Postuar më parë nga
RaPSouL
Arrestohet në Florida të SHBA, Efraim Diveroli, presidenti i Kompanisë AEY. 22-vjecari akuzohet se ka mashtruan ushtrinë amerikane duke i shitur asaj fishekë kinezë të cilët i riambalazhonte në Gërdec sikur të ishin prodhuar në Shqipëri. Mashtrimi i Diverolit kapte shifrën 300 milionë dollarë. Në skemë e mashtrimit e përfshirë dhe MEICO
MIAMI BEACH- Autoritetet amerikane kanë arrestuar trafikantin e armëve, Efraim Diveroli, që blinte arme kineze nga Shqipëria, të ndaluara nga qeveria amerikane dhe i shiste për forcat aleate në Afganistan. Presidenti 22- vjecar i kompanisë AEY dhe tre persona të punësuar prej tij u arrestuan mëngjesin e së premtes në Florida të Shteteve të Bashkuara të Amerikës. Ata akuzohen për mashtrim dhe konspiracion ndaj ushtrisë amerikane pasi kanë gënjyer për origjinën e armëve, me qëllim përfitimi të paligjshmë. Në të gjitha raportet që i ka dërguar Departamentit Amerikan të Mbrojtjes, në lidhje me zbatimin e kontratës 300 milionë dollarëshe që mori nga Pentagoni, Diveroli ka pohuar se armët ishin prodhuar në Shqipëri dhe prodhuesi ishte kompania shqiptare Mejko, ndërkohë që këto armë ishin kineze. Në pranga bashkë me Diverolin kanë rënë edhe zv/presidenti i AEY, David Pakouz si dhe Aleksandër Podrizki, i cili përfaqesonte kompaninë AEY në Shqipëri, dhe Ralf Merrill, një partner biznesi i Diverolit në Jutah që i jepte kompanisë asistencë financiare dhe manaxheriale. Në akuzën e prokurisë amerikane Podrizki shfaqet si personi qe ka përfaqësuesuar Diverolin në Shqipëri, dhe qe mbante kontaktet me MEIKO-n. Më 23 maj 2007 Diveroli ka ardhur vetë në Shqipëri dhe më 26 maj ka arritur të negociojë per çmimin e fishekëve me kompaninë Meiko. Prokuroria amerikane disponon gjithë mesazhet elektronike mes AEY e MEIKO si dhe foto të momentit të heqjes se etiketave kineze nga kutitë e municioneve në Shqipëri. Sipas termve të kontratës, AEY-së i kërkohej të çertifikonte (të provonte) se mund të furnizonte me municion të sigurtë dhe brenda kushteve për shërbim. Kontrata ndalonte dërgimin e municioneve nëse këto merreshin, direkt ose indirekt nga kompani ushtarake të Kinës Komuniste (Under the terms of the contract, AEY was required to certify that it provided serviceable and safe ammunition. The contract also prohibited delivery of ammunition acquired, directly or indirectly, from a communist Chinese military company.) Fillimisht për procesin e ambalazhimit te municioneve ishte ngarkuar nga Efraim Diveroli , kompania e biznesmenit shqiptar, Kosta Trebicka i cili më pas u anashkalua nga autoritetet e MEIKO-s dhe Ministrisë së Mbrojtjes për të përfshirë një tjetër firmë e cila do të rriste artificilisht çmimin e fishekëve nga 22 dollarë për 1000 copë në 40 dollarë. Pasi u la mënjanë Trebicka denoncoi në media aferen e MEIKO-s dhe në një telefonatë të tij me Efraim Devirolin ky i fundit deklaronte se në këtë cështje ishte përfshirë mafia shqiptare.
Gjithë afera e Diverolit, ku përfshihet dhe Shqipëria doli në dritë pas ngjarjes tronditëse që ndodhi në Gërdec për të cilën tashmë është nën hetim ish-ministri i Mbrotjes Fatmir Mediu. Një javë pas ngjarjes së Gërdecit, u botua një artikull në gazëtën prestigjoze “Neë York Time” për aferën korruptive të shitjes së fishekëve kinezë nga Shqipëria drejt Afganistanit nëpërmjet kompanisë AEY te efraim Diverolit. Pas artikullit në fjalë, qeveria amerikane u vu në alarm dhe vendosi të pezullonte aktivitetet e kompanisë së 22 vjecarit Diveroli. Një komitet hetimi u ngrit nga kongresi amerikan për të hetuar këtë ngjarje. Por Diveroli nuk u paraqit asnjëherë para Kongresit. Pas arrestimit, komiteti i reformave qeveritare në Kongres vendosi të mbajë ditën e martë një seancë dëgjimore për aferat e kompanisë AEY. Tashmë administrata Bush është nën presion se si ka mundësi që një 22 vjecar të fitojë një kontratë aq të madhe nga ushtria amerikane dhe të guxojë të mashtrojë në këtë mënyrë qeverinë. Në një konferencë për shtyp Prokurori i Përgjithshëm Aleksandër Akosta tha se kompania e Diverolit në mënyrë të qellimshme ka thyer rregullat dhe ka rrezikuar jetet e trupave amerikane dhe aleatëve. Ai tha se të arrestuarit mund të vuajnë më shumë se 10 vjet burg në rast se shpallen të fajshëm.
(s.g/NEWS24/Balkanweb)
Përgjigju Duke Cituar
Krijoni Kontakt