Prishtina zyrtare: Jo planit me 6 pika te Ban Ki Moon te OKB

[KILI MERTURI]

Paj veq ma i madhi truthat e kupton se edhe po të shkonin, nuk kishin me bo dicka të mirë..

Pikat nuk ndalen qe nuk jon shku kta pseudopolitikanë në at takim.

Kosova duhet menjëher ta dëboj Umnikun nga Kosova. Qe e don serbija umnikun, le të qëndroi atje.

Në anen tjeër , po luhet një lojë e ndytë nga politika jonë, kinse ne po rrefuzojm dicka, që populli të mendoj se kemi qeveri të mirë. Hajt bac hajt se ka mi ju nxon rrota bishtin , po cka mi bo Kosoves që po na coptohet se. Buka e popullit ka me ju mbet në fyt!

Kemi pas tradhtar të tillë gjethmonë , bile deri para 3 vjetve, dhe kjo nuk është e re .

Ka plot qe e kuptojnë politiken antikombëtare të kësaj klike politike, le ta din ata.

Kili

SQHIPËRIA ETNIKE ËSHTË GJAKU IM QË NUK FALET!

[Llapi]

S’ka bisedime derisa Serbia nuk respekton integritetin territorial të Kosovës, thonë Thaçi e Krasniqi

Serbia nuk ka të drejtë të interesohet për zhvillimet në Kosovë, tha kryeministri Hashim Thaçi duke iu referuar tendencave të Beogradit për bisedime të mundshme me Prishtinën. Ndërkaq, kryeparlanmentari Kransiqi tha se institucionet e Kosovës nuk janë të obliguara të bisedojnë me Serbinë as për çështje teknike, derisa sa ajo nuk e ka njohur pavarësinë e Kosovës.
Ende nuk është e qartë nëse do të ketë bisedime midis Prishtinës dhe Beogradit për shkak të qëndrimeve krejtësisht të kundërta të palëve për mënyrën e organizimit të mundshëm të tyre.

Kryeparlanmentari Kransiqi tha se institucionet e Kosovës nuk janë të obliguara të bisedojnë me Serbinë as për çështje teknike, derisa sa ajo nuk e ka njohur pavarësinë e Kosovës.

“Këto bisedime janë jashtë kohës dhe jashtë hapësirës, janë të pamundshme për t’u zhvilluar, për faktin se Serbia nuk e ka njohur shtetin e pavarur dhe sovran të Kosovës. Nuk mund të bisedohet me një vend që nuk e ka njohur shtetin e pavarur dhe sovran të bisedohet për çështje teknike”, tha kryeparlamentari Krasniqi.

Ndërkaq, kryeministri Hashim Thaçi tha se është në interes të vetë Serbisë të mos tentojë të cenojë sovranitetin e Kosovës.

“Përpos interesave dhe vlerave euroatlantike asgjë nuk mund të kemi të përbashkët me Serbinë dhe Serbia nuk e ka asnjë të drejtë të interesimit për zhvillimet në Kosovë. Përkundrazi është me interes që Beogradi të mos pretendojë të cenojë sovranitetin e territorit të republikës së Kosovës”, tha kryeministri Thaçi.

Pavarësisht prej përpjekjeve të administratës ndërkombëtare në Kosovë për të organizuar bisedime me Beogradin, duket se do të jetë e vështirë të realizohet. Kryeparlamentari Krasniqi tha se qëndrimet dhe vendimet politike në Kosovë i marrin vetëm institucionet e vendit.

“Të gjitha qëndrimet dhe vendimet politike në Kosovë janë të institucioneve të Kosovës dhe për këtë duhet të binden të gjithë. Kosova është njohur mbi 50 vende dhe në këtë drejtim institucionet e Kosovës do t’i marrin të gjitha përgjegjësitë për të gjitha zhvillimet qofshin politike apo të natyrave të tjera me cilindo vend të rajonit apo edhe të botës”, tha kryeparlamentari Krsaniqi.

Ndërsa kryeministri Thaçi tha se roli i UNMIK-ut tashmë është i tejkaluar.

“Çmoj shumë punën e organizatës së kombeve të bashkuara që ka bërë në Kosovë në këto 9 vjet. Roli i UNMIK-ut sot është i tejkaluar, Kosova ka Kushtetutën dhe institucionet legjitime dhe ne do të marrim vendimet tona në përputhshmëri me vullnetin dhe interesat tona nacionale”, tha kryeministri Thaçi.

Udhëheqësit kosovarë kundërshtuan t’iu jepet shumë hapësirë bisedimeve të përfolura me Serbinë, duke thënë se janë përqendruar më shumë në organizimet e institucioneve për shënimin e përvjetorit të parë të pavarësisë së Kosovës. Kryesia e Kuvendit në mbledhjen e sotme vendosi për një seancë solemne më 17 shkurt, në një vjetorin e shpalljes së pavarësisë.
rtk 10 shkurt 2009 - 14:10:06

[Nice_Boy]

Të martën bisedime për 6 pikat



Nga Express më 16.02.2009 në ora 9:46

Ministri i Punëve të Jashtme të Serbisë, Vuk Jeremic ka deklaruar se të martën do të fillojnë bisedimet me përfaqësuesit e Kombeve të Bashkura dhe UNMIK’ut rreth aplikimit të marrëveshjes së 6 pikave për Kosovën.

Vuk Jeremic ka thënë se para disa javësh kanë ekzistuar spekulimet nëse në të vërtetë do të zhvillohen ato bisedime.

“Shqiptarët edhe sot thonë se nuk do vijë deri te bisedimet, por prapëseprapë do të ketë. Ne kemi insistuar dhe të martën fillojnë bisedimet për implementimin e planit, që nuk është plan i Marti Ahtisaarit, por plani i Sekretarit Gjeneral të Kombeve të Bashkuara, që është në përputhje me planin e Ahtisaarit”, tha Jeremic.

Ai ka shtuar se ka shumë presione në terren.
“Shqiptarët ushtrojnë, mbi të gjitha, presione jo institucionale ndaj përfaqësuesve të Kombeve të Bashkuara, që është shumë brengosëse. Ne do të vazhdojmë që para KB të insistojmë në implementimin e asaj që ka vendosur Këshilli i Sigurimit. Nuk është e lehtë, por nuk kemi mundësi tjetër pos përmes të gjitha mjeteve diplomatike të vazhdojmë të luftojmë për ruajtjen e kushtetutës”, theksoi Jeremic.

[Llapi]

Bisedime, por jo për statusin

Nga Express më 16.02.2009 në ora 13:16
Ish-zëvendësndërmjetësi i OKB-së për statusin e Kosovës, Albert Rohan, ka deklaruar se roli i BE-së rreth çështjes së Kosovës është zbehur, për shkak se nuk ka një qëndrim të përbashkët.

Në një intervistë për BBC-në, zoti Rohan ka thënë se qëndrimi i disa vendeve të BE-së për të mos njohur pavarësinë e Kosovës e zvarrit stabilizimin e rajonit, e rrezikon vetë misionin e BE-së në Kosovë si dhe e inkurajon Serbinë në rezistencën e saj ndaj shtetit të ri të Kosovës.

Zoti Rohan ka thënë se shpallja e pavarësisë së Kosovës, një vit më parë, shënon fillimin e procesit të normalizimit dhe të stabilizimit të rajonit, që mund të marrë, sipas tij, shumë vjet. Zëvendësndërmjetësi i OKB-së për Kosovën ka thënë se bisedimet e paralajmëruara mes Kosovës e Serbisë për çështje teknike nuk kanë të bëjnë me statusin meqë ai, sipas tij, është tashmë i zgjidhur. Por, ka thënë Rohan, bisedimet për çështjet praktike mund të shënojnë një fazë të re të bashkëpunimit mes Kosovës dhe Serbisë.

Arbër Vllahiu zhvilloi një bisedë me zotin Albert Rohan, në njëvjetorin e shpalljes së pavarësisë së Kosovës dhe fillimisht e pyeti se si e sheh ai këtë përvjetor, çfarë është arritur deri tani?

Rohan: Mendoj se ka aspekte pozitive dhe më pak pozitive. Ajo që është pozitive është se nuk kishte një shkallë të gjërë të dhunës gjatë këtij viti. Kishte disa incidente, por asgjë shumë serioze. Nuk kishte eksod të serbëve nga Kosova, siç kishin parashikuar disa.

Parlamenti ka miratuar ligjet kushtetuese dhe të gjitha ligjet që janë paraparë me planin Ahtisaari. Institucionet kanë qenë të hapura dhe të forcuara dhe këtu kam parasysh Ministrinë e Jashtme që nuk ka ekzistuar më parë. Forca e Sigurisë është në proces të krijimit dhe mendoj se në kuadër të ndërtimit të institucioneve shumëçka është arritur.

Nga aspektet negative më duhet të përmend faktin se Kosova ende nuk është pranuar nga shumë vende dhe më e dhimbshmja e konsideroj të jetë, në veçanti, fakti se pesë vende anëtare të BE-së nuk e kanë pranuar pavarësinë e Kosovës. Mendoj se posaçërisht ky qëndrim i fundit e zvarrit stabilizimin e rajonit dhe inkurajon Serbinë në rezistencën e saj aktive ndaj shtetit të ri të Kosovës, si dhe ndaj misionit të BE-së. Kjo e vë në rrezik suksesin e misionit të BE-së. E gjithë kjo është shumë negative. Por edhe situata sociale dhe ajo ekonomike e qytetarëve të Kosovës duhet ende të përmirësohet. Mendoj se për shkaqe të kuptueshme përparimi ka qenë modest.

BBC: Kur flasim për njohjet dhe posaçërisht pasi ju përmendet këto pesë vende anëtare të BE-së, a është kjo pasojë e diplomacisë së dobët të Kosovës apo ndoshta e diplomacisë shumë aktive të Serbisë?

Rohan: Mendoj se as njëra, as tjetra. Arsyeja është se, duke përjashtuar këtu Greqinë që gjithmonë në mënyrë tradicionale ka patur marrëdhënie të posaçme me Serbinë, të gjitha vendet e tjera kanë probleme të brendshme me grupet e pakicave ose me separatizimin, këtu marrim shembullin e Qipros, në veçanti veriun e saj, apo edhe atë të Rumanisë dhe të Sllovakisë, dhe problemet që kanë me pakicat. Pra, ato kanë arsyet e tyre që nuk kanë të bëjnë me Kosovën për të refuzuar njohjen e pavarësisë së Kosovës. Mendoj se është gabim, por këto janë arsyet dhe ato nuk kanë të bëjnë as me diplomacinë serbe dhe as me atë të Kosovës.

BBC: Pra kjo do të thotë se BE-ja nuk po e përmbush obligimin e saj në Kosovë sot?

Rohan: Nuk mund të thuhet në atë mënyrë. Ajo që mund të thuhet është se për shkak të mungesës së një qëndrimi të përbashkët të BE-së në raport me Kosovën efektiviteti i BE-së është zbehur. Do të ishte shumë e lehtë që të luhej një rol shumë më i fortë dhe më i përcaktuar si dhe më efektiv sikur të kishte një qëndrim të përbashkët. Edhe në aspektin ndërkombëtar, roli i BE-së në këtë çështje është dobësuar nga fakti se nuk ka një qëndrim të përbashkët.

BBC: Ka zëra kritikë që thonë se edhe me pavarësimin e Kosovës gjendja në Ballkan dhe në veçanti në Kosovë nuk është stabilizuar. Këtu merret shembulli i veriut të Kosovës. Pajtoheni me këto kritika?

Rohan: Unë e shoh pak më ndryshe. Mendoj se nuk mund të stabilizohet kjo pjesë e rajonit të Ballkanit, nga një ditë në tjetrën. Sikur të kishim një Rezolutë të Këshillit të Sigurimit të OKB-së, ose sikur të kishte një marrëveshje ndërmjet Serbisë dhe Kosovës rreth propozimit tonë, atëherë do të ishte shumë më lehtë dhe më shpejt. Por kështu nuk ndodhi dhe është një fakt që ne thjesht duhet ta pranojmë.

Sipas meje, shpallja e pavarësisë së Kosovës, vitin e kaluar, shënon fillimin e procesit të normalizimit dhe të stabilizimit që mund të marrë shumë vite. Por duhej të fillonte nga një pikë, sepse ajo që ndodhi në tetë vitet e kaluara ishte se problemi thjesht u la i pazgjidhur. Mendoj se me propozimin tonë dhe me shpalljen e pavarësisë, si dhe me njohjen e saj nga më shumë se 50 vende shumë të rëndësishme, ky proces ka filluar. Do të marrë kohë, por kjo eventualisht do të çojë drejt stabilizimit të të gjithë rajonit.

BBC: Ju thoni vende të rëndësishme e kanë njohur Kosovën. Ka vetëm 54 shtete që e kanë bërë këtë deri tani. Ka qenë parashikuar se shumë më shumë vende do ta bëjnë këtë në valën e parë të njohjeve. A mos ishte kjo për shkak të dobësisë së diplomacisë së Kosovës?

Rohan: Jo! Unë nuk e di kush e kishte parashikuar këtë. Unë gjithnjë kam qenë shumë skeptik dhe asnjëherë nuk përmenda asnjë numër dhe asgjë tjetër. Ky është një vendim që merret nga vendet veç e veç. Dhe disa nga to, dhe evropianët janë më shumë të interesuar për problemin e Kosovës, sepse të tjerët në kontinentet e tjera nuk e dinë se për çfarë bëhet fjalë. Se do të kemi një proces të ngadalshëm dhe është dashur të pritej. Por nuk duhet të harrohet se 54 vendet në fjalë paraqesin më shumë se 60 për qind të fuqisë ekonomike të botës, pra më shumë se 60 për qind të GDP-së së botës. Këto janë vende të rëndësishme. Një nga rrjedhojat është se pavarësia është e pakthyeshme dhe kurrë nuk mund të zhbëhet. Kjo është me rëndësi për Kosovën.

BBC: Zoti Rohan a mund të jeni ju një nga diplomatët e huaj që mund të loboni për njohje të reja të pavarësisë së Kosovës?

Rohan: Unë nuk mendoj se kjo është detyra ime. Nuk mendoj se roli im është të loboj për pavarësinë e Kosovës. Kjo është detyrë e udhëheqjes së Kosovës dhe vendeve të tjera. Miqtë e Kosovës po ndihmojnë në këtë aspekt e kjo është një gjë e mirë. Por ashtu, sikurse edhe për zotin Ahtisaari dhe për veten time, nuk e shoh këtë si rol.

BBC: Zoti Rohan, t'i kthehemi planit tuaj, pra planit Ahtisaari. Ai nuk është pranuar nga serbët e Kosovës dhe as nga Beogradi zyrtar. Madje edhe misioni i EULEX-it ishte kushtëzuar nga Beogradi me një plan gjashtëpikësh të OKB-së. Besoni se plani juaj, në një mënyrë, mund të kthehet sërish në një udhëzues për Kosovën dhe për serbët e Kosovës?

Rohan: Po ai ka qenë i tillë. Në fakt kur shpallja e pavarësisë u bë nga Parlamenti i Kosovës, ju kujtohet se ajo u bë mbi bazën e Planit Ahtisaari. Dhe ndërkohë, shumë pjesë të Planit Ahtisaari janë zbatuar. Pra, thjesht ka qenë një udhëzues. Ajo që është tragjike dhe njëkohësisht edhe ironike është se për shkak të rezistencës serbe, të gjitha ato pika që kanë të bëjnë me komunitetin serb në Kosovë, në veçanti të drejtat e komuniteteve dhe decentralizimi, nuk do të jetë e mundshme të zbatohen. Kjo sepse ka nevojë për një angazhim aktiv të atyre për të cilët janë hartuar, në këtë rast të serbëve të Kosovës. Përderisa ata nuk i shfrytëzojnë këto mundësi, të drejtat që sipas planit tonë janë parashikuar, nuk do të kenë asnjë efekt. Kjo është ironike sepse rezistenca serbe e dëmton interesin e serbëve të Kosovës.

BBC: Dhe më lejoni zoti Rohan, kur dhe si mendoni ju se Kosova dhe Serbia mund të fillojnë një marrëdhënie normale, apo një proces të pajtimit mes vete?

Rohan: Mendoj se kjo do të marrë kohë. Sepse, qëndrimet kanë qenë aq shumë të barrikaduara, në veçanti në Beograd, sa që është shumë e vështirë që të ndryshohen. Do të jetë e nevojshme që, herët a vonë, Serbia ta pranojë realitetin. Por unë nuk kam guxim të vendos një kornizë kohore për këtë.

Autoritetet e Kosovës gjithnjë kanë thënë se janë të gatshme të diskutojnë me autoritetet në Beograd për çështjet praktike. Unë i përkrah ato dhe, nëse ju kujtohet, në Planin Ahtisaari ka pjesë që parashohin komisione të përbashkëta dhe instrumente të tjera të bashkëpunimit mes Kosovës dhe Serbisë. Pra, ne i favorizojmë ato, gjithnjë përderisa është e qartë se bëhet fjalë për çështje praktike, si ndërmjet fqinjëve kudo në botë.

Këto nuk janë bisedime për statusin. Ai është zgjidhur dhe nuk mund të zhvillohen më bisedime për të. Për çështjet praktike, po. Ndoshta kjo është mënyra se si mund të fillojë një fazë bashkëpunimi ndërmjet Serbisë dhe Kosovës. Do të jetë në interes të të dyja palëve dhe kur të fillojë bashkëpunimi praktik, atëhere ndoshta pajtimi bëhet më i lehtë. (Marrë nga BBC)

[KILI MERTURI]

S’ka bisedime derisa Serbia nuk respekton integritetin territorial të Kosovës, thonë Thaçi e Krasniqi
rtk 10 shkurt 2009 - 14:10:06

Bisedime, por jo për statusin

Nga Express më 16.02.2009 në ora 13:16


PA KOMENT!!!

Kili

SHQIPËRIA ETNIKE ËSHTË GJAKU IM QË NUK FALET!

[Llapi]

Rohan: Decentralizimi të bëhet vetëm nëse serbët e pranojnë planin e Ahtisarit

Prishtinë, 16 shkurt - Ish-zv.ndëmjetësi i Kombeve të Bashkuara për statusin e Kosovës, Albert Rohan, thotë se decentralizimi duhet të bëhet vetëm nëse "serbët e pranojnë planin e Ahtisarit dhe bashkëpunojnë me institucionet e Kosovës" Në një intervistë për Radio Kosovën, Rohan shprehu mendimin se nga ana e kosovarëve duhet të përgatitet infrastruktura ligjore që ka të bëjë me decentralizimin. Por sipas tij, "krijimi i komunave të reja me shumicë serbe dhe delegimi i funksioneve administrative dhe vetëqeverisëse siç parashihet me planin Ahtiasri duhet të bëhet vetëm nëse serbët pranojnë planin e Ahtisarit dhe bashkëpunojnë me institucionet e Kosovës". Rohan shtoi se pranimi i planit Ahtisari është në interesin e tyre dhe ai beson që "serbët e Kosovë janë aq të mençur për ta kuptuar se decentralizimi dhe plani i Ahtiasrit është bërë pikërisht për interesat e tyre".

[Llapi]

Jovanoviq: Pavarësia e Kosovës me garanci për ekzistimin e serbëve

Kryetari i Partisë Liberal Demokratike (LDP), Çedomir Jovanoviq në një intervistë paralele me ministrin e Jashtëm serb, Vuk Jeremiq për gazetën e sotme "Politika", në prag të një vjetorit të pavarësisë së Kosovës, ka vlerësuar se nuk duhet përjashtuar mundësinë e marrëveshjes me shqiptarët e Kosovës.
Sipas Jovanoviqit kjo marrëveshje do të nënkuptonte pavarësinë e Kosovës dhe si kompensim do të garantohej ekzistimi i serbëve në Kosovë që, sipas tij duhet të jetë “interes yni dhe i marrëdhënieve të Kosovës me Serbinë” që do të ishin shumë më cilësore nga marrëdhëniet ekzistuese dhe nga ato në të kaluarën.
Jovanoviq nuk është pajtuar në shumë pikëpamje me ministrin Jeremiq duke akuzuar politikën e autoriteteve të tashme serbe ndaj Kosovës dhe duke kërkuar ndryshimin rrënjësor të saj, dhe ka shtuar se partia e tij me anë të planit "Territori për pavarësi" është orvatur ta shpjegojë se më shumë dobi do të kishte Serbia në qoftë se e drejta e qeverisjes së Kosovës të transferohet në ata që jetojnë në Kosovë, e këta janë shqiptarët e serbët, e jo Serbia e cila nuk ka kontroll atje.
Jovanoviq thotë se Kosova po distancohet nga Beogradi. Ky proces po zgjat dhe ai gjatë një viti të fundit është përshpejtuar e konkretizuar. Problemi kryesor në përkufizimin e politikës së Beogradit ndaj Kosovës del nga fakti se ne problemin e Kosovës e shikojmë të izoluar, autonom nga realiteti i përgjithshëm. Ende e trajtojmë si pasojë duke mos kërkuar shkaqet, thotë ai.

Sipas tij. Kosova sot është një hap më larg nga Beogradi se që ka qenë më 17 shkurt të vitit 2008, pavarësisht nëse me këtë janë pajtuar 20 apo të gjitha vendet e të BE, pavarësisht nëse është pajtuar gjysma e KS të KB apo jo, dhe kjo kohë njëvjeçare nuk është shfrytëzuar sipas mënyrës që do të duhej.

Kjo, në radhë të parë për transformimin e brendshëm të vendit, në mënyrë që Serbia nga pozicione tjera të fillojë ta kundrojë Kosovës dhe duke afirmuar vlera të reja, t'ia dal të ndërtojë me Kosovën marrëdhënie të reja të cilat për nga përmbajtja e vet do të ishin më cilësore.
Kryetari i LDP thotë se është e vërtetë se KS e ka marrë vendimin për sistemimin e EULEX-it, por nuk ka marrë kurrfarë vendimi kur në Kosovë ka vazhduar zbatimi i mëtejmë i Planit të Ahtisarit, për të cilin nuk po flitet më zyrtarisht, por i cili po realizohet para syve tanë. Është e saktë se politika jonë e jashtme ka mbështetje në marrëveshjet që po i arrin me përfaqësuesit ndërkombëtar, por ajo nuk është konkretizuar me anë të rezultatit i cili procesin e ndalimit të njohjes së mëtejme të pavarësisë së Kosovës do ta ndalte.
Kjo njohje pak a shumë po ngadalësohet, që si pasojë fiton problem të reja, por ajo politikë nuk është reversibile. Pikërisht ne në këtë e shohim rrezikun më të madh dhe për këtë shkak po insistojmë në ndryshimin e prioriteteve politike, ka theksuar Jovanoviq. /f. musliu/


| s.b & RTK staff |
16 shkurt 2009 - 15:41:09

[Llapi]

Të martën bisedime për 6 pikat



Nga Express më 16.02.2009 në ora 9:46

Ministri i Punëve të Jashtme të Serbisë, Vuk Jeremic ka deklaruar se të martën do të fillojnë bisedimet me përfaqësuesit e Kombeve të Bashkura dhe UNMIK’ut rreth aplikimit të marrëveshjes së 6 pikave për Kosovën.

Vuk Jeremic ka thënë se para disa javësh kanë ekzistuar spekulimet nëse në të vërtetë do të zhvillohen ato bisedime.

“Shqiptarët edhe sot thonë se nuk do vijë deri te bisedimet, por prapëseprapë do të ketë. Ne kemi insistuar dhe të martën fillojnë bisedimet për implementimin e planit, që nuk është plan i Marti Ahtisaarit, por plani i Sekretarit Gjeneral të Kombeve të Bashkuara, që është në përputhje me planin e Ahtisaarit”, tha Jeremic.

Ai ka shtuar se ka shumë presione në terren.
“Shqiptarët ushtrojnë, mbi të gjitha, presione jo institucionale ndaj përfaqësuesve të Kombeve të Bashkuara, që është shumë brengosëse. Ne do të vazhdojmë që para KB të insistojmë në implementimin e asaj që ka vendosur Këshilli i Sigurimit. Nuk është e lehtë, por nuk kemi mundësi tjetër pos përmes të gjitha mjeteve diplomatike të vazhdojmë të luftojmë për ruajtjen e kushtetutës”, theksoi Jeremic.

Harrojeni 6 pikëshin

Nga Express më 19.02.2009 në ora 16:45
Kryeministri i Kosovës, Hashim Thaçi thotë se plani 6-pikësh i Sekretarit të Kombeve të Bashkuara, Baan Ki-Moon nuk është në agjendën e Qeverisë së Kosovës. Madje, ai u ka rekomanduar mediave që 6 pikëshin ta harrojnë sa më parë.

“Kosova ka Kushtetutën dhe do të punojë në përputhshmëri me Kushtetutën e saj, ndërsa 6-pikshi nuk ekziston fare në agjendën e institucioneve të Kosovës. Harrojeni atë”, deklaroi Thaçi.

Sipas tij, plani 6 pikës ekziston vetëm në pyetjet e gazetarëve.

“Vetëm në pyetjet tuaja ekziston ky 6 pikësh, sepse në planin shtetëror të Republikës së Kosovës nuk ekziston”, theksoi kryeministri Thaçi.

--------------------------------------

Thaçi porosit: Harrojeni gjashtëpikëshin!
Lirie Hajdari
Thaçi porosit: Harrojeni gjashtëpikëshin!

“Harrojeni gjashtëpikëshin!” Kjo ka qenë përgjigjja e kryeministrit Hashim Thaçi, i pyetur nga gazetarët nëse shefi i UNMIK-ut, Lamberto Zanieri, gjatë qëndrimit të tij në Beograd, me autoritet atje veç tjerash do të diskutojë edhe për zbatimin e planit gjashtëpikësh të Ban Ki Munit. Ai përsëriti qëndrimin e palëkundur të institucioneve shtetërore të Kosovës, duke thënë se për Kosovën nuk ekziston plani gjashtëpikësh. I pyetur nëse vizita e Zanierit në Beograd është një përpjekje për ta kontrabanduar planin gjashtëpikësh apo diçka tjetër, kreu i Qeverisë tha se ky plan gjashtë pikësh ekziston vetëm në pyetjet e gazetarëve dhe jo edhe në agjendën shtetërore. “Ky gjashtëpikësh vetëm në pyetjet tuaja ekziston, në planin shtetëror të Republikës së Kosovës nuk ekziston. Ne kemi kushtetutën tonë”, është shprehur kryeministri Thaçi. I pari i Ekzekutivit të vendit nuk ka dashur të komentoj nëse ky plan është në agjendë të shefit të UNMIK-ut, duke thënë se Kosova ka Kushtetutën e saj dhe do të punojë në përputhshmëri me atë. “Gjashtëpikëshi nuk ekziston në agjendën e institucioneve të Republikës së Kosovës. Harrojeni atë!”, ka deklaruar kështu kreu i Qeverisë.

[Llapi]

QËNDRIME DHE VEPRIME TË DREJTA TË KRYEMINISTRIT THAÇI
Publikuar më 16 nëntor, 2008 në orën 13:06 ( )

Shkruan: Tafil DURAKU

Më në fund, shqiptarët, panë diçka njerëzore dhe shqiptare në horizontet e tyre jetësore e autoktone. Në këtë drejtim, parësorë janë hapat vendimtarë të kryeministrit Thaçi, i cili doli me një qëndrim të prerë, fisnik e shqiptar, kundër gjashtë pikave të OKB së Ban Ki Munit (pro)ruso-serb dhe të BE-së dinake...

Ky është hapi i parë, madhor, i kryeministrit, në drejtimin e duhur, edhe pse shumë i vonuar, sepse, po ta kishte bërë një hap të tillë më herët, edhe gjendja e shqiptarëve dhe e tokave të tyre do ishte dhe do dukej ndryshe...

Hapi tjetër, shumë i qëlluar, i kryeministrit është dalja publike në ndihmë dhe mbështetja materiale e morale z. Ali Kadriu, për t’ia mundësuar atij kthimin më të lehtë në shtëpinë e tij, në lagjen Kroi i Vitakut, në Mitrovicën Veriore.

Janë këta hapa të qëlluar, për çka z. Thaçi gëzon mbështetje të gjerë. Dhe, në vazhdën e hapave të tillë, pritet edhe hapi i tij final, ai i bashkimit të pjesëve të shkëputura shqiptare me Mëmën SHQIPËRI, për çka luftoi edhe UÇK-ja e lavdishme shqiptare (Drejtor i të cilës Drejtori Politike qe vetë z. Thaçi), për çka u derdh edhe shumë gjak e mund brezash shqiptar...

Më në fund, po shihen në horizontin shqiptar hapa të qëlluar kombëtar e shqiptar, hapa të cilëve duhet t’u paraprijë politika kombëtare e Tiranës zyrtare, e cila duhet të qëndrojë fort krah bëries së Shqipërisë – SHQIPËRI dhe mbështetjes së shqiptarëve kudo...


Burojë, 16 Nëntor 2008

(Autori është poet dhe publicist i pavarur shqiptar)

[Llapi]

Sejdiu: Prishtina kundërshton çfarëdo bisede që ka për bazë planin gjashtë pikësh të KB

Asnjë bisedë që ka për temë planin gjashtë pikësh nuk është e pranueshme për Kosovën ka thënë presidenti Fatmir Sejdiu, para nisjes për në Shtetet e Bashkuara të Amerikës ku së bashku me kryeministrin Hashim Thaçi dhe ministrin e Jashtëm Skënder Hyseni do të takohen me sekretaren amerikane të shtetit Hillary Klinton. Presidenti Sejdiu gjatë qëndrimit në SHBA do të dekorohet me çmimin prestigjioz për Lidership Global, nga Universitetin Shtetëror të Arizonës.
Presidenti Sejdiu përsëriti qëndrimin se Prishtina kundërshton çfarë do bisede që ka për bazë planin gjashtë pikësh të Kombeve të Bashkuara. Duke komentuar vizitën e djeshme në Beograd të shefit të UNMIK-ut, presidenti Sejdiu tha se me Beogradin do të bisedohet vetëm si dy vende sovrane.

Gjatë qëndrimit në SHBA presidenti Sejdiu përveç takimeve me zyrtarë të lartë amerikan tha se do të bisedojë edhe me ambasadorët e vendeve që nuk e kanë njohur Kosovën.


| s.b & RTK staff | 20 shkurt 2009 - 18:11:37