Kuriozitete të ndryshme!

[DI_ANA]

Katërvjeçari në rehabilitim për shkak të varësisë ndaj duhanit

Një djalosh katërvjeçar ndodhet në rehabilitim në Tajvan pasi ka krijuar varësi ndaj pirjes së cigareve të babait të tij.

Babai, nga qytetit Gaoxiong, ka filluar të dërgojë djemtë e tij, të moshave nëntë e katër, në një qendër rehabilitimi, pasi që i ka zënë duke i vjedhur cigaret e tij.

"Përgjigjja ishte ajo ishte që e pritja, por më e vështira për ta pranuar", ka thënë ai për gazetën kineze China Times.

Djemtë pranuan vjedhjen dhe kanë thënë se e kanë bërë atë sepse mendonin që babai i tyre dukej “cool’ kur pinte duhan.

Katërvjeçari pranoi se ai shtynte vëllain e tij për të huazuar cigare nga shokët e tij të klasës kur nuk arrinin të vidhnin ndonjë nga babai i tyre.

Babai ka filluar t’i dërgojë djemtë e tij në një qendër rehabilituese për t’i shëruar nga varësia ndaj nikotinës. Megjithatë, Qendra e ka kritikuar atë për dështim për t’u trajtuar së bashku me fëmijët.

Doktoresha Xue Guangjie ka thënë se babai ka ardhur vetëm në dy seanca dhe ka shtuar: "Mënyra më e mirë për të larguar një ves të fëmijës është tu paraqesësh atyre një shembull të mirë".

"Spekter"

[DI_ANA]

Parlamenti Evropian kërkon bojkotimin e Olimpiadës

Nëse Kina nuk fillon negociata me liderin shpirtëror të Tibetit Dalaj Lama, Bashkimit Evropian duhet ta shqyrtojnë mundësinë e bojkotit të solemnitetit të hapjes së Lojrave Olimpike porositin parlamentarët europian

Parlamenti Evropian u bëri thirrje liderëve të Bashkimit Evropian (BE) që ta shqyrtojnë mundësinë e bojkotit të solemnitetit të hapjes së Lojrave Olimpike, nëse Kina nuk fillon negociata me liderin shpirtëror të Tibetit Dalaj Lama.

PE-ja me shumicë të madhe votash miratoi rezolutë të padetyrueshme në të cilën Sllovenisë, si shtet kryesues i BE-së, i bëhet thirrje që të punojë në arritjen e qëndrimin e përbashkët të BE-së lidhur me pjesëmarrjen e ceremonisë së hapjes së Olimpiadës.

"Spekter"

[DI_ANA]

Revista Forbes, rendit plazhet me te rrezikshme ne te gjithe boten

Edhe gati nje muaj mungon nga koha e nisjes se veres, por qe prej kohesh jane organizuar ture te vecanta me paketa pushimesh qe ofrohen per turistet per veren e vitit 2008

27 prill 2008- Edhe gati nje muaj mungon nga koha e nisjes se veres, por qe prej kohesh jane organizuar ture te vecanta me paketa pushimesh qe ofrohen per turistet per veren e vitit 2008. Shpesh-here ne fakt pas perrallave apo dhe destinacioneve klasike turistike, fshihen pushime qe mund te transformohen ne nje aventure jo te kendshme. Pikerisht per kete, revista Forbes, ben te ditur per pjesen me te madhe te turisteve, se tashme pushimet dhe sinonimi det dhe diell, per te larguar edhe surprizat e rrezikshme gjate banjave, prezanton edhe klasifikimin e plazheve me te rrezikshme te botes. Per te gjithe ata qe duan Kontinentin e Vjeter, ka per t’u bere nje terheqje dhe te mos shkohet ne plazhet e rrezikshme, sipas ketij klasifikimi, ku plazhet me te rrezikshme jane ato amerikane dhe australiane.

Peshkaqenet

Pothuajse cdo plazh, prezanton nje rrezik te llojit te ndryshem, por sic shpjegon Stephen.P. Leatherman, drejtori i Qendres Laboratorike te Kerkimeve Nderkombetar te Stuhive per Kerkimet Bregdetare ne Universitetin Nderkombetar te Florides, “preokupimi me i madh per personat eshte prezenca e peshkaqeneve”. “Ne realitet, cdokush nga ne ka mundesi te fitoje llotarine qe eshte nje takim i pelqyeshem”, thekson Leatherman. Plazhi i pare i rrezikshem qe prezantohet ne klasifikim dhe qe ka mundesine te futet nje peshkaqen eshte ai i “New Smyrna Beach” ne kontene e Volusias ne Florida. Sipas statistikave te Sulmeve Nderkombetare te Peshkaqeneve, nevitin 2007, jane verifikuar 112 incidente qe kane patur protagoniste peshkaqenet qe kane sulmuar qeninet njerezore. Gati 17 prej tyre kane ardhur nga deti dhe plazhet qe ndodhen ne kete pjese te Florides. Per fat te mire, vetem nje sulm ka rezultuar fatal.

Mbeturinat dhe Meduzat vrasese

Nje nga problemet me kryesore te detrave ne te gjithe boten, eshte rritja e madhe e aluvioneve. Shpesh, hedhja e mbeturinave ne uje mund te jete nje rrezik edhe per shendetin e njeriut. Eshte rasti per detrat qe lagin plazhet e “Hacks Point Beach”, ne kontene Kent ne Maryland dhe ajo e “Beachwood Beach West” ne New Jersey, ku sipas kerkimeve, njeri nga grupet ambientaliste me te njohura ne Amerike, thekson se keto brigje jane me te ndoturat ne Amerike. Gati 60 per qind e ketyre ujerave, dhunojne standartet sanitare kombetare dhe jane te infektuara nga mikrorganizma parazitare si baktere, viruse, apo edhe protozoi qe mund te transmetojne semundje te ndryshme ne qeniet njerezore. Kalojme tek brigjet e Australise Veriore dhe turistet qe pushojne ne mbreterine e meduzave. Gjate ketyre 100 vjeteve te fundit, pikerisht ne keto detera, kane vdekur 16 persona per shkak te goditjeve. “Chorenex fleckeri” te njohura ndryshe edhe si “Vespat e detit”, mund te provokojne vdekjen nga shoku elektrik, pasi kane infektuar spazmen ne muskuj. Me pas krijojne paralizen e frymarrjes dhe pushimin e zemres. Ne vitin 2007, njera nga keto meduza ka vrare nje femije 6 vjecar ne ujerat qe lagin qytetin e Darwin.

Korrentet, incidentet dhe Rrufete

Kthehemi serisht ne Florida dhe atje takojme plazhet qe lagen nga deti me korrentet me te rrezikshme. Vitin e kaluar mbi brigjet e kontese se Brevard dhe te Volusias, kane vdekur nga furia 15 persona, dhjete ne kontene e pare dhe pese ne te dyten. Nje tjeter rrezik tragjik per turistet, jane edhe incidentet e krijuara nga barkat te cilat nuk ndodhen ne det. Sipas statistikave vendet ku ndodhin me shume incidentet ndodhen ende ne brigjet e Florides, te ndjekura nga Kalifornia. Ne fund te ketij klasifikimi te trishte, vazhdon ende te jete Florida per rreziqet qe vijne nga qielli. Sipas amerikanes “National Oceanic and Atmospheric Administration”, shteti i pasur amerikan eshte edhe vendi qe goditet me shume nga rrufete. Ne vitin 1997 deri ne vitin 2007, kane vdekur gati 71 persona, te goditur nga rrufeja. Shpesh, plazet e “New Smyrna” dhe “Clearwater”, shume here jane evakuar dhe qendrojne te mbyllura per disa dite.

"Spekter"

[DI_ANA]

Sa fitojne lideret boterore?

A e dini se sa fitojne cdo vit lideret boterore? Mendoni se Bush eshte me i paguari? Pergjigjja eshte: JO. Po, kush atehere...?! Lexoni...

SHBA:
Rroga vjetore e presidentit Bush eshte 400.000 dollare.
Ndihmesi i tij, Cheney merr 208.575 dollare.
GDP e SHBA-ve eshte: 46.000 $.

SINGAPURI :
Ky eshte kryeministri qe fiton me shume. Shikuar nga rroga, nese deshiron te behesh kryeminister mundohu te behesh ne Singapur .
Rroga vjetore e kryemnistrit te Singapurit eshte 2 milion dollare
GDP e Singapurit eshte: 48.900 $

ANGLIA:
Kryeministri anglez Gordon Brown merr 375.000 dollare ne vit.
GDP e Anglise eshte: 35.300 $

FRANCA:
Presidenti Nicolas Sarkozy’nin merr 346.000 dollare ne vit.
GDP e Frances eshte: 33.800 $

GJERMANIA:
"Gruaja me e forte e botes" sipas Forbes, Kryeministrja e Gjermanise Angela Merkel paguhet 318.000 dollare ne vit.
GDP e Gjermanise eshte: 34.400 $

TURQIA:
Presidenti Abdullah Gyl merr 150.000 dollare ne vit.
GDP e Turqise eshte: 6.174 $.


RUSIA:
Rroga vjetore e presidentit rus Putin eshte 81.000 dollare
GDP e Bolivise eshte: 14.600 $.


BOLIVIA:
Bolivia eshte nje der shtet me te varfera te Afrikes Jufore. Rroga vjetore e presidentit Morales eshte 22.500 dollare.
GDP e Bolivise eshte: 4.400 $.

"Spekter"

[DI_ANA]

Bardot në gjyq për fyerje ndaj myslimanëve

Aktorja franceze Brigitte Bardot është paraqitur në gjykatë, për shkak të fyerjes që i ka bërë komunitetit mysliman.

Kjo është hera e pestë që aktorja e njohur për mbrojtjen e të drejtave të kafshëve nëpërmjet deklarimeve të saj të nxitë urrejtjen racore. Gjykatësit kanë kërkuar që aktorja 75 vjeçe të dënohet me 2 muaj burgim me kusht dhe të paguajë një gjobë prej 15 mijë euro. Megjithatë, Bardot nuk është paraqitur në seancën gjyqësore për shkak të problemeve fizike. Gjykata do të marrë një vendim të prerë javën tjetër.

"Spekter"

[DI_ANA]

Një Kur‘an më i vogël se një kuti shkrepësesh

Libri i përmasave të rralla ndodhet në një familje në Shushicë të Elbasanit.

Elbasani vazhdon të çudisë me zbulime. Në një shtëpi fshati, mes shumë reliktesh, ruhet me fanatizëm një libër Kur‘ani i përmasave shumë të vogla. Jo më shumë se dhjetë kilometra larg nga qyteti, zbulimi na çon në fshatin Shushicë të këtij rrethi. Fisi i vjetër i Lalajve nuk dihet prej sa kohësh ruan me qindra relikte, që do t‘ia kishte zili edhe vetë Muzeu Etnografik i rrethit të Elbasanit. Këmborë qindravjeçare, veç e veç, për llojet e bagëtisë, mullinj kafeje shumë të vjetër, një llambë vajguri në formë shandani, por që ulet e ngrihet me një mekanizëm manual dhe dhjetëra objekte zejtarie të rralla e qindravjeçarë. Ajo që mund të veçohet në këto radhë shkrimi është libri i Kur‘anit të shenjtë. Mes tre librash të rrallë të botimeve të Kur‘anit në tri madhësi të ndryshme, familja Lala mban, sikur të ishte më tepër se hajmali, një mikro Kur‘an.

I mbledhur me fletë dylli disa metra të gjata, Kur‘ani tregohet me shumë delikatesë nga i zoti i shtëpisë, Gëzim Lala. "Gjyshi më ka treguar se të tre Kur‘anët e tjerë dhe ky i vogli i kishin mbetur trashëgim nga stërgjyshi i vet", tregon Gëzimi. Pra, afërsisht pesë breza larg. Kur‘ani në fjalë ka përmasa, 2 centimetra gjatësi, 1,8 centimetra gjerësi dhe 0,5 centimetra trashësi. Brenda kapakëve mund të numërohen me shumë vështirësi afërsisht 400 fletë. Kur‘ani më i vogël nuk ka kapak letre, por prej bronzi tepër të hollë në formë kutie dhe nëpër fletë, që mund të shikohet mirë me mjete zmadhuese, syri të rrok dhe figura të ndryshme.

Gjithçka është e shkruara arabisht dhe cilësia është ruajtur mjaft mirë për arsye të ambalazhimit të tij. Sipas specialistëve, një libër Kur‘ani i këtyre përmasave, mund të ketë moshë pesëshekullore, por ai mund të jetë prodhuar shumë më herët se kaq. Fletët e holla të Kur‘anit, ndërsa preken me mollëzat e gishtave, të japin përshtypjen e trashësisë së tyre, më tepër nën efektin e një solucioni rrëshqitës mbi fletë. Ndoshta, libri i rrallë ka nevojën e shpjegimit të specialistëve të mirëfilltë apo edhe të teologëve më në zë.

"Spekter"

[DI_ANA]

Njeriu me 26 gishta i thotë “jo” operacionit!

23-vjeçari nga Vlora, Gentian Mehmeti, ka lindur me 14 gishta në duar dhe 12 në këmbë

Ka lindur me 26 gishta, plot 6 më shumë se çdo njeri normal. Gentian Mehmeti, 23 vjeç, banues në fshatin Picar të Vlorës, është një djalë shumë normal, por e veçanta në të qëndron në faktin, se ai ka 7 gishta në secilën dorë dhe 6 gishta në secilën këmbë. Ai tregon për gazetën, se jeton dhe punon normalisht. “Kam lindur kështu, me këtë mutacion, por nuk kam asnjë pengesë për të jetuar normalisht, madje ndihem i barabartë me të tjerët”, tregon ai. 23-vjeçari punon në fshat, nget makinën, vesh këpucë e atlete normale, pavarësisht numrit shtesë të gishtave në duar e këmbë. “Nuk di të them nëse gishtat e tepërt më pengojnë, pasi unë kështu kam lindur dhe nuk e konceptoj dot veten time ndryshe”, shpjegon ai. Gentiani rrëfen iniciativën që mori 2 vite më parë për të hequr gishtat shtesë në duar e këmbë, përmes një operacioni në spitalin e Tiranës. “Në momentin e fundit ndërrova mendje, pasi i thashë vetes se kjo ishte dhuratë e Zotit”, pohoi i riu besimtar, ndërsa shton se një pacient i shtruar në spital e kishte rekomanduar gjithashtu të mos operohej. Krejt papritur, atëherë kur dukej se e veçanta e tij do të përfundonte në koshat e kirurgjisë, 23-vjeçari ndërroi mendje dhe u largua nga spitali, pasi njoftoi më parë mjekun përkatës.

"Spekter"

[DI_ANA]

Mbi 4.000 kinezë marrin emrin sipas Lojërave Olimpike

Mbi 4.000 kinezë kanë marrë emrin Aoyun, që në gjuhën kineze do të thotë Olimpiadë, bëhet e ditur nga regjistri të cilin e ka publikuar policia, ndërsa e transmetojnë sot mediat vendase.

Nga 4.104 kinezë të cilët quhen Aoyun, numrin më të madh të tyre e përbëjnë personat e gjinisë mashkullore (92.5 për qind).

Sipas të dhënave të policisë, vitet 1992 dhe 2001 kanë qenë vitet kur më së shumti janë emëruar Aoyun dhe kur kryeqyteti kinez ka qenë nikoqir i Lojërave Olimpike.

"Spekter"

[DI_ANA]

Ja misteret e botës!

Revista ekonomike amerikane "Forbes", ka hartuar listën e këtyre vendeve më misterioze. Vendi që e fiton këtë klasifikim të pazakontë është kështjella Bran, në Brasov të Rumanisë. Legjenda tregon se në këtë vend ka jetuar Vladi i përgjakshëm, që nxiti Bram Stokerin në vitet 1800 të shkruante romanin "Dracula". Vlad ishte një princ i tmerrshëm, që i vriste armiqtë dhe tradhtarët e dyshuar të tij me mënyra pak ortodokse. Sot, kështjella është kthyer në një muze, por sipas revistës "Forbes", kjo nuk ia ka hequr aspak kështjellës atë mister që e rrethonte prej kohësh: "Nëse ecën në dhomat e kësaj kështjelle, shkruan revista, mund të rishohësh gjyqet kundër shtrigave, ekzekutimet me prerje koke dhe varjet në litar, që Vlad urdhëroi nga këto mure".

KULLA E LONDRËS

Në vend të dytë renditet Kulla e Londrës. E ngritur në vitin 1078 nga Vilhelm Pushtuesi, prej qindra vitesh ajo përshkruhet si një vend shpirtrash: njëra prej këtyre historive rrëfen se edhe sot natën fantazma e Anna Bolenës, gruas së dytë të Henrikut VIII që u vra brenda këtyre mureve, shëtit në dhomat e kullës me kokën e prerë në duar, në kërkim të bashkëshortit të saj tradhtar, që e vrau vetëm sepse donte të martohej me një grua tjetër. Vendi i tretë më misterioz i botës janë katakombet e Parisit: edhe ato ndodhen pranë qendrës së qytetit dhe aty ndodhen skeletet e parizienëve që kanë jetuar në shekujt e kaluar. Në shekullin e XX-të janë kthyer në muze dhe janë të shumtë vizitorët që thonë se, në disa raste kanë parë fantazma, ose kanë dëgjuar britmat e njerëzve të vdekur.

ZONA 51 NË NEVADA

Në listë vjen më pas një vend më modern, por që ruan një sharm të jashtëzakonshëm: zona 51 në Nevada. Ky territor i Shteteve të Bashkuara është një zonë “top-secret”, ku askush, përveç anëtarëve të ushtrisë amerikane nuk mund të hyjë. Sipas legjendës, pikërisht këtu qeveria amerikane ka ose ka pasur kontakte me jashtëtokësorët, që i janë mbajtur të fshehta opinionit publik për arsye të ndryshme.
Mes të tjerave, sipas një prej teorive më të famshme konspirative të ufologëve, në vitin 1947, pas shpërthimit të një rakete hapësinore të ufove në Rosëell, në Nju Meksiko, pjesët e mbetura të raketës dhe të ekuipazhit janë transportuar pikërisht në zonën 51. Në vend të pestë, mes zonave më të mistershme është Ëestchester County, në shtetin e Nju Jorkut, ku shkrimtari Ëashington Irving vendosi krijimin e tij “Legjenda e Sleepy Holloë”; thuhet se në këto territore ende endet një kavalier gjatë natës, duke kërkuar kokën e humbur në luftime. Çdo vit nga data 26 deri më 28 tetor, këtu ka një eveniment aktrimi, ku aktorët rikrijojnë sërish këtë histori të mistershme

MONTEKRISTOJA AUSTRALIAN

I gjashti në listë është liqeni Inverness në Skoci, i njohur për praninë e përbindëshit Loch Ness. Shfaqja e parë e këtij përbindëshi daton në shekullin e 6-të para Krishtit. Por, edhe sot ka shumë turistë që tregojnë se kanë parë shenja të pranisë së tij në liqen. Klasifikimin e vendeve më misterioze e mbyll Montecristo Homestead në qytetin Junee, në Australi: sipas legjendës, në këtë vend ndodhen fantazmat e dhjetë personave që dikur jetonin e më pas vdiqën këtu. Mes tyre është dhe fantazma e vajzës së pronarit të shtëpisë, Christopher William Crawley, ajo e një kameriereje shtatzënë që u hodh nga ballkoni dhe e një kopshtari.


"Spekter"

[DI_ANA]

24 organizatat mafioze më të rrezikshme

Vrasje, trafiqe droge, armësh, pastrim parash, me këto veprimtari mund të përkufizohet secila prej organizatave më të mëdha dhe më të frikshme që funksionojnë sot në të gjithë rruzullin. Ndonëse secila prej 24 grupeve më të fuqishme mafioze ka mënyrën e veçantë të veprimit, ka edhe nga ato që bashkëpunojnë me njëra-tjetrën. Padyshim organizata më e madhe është "Cosa Nostra" italiane dhe ajo amerikane. Për të mos lënë më pas "Camorr"-n, mafien ruse dhe atë aziatike.

Secila ka të veçantat e veta, por të gjitha kanë të përbashkëtën e madhe, veprimtarinë e kundraligjshme.

Ç’do të thotë "Mafia"

Mafia është një term shumë i përhapur në botë për të përkufizuar organizata kriminale. Analizat moderne të këtij fenomeni e cilësojnë mafien si “organizatë pushteti”, duke vënë në dukje se ekzistenca e saj nuk varet nga të ardhurat e shumta nga veprimtaritë e saj ilegale, por nga bashkëpunëtorët që kanë pozita në institucione të ndryshme shtetërore, sidomos politikanë.

Prejardhja e fjalës "Mafia"

Termi "Mafia" u përdor fillimisht Sicili për të përkufizuar organizatën "Cosa Nostra". Mendohet se fjala "Mafia" mund të ketë disa origjina etimologjike. Ndoshta vjen nga fjala arabe “Ma-Hias”, që do të thotë "fortësi", duke e lidhur me fuqinë e anëtarëve të kësaj organizate. Një hipotezë tjetër është prejardhja nga fjala arabe "Mu’afak", (mbrojtje ndaj të dobëtit). Ndërsa prejardhja më e mundshme e kësaj fjale mendohet të jetë nga dialekti toskan, ku fjala "Maffia" do të thotë "mjerim". Sipas Xhuzepe Pitre, një prej historianëve më të shquar italianë të traditës popullore, termi "Mafia" ka qenë shumë i përhapur në zhargonin e një pjese të Palermos dhe ishte sinonim i bukurisë dhe trimërisë. Për herë të parë fjala "Mafia" ka hyrë zyrtarisht në fjalorin italian në vitin 1863, kur regjisorët Di Giuseppe Rizzotto e Gaetano Mosca vunë në skenë "Mafiusi di la Vikaria", një dramë që u përkthye në italisht, në gjuhën napolitane, duke mundësuar kështu përhapjen e këtij termi në të gjithë territorin italian.

"COSA NOSTRA" italiane

Është themeluar në fillim të shekullit XVI në Sicili, megjithatë lindja e kësaj organizate i atribuohet viteve të Luftës së Dytë Botërore, kur amerikanët ndihmuan ringritjen e mafies në Sicili. Shumë bosë italo-amerikanë, të burgosur në ShBA (si Lucky Luciano e Vito Genovese, sa për të thënë ndonjë emër), u kontaktuan nga CIA dhe u lanë të lirë në mënyrë që t’i siguronin mbështetje në Itali aleatëve. Shefat historikë të "Cosa Nostra"-s siciliane kanë qenë Vito Kashio Ferro, Kaloxhero Vicini, Mikele Navarra, Luciano Lixhio, Mikele Greko, Gaetano Badalamenti, Stefano Bontade, Salvatore Riina, Bendeto Santapaola, Bernardo Provenzano.

"CAMORRA"

Kjo organizatë është themeluar nga mesi shekullit XVI në Napoli. Fjala "Camorra" dikur kishte kuptimin e një takse që paguhej nga pronarët e lokaleve për të siguruar mbrojte. Këto të dhëna i përkasin Mbretërisë së Napolit dhe datojnë më 1735. “La Camorra” aktualisht vepron në 111 vende (përfshirë këtu qytete dhe provinca). Struktura e saj është e ngjashme me atë të "Cosa Nostra"-s, ku çdo familje zotëron një zonë të caktuar. Fusha kryesore e veprimtarisë së saj është trafiku i drogës, falsifikimet, vënia e gjobave, trafiku i armëve, prostitucioni, rrëmbimet, etj. Shefat historikë të “Camorra”-s kanë qenë Karmine Alfieri dhe Rafaele Kutolo.

"NDRANGETA"

Kjo organizatë e ka selinë në Kalabri. Përbëhet nga 144 organizime me 5600 anëtarë. Ajo e realizon kontrollin e saj në territorin kalabrez falë lidhjeve mafioze të quajtura "Ndrine". Ka një strukturë të dukshme horizontale, ekzistojnë lidhje të ngushta midis grupeve të ndryshme, por nuk ka një qendër drejtuese rajonale apo provinciale. “Ndrangeta” ka kryer dy vrasje të ashtuquajtura të mëdha, në gusht të vitit 1991 vrau prokurorin Skopeliti dhe më pas ish-presidentin e hekurudhave të Italisë, Ludoviko Ligato, si dhe cilësohet me karakter të dukshëm antishtet. Shefi historik i "Ndrageta"-s është konsideruar De Stefano.

"SACRA CORONA UNITA"

Nuk është e vetmja organizatë mafioze në Pulia të Italisë, por pa asnjë dyshim është më e rëndësishmja dhe më e madhja. Selinë qendrore e ka në Pulia. Fillimet e saj i ka në vitet ‘80 dhe sot është organizimi më i fuqishëm. Përbëhet nga 7 organizata dhe 47 familje dhe me rreth 1755 anëtarë, kryesisht në provincën e Brindizit, Leçes dhe Torontos. Është një organizim i ri në krahasim me organizimet e mëparshme të mafies, për sa i përket territorit dhe aferave, por aktualisht paraqitet dhe vepron me vendosmëri dhe egërsi të dukshme. E veçanta e kësaj mafieje është përdorimi i të miturve dhe lidhja e ngushtë me segmente shqiptarësh.

"STIDDA"
Organizata "Stidda" është themeluar në Sicili, por nuk ka asgjë të përbashkët me "Cosa Nostra"-n siciliane. Ngjason më shumë me "Sacra Corona Unita" me qendër në Pulia. Anëtarët e saj nuk janë vetëm italianë, por edhe shqiptarë, afrikanë dhe aziatikë. Madje janë të anëtarësuar edhe rusë. Merret kryesisht me trafik droge, shfrytëzim prostitucioni, trafik armësh dhe deri diku me pastrim parash. Anëtarët e kësaj organizate kanë kryer disa vrasje, të cilat nuk kanë pasur bujën e vrasjeve të organizuara nga "Cosa Nostra", "Camorra" apo "Sacra Corona Unita". Është një organizim mjaft i ri dhe i veçantë i mafies italiane, për të mos thënë organizimi më i ri.

"ORGANIZATSYA"

Kjo organizatë, e cila vepron edhe sot, i ka fillimet që në kohën e ish-Bashkimit Sovjetik dhe ndahet në 3 nivele: Grupe të vogla të përbëra nga 10 deri në 15 persona, të pavarur në mënyrë direkte nga krerët e mafies, brigadat e mëdha që përbëhen nga 200 deri në 300 persona, të cilët drejtojnë grupet e vogla dhe të ashtuquajturit "vjedhësit e ligjit", që janë rreth 150 veta. Ata kanë pushtet ekonomik dhe politik. Duke qenë se shumica janë avokatë, mjekë, inxhinierë dhe politikanë, ata janë të aftë të realizojnë projekte dhe operacione financiare me shifra stratosferike. Mafia ruse merret më shumë me trafik droge dhe armësh.

"NEOMENKLATURNAJA"

Interpretimi i fenomeneve mafioze në Rusi do të duhej vendosur në një kontekst më të gjerë analizash mbi të ashtuquajturën "Nomenklaturnaja privatizacija" (kjo do të thotë privatizim në shërbim të nomenklaturës), falë së cilës, eksponentë të nomenklaturës së lartë dhe të mesme të Partisë Komuniste të Bashkimit Sovjetik kanë arritur, në pjesën më të madhe, që gjatë viteve të tatëpjetës dhe rrëzimit të regjimit komunist (1986-1992) të shndërrohen në kapitalistë dhe pronarë të rinj, nëpërmjet një veprimtarie bashkëpunimi për përvetësimin e burimeve financiare, shpesh në bashkëpunim me mafien e organizuar edhe jashtë Rusisë.


"YAKUTSA"

Çdo bandë mafioze në Japoni quhet "Yakutsa", por drejtohet nga krerë të ndryshëm. Në traditën e saj spikasin rituale shumë të vjetra si shumë kohë para viteve ’90. Riti i Sakazukishiki-t, është ceremonia e pranimit të çdo anëtari të ri, i cili betohet për besnikëri dhe devotshmëri duke pirë sakë nga gota e kryetarit. Riti i Irezumi-t ose tatuazhi, i cili duke qenë se është i ndryshëm për çdo bandë, dëshmon përkatësinë e anëtarëve të bandave. Riti tjetër i organizatës mafioze japonezë “Yakutsa” është Yubitsume, e cila ka të bëjë me prerjen e gjymtyrëve të ndryshme të trupit. Në të tre këto ceremoni protagonistët janë oyabun, (kapo), kobun, (vartësit).

"COSA NOSTRA" amerikane

U themelua në fillim të shekullit të kaluar dhe u pasurua në dy dekadat e parë. Ajo lindi për dy arsye: Emigrimi në SHBA i një numri të madh italianësh midis të cilëve kishte dhe nga ata që ishin marrë me krime, dhe për shkak se shumë mafiozë nga Sicilia për t’i shpëtuar ligjit në Itali u detyruan të shkonin në SHBA. Një rol të madh në largimin e tyre e pati Mori, prefekti i Palermos gjatë periudhës fashiste, i cili i persekutoi për një kohë të gjatë. Janë 5 familje në Amerikë që mbanin kontakte të ngushta me krerët në Itali: Familja Bonano, Lukese, Kolombo, Xhenovese dhe Gambino, ku dy të fundit marrin pjesën me të madhe të fitimeve.

"SOLMCEVO"

Është një organizatë mafioze ruso-aziatike, e cila funksionon kryesisht në Hungari, Republikën Çeke, Gjermani, Austri, Belgjikë, Itali, SHBA, Kosta Rika, Izrael, por edhe në shumë vende të tjera të Azisë së Jugut. Është një organizatë që për nga ashpërsia konkurron me “Cosa Nostra”-n dhe “Camorra”-n. Merret kryesisht me trafik armësh, qeniesh njerëzore dhe droge. Kriminaliteti ruso-aziatik është tashmë i specializuar në trafikun e heroinës që vjen nga "Trekëndëshi i Artë" (Birmani-Laos-Kamboxhia) dhe nga "Gjysmëhëna e Artë" (Pakistan-Afganistan-Iran) dhe për shpërndarjen vijuese në vendet e ish-BS-së, Evropës dhe SHBA-së.

"MOGILEVIC"

Organizata "Mogilevic" është grupimi më i fortë i mafies në Hungari, Budapesti është baza operative e kësaj organizate. Rrjeti i saj është i shtrirë në Ukrainë, Republikën Çeke, Izrael, SHBA, Karaibe, etj. Kjo organizatë mafioze, e cila ka ndikim ruso-aziatik ka perfeksionuar metodat për riciklimin e kapitaleve të paligjshme dhe është në avangardë në përdorimin e transportit të naftës, metaleve joferrikë dhe materialeve strategjike, në operacionet për pastrimin e parave "të pista", jo vetëm të tyre, por edhe të organizatave të mëdha kriminale ndërkombëtare.

"IVAN KOV"

Është një organizatë tipike mafioze ruse, por që funksionon më tepër jashtë kufijve të Rusisë, madje shumë larg. Organizata "Ivan Kov
" e ka shtrirë rrjetin e saj kryesisht në SHBA dhe Karaibe. Kjo organizatë ka instaluar baza operative për trafikimin e heroinës nga Hong Kongu, Singapori dhe Bangkoku, ku bashkëpunon me "Triadë"-n kineze. Heroina transportohet nëpërmjet ajrit nëpër Lindjen e Largët, në Azinë Qendrore dhe kështu, me tokë, përmes Pakistanit, Uzbekistanit, Taxhikistanit dhe, vijon në Moskë, San Peterburg, nga ku malli niset me maune për në Evropën Perëndimore dhe me avion në SHBA.

"XXI SECOLO"

Është një organizatë mafioze ruso-aziatiko-italiane dhe ka lidhje të forta me mafien gjermane, amerikane, izraelite dhe qipriote. Kjo organizatë vazhdon të shtrijë praninë e saj ende jashtë kufijve të Federatës Ruse, madje edhe jashtë kufijve të vetë CSI-së, në tregun e ligjshëm dhe të zi të rajoneve të ndryshme të botës, Evropë Qendrore dhe Lindore (ku dominon bota e krimit), Evropë Perëndimore, SHBA, Afrikë, Amerikë Qendrore dhe Jugore, Lindje e Afërt dhe e Largët. Kriminaliteti i kësaj organizate është tashmë në gjendje të konkurrojë ose të bashkëpunojë në barazi të plotë me organizatat kriminale ndërkombëtare më të fuqishme.

"CERNOJ"

Është organizata mafioze ruse më e frikshme e gjithë Evropës. Ajo funksionon në Britaninë e Madhe, Zvicër, Izrael, Montekarlo e deri në SHBA. Trafiku i fëmijëve është specialiteti i kësaj organizate, por jo më pak janë edhe vrasjet dhe ekzekutimet makabre. Kjo mafie ruse merret me shitjen dhe blerjen e foshnjave dhe shërbimi i fshehtë gjerman thotë se ka të dhëna se organet e fëmijëve lypsarë të vrarë nga mafia ruse janë dërguar me
dokumente të falsifikuara në klinikat e vendeve perëndimore për t’u përdorur për transplant organesh. Ky është specialiteti, por jo më pak i rëndësishëm është trafiku i armëve dhe drogës.

"TRIAD"

Në shqip do të thotë treshe, është organizata më e fuqishme mafioze për trafikun e drogës. "Triad"-a kineze është marrë si shembull konkurrimi për mafien ruso-aziatike. Anëtarët e kësaj organizate kanë instaluar baza operative për trafikimin e heroinës në Hong Kong, Singapor dhe Bangkok. Fillesat e kësaj organizate mund të themi që janë më të lashtat në krahasim me të gjitha mafiet e tjera, ato datojnë që në vitin 1760. Por megjithëse kjo organizatë ka shekuj që është krijuar, veprimtaria e saj kriminale ka nisur në vitin 1911, kur është kryer edhe vrasja e parë nga anëtarët e saj. Është po aq e frikshme sa mafia perëndimore.

"CARTEL"

Është cilësuar si organizata më e fuqishme në trafikun e kokainës. Kjo organizatë mafioze është formuar në vitet 1970-1980 nga Madellin Cartell në Kololumbi. "Kartelet" kolumbiane janë rrjeti më i fuqishëm i transportit të kokainës jugamerikane, të destinuar për tregun evropian dhe atë të ish-Bashkimit Sovjetik, për të cilin SHBA shërben si pikë tranziti. Kohët e fundit është vënë re se me këtë organizatë të fuqishme mafioze ka lidhje edhe e ashtuquajtura mafie shqiptare. Por jo aq sa mafia ruso-aziatike. Ndërsa deri dje Kolumbia ishte prodhuesja numër një e substancave narkotike, tashmë po konkurrohet nga Rusia.

"IZMAJLOVO"

Në mafien ruse nuk mungojnë shembujt të lidhjes së ngushtë ndërmjet pushtetit politik dhe strukturave mafioze, të zbuluara nga hetimet ligjore. I tillë është rastin Aleksej Iljusenko, ish-Prokurorin e Përgjithshëm, i akuzuar se ka favorizuar shoqërinë e naftës “Balkan Trading”. Do të mund të përmendej edhe lidhjet ndërmjet ish-zv.kryeministri Oleg Soskovec dhe ish-ministri i Sportit Samil Tarpisev me grupin kriminal “Izmajlovo” dhe me vëllezërit Cernoj (me të cilët Aleksandr Lebev kishte lidhje), lidhjet e Aleksandr Korzakov, ish-shef i Shërbimit të Sigurimit Presidencial, tashmë të cituarin Fondacioni Kombëtar i Sportit.

"MAZUTKINO"

Është një organizatë ruso-aziatike që merret kryesisht me trafikun e armëve, drogës, gurëve të çmuar dhe qenieve njerëzore. Rrjeti i saj është i shtrirë në Poloni, Austri, Gjermani, Lihtenshtein, Zvicër, Montekarlo, Itali, SHBA, etj. Nga faktorët konkurrues dhe frenues të mafies ruso-aziatike, si një nga protagonistët kryesor në tregun e heroinës është ekspansioni galopant i kultivimit të bimës së hashashit në vendet ish-sovjetike të Azisë Qendrore (vlerësohet se në këtë zonë, kryesisht në Uzbekistan, Taxhikistan dhe Kirgistan ka tre milionë hektarë të mbjella me hashash, që kontrollohet nga organizatat mafioze lokale).

"RUDAJ"
Aleks Rudaj është kreu i një bande shqiptare që jeto në Bronx të New Yorkut. Banda e tij njihej sidomos në fushën e manipulimit të basteve. Banda u krijua rreth vitit 1993 dhe fuqia e saj arrin kulmin në fillimin e viteve 2000. Sipas hetuesve amerikanë, veprimtaria e tyre ka filluar në distriktin e Bronxit dhe më pas është zgjeruar edhe në të tjerët. Një nga karakteristikat e kësaj organizate, ishte fakti që ajo ishte e dhunshme. Sipas hetuesve, ajo arriti të pushtonte disa zona dhe t´i vinte ato nën kontroll, vetëm në saj të dhunës që ushtronte ndaj personave që ngrinin kokë kundër saj.

FAMILJA E "MAFIES SË ZEZË", SHBA

U krijua nga Demetrius Flenory dhe vëllai i tij, Terry. Kjo bandë e filloi aktivitetin e saj kriminal duke shitur doza të vogla kokaine në rrugët e Detroitit gjatë viteve ’80 dhe përfundimisht u zhvillua brenda gjithë vendit dhe jashtë SHBA-së. Investigimi dyvjeçar i federalëve konkluduan se anëtarësimi i saj është gjithëpërfshirës. Banda ka marr goditjen e saj më të madhe në vitin 2005, ku gjatë një aksioni të DEA (strukturë policore amerikane) u arrestuan 30 persona që dyshohej të ishin pjesë e "Familjes së Mafias së Zezë", si dhe një sasi prej 9.5 kilogramë heroinë, dhe 10 milionë dollarë.

"MAFIA E ZEZË", FILADELFIA

Në vitet 1980 disa të rinj të afërm me njëri-tjetrin krijojnë grupin "Mafia e të rinjve zezakë". Ajo kontrollonte gangsterët xhamajkanë, të cilët kishin kontrollin e trafikut të kokainës në Filadelfia të Shteteve të Bashkuara të Amerikës. Njësoj si më të vjetrit, ata ishin tmerrësisht të dhunshëm dhe të mësuar me frikësimin e dëshmitarëve dhe vrasjeve. Lideri i saj, Aaron Jones ka vdekur në Pensilvani. Pjesa tjetër që ngeli e “Mafias së zezë” shpesh bashkëpunonte me mafian italiane të Filadelfias. Kryesisht mafiat amerikane kanë qenë të dhunshme dhe fusha kryesore ku vepronin ishte pikërisht trafiku i drogës.

MAFIA TURKE

Është quajtur si një organizatë kriminale shumë e fuqishme. Mafia turke ka pasur në kontroll një pjesë të madhe të trafikut të heroinës në të gjithë botën. Mafia turke disa herë ka qenë bashkëpunëtore me mafian ruse, dhe pak me mafian italian. Ashtu si organizatat simotra edhe mafia turke operonte më tepër në trafikimin e lëndëve narkotike, por edhe të "mishit të bardhë", siç njihet në gjuhën e mafias. Madje sipas disa raporteve, vetëm tetë vjet më parë në Stamboll operonin nga organizata e mafies turke 200 gangsterë. Kontrolli i mafias turke arrinte deri në lindjen e mesme, dhe disa herë edhe deri në vendet aziatike.

"HARLEM"

Shumë pak dihet për bandën e famshme të Harlemit, që operonte në New York. Pothuajse e gjithë organizata kriminale e Harlemti gjatë kohës së depresionit të madh, kontrollohej nga italianët, çifutët dhe gangsterët irlandezë. Ata patën lirinë për shkak të gjendjes ekonomike të krijuar në ato vite. Aktiviteti i saj ishte në kumar, prostitucion dhe drogë. Harlemi ishte një lagje e New Yourkut, dhe në atë periudhë ka qenë ndoshta më aktivja, kudo në rrugë gjeje gangstera, të cilët kishin vendosur ngado rregullat e tyre. Harlemi pati rëndësinë e vetë në kohën kur u krijua, dhe kumari ka qenë aktiviteti i saj më i shpeshtë.

"MAFIA IRLANDEZE"

Banda irlandeze është një nga organizatat më të vjetra kriminale në Shtetet e Bashkuara të Amerikës, dhe ka ekzistuar që nga fillimi i shekullit të 19 deri në ditët e sotme. Origjina e saj ishte në lagjen amerikanë të irlandezëve, dhe më pas banda irlandeze u përhap në të gjitha qytetet kryesore të Amerikës, duke përfshirë Boston, New Yorl, Çikago, New Orleans, Filadelfia dhe Atlantik Siti. Gjithashtu aktiviteti i saj ishte shtrirë edhe në Kanada e quajtur si banda e vdekjes së Montrealtit. Ajo ishte bota e krimit. Historia e mafies irlandeze përfshin edhe qytetet e Irlandës, Anglisë dhe Skocisë.

"Spekter"