Hyri në fuqi Kushtetuta e Kosovës me 14 kapituj dhe 162 nene ligjore

[RaPSouL]

Ka hyrë sot në fuqi Kushtetuta e parë për Kosovën pas 119 ditësh që nga shpallja e pavarësisë së saj. Ky dokument I lartë juridik që përmban 14 kapituj dhe 162 nene nënkupton se që nga dita e sotme autoritetet vendase do të administrojnë Kosovën me bazë ligjore. Tashmë Kosova do të jetë Republike Parlamentare me elemente të sistemit presidencial.

KUSHTETUTË - Pas 119 ditësh që nga shpallja e pavarësisë së Kosovës pas elementëve të tjerë identifikues flamurit, stemës dhe himnit tashmë shteti më i ri në botë dhe me Kushtetutën e parë. Kjo Kushtetutë e përcakton Republikën e Kosovës shtet të pavarur, unik dhe të pandashëm. Me 14 kapituj dhe me 162 nene, në Kushtetutë thuhet se Republika e Kosovës nuk ka pretendime territoriale ndaj asnjë shteti apo pjesë të ndonjë shteti dhe nuk do të kërkojë të bashkohet me asnjë shtet apo pjesë të ndonjë shteti.
Kosova do të jetë Republike Parlamentare me elemente të sistemit presidencial, ku presidenti do të ketë kompetencat për të qenë komandant supreme I forcës së ardhshme të sigurisë së Kosovës. Hyrja në fuqi e Kushtetutës së Republikës së Kosovës është cilësuar si një vendim historik nga kryediplomati europian Havier Solana ndërkohë që për shefin e EULEX ky proces konsiderohet si fundi I periudhës së tranzicionit, madje ai beson se pas misionit të ardhshëm civil ndërkombëtarë EULEX do të shtrihet në të gjithë territorin e Kosovës.



(A.S/News24/Balkanweb)

[RaPSouL]

Prishtinë, ceremoni shtetërore me rastin e hyrjes në fuqi të Kushtetutës


Hyrja në fuqi e Kushtetutës së Kosovës është celebruar në një ceremoni të denjë shtetërore sot pasdite në Prishtinë. Presidenti i Kosovës Fatmir Sejdiu falënderoi në fjalën e tij të gjithë ata që mbështetën këtë proces historik. Kanë folur edhe kreu i Kuvendit Jakup Krasniqi dhe kryeministri Hashim Thaçi të cilët kanë përshëndetur nisjen e një procesi, tashmë me bazë ligjore dhe juridike në shtetin e Kosovës.

PRISHTINË - Në orët e pasdites së sotme u mbajt në Kosovë ceremonia shtetërore me rastin e Hyrjes në fuqi të Kushtetutës së re te shtetit të pavarur të Kosovës. Në këtë ceremoni krerët e shtetit kanë përshëndetur nisjen e një procesi, tashmë me bazë ligjore dhe juridike në shtetin e Kosovës. Në fjalën e tij presidenti kosovar Fatmir Sejdiu falënderoi të gjithë ata që mbështetën në rrugën e saj Kosovën dhe synimet e saj për pavarësi dhe vetëqeverisje. Duke shprehur gatishmërinë për të bashkëpunuar me misionin EULEX në Kosovë, Sejdiu siguroi se do të mundohet të krijojë një shtet të qëndrueshëm, në respekt të Kushtetutës. Ai premtoi se do të formohet Shërbimi Informativ i Kosovës.

Po kështu në ceremoninë e Kushtetutës së Kosovës ka folur edhe kryetari i Kuvendit të Kosovës Jakup Krasniqi. Në fjalën e tij Krasniqi ka theksuar se tashmë Kushtetuta i ka dhënë fund dyshimeve dhe ka legjitimuar kombin kosovar me një bazë ligjore demokratike. “Kërkoj zbatim të rregullt të kushtetutës nga të gjitha palët dhe sidomos nga Serbia. Shteti Serb nuk duhet të pengojë zhvillimin e shtetit më të ri të botës i cili tani ka mbrojtjen e vet ligjore”, tha Krasniqi. Kryeministri i Kosovës Hashim Thaçi i cili gjithashtu mori fjalën në ceremoninë shtetërore për Kushtetutën e re u shpreh se “Kushtetuta është hap i madh drejt lirisë. Ajo fuqizon shtetin tonë dhe garanton liri dhe qytetarëve”. Ceremonia është transmetuar live nga mediat kosovare dhe në të kanë marrë pjesë krerët më të lartë të shtetit dhe shumë përfaqësues të misioneve të huaja në Kosovë.


(A.S/Balkanweb)

[Brari]

suksese kosoves..

ec perpara oj kosove..

[ment]

Me sa mundem me e kuptue une tash kontrollin per te urdheruar KFOR i ka Kryetari shtetit pra Fatmir Sejdiu pasi tash kompetencat e Rykerit ashtu ma merr menja me korigjoni ne qoft se jam gabim mirpo ne qoft se kalojn kompetencat te vendoret edhe ajo eshte njëra nga to pra ta urdheroj KFOR per qdo vendim .

[strange]

Me sa mundem me e kuptue une tash kontrollin per te urdheruar KFOR i ka Kryetari shtetit pra Fatmir Sejdiu pasi tash kompetencat e Rykerit ashtu ma merr menja me korigjoni ne qoft se jam gabim mirpo ne qoft se kalojn kompetencat te vendoret edhe ajo eshte njëra nga to pra ta urdheroj KFOR per qdo vendim .

Ashtu eshte tash te gjitha janë ne duar te Shqiptareve


Nga këtu mund ta lexoni kushtetutën e Kosovës


PS: Ne Ceremonin festive qe u be dje, ishte flamuri kuq e zi ne anën e djathte, dhe i kalter ne te majte. ç'mu rrit ymri kur e pash ....

[JestersWorld]

Urime Shtetit dhe popullit te Kosoves

Eshte hapi me i rendesishem i nje shteti;

Gjithashtu gezohem qe hyrja ne fuqi e kushtetutes ndodhi kaq shpejte dhe lirshem.

Urime Urime


Neni 1 [Përkufizimi i Shtetit]
1. Republika e Kosovës është shtet i pavarur, sovran, demokratik, unik, dhe i pandashëm.
2. Republika e Kosovës është shtet i shtetasve të vet. Republika e Kosovës ushtron autoritetin e
saj bazuar në respektimin e të drejtave dhe lirive të qytetarëve të vet dhe të gjithë individëve
brenda kufijve të saj.
3. Republika e Kosovës nuk ka pretendime territoriale ndaj asnjë shteti ose pjese të ndonjë
shteti dhe nuk do të kërkojë të bashkohet me asnjë shtet ose pjesë të ndonjë shteti.


Muahahahaha ca kane bere me ket nenin 1 pika 1 bravo ju qofte :d

Bye bye Ahtisari ^^

Pika 3 do me pelqente me shume sikur te mbarte vertem pjesen e pare. Gjithsesi eshte nje Nen i qendisur :d

2 shtete Shqiptare ne ballkan :d juhuuuu

[Llapi]

FJALIMI I KRYEMINISTRIT TË REPUBLIKËS SË KOSOVËS HASHIM THAÇI ME RASTIN E HYRJES NË FUQI TË KUSHTETUTËS SË KOSOVËS

16 qershor 2008




I nderuari z. Fatmir Sejdiu President i Republikës së Kosovës

I nderuari z. Jakup Krasniqi, Kryetar i Kuvendit të Kosovës

Të nderuar përfaqësues të Kongresit Amerikan, z. Eliot Engel, znj. Jean Schmidt, znj. Shiela Jackson Lee,

Ambasador,

Familje të dëshmorëve dhe ju veteran të luftës,

Familje Jasharaj,

Familje Rugova.

Mysafir të respektuar,

Zonja dhe zotërinj,

Sot është një Ditë e Madhe, një ditë historike për Republikën e Kosovës dhe qytetarët e saj.

Sot hyn në fuqi, Kushtetuta e Republikës sonë, akti më i lartë juridik i shtetit tonë të ri të ndërtuar me shumë mund e sakrifica.

Nga kjo ditë shtetit tonë të ri ne i japim një dimension tjetër fundamental: KUSHTETUTSHMËRINË .

SHTETI I PAVARUR DHE SOVRAN I KOSOVËS, PERMES KËSAJ KUSHTETUTE THEMELOHET SI DEMOKRACI LIBERALE:

- E MBËSHTETUR MBI SOVRANITETIN E POPULLIT, SI BURIMI AUTORITETIT POLITIK dhe,

- SOVRANITETIN E LIGJIT SI STANDARD PËR USHTRIMIN E KËTIJ AUTORITETI .

Gjenerata të tëra të qytetarëve të Kosovës kanë dhënë gjithçka nga jeta e tyre për të arritur në këtë ditë historike. Shumë e shumë prej tyre nuk janë më në mesin tonë.

Kujtimi për ta , gjithmonë do të qëndrojë në themelet e shtetit tonë.

Shteti ndërtohet mbi mundin dhe punën e atyre që nuk janë më dhe funksiononi udhëhequr nga vizionet për të ardhmen.

Nga vizionet për fëmijët tanë që do të vijnë për të trashëguar punën tonë dhe vlerat tona.

Liria e një populli merr kuptim të plotë kur ai popull e ndërton shtetin e tij të pavarur, ndërsa sot, 9 vjet pas qershorit të lavdishëm të vitit 1999 ne kemi arritur në këtë cak dhe i kemi dhënë kuptim të plot lirisë së vendit tonë.

Me 17 shkurt 2008 ne shpallëm Kosovën shtet të pavarur dhe sovran. Bota demokratike e ka njohur këtë fakt dhe ia ka hapur dyert shtetit tonë për integrim në strukturat Veri- Atlantike (NATO dhe BE). Në të ardhmen edhe në OKB.



Sot po e fuqizojmë Kushtetutën e Republikës së Kosovës:

- Dokumentin themelor të garantimit të lirisë sonë kolektive dhe individuale

- Ligjin më të lartë që garanton të drejtat tona politike , civile, sociale e kulturore.

Të nderuar miq,

Zonja dhe zotërinj,

Me këtë Kushtetutë krijohen mundësi të barabarta për të gjithë qytetarët e Kosovës.

Hyrja në fuqi e Kushtetutës së Republikës së Kosovës është edhe një hap i madh në rrugëtimin e lirisë sonë.

Në tërë këtë rrugëtim, për asnjë moment, nuk duhet të harrojmë se kishim përkrah miqtë tanë ndërkombëtarë, në krye me Shtetet e Bashkuara të Amerikës dhe Bashkimin Evropian. Prandaj populli ynë i shpreh mirënjohje dhe i falënderon përgjithmonë.

Mbështetja e tyre ishte dhe është aq e madhe, aq e natyrshme .

PER NJË ARSYE TË VETME : Shtetet e Bashkuara të Amerikës dhe Bashkimi Evropian janë dy shtyllat mbi të cilat qëndron civilizimi i lirisë.

Detyra jonë e madhe , si institucione dhe qytetarë mbetet që të fitojmë vendin tonë dinjitoz nën çatinë e këtij civilizimi.

Në këtë aspekt,

KUSHTETUTA JONË LIBERALE DHE DEMOKRATIKE ËSHTË NJË HAP VENDIMTAR DREJT KËTIJ QËLLIMI.

Prandaj është jetike që në qeverisjen tonë të mirë të udhëhiqemi nga parimet dhe dispozitat juridike të Kushtetutës sonë.

Zonja dhe zotërinj,

Në fund më lejoni që duke i përgëzuar të gjithë qytetarët e Republikës së Kosovës, duke falënderuar të gjithë miqtë tanë, për hyrjen në fuqi të Kushtetutës sonë moderne, t[u bëjë thirrje të gjithëve pa dallim etnie apo feje, që ta respektojmë, ta zbatojmë në praktikë Kushtetutën tonë si garancën më të mirë për mbrojtjen e vlerave tona njerëzore dhe institucionale.

Besojmë shumë se kjo Kushtetutë do ta forcojë barazinë dhe lirinë sovranitetin dhe demokracinë e shtetit tonë. Kjo kushtetutë mbron hapur dhe fuqishëm vlerat që duhet të sundojnë në shtetin tonë në përputhje me botën e civilizuar.

Sot ëndrrat tona po bëhen realitet.

Ju faleminderit dhe urime!

[Edvin83]

Kjo kushtetute e ndaloka denimin me vdekje...pfff

[il.Padrino]

Presidenti i Kosoves komandant suprem i KFOR-it?? Kjo eshte absurditet, sepse KFOR komandohet direkt nga Komanda e NATO-s dhe s'ka asnje lidhje me kompetencat e Presidentin, dhe asnjehere s'ka qene nen komanden e PSSP te OKB, sepse UNMIK ishte mision civil nderkombetar dhe KFOR ushtarak, te ndara ndermjet vete, dhe me llogaridhenie krejtesisht te ndryshme.
Mund te kete bashkepunim, mirepo nuk i pergjigjet e as nuk i jep llogari askujt KFOR pervec eproreve ne Bruksel.

[strange]

Presidenti i Kosoves komandant suprem i KFOR-it?? Kjo eshte absurditet, sepse KFOR komandohet direkt nga Komanda e NATO-s dhe s'ka asnje lidhje me kompetencat e Presidentin, dhe asnjehere s'ka qene nen komanden e PSSP te OKB, sepse UNMIK ishte mision civil nderkombetar dhe KFOR ushtarak, te ndara ndermjet vete, dhe me llogaridhenie krejtesisht te ndryshme.
Mund te kete bashkepunim, mirepo nuk i pergjigjet e as nuk i jep llogari askujt KFOR pervec eproreve ne Bruksel.

unë e lexova deri diku Kushtetutën po s'pash qe Presidenti do te ishte komandant suprem i Kfor-it, presidenti i Kosovës do te jet komandan i FSK-se jo i Kfor-it.