Valon Behrami

[rudo]

Zviceranët nuk lëshojnë "pe" për mitrovicasin

Driton Latifi

Valon Behrami do t'i bashkohet kombëtares së Zvicrës pas ftesës së arritur nga trajneri Kobi Kuhn, për ndeshjen miqësore të 9 shkurtit, në Dubai, kundër Emirateve të Bashkuara Arabe.
"Behrami ka pasur një sezon të jashtëzakonshëm në Serinë B të Italisë, duke merituar një rast për t'u grumbulluar,"- ka thënë për mediat zvicerane trajneri i këtij vendi, Kobi Kuhn.
Futbollisti i Veronës, për të cilin ishte folur mjaft gjatë merkatos së dimrit në Itali, me gjithë shprehjen e dëshirës së tij për t'u veshur kuqezi, ka vendosur që së paku në këtë miqësore t'i bashkohet futbollit helvetik.
Valon Behrami, 19 vjeç, në disa intervista për media të ndryshme kishte shprehur dëshirën e tij për të veshur fanellën e kombëtares së Shqipërisë, duke theksuar përherë se është shqiptar nga Kosova.
Deri te një kthim i tillë, sipas burimeve të afërta me lojtarin, të cilin dje nuk arritëm ta kontaktojmë, ka ardhur edhe si pasojë e presionit që ka pasur lojtari si dhe familja e tij, e cila prej 14 vitesh jeton në Zvicër.
Një miqësore me kombëtaren e Zvicrës nuk besojmë se do t'i prishë Behramit rastin për të veshur fanellën kuqezi, pasi, sipas ligjit ekzistues të FIFA-s, futbollisti nuk mund ta ndërrojë ekipin përfaqësuesen vetëm nëse ka luajtur në një ndeshje zyrtare për një përfaqësuese tjetër. Ndonëse shpresat për veshjen kuqezi të talentit më të madh të futbollit nga Kosova po shuhen, do të jetë zgjedhja personale e vetë atij, e cila do të merret parasysh. Valon Behrami, deri më tani, ka luajtur 16 ndeshje me përfaqësueset U-17 dhe U-19 të Zvicrës, por kohët e fundit i ka refuzuar ftesat e ekipit

[Hyllien]

Skandaloze jane keta ne Evrope. Ai nuk do te luaj me ta keta e marrin me zorr tjetrin. Medet

[viganv]

Katastrofe e vertete,nuk ka fjale kete e ka konfirmuar edhe babai i Valonit,e ishalla e gjen ndonje angazhim ne klubin e Juventusit se vertete e meriton

[dodoni]

Zviceranët nuk lëshojnë "pe" për mitrovicasin, por edhe FSHF-ja këmbëngul 04-02-2005

Behrami, me Zvicrën apo me Shqipërinë?????


Sipas burimeve familjare të Valon Behramit, ai do t'i bashkohet kombëtares helvetike për ndeshjen miqësore me Emiratet e Bashkuara Arabe, e cila luhet më 9 shkurt në Dubai. Një fakt të tillë e ka mohuar mbrëmë presidenti i FSHF-së, Armando Duka, i cili kishte komunikuar me kosovarin e Veronës Valon Behrami do t'i bashkohet kombëtares së Zvicrës pas ftesës së arritur nga trajneri Kobi Kuhn, për ndeshjen miqësore të 9 shkurtit, në Dubai, kundër Emirateve të Bashkuara Arabe. "Behrami ka pasur një sezon të jashtëzakonshëm në Serinë B të Italisë, duke merituar një rast për t'u grumbulluar,"- ka thënë për mediat zvicerane trajneri i këtij vendi, Kobi Kuhn. Futbollisti i Veronës, për të cilin ishte folur mjaft gjatë merkatos së dimrit në Itali, me gjithë shprehjen e dëshirës së tij për t'u veshur kuqezi, ka vendosur që së paku në këtë miqësore t'i bashkohet futbollit helvetik. Valon Behrami, 19 vjeç, në disa intervista për media të ndryshme kishte shprehur dëshirën e tij për të veshur fanellën e kombëtares së Shqipërisë, duke theksuar përherë se është shqiptar nga Kosova. Deri te një kthim i tillë, sipas burimeve të afërta me lojtarin, të cilin dje nuk arritëm ta kontaktojmë, ka ardhur edhe si pasojë e presionit që ka pasur lojtari si dhe familja e tij, e cila prej 14 vitesh jeton në Zvicër. Një miqësore me kombëtaren e Zvicrës nuk besojmë se do t'i prishë Behramit rastin për të veshur fanellën kuqezi, pasi, sipas ligjit ekzistues të FIFA-s, futbollisti nuk mund ta ndërrojë ekipin përfaqësuesen vetëm nëse ka luajtur në një ndeshje zyrtare për një përfaqësuese tjetër. Ndonëse shpresat për veshjen kuqezi të talentit më të madh të futbollit nga Kosova po shuhen, do të jetë zgjedhja personale e vetë atij, e cila do të merret parasysh. Valon Behrami, deri më tani, ka luajtur 16 ndeshje me përfaqësueset U-17 dhe U-19 të Zvicrës, por kohët e fundit i ka refuzuar ftesat e ekipit të U-21. Kuhn: Unë i sugjeroj Zvicrën Në një program televiziv të transmetuar në një kanal zviceran, trajneri i kombëtares së Zvicrës, Kobi Kuhn, ka folur edhe për rastin e Valon Behramit. "Unë i kam thënë Behramit se duhet të mendohet mirë përpara se të vendosë. Sigurish, unë nuk jam kundër dëshirës së tij, por personalisht do t'i sugjeroja të zgjedhë Zvicrën. Behrami është kandidat edhe për Europianin 2008." I ati i Behramit: Jemi në udhëkryq Babai i Valon Behramit, Ragipi, ish-futbollist në disa skuadra kosovare, ka konfirmuar pjesëmarrjen e birit të tij me kombëtaren zvicerane në Dubai. "Jemi vërtet në udhëkryq për sa i përket kësaj çështjeje. Unë si prind e kam shumë vështirë ta këshilloj. Valoni do të shkojë me kombëtaren zvicerane për këtë ndeshje. Unë e vlerësoj lart angazhimin e presidentit të Federatës Shqiptare të Futbollit, zotit Armand Duka. E kam lajmëruar edhe avokatin austriak Marian, që e ka angazhuar FSHF-ja për këtë çështje. Valoni do të shkojë, siç më ka thënë, edhe për të shikuar se si do të sillen me të. Zgjedhja përfundimtare do të jetë e vështirë për ne,"- ka thënë Ragip Behrami, babai i Valonit. Duka: Behrami s'duhet të luajë me dy porta Presidenti i Federatës Shqiptare të Futbollit, Armand Duka, ishte vënë në dijeni për faktin se Behrami mund t'i bashkohet kombëtares zvicerane për miqësoren e Dubait. Menjëherë pas kësaj, ai kishte komunikuar përmes dikujt tjetër me kosovarin e Veronës, të cilit i kishte kërkuar të mos luante me dy porta, por të zgjidhte kombëtaren për të cilën ka dëshirë të luajë. "Unë i dërgova mesazhin tim Behramit, përmes të cilit i kërkoj të mos shkojë në miqësoren e Dubait. Ai mund të gënjehet nga fakti se bëhet fjalë për miqësore dhe nuk digjet, por ne s'duam që ai të luajë me dy porta. Nëse ikën në këtë miqësore me Zvicrën, e gjithë puna jonë shkon dëm. Mos harroni se ne kemi angazhuar një avokat austriak për këtë problem dhe i kemi bërë kërkesë Federatës Zvicerane të Futbollit. Nëse Behrami dëshiron të luajë me Zvicrën, le të luajë. Por ama të na e kishte thënë këtë edhe neve që në fillim. Sidoqoftë, kjo nuk ka gjasa të ndodhë. Vetë Behrami më ka thënë mbrëmë se nuk do të marrë pjesë në kombëtaren e Zvicrës në këtë miqësore, pasi ëndërron të luajë me Shqipërinë,"- është shprehur nëpërmjet celularit të tij presidenti Duka, i cili deri dje gjendej në Zvicër.

[dodoni]

Ish-sulmuesi i përfaqësueses së Zvicrës, Milaim Rama, apelon te talenti ta zgjedhë Shqipërinë 05-02-2005

Rama: Behrami, mos e bëj gabimin tim!

Driton Latifi


Pasi ka provuar të "digjet" vetë, Milaim Rama me zgjedhjen e Zvicrës para Shqipërisë, të premten ai i është drejtuar me një apel talentit kosovar, Valon Behrami, që të mos e bëjë gabimin e tij, por të vishet kuqezi. "Unë i kisha sugjeruar me plot besim Valonit që të zgjedhë Shqipërinë para Zvicrës. Ai nuk e ka të lehtë zgjedhjen, por Behrami nuk duhet harruar se është një futbollist shumë i talentuar, për të cilin kanë shprehur interesim shumë ekipe dhe nuk ka pse të brengoset për të ardhmen e tij. Unë për vete, sikur edhe një herë të zgjidhja, do të kërkoja të luaja për Shqipërinë",- ka deklaruar Milaim Rama, i cili me skuadrën e tij po kthehej nga një fazë përgatitore në Norçia të Italisë. Rreth ftesës që i ka bërë përzgjedhësi Kuhn, sulmuesi 29-vjeçar, i lënduar prej kohës te skuadra Augsburg e ligës së tretë gjermane, shpjegon rastin me fjalët se "zviceranët e ftojnë vetëm për ta siguruar se nuk do t'u ikë, sikur rasti Vonlanthen, pastaj pas disa vjetësh, nëse u nevojitet, e thërrasin". "Behram, mos e bëj gabimin tim, unë gjithmonë kam patur dëshirë që së paku një herë ta vesh fanellën kuqezi, por për mua zviceranët u interesuan më herët, ndërsa unë gabova se atyre ua kisha dhënë besën. Rasti im ishte tjetër, edhe ngaqë nuk e kisha perspektivën tënde. Por, unë kam thënë edhe më parë se sikur një ditë biri im, Arlindi, të bëhej futbollist do të kërkoja nga ai që ta veshë fanellën kuqezi, e jo ndonjë tjetër. Nuk do të dëshiroja që ai ta bëjë gabimin tim",- ka përfunduar Rama, i cili thotë se është i bindur në suksesin e Kombëtares kundër Ukrainës: "Presim të na gëzojë me fitore dhe kombëtarja t'i afrohet kreut të renditjes". Milaim Rama është ftuar gjashtë herë në përfaqësuesen e Zvicrës, ndërsa ka luajtur vetëm në tri takime si zëvendësues, duke patur një paraqitje edhe në Euro 2004, në Portugali.

[AngelGirl]

Tifozet e Juventusit tani do jen edhe me krenar per skuadren e tyre

Per ate Valonin urime, se i eshte realizuar endrra

[Easyboy]

Sipas informatave te fundit Valon Behrami nuk do te luaj me Zvicren kunder Arabise ne ndeshjen miqesore per shkak te nje lendimi ne gju, shpresoj te mos luaj kurre per Zvicren por te kthet ne folen e shqiponjave aty ku e ka edhe vendin.

[viganv]

Presidenti i klubit Verona ka bere te ditur se djaloshi 19 vjeqar Valon Behrami do te nenshkruaje per 2 vjetet e ardhshme per skuadren e Palermos,kurse pastaj siq duket Valoni do te luaj per Juventusin

[StormAngel]

I dhashtë Zoti një karierë maramendëse,që të na bë krenar neve shqiptarëve.
Forca Valon

[gys_tironci]

Tifozet e Juventusit tani do jen edhe me krenar per skuadren e tyre

Per ate Valonin urime, se i eshte realizuar endrra

Po normale ske cfar thuan per JUventusin lal,,,,krenar jemi edhe krenar do mbetemi me ket ekip flori. ciao