KE, publikon raportin: Jemi të shqetësuar për të drejtat e njeriut në Shqipëri
STRASBURG- Këshilli i Europës nëpërmjet komisionerit për të drejtat e njeriut Tomas Hamerberg ka shprehur shqetësim lidhur me problemet strukturore për mbrojtjen e të drejtave të njeriut në Shqipëri. Në një raport të publikuar sot, Këshilli i Europës jep një sërë rekomandimesh për funksionimin e gjyqësorit, sjelljen e policisë, kushtet e paraburgimit, të drejtat e minoriteve, diskriminimin, të drejtat e personave me aftësi të kufizuara, trafikun e qënieve njerëzore dhe lirinë e fjalës. Komisioneri Hamerberg nënvizon se mangësitë në legjislacion dhe implementim si dhe opinioni i përhapur lidhur me korrupsionin vazhdojnë të rrezikojnë funksionimin efektiv të sistemit gjyqësor. për më tepër, ai shprehu shqetësimin lidhur me rastet e sjelljeve të pahijshme të policëve si dhe mungesën e hetimeve të duhura për akuzat e keqtrajtimit. Komisioneri Hamerberg nxorri në pah kushtet e papranueshme në qelitë e paraburgimit dhe bëri thirrje për të marrë masat e duhura për t’i dhënë zgjidhje kësaj situate. Në raport thuhet se megjithëse Shqipëria ka bërë përpjekje mbresëlënëse për mbrojtjen e minoriteteve, disa probleme strukturore vazhdojnë të jetë ekzistente dhe situata e minoriteteti Rom kërkon më shumë vëmendje. Në raport gjithashtu nënvizohet se mekanizmat për luftimin e formave të ndryshme të diskriminimit janë të dobëta. Këshilli i Europës i vë theksin edhe një tjetër problemi siç është ai i dhunës kundër grave. “Dhuna kundër grave dhe masat e marra për ta luftuar këtë fenomen nuk janë të mjaftueshme”, shkruhet në raportin e komisionierit për të drejtat e njeriut Thomas Hamerberg.
Përgjigju Duke Cituar
Krijoni Kontakt