Vasil Bollano, sot ne gjyq per heqjen e tabelave

[brooklyn2007]

Te shohim sa i afte eshte shteti shqiptar per ta treguar veten SHTET.



Nis procesi ne ngarkim te kryebashkiakut te Himares

Vasillaq Bollano, kryetar i Bashkisë së Himarës dhe kryetar i organizatës së minoritet grek në Shqipëri OMONIA, do të dalë sot përpara Gjykatës së Vlorës për t‘u përballur me akuzën për shpërdorim detyre. Kancelari i Gjykatës së Vlorës, Albert Pashaj, konfirmoi dje se gjyqi në ngarkim të shtetasit Vasillaq Bollano është caktuar të zhvillohet të martën më 17 qershor në orën 09:00. Gjyqtari i kësaj çështjeje do të jetë Shkëlzen Selimi, ndërsa akuza do të përfaqësohet nga kreu i Prokurorisë së Vlorës, Sokol Malaj. Ndërkohë, është konfirmuar se kreu i Bashkisë së Himarës do të mbrohet nga avokati Petraq Curri. Ka pak shanse që Vasillaq Bollano të paraqitet personalisht në gjykatë sot, por sidoqoftë kjo është përballja e tij e parë me drejtësinë, pas një serie akuzash që shpesh janë shndërruar në shprehje mllefesh nacionaliste dhe e kanë ngritur më lartë figurën e Bollanos në sytë e pasuesve të tij.

Prokuroria e Vlorës, e përfaqësuar në këtë rast nga kreu i saj, Sokol Malaj, e akuzon Vasillaq Bollanon për veprën penale "Shpërdorim detyre", parashikuar nga neni 248 i Kodit Penal. Prokuroria e ngriti këtë akuzë pas publikimit në gazetën "Shqip" të të ashtuquajturit "Skandali i tabelave".

Në vjeshtën e vitit 2007, kryebashkiaku i Himarës urdhëroi policinë bashkiake të shkulte të gjitha tabelat turistike-kulturore të vendosura në rrugën nacionale që kalon përmes territorit të Bashkisë Himarë, nga Palasa në Qeparo. Në dosjen mbi të cilën organi i akuzës ka ngritur padinë nuk trajtohet fakti që tabelat u hoqën me pretekstin se ishin të shkruara vetëm në shqip dhe anglisht dhe jo në greqisht. Por ky fakt është konfirmuar nga prefekti i Vlorës, Xhevahir Rexhepi, i cili në një intervistë për gazetën "Shqip" ka sqaruar se shkulja e tabelave ka ardhur pasi prefektura i ka refuzuar Bollanos dy kërkesa për të shtuar edhe gjuhën greke në tabelat që ishin vendosur në rrugën nacionale me miratimin e Drejtorisë së Përgjithshme të Rrugëve. Ky fakt është konfirmuar edhe nga zyrtarë të Ministrisë së Turizmit, Kulturës, Rinisë dhe Sporteve, të cilët e kanë diskutuar këtë çështje me Vasillaq Bollanon në një takim që kanë pasur në Himarë.

Kjo është një çështje që vlen më shumë për opinionin publik se sa për organin e akuzës, që tashmë ka krijuar bindjen se është konsumuar vepra penale e parashikuar nga neni 248 i Kodit Penal.

Akuza ka në dispozicion si prova shkresore dokumentet që faktojnë urdhrin e dhënë nga Bollano dhe si provë materiale tabelat e shkulura nga një pjesë e rrugës nacionale Vlorë-Sarandë. Bollano nuk mund t‘i mohojë këto dy fakte, madje ai e ka pranuar tashmë këtë publikisht. Por kjo situatë nuk e nxjerr domosdoshmërisht fajtor kreun e Bashkisë së Himarës.

Që nga dita kur gazeta "Shqip" ngriti akuzën ndaj Bollanos, ai u justifikua me faktin se Kodi Rrugor i Republikës së Shqipërisë, u njeh edhe autoriteteve vendore disa të drejta mbi sinjalistikën në akset e rrugëve nacionale. Bollano thotë se ligji i lejon të vendosë tabela dhe për rrjedhojë nuk ia ndalon heqjen e tabelave nga aksi i rrugës që kalon në territorin e administruar prej tij. Në fakt Kodi Rrugor, ashtu siç thotë Bollano, lejon vënien e tabelave nga autoritetet vendore, por aty nuk ka asnjë nen që përcakton se kush e ka të drejtën të shkulë tabela.

Për këtë çështje, gazeta "Shqip" kërkoi në muajin mars 2008 një interpretim nga Drejtoria e Kodifikimit në Ministrinë e Drejtësisë, por edhe pse kanë kaluar më shumë se tre muaj, ministria nuk ka kthyer asnjë përgjigje.

Ky vakum në Kodin Rrugor, që mbetet ende i pasqaruar, pritet të jetë pika më e fortë e mbrojtjes së kreut të OMONIA-s, i cili gjithnjë ka ditur të gjejë rrugëdalje përballë akuzave që i bëhen shpesh në debate publike.


Neni 248 i KP


Shpërdorimi i detyrës

Kryerja ose moskryerja me dashje e veprimeve a mosveprimeve në kundërshtim me ligjin, që përbën mospërmbushje të rregullt të detyrës, nga personi që ushtron funksione publike, kur i kanë sjellë atij ose personave të tjerë përfitime materiale apo jomateriale të padrejta, a kanë dëmtuar interesat e ligjshme të shtetit, të shtetasve dhe personave të tjerë juridikë, nëse nuk përbën vepër tjetër penale dënohet me burgim deri në shtatë vjet dhe me gjobë nga 300000-1000000 lekë.

Gazeta Shqip

[juanito02]

Per mua seshte thjeshte shperdorim deryre
Po i vriskan krahet bollanos grek
Un sjam jurist po ndonje nen per tratheti te larte do kete kodi penal

[BARAT]

Gjyqi i Bollanos, rivlerësim dëmit

20/09/2008 - gazeta shqiptare
• Enrik Mehmeti

VLORE Kërkesa e avokatit mbrojtës për rivlerësimin e specifikuar të
dëmit, ka bërë që të shtyhet edhe dje seanca e radhës ndaj kryetarit
të Bashkisë së Himarës, Vasil Bollano. Ndërkohë, ashtu si edhe në
seancat paraardhëse, i akuzuari Bollano nuk është paraqitur në
sallën e gjyqit, por u përfaqësua nga avokati mbrojtës, Petraq
Curri. Bollano akuzohet nga prokuroria se ka urdhëruar shkatërrimin
e tabelave rrugore në gjuhën shqipe të vendosura në Himarë, duke i
zëvendësuar ato me tabela në greqisht, e për rrjedhojë ka shkaktuar
një dëm ekonomik në vlerën e 2.1 milionë lekëve. Duke marrë parasysh
kërkesën e mbrojtjes, gjykata vendosi që seanca e radhës ndaj
Bollanos të zhvillohet më 26 shtator 2008.
SEANCA
Seanca e radhës ndaj Bollanos nisi në orën 10:00 të ditës së djeshme
pa pjesëmarrjen e të akuzuarit, i cili mbrohej nga avokati i tij.
Pas leximit të pjesëve të akuzës, avokati Petraq Curri i kërkoi
gjykatës të shprehej rreth tyre në emër të klientit të tij. "Nuk
jemi dakord me ekspertizën e bërë lidhur me vlerën e dëmit. Ajo
është bërë nga një teknik ndërtimi, nuk është e saktë dhe e plotë.
Kërkojmë që vlera e dëmit të mos jetë totale por e specifikuar, pra
dëmi të jetë në zëra. Gjithashtu, kërkojmë të merren në konsideratë
disa prova të neglizhuara që janë në favor të klientit tim", -
kërkoi avokati Curri. Me një vendim të ndërmjetëm, gjykata mori në
konsideratë pretendimet e mbrojtjes, duke urdhëruar që rivlerësimi i
dëmit të shkaktuar nga urdhri i Bollanos, të bëhet nga një grup
ekspertësh. Gjithashtu, kryesuesi i seancës caktoi datën 26 të këtij
muaji për zhvillimin e seancës së radhës.
DENONCIMI
Ka mjaftuar një denoncim i një biznesmeni për të vënë në lëvizje
Prokurorinë e Vlorës, e cila pas disa muaj hetimesh dërgoi në bankën
e të akuzuarve kryetarin e Bashkisë së Himarës, Vasil Bollano. Në
kërkesën për gjykim të prokurorisë thuhet se i pandehuri Bollano ka
shpërdoruar detyrën, duke hequr tabelat në gjuhën shqipe në aksin
Orikum-Himarë-Sarandë-Butrint, duke mos lejuar firmën që kishte
fituar tenderin të vendosë sinjalistikën rrugore. Në përballjen me
togat e zeza më 2 korrik të këtij viti, ashtu si në seancën e
djeshme Bollano nuk u paraqit, por u përfaqësua nga avokati.
Mbrojtja kundërshtoi akuzën duke deklaruar se "Bollano nuk ka bërë
asnjë shkelje me heqjen e tabelave, pasi sinjalistika që është
hequr, u urdhërua nga Bollano pasi në Bashkinë e Himarës nuk ka
pasur asnjë shkresë apo kërkesë nga askush për të miratuar në
këshillin bashkiak vendosjen e tabelave në fjalë. Ato u vendosën pa
lejen e Bashkisë së Himarës nga DPRR-ja brenda juridiksionit të saj,
çka i jep atij të drejtën të operojë në këtë zonë për gjithçka, si
dhe për vendosjen e tabelave sinjalistike që tregojnë zonat
turistike, muzeale dhe arkeologjike etj, që janë kompetencë e
Bashkisë së Himarës"
AKUZA
Në aktakuzën e firmosur nga prokurori Sokol Malaj (çështja penale
Nr.1214 e vitit 2007), kreu i Bashkisë së Himarës akuzohet për
veprën penale të "shpërdorimit të detyrës", parashikuar nga neni 248
i K.Penal. Duke bashkangjitur një sërë provash, dokumente e dëshmi
(përfshi dhe ekspertizën e specialistëve për vlerën e dëmit në 2.1
milionë lekë), akuza kërkoi gjykimin e çështjes penale Nr.1214/2007,
me të pandehur shtetasin Vasillaq Bollano, të akuzuar për veprën e
"shpërdorimit të detyrës", parashikuar nga neni 248 i K.Penal

[Conquistador]

jo mer se rruga der ke gjykata eshte shume e gjate per Bollanon dhe ai nuk ka arritur akoma. Pritet te na lajmerojne kur te arrije Bollano ne gjykate...

[Dita]

A dihet se si e ka emrin biznesmeni qe ka bere denoncimin? Ai eshte hero, nga ata realet e diteve te sotshme, jo te shpikurit e mediave. Sikur te kishim dhe me shume te tille, ne Shqiperi punet do te shkonin shume me mire.

[BARAT]

A dihet se si e ka emrin biznesmeni qe ka bere denoncimin? Ai eshte hero, nga ata realet e diteve te sotshme, jo te shpikurit e mediave. Sikur te kishim dhe me shume te tille, ne Shqiperi punet do te shkonin shume me mire.

Dita, me gjithe respektin qe kam per nivelin e postimeve te tua, nuk me duket se problemi eshte mediatik, por pak me tej. Nese Berisha e ben mik per koke kete palikarin shqiptar, qe thote se eshte grek, atehere cfare pret nga media ti? Te marre prangat dhe ta burgose Bollanon ne ndonje redaksi lajmesh?
Nuk e ka fajin megafoni e ka goja. Dihet si manipuhet informacioni edhe ne USA e kudo. C'pret te ndodhe ne Shqiperi

[Bamba]

Akoma se kan shporr ne halen e tij ket bushtren?