Berisha: Me 1 korrik 2012 rriten rrogat dhe pensionet me 5%

[Albo]

Petraq Milo: Pensionet, rritja si në 2006. Fshati 15 për qind, qyteti 5


Pagat, rritje 20 për qind për mjekët e mësuesit

Fabiola Çela

Më 1 korrik pagat e arsimtarëve dhe punonjësve të shëndetësisë do të rriten me 20 për qind.

Kështu është shprehur dje për gazetën “Panorama” këshilltari i kryeministrit, Petraq Milo. Ndërkohë sipas tij, është ngritur një grup punë, i cili do të përcaktojë edhe masën e rritjes së pensioneve. “Prioritet do të jenë pensionet e fshatit dhe ato minimalet. Eshtë parashikuar që rritja e masës së pensioneve të bëhet pak a shumë sa vitin e kaluar”, tha ai.

Pensionet
Qeveria ka ngritur një grup pune, i cili do të përcaktojë masën e rritjes së pensioneve. Vëmendja kryesore e qeverisë është përqendruar në rritjen e pensioneve të ulëta, si për ato të fshatit dhe të qytetit. Grupi i punës po merret me detajimin e skemës, ku secila nga kategoritë e pensionistëve do të përfitojë shtesën e pensionit, duke filluar nga data 1 korrik. Eshtë parashikuar që rritja e pensioneve të jetë nga 5 deri në 15 për qind, duke ndjekur kështu të njëjtën rrugë me vitin e kaluar. Kështu, pensionet suplementare të kategorive të ndryshme do të përfitojnë rritje nga 5 deri në 15 për qind. Ato kategori ku ndryshimet e pensionit janë bërë në janar kanë përfituar një rritje të vogël, për shembull prej dy për qindësh, me skemën e re që do të aplikohet pas 1 korrikut, do të përfitojnë rreth 13 për qind rritje të pensionit. Ndërsa ato shtresa që më parë kanë përfituar rreth 20 për qind rritje pensioni, në bazë të skemës së re do të jenë të përjashtuar nga rritja, sepse e kanë marrë rritjen maksimale.

Pagat
Pagat e punonjësve të arsimit dhe të shëndetësisë do të rriten me 20 për qind, ndërsa për punonjësit e tjerë buxhetorë rritja e pagave do të jetë pothuajse e njëjtë me skemën e vitit të kaluar. Ndërkohë me vendosjen e taksës së sheshtë punonjësit që kanë pagat e ulëta, përveç rritjes do të marrin edhe një shtesë, e cila do të jetë në formën e kompensimit. Një vendim të tillë e ka bërë të ditur vetë ministri i Financave, Ridvan Bode, pak ditë më parë në një deklaratë për mediat. “Nuk do të ketë asnjë nëpunës publik, asnjë punonjës që për shkak të aplikimit të taksës së sheshtë mund t’i preken të ardhurat personale. Kjo pasi kompensimi i kësaj mase në rritjen e pagave, të cilën ne programojmë të fillojë në muajin korrik është tërësisht në përputhje me efektet që mund të japë kjo taksë në fazën e parë të zbatimit”, ka thënë ministri Bode. Më hyrjen në fuqi të taksës së sheshtë, tatimi mbi të ardhurat personale nuk do të jetë më i përshkallëzuar por do te jetë në masën 10 për qind për të gjitha kategoritë e pagave. Ndërkohë për pagat deri në 30 mijë lekë 10 mijë lekëshi i parë nuk do t’i nënshtrohet taksimit.



skema

* 20 për qind rritja e pagave të arsimit
* 20 për qind rritja e pagave të shëndetësisë
* 5 për qind rritja e pensioneve të qytetit
* 15 për qind rritja e pensioneve të fshatit



Buxheti suplementar

Në korrik të këtij viti do të ketë sërish një buxhet suplementar. Në fund të vitit të kaluar qeveria deklaroi se të ardhurat që do të arkëtoheshin nga privatizimi i sektorëve strategjikë do të përdoreshin për hartimin e buxhetit suplementar. Por deri më tani “Albtelekom” është e vetmja kompani, privatizimi i së cilës pritet të mbyllet këto ditë. Kështu të ardhurat që do të merren nga privatizimi i kësaj kompanie do të përdoren për buxhetin e dytë të vitit. Vlera e shitjes së kësaj shoqërie është 120 milionë euro. Ndërkohë që mbeten ende në listë për t’u privatizuar edhe kompania “ARMO” “INSIG”, si dhe aksionet e qeverisë shqiptare në kompaninë AMC.

Panorama

[Zemrushja]

Nuk e kuptoj..

Si mund te thuash rritje page 20% kur ti vendos te rritesh per fshatin 15% pagen dhe per qytetin 5%.. Thuaj shteti do te shpenzoje gati 20% me shume me rritjet e pagave por jo se i rritet paga secilit nga 20%..

[Imperator]

Zemrushja do te rritet secilit me 20%. Eshte e vertete kjo dhe me behet qejfi qe do te kete rritje te pagave per keto sektore strategjike, pasi jane ata qe na shpetojne jeten dhe ata qe na japin dituri dhe keta nuk kane te paguar. Gjithashtu eshte shume mire qe po rriten dhe pensionet, sepse baballaret apo gjysherit tane meritojne me shume vemndje nga shteti sepse jane ata qe na kane sjelle deri ketu, jane ata qe kane punuar per ne dhe perderisa ata u kujdesen per ne kur ishim te vegjel perse mos kujdesemi dhe ne per ta tani kur ata kane me shume se kurre nevoje per ne.

Imperator

[Albo]

Kryeministri Berisha: Buxheti i dytë suplementar, dëshmi e rezultatit të reformave

6/6/2007

- Buxheti i dytë suplementar, në mbështetje të biznesit, rritjes së rrogave dhe pensioneve dhe të projekteve prioritare të vendit

Kryeministri Berisha tha sot në mbledhjen e Këshillit të Ministrave se tashmë qeveria po bën realitet buxhetin suplementar për vitin 2007 dhe kjo është dëshmi e rezultatit të reformave. Në sajë të rritjes ekonomike dhe të performancës më të mirë fiskale, theksoi Kryeministri, bëhet e mundur që nga ky buxhet, rreth 150 milionë lekë t’i kthehen sërish biznesit në ulje taksash dhe 200 milionë të tjera të shpërndahen në projektet më prioritare të vendit, rrugë, ura, ujësjellës, shkolla, qendra shëndetësore, etj.

“Është viti i dytë në historinë e vendit që një qeveri del me një buxhet suplementar, buxhet që vjen kryesisht nga rritja ekonomike, lufta kundër kontrabandës, lufta kundër evazionit fiskal, lufta kundër korrupsionit. Bazuar në këta faktorë të marrë së bashku, me gjithë uljen drastike që ne bëmë vitin e kaluar për taksat, për sigurimet shoqërore, u bë sërish e mundur që vendit t’i paraqitet në fund të muajit qershor një buxhet i dytë. Kjo është një dëshmi e rezultatit të reformave, e punës me përkushtim të administratës”, u shpreh Kryeministri.

Gjithashtu, Kryeministri theksoi se “ky buxhet krijon të gjitha kushtet për të përmbushur detyrimin shoqëror ndaj punonjësve të administratës shtetërore dhe pensionistëve. Ai mundëson konsolidimin e mëtejshëm të imazhit social, të politikës sociale, të shtetit social. Mbi bazën e tij po përllogaritet rritja e ndjeshme e rrogave, duke u interesuar natyrisht më shumë për arsimin, shëndetësinë, rrogat e ulëta, policinë, ushtrinë, për rritjen e pensioneve, si dhe sektorët e tjerë”.

“Këtë vit, rrogat e larta nuk do të përfitojnë rritje, sepse ato përfitojnë nga ulja e tatimit mbi të ardhurat, ndërsa pjesa tjetër do të ketë rritje të ndjeshme, rritje realisht domethënëse. Sapo të përfundojnë përllogaritjet do të jeni ju, mediat, që do të jepni të parët lajmin e rëndësishëm të rritjes së rrogave, të rritjes së pensioneve”, nënvizoi Kryeministri.

Kryeministria

[Qerim]

Edhe nje tjeter dore me hi ne syte e vrare te popullit shqiptar !
Personi qe ka bllokuar shumicen e projekteve zhvilluese ne vend, qe po ja del me sukses te uli GTP-ne me hapa gallopante ,qe po shterpezon vendin nga cdo investim i huaj, tani doli me thesin e Nastradinit per nje tjeter maskarade.

[Zemrushja]

ELJONA BALLHYSA

Si do të ndahen kategoritë në shtesat e pensioneve dhe pagave buxhetore

Buxheti suplementar nuk parashikon rritje të rrogave të larta në korrik të këtij viti. Ndërsa rrogat e ulëta dhe të mesme do të rriten nga 20 deri në 25 %. Po kështu do të rriten edhe pensionet, nga 5 deri në 15 %. Pritet që shtesa në rrogë të fillojë të shpërndahet në datën 1 korrik të këtij viti, ndërsa buxheti suplementar pritet të miratohet javën e ardhshme në qeveri dhe më pas të paraqitet në parlament.

Rritja

Kryeministri i vendit bëri të ditur gjatë mbledhjes së djeshme të qeverisë të rejat që do të sjellë buxheti suplementar i korrikut. Sipas kreut të shtetit, një pjesë e të ardhurave do përdoren për rritjen e pagave dhe pensioneve, një pjesë për uljen e taksave ndaj biznesit dhe një pjesë do të përdoret për investime publike.

“Ky buxhet krijon të gjitha kushtet për të përmbushur detyrimin shoqëror ndaj punonjësve të administratës shtetërore dhe pensionistëve. Ai mundëson konsolidimin e mëtejshëm të imazhit social, të politikës sociale, të shtetit social. Mbi bazën e tij po përllogaritet rritja e ndjeshme e rrogave, duke u interesuar natyrisht më shumë për arsimin, shëndetësinë, rrogat e ulëta, policinë, ushtrinë, për rritjen e pensioneve, si dhe sektorët e tjerë. Këtë vit, rrogat e larta nuk do të përfitojnë rritje, sepse ato përfitojnë nga ulja e tatimit mbi të ardhurat, ndërsa pjesa tjetër do të ketë rritje të ndjeshme, rritje realisht domethënëse”, bëri të ditur kreu i qeverisë duke theksuar se më këto masa shteti merr fytyrën e shtetit social dhe të mbrojtjes së shtresave në nevojë.

Biznesi

Përveç rritjes së rrogave, qeveria në buxhetin suplementar ka menduar edhe për shtresën e biznesit. Kështu, qeveria ka vendosur që t'i kthejë biznesit rreth 115 milion lekë si dhe të ulë taksat. “Në sajë të rritjes ekonomike dhe të performancës më të mirë fiskale, - theksoi Kryeministri, - bëhet e mundur që nga ky buxhet, rreth 150 milionë lekë t’i kthehen sërish biznesit në ulje taksash dhe 200 milionë të tjera të shpërndahen në projektet më prioritare të vendit, rrugë, ura, ujësjellës, shkolla, qendra shëndetësore, etj.”, është shprehur Berisha, ndërsa ka vlerësuar suksesin e reformave që sollën hartimin e buxhetit suplementar. “Është viti i dytë në historinë e vendit që një qeveri del me një buxhet suplementar, buxhet që vjen kryesisht nga rritja ekonomike, lufta kundër kontrabandës, lufta kundër evazionit fiskal, lufta kundër korrupsionit. Bazuar në këta faktorë të marrë së bashku, me gjithë uljen drastike që ne bëmë vitin e kaluar për taksat, për sigurimet shoqërore, u bë sërish e mundur që vendit t’i paraqitet në fund të muajit qershor një buxhet i dytë. Kjo është një dëshmi e rezultatit të reformave, e punës me përkushtim të administratës”, u shpreh Kryeministri.

Metropol

[no name]

Pagat e pensionet, rritja ne korrik
Fatjona Mejdini
E Enjte, 07 Qershor 2007


Qeveria garanton se do te kete serish rritje te pagave te uleta ne sektoret me jetike buxhetore, qe permbledh arsimin, shendetesine, policine dhe Forcat e Armatosura. Pritet qe menjehere sapo te startoje dhe buxheti i ri, pra me 1 korrik, te filloje rritja, e cila do te perfshije pervec ketyre punonjesve buxhetore edhe pensionet. Kryeministri, Sali Berisha, premtoi diten e djeshme qe brenda ketij viti do te kete nje rritje te pagave dhe pensioneve. Kjo sipas tij, do te arrihej sepse per te dytin vit radhazi, qeveria realizonte nje buxhet suplementar, i cili kishte nje detyrim social ndaj punonjesve me rroga te uleta dhe pensionisteve. Berisha theksoi se ne fund te muajit Qershor, ky buxhet suplementar pritet te miratohej ne qeveri. Gjate mbledhjes se djeshme te qeverise, Berisha shpjegoi se rritja e pagave do te prekte sektore si arsimi, shendetesia, policia dhe ushtria dhe po keshtu pagat e uleta te sektoreve te tjere. Pritet qe niveli i rritjes se pages te jete ne masen 20-25 per qind, nderkohe qe rritja e pensioneve te jete ne masen 5-15 per qind. "Buxheti suplementar per kete vit mundeson konsolidimin e metejshem te imazhit social, te politikes sociale, te shtetit social. Mbi bazen e tij po perllogaritet rritja e ndjeshme e rrogave, duke u interesuar natyrisht me shume per arsimin, shendetesine, rrogat e uleta, policine, ushtrine, per rritjen e pensioneve, si dhe sektoret e tjere ", theksoi Berisha, duke shtuar se detajet e rritjes se ketyre pagave do te beheshin te ditura ne javet ne vazhdim. Kryeministri Berisha, nga ana tjeter deklaroi se nuk do te kishte rritje pagash ne ato sektore ku ato konsideroheshin te larta, kjo sepse keto paga kishin arritur te perfitonin nga ulja e tatimit mbi te ardhurat. "Rrogat e larta nuk do te perfitojne rritje, sepse ato perfitojne nga ulja e tatimit mbi te ardhurat, ndersa pjesa tjeter do te kete rritje te ndjeshme, rritje realisht domethenese", theksoi Berisha gjate mbledhjes se djeshme te qeverise. Kryeministri Berisha theksoi se, realizimi i nje buxheti suplementare perseri nga qeveria, shpjegohet me rritjen ekonomike ne vend dhe rezultatin qe ka dhene zbatimi i reformave. "Eshte viti i dyte ne historine e vendit qe nje qeveri del me nje buxhet suplementar, buxhet qe vjen kryesisht nga rritja ekonomike, lufta kunder kontrabandes, lufta kunder evazionit fiskal, lufta kunder korrupsionit. Kjo eshte nje deshmi e rezultatit te reformave, e punes me perkushtim te administrates", deklaroi Berisha. Sipas tij, ky buxhet shtese arriti te realizohet edhe me uljen drastike per taksat dhe sigurimet shoqerore, qe u be nga qeveria vitin e kaluar.

[Borix]

Mendoj se nje rritje me nje ritem te tille eshte qesharake dhe ofenduese per mesuesit, por sidomos per mjeket. Shumices se shqiptareve iu eshte ngulitur ne koke se mjeket jane vampira dhe se mesuesit jane te trashe. Per te dy rastet them se te trashet jane ata qe shpenzojne kohe dhe para per te kontribuar ne shkencen e llafologjise dhe ne panairin e kotesive. Shqiperia eshte e mbushur me te tille njerez. Ndalova ketu sepse jam i sigurt se do dale ndonje qe te thote se mjeket dhe mesuesit mbushin xhepat ilegalisht. Nuk jane mjeket dhe mesuesit, por disa elemente te vecante. Te rrisesh rrogen e mjekut nga 30.000 L ne 31500, pra me 5%, dhe te mesueseve nga 15000 ne 15750 eshte turpi i te gjitha turpeve qe nga fillimet e civilizimit. E dini pse behet kjo? Sepse shqiptaret jane apatike dhe nuk dine ta ngrene zerin per ate qe u takon... Edhe s'kane faj, si do te marrin deputetet tane miliona nese harxhojne buxhetin e shtetit.

[Brari]

duhen pershendetur nismat e qeverise kur bejne muuuuuuuuuuuuuuuuuu se jan per te miren e njerzve o boraks idhnaku..

kur te shendoshet buxheti me shume do kete rritje dhe me te mire..e me te prekshme..

rendesi ka qe puna shkon per mire..

qetesia e stabiliteti do sjelle dit me te mira pasketaj.. do thoshte naim frasheri..po te lexonte gazetat..

[Zemrushja]

E keni pare ngushte

Un po bej nje analize qe me ardhjen e demokracise.. dmth per 17 vjet se cfare ka ndodhur dhe normalisht qe paraja eshte zhvleresuar nga kto gjera. Jam dakort me ate qe thua Borix qe behen mbrapaskena. Po prape mos te duket nje norme e ulet ajo e inflacionit 2%. Ja ta bejme nje analize (dhe nese nuk jeni dakort me thoni). Tre faktoret qe ndikojne ne Inflacion (sociale) jane : Pagat, konsumi dhe te ardhurat. Ne faktoret politike rolin kryesor e luan ndryshimi i normes se takses (qe dhe kjo shkakton nje rritje te normes se inflacionit apo zvogelim varet se si do rritet apo do ulet) gjithashtu dhe Norma e papunesise luan rolin e vet ne Inflacion.

Ne vitin 1992 filloi komplet problematika e inflacionit! Rritja e cmimeve dhe e pagave normalisht qe beri dhe zhvleresimin e monedhes! Pse them se eshte zhvleresim monedhe e vazhdueshme sepse sa me shume te rriten cmimet dhe pagat ne Shqiperi aq me shum zhvleresim te vazhdueshem do te kesh ne monedhen (Prerja e nje monedhe te re shkakton gjithashtu inflacion). Pra problemi aktual nuk ka ardhur si pasoje e nje viti dy tre apo kater po si pasoje e 17 viteve politike.

Shtetit shqiptar ushqehet vetem me te ardhurat nga tatimet dhe doganat (apo e kam gabim?) Pra ne nje fare menyre varet nga shtetet importuese. Edhe kjo eshte nje arsye zhvleresimi apo rritje se cmimit te mallrave (inflacion). (Pasi ndikon dhe monedha e huaj dmth bursa qe ke permend me lart Borix) Nese e ke vene re ka raste qe cmimet e Shqiperise jane ndonjehere dyfish i cmimeve Europiane!. C'fare eshte kjo? Nuk eshte zhvleresim monedhe e shkaktuar nga nje ndryshim ne nivelin e cmimeve ne fund te fundit?

Sigurisht Import - Eksportet luajne nje rol themelor. Po mire, kur eksportojme ne menyre indirekte (pa e mare vesh njeri qe ne bejme eksport energjie elektrike) dhe si rrezultat ajo nuk paraqitet ne bilanc cfare eshte? Po mire, kur ne nuk eksportojme pothuajse asnje gje (pervec energjise indirekte) ne vendet e tjera i bie qe te varemi komplet nga bursa e vendit Fqinj.

Nenvleresimi i produkteve vendase dhe rivleresimi i produkteve te huaja cfare eshte?

Pra, nese bejme nje analize (per efekt kohe nuk mund ta vazhdoj) dalin shume shum gjera te lidhura apo te gershetuara me njera tjetren.