo do të themelojë një kornizë të miratuar brenda së cilës mund të adresohen çështje të vazhdueshme si dhe të sigurohet që Këshilli i Evropës dhe procesi për rindërtim i UNESCO-s të vazhdojë.

c) Agjenda do të përfshijë zbatimin e marrëveshjeve mbrojtëse përreth vendeve të Kishës Ortodokse Serbe, aktiviteteve të ndërlidhura me mirëqenien e murgjve dhe murgeshave, siç është lirimi i Kishës Ortodokse Serbe nga TVSH-ja, Taksa e Akcizës dhe obligimeve Doganore, modaliteteve për rindërtimin e vendeve fetare nga Kisha Ortodokse Serbe si dhe çështjen e kthimit të artefakteve arkeologjike.

Përgatiti: Gent Prokshi