Kuvendi rrezon dekretet e presidentit Topi

[Qyfyre]

ke desh te vendose topi ?

na i sillni emrat.. kush e di..

ne se topi ka dashur te vendose zagare te edvin arapit ne gjykat te larte ahere mir ka bere parlamenti..

edhe mbas 2008 me kelish enveristesh do jene gjykatat..?

mund te jape drejtesi nje xhelat tip abdiu qe ka varur poete ne litar ne fund te viteve 80 te..?

Me të vërtetë e beson se vetëm ata të PS janë këlysha komunistash ?

[Qyfyre]

Ky lloj debati ( sic po ndodh edhe ketu ne forum) eshte tipik per politiken Shqiptare.

Tema eshte : kritike ndaj parlamentit per mosmiratimin e dekreteve presidenciale per emerimin e gjykatesve te larte.

Kritika mund te vinte dhe nga nje prostitute, vrases, apo kanibal. Te gjitha keto karakteristika te kritikut nuk kane fare te bejne me temen.

Pse nuk miratoi parlamenti emerimin e nje gjykatesi me pervoje europiane? Eshte ky njeri inkompetent? etj etj

Tema nuk eshte as gerdeci e as lidhjet e Ambasadorit amerikan me ate tragjedi.

Kjo është e vërtetë. Merret si 100% e drejtë çdo deklaratë që bën Amerika apo Europa, po janë po këta që kanë sharë e kanë lavdëruar dhe Nanon, dhe Berishën dhe Ramën etj etj. Shpesh heër mund këta mund të kenë interesat e veta. Në ratse të tjera u interpretohen deklaratat sipas qefit se ka pas plot raste ku të njëjtën deklaratë të ndonjë europiani, apo amerikani e perdor dhe PD dhe PS për të thënë që janë me ne.

[Antimafia]

Presidenti Topi dekoron prokurorin qe denoi me pushkatim "Martirin e Demokracise"

BLEDAR HOTI (Gazeta "Panorama")

Dekorimi i kryer nga kreu i shtetit më datë 8 maj të këtij viti, ka sjellë reagimin e ashpër të shtresës së ish të përndjekurve, duke u shprehur si shumë të indinjuar nga vendimi i Presidentit. Dekorimi me “Medaljen e Mirënjohjes” të ish-prokurorit Skënder Breca, ka sjellë reagimin e të afërmit të të pushkatuarit të Xhelal Koprenckës. Nëse presidenti i djathtë Berisha i dha Koprenckës titullin “Martir i Demokracisë”, tani pas më shumë se një dekade dekorohet prokurori që e dënoi atë me pushkatim. Në një letër të hapur publike, mbesa e “Martirit të Demokracisë”, Xhelal Koprencka, Romira Muka, e cilëson si tepër fyese faktin se si një president dekoron një prokuror, i cili ka dhënë dënime kapitale ndaj njerëzve, të cilët kishin mendime të kundërta me sistemin e egër komunist. “E ndërsa ne mundohemi të kalojmë dhe të shuajmë urrejtjen, përballemi përditë me gjëra të vogla në dukje, por që po na e nxijnë jetën edhe sot pas kaq vitesh demokraci. Një nga këto raste s’ka shumë ditë që na ndodhi i nderuari z. President, kur lexuam në gazetë emrin e Skënder Brecës me rastin e një dekorimi nga ana Juaj. Një emër që ndodhet edhe në listën e 319 personave që kanë ushtruar dhunë dhe terror gjatë diktaturës komuniste, listë kjo e formuar nga kujtesa e gjallë e ish të dënuarve politikë dhe e bazuar në dokumente të ligjshme të asaj kohe”, thuhet në këtë letër. Muka thekson se, “nuk do të më ishte kujtuar gjatë ky emër, sikur më 10 maj 2008 ai të mos dekorohej me ‘Medaljen e Mirënjohjes’ nga ana Juaj, me motivacionin – ‘Për përkushtim të lartë, korrektësi dhe ndershmëri në ushtrimin e funksioneve të prokurorit’?!...”. Të prekur nga ky vendim i Topit, familjarët e Koprenckës, të cilit ende edhe sot nuk është gjetur varri ku i prehen eshtrat, pasi u pushkatua me vendim gjykate në vitin 1979, i kërkojnë kreut të shtetit të hedhë poshtë vendimin për dhënien e dekoratës. Pas viteve ’90, më datë 6 qershor 1994, Xhelal Koprencka do të dekorohej nga presidenti i asaj kohe, sot kryeministër i vendit, Sali Berisha, me titullin “Martir i Demokracisë”. Pas afro 18 vitesh, institucioni i Presidencës merr vendimin për dekorimin e personit që dha dënimin kapital. “Kërkojmë nga Ju i nderuari President i Shqipërisë, që t’i hiqet në mënyre publike dekorata Xhelal Koprenckës, sepse miqtë dhe familjaret e tij ndihen tej mase të fyer nga ky përngjasim absurd dekoratash”, thuhet në letër.


Kush është Koprencka
Xhelali lindi në Tiranë më 7 qershor 1932. Rrjedh nga një familje patriotike me origjinë nga Skrapari. Babai i tij, Sami Koprencka, diplomuar në Stamboll, ka qenë nënprefekt i Pogradecit rreth viteve ’30. Të parët e tij, gjyshi Xhelali, ka marrë pjesë në ngritjen e flamurit të Pavarësisë më 1912 dhe ka firmosur Aktin e Shpalljes së Pavarësisë si përfaqësues i zonës së Skraparit. Xhelali është arrestuar gjithsej pesë herë. Dënimi i pestë, pas revoltës së Spaçit, më 9 maj 1979, jepet nga prokurori: “I pandehuri Xhelal Koprencka, si armik i tërbuar i shtetit të diktaturës së proletariatit”. Gjykata e Lartë me kryetar Sofokli Krongon, la në fuqi kërkesën e bërë nga prokurori i këtij gjyqi Skënder Breca, dënimin me vdekje të Xhelal Koprenckës në moshën 46-vjeçare, së bashku me Fadil Kokomanin dhe Vangjel Lezhon”. Këta dy të fundit, ish-gazetarë të Radio Tiranës në ato vite.
Familja: Hiqjani dekoratën

“E gjithë familja ime është e detyruar që të presë 29 majin, ditën e përvjetorit të ekzekutimit të Xhelalit, për ta përkujtuar atë mbi një Varr Imagjinar. Duke u nisur nga kjo histori, e cila nuk ka për qëllim që të cëmbysë zemra, pasi në Shqipëri ka plot të tilla, në emër të familjes sime kërkoj vetëm dy gjëra:

a – T’i kërkohet këtij ish-persekutori dhe prokurori, i cili tashmë mund t’ju konsiderojë si mik, vendndodhjen e eshtrave të dajës tim, meqenëse gëzon një shëndet të fortë dhe memorie të mirë dhe në pamundësi të heqjes së asaj dekorate me të cilën mendoj se janë trazuar qindra zemra familjarësh që vazhdojnë të jetojnë ende sot një mosrespektim të tejskajshëm;

b - Kërkojmë nga Ju i nderuari President i Shqipërisë, që t’i hiqet në mënyrë publike dekorata e Xhelal Koprenckës, sepse miqtë dhe familjaret e tij ndihen tej mase të fyer nga ky përngjasim absurd dekoratash”, thuhet në letrën e hapur.


“Pse nuk hetuat punën e Brecës”

“Pas viteve ‘90, familja ime bëri të pamundurën të gjenim eshtrat e dajës tonë, ‘Martirit të Demokracisë’, Xhelal Koprencka, i pushkatuar më 29 maj 1979, por akoma edhe sot nuk kemi arritur të gjejmë gjë. Kur hap dosjen e Xhelalit, ai del i dënuar me dënim kapital dhe pranë tij, prokurori Skënderi, autori i këtij dënimi. Pas viteve ’90, më datë 6 qershor 1994, Xhelal Koprencka do të dekorohej nga presidenti i asaj kohe, sot kryeministër i vendit, z. Sali Berisha me titullin ‘Martir i Demokracisë’. Por si ia lejuat vetes Ju i nderuari z. President, që nuk morët mundimin e të mësonit pak mbi të shkuarën e këtij prokurori, i cili me plumbin e tij të fundit që i dha Xhelal Koprenckës para 30 viteve, mendoj se nuk do ta meritonte sot atë dekorim që Ju i bëtë”, thuhet në letër.

[Brari]

kush jane keshilltaret e hekalit..me fal te topit..?

se ate per ceshtje sigurimi e di qe eshte nje kulla kulla qe ka pas shkrue ne gsh te bollinos dikur.. e qe i del emri ne ato punet nen rrogoz-ore te vrasjes se komandant drinit..

nuk lexojn forum as topi as berisha.. prandaj bien ne m.ut..

forumi te hap syte..
sikur te kish lexuar forum i biri berishes apo mediu i godos.. qe na duallen te deliut te jorgjies.. nuk kish ndodh gerdeci.. sepse po te lexosh forum merr vesh sa esht sahati..

ne te se.mes vafshin ata qe tallen me voten e 3 korrikut..

[Duaje Siveten]

cituar nga antimafia:

[I]Nëse presidenti i djathtë Berisha i dha Koprenckës titullin “Martir i Demokracisë”, tani pas më shumë se një dekade dekorohet prokurori që e dënoi atë me pushkatim.

nuk ka nevoje per komente te tjera ...

kush ka mend ... e merr vesh pse doli nashi ... kush i hapi keto ... perse pikerisht nashi ...

a duhesh bere ai dekorim - kurren e kurres - mos ia punojne edhe keti topes si sales kur zakonisht deshton ...?

topi ka per tu kthyer prej kapertoni, ne llastik e me sa duket, ne top pe lecke ...

[Duaje Siveten]

Shekulli 16 Korrik 2008

Ish-Presidenti paralajmëron ngritjen e një
shteti tribal nga kryeministri Sali Berisha

Ish-Presidenti i Republikës, Alfred Moisiu mbështet pasardhësin e vet Bamir Topi në betejën e këtij të fundit me kreun e ekzekutivit, Sali Berisha. Duke iu referuar pikërisht debatit më të fundit midis Kreut të Shtetit dhe Kuvendit për dekretet për anëtarët e Gjykatës së Lartë, Moisiu shprehet se Topi është në të drejtën e tij. Madje ai shkon edhe më tej kur pohon qartë një tendencë të politikës në përgjithësi për të komanduar kreun e shtetit. “Unë mendoj se Presidenti është në rregull dhe jo pse ai është pasardhësi im dhe unë s’mund ta kritikoj, por po them një të vërtetë. Por këtu më shumë tentativa është për ta komanduar Presidentin”,- u shpreh ish-presidenti Moisiu.

Sipas tij, mazhoranca me pa të drejtë po abuzon me votat e saj, për të detyruar presidentin Topi që të pranojë diktatin e saj. Kjo, ka bërë të ditur ish-numri një i shtetit, nuk është hera e parë, pasi siç ka theksuar ai, një situatë e tillë ka qenë vënë re dhe më parë gjatë presidencës së tij. “Sigurisht unë kam patur përplasje si me Kryeministrin aktual dhe me ish-kryeministrin Nano, por këto janë normale. Çështja është se kur përplasjet krijojnë kriza, ato nuk janë normale. Mendoj se në rastin e dekreteve po abuzohet nga shumica”,- është shprehur Topi. Sipas tij, kjo situatë e përsëritur përbënë një tendencë të rrezikshme për funksionimin e shtetit ligjor. Moisiu nuk ka nguruar që të përsërisë edhe një herë paralajmërimin e tij për zëvendësimin e shtetit të ligjit, në një shtet tribal të dominuar nga kryeministri Berisha. “Mua më duket një situatë që nuk duhet të ishte krijuar sepse kjo nxjerrë në pah shumë defekte, jo të ligjeve dhe të Kushtetutës por të zbatimit, dhe meriton dhe një herë atë që kam thënë, se ne kemi një tendencë jo të mirë, për mos të thënë të rrezikshme, për të kaluar nga shteti ligjor, drejt shtetit tribal”,- tha më tej ish-kryetari i shtetit, Alfred Moisiu.

[saura]

Veten ne Shqiperi ndodhin keto turpe ,ish prokuroret as qe duhet ta ushtrojne me profesionin e jo me te dekorohen ...
Ish prokuroret e gjygjtaret e asaj kohe tani i gjen avokate ,notere ,ndonje akoma dhe ne detyren qe ka qene...