Joani Kapodistria, shqiptari qe u zgjodh kryetar i pare i shtetit grek

[Albo]

Joani Kapodistria, shqiptari qe u zgjodh kryetar i pare i shtetit grek

Nga raca shqiptare kanë dalë burra që kanë udhëhequr Turqinë, Egjiptin, Italinë, Rumaninë, kanë qenë Papë edhe shumë kryetarë dhe kryeministra të Greqisë ishin me origjinë shqiptare. Nga 100 heronj të Kryengritjes greke të 1821-it, 90 prej tyre janë shqiptarë që sot njihen me emrin arvanitasit. Greqia disa herë është udhëhequr nga mbretërit edhe disa herë ka pasur Kryetar Republike, duke humbur drejtimin nga mbretërit. Nga studimet e mia shumë vjeçare kam nxjerrë biografitë e disa nga kryetarët e shtetit grek që lindën nga raca shqiptare. Kështu, kryetari i parë i Greqisë më 1828 deri më 1831 ishte Joani Kapodistria, më tej kemi më 1924-1926 admiralin Pavlos Kunduriotin, më 1926-ën, gjeneralin Teodor Pangallos, më 1926-1929 kemi përsëri admiralin Pavlos Kunduriotin, 1929-1935 kemi Aleksandro Zaimin, 1971 Jorgo Papadhopulos, edhe sot çamin Karolos Papuliasin. Pra, nga dymbëdhjetë kryetarë që kanë udhëhequr republikën greke nga 1828-ta e deri më sot 2007, shtatë prej tyre rrjedhin nga familje shqiptare. Sot do të shkruajmë për atë burrë që u zgjodh Kryetar i Parë i Greqisë së Pavarur më 1827-ën, Joani Kapodistira, i cili lindi në qytetin e Gjirokastrës në vitin 1776. Por, disa historianë grekë mëndjengushtë kanë falsifikuar biografinë e Kapodistrisë që ishte shqiptar, duke u munduar të fshehin historinë e vërtetë, por edhe këtë herë ata nuk ia arritën qëllimit dashakeqës, sepse në Greqi ka edhe nga ata studiues që e pranojnë të vërtetën sado që e hidhur të jetë për kombin grek.

Origjina shqiptare e Kontit Joani KAPODISTRIA (1776-1831)

Joani Kapodistria lindi në një familje gjirokastrite. Familja e tij për t’i shpëtuar ndjekjeve të turqve, u vendos në ishullin e Korfuzit. Këtë na e dëshmojnë shumë dokumente të historianëve grekë dhe shqiptarë. Historiani grek, Panajot Arvantinoit në enciklopedinë greke vëllimi i pestë, fq. 402 shkruan se Joani Kapodistria, Kryetari i parë i Greqisë ishte nga lagjja Manalat e qytetit të Gjirokastër.
Edhe historiani tjetër grek, Trifon Evangjelidhi në librin e tij “Historia e Joani Kapodistrias, qeveritar i Greqisë 1828-1831”, shkruan: “Kur u inaugurua në ishullin e Korfuzit monumenti i Joani Kapodistrias më 12 prill 1887, gazetarët grekë në Athinë shkruanin në shtypin e kohës se: Joani Kapodisrias e ka origjinën nga Gjirokastra e Epirit. Ndër ta, gazetarët Vasil Zoto, Teodor Bovo dhe Athanas Petrilli në gazetën “NEA EFHMERIDHA”(GAZETA E RE) të datave 10 dhe 12 maj 1887, deklaronin se Joani Kapodistria ishte nga Gjirokastra.

Prof. i madh Eqerem Çabej tregon se babai i Joani Kapodistrisë quhej Andon Gjika, i cili ndiqej nga turqit për arsye se bashkë me vëllanë e tij më të vogël kishte qenë pjesëmarrës në kryengritjen e Himarës. Ata për t’i shpëtuar ndjekjeve të turqve, u larguan për në ishullin e Korfuzit. Me vete Andon Gjika mori edhe dy djemtë e tij Vironin dhe Joanin (sot e kësaj dite në rrethin e Gjirokastër fëmijët pagëzohen me emrin Viron, një liqen midis Gjirokastër dhe fshatit Mashkullorë quhet Vironi). Ndërsa xhaxhai i Joaniti, Gjin Gjika mbeti në Gjirokastër dhe u kthye në fenë myslimane me emrin Ahmet dhe titull BEJ. Andon Gjikës i lindën edhe dy djem të tjerë kur u vendos në Korfuz, të cilët u quajtën Agustini dhe Grigori.
Profesor Drenika nga fshati Vunoi, shkruan se: Joani Kapodistria ka lidhje gjaku edhe me Elena Gjikën e njohur edhe me emrin Dora D’Istria. Vërehet se prapashtesa e Kapodistrisë ISTRIA është edhe mbiemri i Dora D’ISTRIA.

Po kështu, studiuesi juristi Mexhit Kokalari në librin “Epiri, Kryeqendra e qytëtrimit antik në Evropës”, sjell dëshmi se Joani Kapodistria ishte nga lagjia Manalat. Shtëpia e familjes së Joani Kapodistrisë është shpallur nga Instituti i Monumenteve të Kulturës të Tiranës Monument Kulture dhe ruhet nga shteti.

Në të vërtetë Joani Kapodistria quhej Gjon Gjika por, pasi në fëmijëri e birësoi familja e Viktor Kapodistrisë ai u quajt dhe u njoh Konti Joani Kapodistria, i cili u diplomua në mjekësi dhe drejtësi në Padova të Italisë. Familja e Viktor Kapodistrisë ishte vetë me origjinë shqiptare. Mbas vdekjes së Skënderbeut disa kontë si Brati, Dukainët, Brunet, Boriçi etj., emigruan në qytetin e Venedikut të Kapodistrias të Istrisë. Viktor Kapodistria në të vërtetë quhej Viktor Viktori, por pas një grindje me kontin Verzi e ndryshoi mbiemrin në Kapodistria në kujtim të vendlindjes së tij.

Karriera diplomatike dhe politike

Arsimin fillor dhe atë të mesëm mbaroi në ishullin e Korfuzit dhe më tej shkoi në Padova të Italisë ku u diplomua në degët e mjekësisë dhe të drejtësisë. Joani Kapodistria u emëruar në vitin 1799 drejtor i spitalit ushtarak të ushtrisë ruse pasi këta të fundit e kishin pushtuar ishullin në shkurt të po atij viti. Këtu i ka fillimit edhe karriera e Joanit në diplomacinë ruse. Në vitin 1800, ai emërohet ministër i Republikës së Shtatishujve të Jonit. Në vitin 1807 Jani Kapodistria emërohet nga cari i Rusisë Aleksandri I këshilltar në armatën ruse në Moldavi. Më tej pasi njihet nga afër me carin rus e zgjedh përfaqësues i diplomacisë ruse në Rumani. Pas sukseseve diplomatike nëpër sallonet e Europës ai emërohet ministër i jashtëm i Rusisë për Europën Jugore. Nga viti 1822 deri sa u zgjodh Kryetar i Greqisë më 1827 Kapodistria qëndroi në Zvicër duke bërë propagandë në sallonet e diplomacisë evropiane në favor të pavarësisë të Greqisë.

Në maj të vitit 1827 kryengritësit e revolucionit të 1821 miratuan një Kushtetutë e cila zgjodhi Kryetar të Greqisë Jani Kapodistrinë, i cili, e mori detyrën zyrtarisht në janar të 1828. Duhet thënë se pëlqimin për zgjedhjen e Joani Kapodistrisë si Kryetar i Greqisë e dhanë tre udhëheqësit e ushtrisë që ishin edhe këta shqiptar Teodor Kollokotroni, Gjeorgjoi Karaiskaqi dhe Gjeorgjio Kundurioti.
Joani ishte mjeshtër i artit të diplomacisë, por duke qenë njeri i formuar në traditat e autokracisë ruse, nuk gëzonte simpatinë e Asamblesë të Përgjithshme të Greqisë së re që po lindte. Kryetari i sapo zgjedhur Kapodistria synonte të realizonte dy projekte. Njëri ishte të krijonte bazat e një strukture shtetërore në një vend të rrënuar nga vite luftimesh të ashpra kundra turqve por edhe të një lufte klanesh të brendshme. Dhe i dyti të siguronte kufij sa më të favorshëm që të ishte e mundur për Greqinë e re. Por u ndesh me problemet e mëdha gjatë tre vjet e gjysmë që ai udhëhoqi Greqinë e vogël në ato vite të siguruar nga Britania e madhe, Rusia dhe Franca. Ajo fillonte në Artë dhe mbaronte në Volos. Joani Kapodistria punoi për të formuar ushtrinë kombëtare, zhvillimin e administratës dhe arsimit. Gjithashtu ai u përpoq që të caktonte pronarët e rinj të tokave dhe pronave të lira pas largimit të pronarëve turq, por ky projekt ndeshi në kundërshtimin e komandantëve ushtarak dhe të të pasurve të Peloponezit, të cilët ishin të vendosur për të marrë sa më shumë pjesë nga tokat e lira. Por, ai arriti suksese të mëdha në rrugët diplomatike, duke siguruar pavarësinë e një Greqie të vogël që më vonë do të zgjerohej në kurrizin e vendeve fqinje me të.

Urrejtjet që e çuan drejt vdekjes

Kapodistria shprehte mendimet dhe përbuzjet e tija për elitat e shoqërisë greke. Ai i quante Mitropolitët ortodoksë grek “turq të krishterë”, udhëheqësit ushtarak “kusarë”, intelektualët grek i quante “të pamend” dhe drejtuesit fetar të Fanarit në Stamboll “fëmijët e Satanait”. Duke shprehur këto mendime hapur për ata që sado pak kishin luajtur rol të rëndësishëm në luftën për fitimin e Pavarësisë dhe që prisnin drejtimin e pushtetit dhe njohjen publike të rregullave të shtetit, arriti të ngjallte zemërime dhe urrejtje. Më 9 tetor 1831 duke dalë nga kisha e Shën Spiridonit në ishullin e Nafplios që ishte kryeqyteti i Greqisë vritet në pabesi Kryetari Konti Joani Kapodistria nga dy njerëz të dërguar nga grupi i fuqishëm i Petrobej Mavromihalit të Manit të Peloponezit. Njëri nga atentatorët mbeti i vrarë në vend nga shkëmbi i zjarrit ndërsa tjetri u kap dhe u dënua nga gjykata pas disa ditësh me vdekje.

Trupi i Kapodistrisë u varros në ishullin e Korfuzit. Ai për sa kohë ishte Kryetar i Greqisë, nuk mori asnjëherë rrogë, por edhe pasurinë e tij ia fali shtetit grek që po lindte.

Pas kësaj vrasjeje, Greqia që tashmë kishte siguruar pavarësinë, do të zhytej në anarki, në një luftë të brendshme se kush do të zgjidhej Kryetar i Greqisë. Për disa kohë Greqia u udhëheq një këshill prej tre vetash; kapedani i madh Teodor Kollokotroni, vëllai i Joanit, Augusti dhe Jonai Koletis. Që të tre këta ishin shqiptar.

Më vonë shtetet e mëdha Britania, Rusia dhe Franca që i kishin dhuruar pavarësinë Greqisë, vendosën të udhëhiqej nga një mbret europian. Ata ranë dakord në maj të vitit 1832, që djali i mbretit Ludvig i Bavarisë Oton, i cili ishte vetëm 17 vjeç, të zgjidhej mbret i Greqisë, detyrë të cilën e mori në shkurt të 1833-it dhe qëndroi në front deri në vitin 1862.


Përgatiti: Arben Llalla

[riu]

Nga shqiptare si puna e ketij eshte katandis keshtu Shqiperia, nderkohe qe mund te ishim gjysem gadishulli sot, dhe do ishim duke kerku kufirin me Gjermanine dhe Austrine.

[Tannhauser]

Nga studimet e mia shumë vjeçare kam nxjerrë biografitë e disa nga kryetarët e shtetit grek që lindën nga raca shqiptare. Kështu, kryetari i parë i Greqisë më 1828 deri më 1831 ishte Joani Kapodistria, më tej kemi më 1924-1926 admiralin Pavlos Kunduriotin, më 1926-ën, gjeneralin Teodor Pangallos, më 1926-1929 kemi përsëri admiralin Pavlos Kunduriotin, 1929-1935 kemi Aleksandro Zaimin, 1971 Jorgo Papadhopulos, edhe sot çamin Karolos Papuliasin.

Nga keta me larte, Kapodistrias dhe Jorgos Papadhopoullos nuk ishin arvanitas dhe Papulia nuk eshte cam.

Eshte bere zakon (i keq) tashme i gazetareve qe kur shikojne ne biogrefi te ndonjerit se eshte lindur ne Epir apo Peloponez ta quajne me vend a pa vend 'shqiptar'. Mirepo sot e kesaj dite nuk ka origjine shqiptare asnje arvanit sepse arvanitet u perzien me greket keshtu nuk vecohet dot pjesa shqiptare nga ajo greke.

Teodor Kollokotroni, vëllai i Joanit, Augusti dhe Jonai Koletis. Që të tre këta ishin shqiptar.

Familja Kapodistria eshte me origjine veneto-greke dhe jo shqiptare, vellai i tij i vogel quhej Augustin dhe Kollokotroni nuk qe arvanitas. Nga kjo treshe i vetmi gjysemarvanitas qe Koleti (i cili ka qene frymezuesi i Megali Idhea-s).

[BARAT]

postuar nga nje prej tyre
Kollokotroni nuk qe arvanitas

Bithguria i Vunoit nuk ishte arvanitas...mund ta quash shqiptar nesa ta nxe goja nje zjarr te tille

[BARAT]

Eshte bere zakon (i keq) tashme i gazetareve qe kur shikojne ne biogrefi te ndonjerit se eshte lindur ne Epir apo Peloponez ta quajne me vend a pa vend 'shqiptar'. Mirepo sot e kesaj dite nuk ka origjine shqiptare asnje arvanit sepse arvanitet u perzien me greket keshtu nuk vecohet dot pjesa shqiptare nga ajo greke.

E pra, edhe Pangallos kur beri artikullin e tij me rastin e festes se pavarsise dhe leshoi deklaraten qe ju hkundi ca mykun, ARVANITASIT JANE JOGREKE, zakon te keq e ka....
Po hiq ore dore se ngele duke shpifur edhe pse ke ikur gjithnje me bisht ne shale se ta kane mbyllur te tere gojen me FAKTE, pavarsisht se je i perkedheluri Albos

[Tannhauser]

E pra, edhe Pangallos kur beri artikullin e tij me rastin e festes se pavarsise dhe leshoi deklaraten qe ju hkundi ca mykun, ARVANITASIT JANE JOGREKE, zakon te keq e ka....

Sot arvanitet jane pjese e pandare e kombit grek. Ne shek. e XV ishin jo-greke. Ska gje edhe sikur nuk do ta kuptosh ti. Sa per Pangallos-in, kam per te thene se eshte me shume budalla nga c'duket. Nuk i ka ngjare fare gjyshit te tij, i cili ishte burre.

Po hiq ore dore se ngele duke shpifur edhe pse ke ikur gjithnje me bisht ne shale se ta kane mbyllur te tere gojen me FAKTE, pavarsisht se je i perkedheluri Albos

Une nuk mbaj mend te kem ndenjur te bisedoj me ty, se pikerisht nuk dua te te ngre nivelin dhe te te jap rendesi. Arsyet qe tani 'bisedoj' me ty jane te tjera.

[Imperator]

Nga keta me larte, Kapodistrias dhe Jorgos Papadhopoullos nuk ishin arvanitas dhe Papulia nuk eshte cam.

Eshte bere zakon (i keq) tashme i gazetareve qe kur shikojne ne biogrefi te ndonjerit se eshte lindur ne Epir apo Peloponez ta quajne me vend a pa vend 'shqiptar'. Mirepo sot e kesaj dite nuk ka origjine shqiptare asnje arvanit sepse arvanitet u perzien me greket keshtu nuk vecohet dot pjesa shqiptare nga ajo greke.



Familja Kapodistria eshte me origjine veneto-greke dhe jo shqiptare, vellai i tij i vogel quhej Augustin dhe Kollokotroni nuk qe arvanitas. Nga kjo treshe i vetmi gjysemarvanitas qe Koleti (i cili ka qene frymezuesi i Megali Idhea-s).

Ti je turpi i forumit, ti nuk duhet te jesh ketu. Ti je nje njeri i pavlere qe vetem kerkon perçarje dhe thyen gjithmone çdo rregull te forumit. Turp per ata qe te mbajne ty ketu.

Me falni qe u shpreha ne kete menyre, por nuk ka fjale te tjera per te pershkruar te tille njerez. Dihet boterisht qe Shqiperia ka nxjerre burra shteti, ka nxjerre njerez te medhenj. Duke filluar qe me Skenderbeun, qe ky qe citova vdes ta beje grek dhe kete. Sipas nje historiani me prejardhje Shqiptare dhe qe jeton ne Jordani, 2 Shqiptare kane qene udheheqes Shteti ne nje vend Arab rreth viteve 1400. Njeri ka sunduar per 2 vjet ndersa tjetri vetem per 2 muaj.
Gjithashtu dhe per ata qe ky qe kam cituar thote se nuk mund te quhen arvanitas dihet se ata jane Shqiptare dhe nuk ka asnje dyshim mbi kete sepse eshte nje e vertete qe nuk mund ta mohoje asnje gje perveç injorances se ketij qe eshet cituar.

Imperator

[shoku_tanku]

Nga keta me larte, Kapodistrias dhe Jorgos Papadhopoullos nuk ishin arvanitas dhe Papulia nuk eshte cam.

Eshte bere zakon (i keq) tashme i gazetareve qe kur shikojne ne biogrefi te ndonjerit se eshte lindur ne Epir apo Peloponez ta quajne me vend a pa vend 'shqiptar'. Mirepo sot e kesaj dite nuk ka origjine shqiptare asnje arvanit sepse arvanitet u perzien me greket keshtu nuk vecohet dot pjesa shqiptare nga ajo greke.



Familja Kapodistria eshte me origjine veneto-greke dhe jo shqiptare, vellai i tij i vogel quhej Augustin dhe Kollokotroni nuk qe arvanitas. Nga kjo treshe i vetmi gjysemarvanitas qe Koleti (i cili ka qene frymezuesi i Megali Idhea-s).

Nuk e kuptoj,Tanhauzer,se c'te keqe ka, t'i pranosh keto figura historike si Arvanitas Shqiptare?!...faktikisht ata ishin te tille"...Pangallosi nuk eshte aspak budalla por nje njeri teper realist...nuk e kuptoj perse duhet te mohosh me kaq ngulm nje te vertete te tille?!...per c'fare do te te sherbente?!...Naim e Sami Frasheri,ishin Shqiptare te cilet dhane shume per Turqine...por kjo gje,nuk ua ndryshon atyre origjinen Shqiptare..

Sa per vecimin e pjeses Shqiptare nga ajo Greke,mjafton te shkosh e te pyesesh,
Arvanitet Ortodokse qe ndodhen ne greqi per pjesen muslimane qe dikur ka bashkejetuar ne harmoni me ta...shko pyeti"...pyeti edhe per pronat qe camet e shperngulur ua lane ne ruajtje...mund te mesosh shume gjera interesante prej atyre njerezve..jane nje histori e gjalle..

[Dita]

Ky shembull ka vlere te ngjashme me ate te gati 30 shqiptareve qe kane sherbyer si vezire per Perandorine Osmane. Ne shek. e 21-te shqiptaret qe kane aftesi per te care perpara dhe ne toke te huaj, duhet ta nxjerrin si mesim e te kuptojne me kete rast se sa shume do mund t'i jepnin shtetit e kombit te vet sikur nje pjese te kesaj zotesie ta investonin dhe per kete shtet e komb. Shperblimi eshte falenderimi i heret apo i vonshem nga nje komb i tere. Sikur ta kishin largpamesine ta kuptonin kete...

[Albo]

Sot arvanitet jane pjese e pandare e kombit grek. Ne shek. e XV ishin jo-greke. Ska gje edhe sikur nuk do ta kuptosh ti. Sa per Pangallos-in, kam per te thene se eshte me shume budalla nga c'duket. Nuk i ka ngjare fare gjyshit te tij, i cili ishte burre.

Sigurisht qe arvanitasit jane pjese e pandare e kombit grek pasi kane nje kontribut te pazevendesueshem HISTORIK ne pavaresine, ngritjen dhe mbrojtjen e kombit grek. Por kjo nuk do te thote qe kontributi dhe integrimi i tyre ne shoqerine greke u fshin atyre identitetin etnik dhe kulturor qe eshte i dallueshem nga ai grek.

Nese ti do te besoje ne ate qe shpreh me siper per arvanitasit, atehere te duhet te pranosh qe edhe ti si minoritar grek i lindur e rritur ne Shqiperi, nuk gezon me nje etni greke por etnine shqiptare. Ose te gjithe ata greket e Aleksandrise apo Jeruzalemit nuk i perkasin me etnise greke por asaj arabe.

Edhe pse nuk kam patur mundesi te lexoj aq sa duhet mbi historine e Epirit, nga aq sa kam lexuar une jam nga ata qe besoj se Epiri dhe epirotet nuk mund te klasifikohen as si ekskluzivisht greke dhe as si ekskluzivisht shqiptare, Epiri eshte nje shkrirje e te dy kulturave dhe te dy popujve qe kane nje histori shekullore bashkejetese. Dhe nuk eshte rastesi qe djepi i rilindjes kombetare per te dy popujt u ngrit ne Epir dhe disa prej figurave me te spikatura historike dhe burrave te shteteve te dy vendeve kane qene dhe jane epirote.

Albo