Tetova me shetitore pranë lumit

[Juventus]

Nese realizohet kjo do ma beje zemren mal, po te shohem mso fluturojme para kohe dhe ne fund te na ngel vetem deshprimi.

[Juventus]

O RaP
Mos me pyet mua pse jeton ti... Pyetjes PSE JETOJME askush s'i ka gjetur nje pergjigje qe vlen per te gjithe.
E gjithe jeta e njerezve automatikisht eshte e lidhur me politike i dashur RaPSouL sepse ti nuk jeton ne Skandinavi apo ne Evrope, por jeton ne Maqedoni ku politika me kallashnikov te percjell ditet nje nga nje.

Une thjeshte thashe qe uzurpimi i parqeve publike nuk duhet te ndodhe dhe te njejtat duhet t'i kthehen nen manaxhim bashkise si prone publike. Nuk duhet lejuar as kafenete sic jane Passion, Tiffany etj qe te shfrytezojne per te mbushur kafenet e tyre trotoaret ku duhet te ecin kembesoret.

Keto me pengojne sepse aty jetoj - aty ec cdo dite kur dal te shetis. Me pengon qe deri diku me "kufizohet" parku sepse dikujt i eshte kujtuar te vendose tavolina e te beje biznes me pronen publike...

No CoMMenT

[Faik]

Ja nje projekt per te pershendetur...


Autostrada M4 që kalon nëpër Gostivar, së shpejti me ndriçim publik

02.09.2008) Gostivar

Së shpejti pritet që të filloj edhe një nga shumë projektet e gatshme të Komunës së Gostivarit, projekti për rregullimin e ndriçimit publik, me gjatësi prej 5500 metrave, nga pagesa e rrugës për në hyrje të Gostivarit, e deri te rruga për në fshatin Zdunjë. Sipas Kryetarit të Komunës së Gostivarit, z. Nevzat Bejta, me angazhim të të gjithëve funksionarëve nga Gostivari, si në pushtetin qendror po ashtu edhe në atë vendor, do të realizohet ky projekt mjaftë i rëndësishëm.




“Deputet e qytetit tonë, Adnan Jashari dhe Talat Xhaferi, në bashkëpunim edhe me deputetet tjerë të qytetit të Gostivarit, do të angazhohemi që të bëhet ndriçimi publik prej te pagesa e deri te rruga e fshatit Zdunjë, që tu tregohet të gjithëve udhëtarëve që kalojnë për në Kërçovë, Strugë, Ohër, Mavrovë dhe Dibër, që kalojnë qytetin e Gostivarit, se qyteti i Gostivarit është një prej pesë qyteteve të mëdha në Republikën e Maqedonisë. Besoj se me angazhimin e deputeteve, ministrit nga Komuna jonë dhe angazhimit tim dhe të gjithë strukturat që ne i kemi në Komunën e Gostivarit, besoj se do ta realizojmë projektin për ndriçimin publik në hyrje të qytetit të Gostivarit” këtë projekt kryetari Nevzat Bejta, e paralajmëroi gjatë përurimit të punëve për fillimin e rrugë Boris Kidriç.

Vlera e investimit do të jetë 25 milion dinar, kurse mjete për ta financuar këtë projekt do të kërkohen nga, Agjencioni për rrugë shtetërore si dhe nga organizata të ndryshme.

[Faik]

8 milion denarë investim për rregullimin e bulevardit

03.07.2008

Kohë më parë Komuna e Gostivarit në bashkëpunim me NP “Gostivar” i startuan punët për rregullimin e një pjese të bulevardit të Gostivarit, respektivisht pjesën nga shtëpia e Zjarrfikësve e deri tek stacioni hekurudhor.

Kjo pjesë e bulevardit ishte e shtruar me materiale të vjetra (kalldrëm) dhe ishte tejet e dëmtuar. Fillimisht u hoqën pllakat e begatonit, ndërsa punët do të vazhdojnë me ndërtimin e kanalizimit për ujërat e zeza dhe atyre atmosferike, pastaj do të bëhet ndërtimi i trotuareve me ç’rast do të mundësohet lëvizje e lirshme e qytetareve.

Përveç rregullimit të bulevardit do të rregullohet edhe rruga e hekurudhës e cila do të shtrohet me asfalt dhe do të përshtatet për qarkullim.

[faruk_01]

projekt ky per tu pershendetur, ne kete menyr edhe me shume do te ringjallet jeta ne Tetov, projekt ky qe si studentet ashtu edhe te tjeret kane kut te kalojne kohen e lire ne flladin e lumit shkumbin.,,,suksesee

[besar_atb]

projekti shaum i fort po ishalla realizohet..sidoqoft kam shpresen se mund te realizohet kjo pershkak te zgjedhjeve komunale se normal do mundohen me kete te risin rejtingun

[Bessar]

Veqsee ka filluar te mer pamjen e duhur.. shum shum bukur duket..

[etc]

Keto punime kane filluar pas zgjedhjeve.
Gjithsesi kjo shetitore eshte mire te shoqerohet me lokale, nese lokalet perdorin ndonje pjese te shetitores, ata duhet te paguajne ndonje qera simbolike.
Shpresoj qe ne kete shetitore te shohim rinine duke shetitur dhe duke u argetuar.

ne shetitore me 1.5m gjeresi vec lesh mund te thajsh

[BAC4]

ne shetitore me 1.5m gjeresi vec lesh mund te thajsh

Leshi ne disa vende mund tet jese i laget, se nuk e kan perfundu rrugen, as qe e kan ne plan. Ideja eshte te jepet tenderi dhe me i vjedh paret.

[Faik]

Pas dy muajve, sheshi i Tetovës me pamje të re


Investimi që bën Komuna e Tetovës në sheshin "Iliria" arrin vlerën e rreth 300 mijë eurove. Ndërsa punët për realizimin e këtij projekti duhet të përfundojnë për më pak se dy muaj. Sheshi ekzistues i Tetovës është ndërtuar në periudhën nga viti 1965 deri në 1970.

Në fillim të muajit tetor u mbyllën dilemat rreth fatit të sheshit të Tetovës. Javën e kaluar punëtorët dhe makineria e ndërmarrjes "Europrojekt" filluan punën në të katër anët e sheshit. Është vendosur edhe tabela me mbishkrimin "Rikonstruktimi i sheshit Iliria". Sipas të dhënave në tabelë, investitor i këtij projekti është Komuna e Tetovës, projektues "Naerprojekt", ndërsa realizues i punimeve ndërmarrja "Europrojekt". Në këtë tabelë mund të shihet edhe pamja e ardhshme e sheshit.

Siç është bërë tashmë e ditur, fillimisht Komuna e Tetovës planifikoi realizimin e një projekt më të madh, i cili përfshinte edhe ndërtimin e garazheve nëntokësore, rregullimin e rrugëve dhe shumë elemente të tjera, realizimi i të cilave arrin vlerën deri në 4 milionë euro. Mirëpo për shkak të mungesës së mjeteve financiare, ky projekt është shtyrë në një afat të pacaktuar. "Projekti për ndërtimin e sheshit me garazhe nëntokësore është projekt afatgjatë dhe mbetet si opsion, mirëpo për shkak të mungesës së mjeteve financiare ose gjetjes së një donatori, jemi të detyruar të bëjmë intervenim sipërfaqësor të qendrës, e cila është bërë e padurueshme më", ka deklaruar më herët për Monitor drejtuesi i sektorit për urbanizëm Daut Emini. "Sheshi në atë gjendje që ishte nuk priste më, kështu që ishte e nevojshme një zgjidhje më e lirë, por që do t'ia ndërronte fizionominë. Prandaj u punua projekti i dytë, me atë që projekti i parë është ende në fuqi, por për ditë më të mira", deklaruan nga sektori për urbanizëm.

"Projekti që realizohet tani përfshin intervenim sipërfaqësor. Fillimisht kishte propozim që të ndërrohen vetëm pllakat e mermerit që janë thyer dhe të mos preket asgjë tjetër. Mirëpo aty gjithçka ishte deformuar, prandaj në projektin që realizohet tani është paraparë edhe ndryshimi i formës me intervenime minimale", u shprehën përpiluesit e këtij projekti nga "Naerprojekt". Ata sqarojnë se pllakat e deritanishme të mermerit kanë pasur 3 cm trashësi, ndërsa tani do të vendosen pllaka graniti prej 6 centimetrave trashësi. "Këto pllaka do të mund të shfrytëzohen edhe në të ardhmen, kur të realizohet projekti i plotë", ka deklaruar Daut Emini.

Përpiluesit e këtij projekti sqarojnë se rregullimi i sheshit parasheh më shumë sipërfaqe të gjelbra, "Do të ketë ulëse, shtigje për këmbësorë, kroje të vogla e jo shatërvan të madh, ndërsa pjesa tjetër do të jetë krejtësisht e sheshtë dhe e shtruar me granit. Kalimi prej nivelit të sipërm në nivelin e poshtëm do të jetë me shkallë të gjëra, në vend të zhardinjerëve që kanë ekzistuar deri tani", deklaruan nga "Naerprojekti". Do të mbillen edhe pemë me renditje gjeometrike. "Më vjen keq, por pemët e vjetra u desh të shkulen sepse nuk përputheshin në asnjë gjeometri të projekti të ri", u shpreh Nexhati Zylbeari, mbikëqyrës i projektit të sheshit. Mirëpo, shton ai, tani furnizimi me fidanë është i lehtë, pasi nëpër fidanishte mund të gjenden fidanë gjysmë të rritur ose të rritur, kështu që sheshi menjëherë do të marrë fizionominë e duhur.

Element tjetër i ri, që parasheh projekti i sheshit, është edhe ai se në kalimin nga niveli i poshtëm në nivelin e sipërm, në dy skajet e sipërme të sheshit, janë paraparë shkallë gjysmërrethore, në formë amfiteatri. Sipas përpiluesve të këtij projekti, kjo i jep sheshit edhe efekt estetik, edhe funksional. Lidhur me bustet që ishin të vendosura në shesh, mbikëqyrësi Zylbeari thotë se ata janë larguar dhe me projektin e ri nuk parashihet vendosja e tyre. "Bustet ruhen në vend të sigurt dhe ndoshta do të dorëzohen në muze deri sa të gjendet ndonjë lokacion tjetër", deklaroi ai. Investimi që bën Komuna e Tetovës në sheshin "Iliria" arrin vlerën e rreth 300 mijë eurove. Ndërsa punët për realizimin e këtij projekti duhet të përfundojnë për më pak se dy muaj. Sheshi ekzistues i Tetovës është ndërtuar në periudhën nga viti 1965 deri në 1970.