Berisha: Me 1 korrik 2012 rriten rrogat dhe pensionet me 5%

[RaPSouL]

Pensionet, Beqja: Berisha gënjeu, s'përfituan kompensim 130 mijë vetë

TIRANE- Rritja e pensioneve është një proces i përvitshëm, por dhe një arenë debatesh të ashpra pozitë-opozitë. Qeveria deklaron se po mban premtimet e bëra tre vjet më parë, duke u afruar shumë me objektivin e dyfishimit të të ardhurave të pensionistëve në qytet e në fshat. Opozita, nga ana e saj, ve në dukje se rritja reale e mirëqenies së 550 mijë pensionistëve nuk është ajo që pretendohet, sidomos në kushtet e rritjes së ndjeshme të inflacionit, që redukton çdo rritje nominale. Ilir Beqja, kohët e fundit, ka dalë para opinionit si përfaqësues i PS, për të shprehur vërejtjet e tij lidhur me raportin midis premtimeve qeveritare dhe realitetit. Për faktin se ai kë mbajtur për një kohë të gjatë postin e drejtorit të përgjithshëm të Institutit të Sigurimeve Shoqërore, Gazeta e intervistoi, me dëshirën për të hedhur sa më shumë dritë lidhur me këtë çështje, sqaruar nga një specialist i fushës.
Zoti Beqja, së fundmi jeni shprehur, në emër të PS, për rritjen e pensioneve nga qeveria, ndërsa kjo e fundit ju akuzon për mashtrime. Si qëndron e vërteta?
Po, është e vërtetë që jemi shprehur publikisht për situatën shqetësuese të pensionistëve shqiptarë. Po ashtu, kemi paraqitur para shqiptarëve se çfarë përbën në të vërtetë rritja e pensioneve, si në terma nominalë, ashtu edhe në terma realë. Të dielën, unë kam bërë një deklaratë për të krahasuar premtimet e qeverisë para tre vjetësh me çfarë ka bërë ajo deri tani, kur kemi hyrë në vitin e fundit të mandatit qeverisës. Jam shprehur me shifra konkrete, pasi mendoj se ato janë më kokëforta se çdo opinion tjetër.
Në replikimet e PD thuhet që këtë vit është realizuar rritja më e madhe e pensioneve në 8 vjet. A qendron kjo?
Le të flasim me logjikën e ftohtë të shifrave. Po përpiqem të paraqes rritjen nominale të pensioneve në 8 vitet e fundit. Në korrik 2008 pensionet e qytetit u rritën me 10%, ndërsa ato të fshatit u rritën me 15%. PD pretendon që kjo është rritja më e lartë në vite. Në të vërtetë, pensionet e qytetit janë rritur me 10% edhe në korrik 2002, edhe në korrik 2003. Ndërkohë që, në vitet 2006 dhe 2007, rritja e pensioneve të qytetit ka qënë vetëm 5%, rritje kjo, më e ulëta në 17 vjetët e fundit. Përsa u përket pensioneve të fshatit, rritjen më të lartë nën qeverinë aktuale të Berishës e kanë patur në vitin 2006 me 20%, ndërkohë që pensionet e fshatit janë rritur me 30% në vitin 2001 dhe 25% në vitin 2002.
Në se do të bëjmë një krahasim midis tre viteve të para të dy mandateve qeverisëse, shifrat zyrtare të rritjeve tregojnë që, në intervalin 2002-2004, pensionet e qytetit janë rritur gjithsej 31%, me një mesatare vjetore rritjeje prej 10.3 përqindësh, ndërsa pensionet e fshatit janë rritur gjithsej 73%, me një mesatare vjetore rritjeje prej 24,2%. Në intervalin 2006-2008 pensionet e qytetit janë rritur gjithsej me 21%, me një mesatare vjetore prej 7%, ndërsa pensionet e fshatit janë rritur gjithsej me 52%, me një mesatare vjetore rritjeje 17.3%. Në tri vitet e para të kësaj qeverisjeje, ritmet janë dukshëm më të ulëta.
Përveç rritjes së pensioneve, qeveria ka folur për rritje të të ardhurave mujore të pensionistëve, që nuk janë e njejta gjë me pensionet. Mos vallë rritja e tyre është më e madhe?
Qeveria luan me fjalë dhe, herë flet për pensione, e herë për të ardhura. Ne pranojmë të diskutojmë, qoftë për njërën apo për tjetrën, por duke insistuar që të jemi konsistentë brenda njërës apo tjetrës. Është e vërtetë që disa grupe pensionistësh kanë përfituar rritje më të madhe se ato që përshkrova më lart. Qeveria po aplikon prej dy vjetësh një kompensim të të ardhurave mujore, por kompensimet janë zbatuar vetëm për pensionistët me të ardhura të ulëta. Sipas standardeve të kësaj qeverie, një pensionist në qytet me pension mujor 12 mijë lekë quhet me të ardhura të larta. Po ashtu, një pensionist në fshat me pension mujor 6 mijë lekë quhet me të ardhura të larta.
Në se do të përsërisnim analizën që bëmë më lart, vetëm për pensionistët me të ardhura të ulëta (pensione + kompensime të ndryshme), situata paraqitet si vijon. Në intervalin 2002-2004 të ardhurat e pensionistit në qytet janë rritur gjithsej 28%, me një mesatare vjetore rritjeje prej 9.3 përqindësh, ndërsa pensionet e fshatit janë rritur gjithsej 65%, me një mesatare vjetore rritjeje prej 21.7%. Ritmet e rritjeve të pensioneve në periudhën 2005-2008 janë më të ulëta. Në intervalin 2006-2008, pensionet e qytetit janë rritur gjithsej me 35%, me një mesatare vjetore prej 11.7%, ndërsa pensionet e fshatit janë rritur gjithsej me 68%, me një mesatare vjetore rritjeje 22.6%. Në tri vitet e para të kësaj qeverisjeje, ritmet janë diçka më të larta.
Atëhere, qeveria ka të drejtë në atë çfarë thotë?
Qeveria ka të drejtë në atë çfarë thotë vetëm për gjysmën e pensionistëve, si në qytet, ashtu edhe në fshat. Vetëm këta kanë përfituar nga këto rritje. Berisha, ashtu siç sillet në kulisat e politikës, ashtu sillet edhe me pensionistët. Përpiqet t'i ndërsejë midis tyre, duke i ndarë në të pasur e në të varfër. Këtë ka bërë edhe në vitet '92-'96, kur zbatonte rritjet e diferencuara.
Sot janë 100 mijë pensionistë në qytet, "të pasur" sipas Berishës, që nuk kanë përfituar nga kompensimet e viteve të fundit. Janë edhe 37 mijë pensionistë, me pensione të pjesshme, që kanë përfituar pjesërisht edhe nga kompensimet. Të ardhurat e tyre mujore janë sot më pak se 10 mijë lekë.
E njëjta gjë ndodh edhe në fshat, ku, në fakt, asnjë pensionist nuk merr as 7 mijë lekë në muaj. Janë sot 27 mijë pensionistë në fshat, "të pasur" sipas Berishës, që nuk kanë përfituar nga kompensimet e këtyre dy viteve. Janë edhe 48 mijë pensionistë (më shumë se 1/3 e pensionistëve të fshatit), me pensione të pjeshme, që kanë përfituar pjesërisht nga kompensimet. Të ardhurat e tyre mujore janë sot më pak se 5 mijë lekë.
Ky është, pra, realiteti i rritjes së pensioneve shqiptare në këta tre vjet, por edhe krahasuar nga viti 2001 e deri më sot. Çfarë thashë më lart, bazohet në të dhëna zyrtare. Kushdo është i lirë t'i lexojë si të dojë. Qeverisë i kërkojmë që të përdorë një standard. Jo, kur tregon arritjet e saj, të flasë me të ardhurat minimale dhe, kur sulmon, të përdorë pensionet. Nëse do të vazhdojë me këtë logjikë, duhet të ruhet nga "autogolat", pasi rritja e pensioneve në qytet këtë vit, nga 10% në tekstin e VKM, përkthehet në 8.3% në xhepin e pensionistit. Po ashtu, rritja me 15% e pensioneve të fshatit në tekstin e VKM, përkthehet në 12.6% në xhepin e pensionistit në fshat.
Çfarë do të ndodhte, në rast se rritja e kompensimeve do të ishte kryer tek të gjitha kategoritë e pensionistëve në të njejtën masë, pa bërë diferencime, midis "të pasurve" dhe "të varfërve" ndërmjet tyre?
Nëse do të shpërndanim në mënyrë të barabartë shumën e kompensimeve, tek secili pensionist, do të duhej që kujtdo t'i jepnim mesatarisht 690 lekë dhe jo si deri më sot, dikujt asnjë qindarka, dhe dikujt 1.260 lekë. Nga shpërndarja e barabartë e fondit të kompensimit tek çdo pensionist, do të kishim një ritëm mesatar vjetor të rritjes së të ardhurave të pensionistëve në qytet me 7,4%, ndërsa në fshat me 20.8%. Të dyja këto shifra janë më të ulëta se respektivet e periudhës së ngjajshme në mandatin e mëparshëm qeverisës.
Tani, kur ka mbetur më pak se një vit për përfundimin e mandatit qeverisës, sa i llogaritni shanset që të realizohen premtimet e Programit Qeveritar për pensionet?
Qeveria ka premtuar dyfishim të pensioneve në Programin e saj, të miratuar në Kuvend. Dokumenti është zyrtar dhe i konsultueshëm nga kushdo. Berisha ka mohuar publikisht të ketë bërë një premtim të tillë. Sidoqoftë, pensionisët me të ardhura të ulëta e kanë dëgjuar. Pa ardhur ai në pushtet, merrin 8.350 lekë në muaj. Dyfishimi do të thotë që, në qershor 2009, ata të mund të marrin 16.700 lekë në muaj ose 48% më shumë nga ajo ç'ka marrin në gusht 2008.


(s.g/GazetaShqiptare/Balkanweb)

[RaPSouL]

Pagat e reja, revoltohet policia: Morëm shumë pak

Ankesa të shumta në komisariate: Na trajtojnë si "ca të nënës, ca të njerkës"

Vetëm dy ditë më parë ka filluar ndarja e pagave të reja në polici, por kjo ka zbuluar edhe mashtrimin masiv që u është bërë uniformave blu. Dhjetëra punonjës policie kanë mbetur të zhgënjyer, teksa prisnin ngritje page dhe janë përballur me ulje reale të saj. Pavarësisht se nuk kanë ndryshuar vend pune, nuk janë lajmëruar më parë nga eprorët, ata janë detyruar të përballen me këtë fenomen që i ka lënë të zhgënjyer. Madje, disa prej punonjësve të policisë kanë nisur të bëjnë gati kërkesat për largim nga policia, ndërsa të tjerë janë revoltuar duke kërkuar shpjegime, e në mungesë të të ardhurave detyrohen të pranojnë abuzimet që bëhen me ta. Burimet policore kanë shpjeguar se edhe pse u ishte premtuar rritje pagash, atyre u është vënë një "gjobë" e majme nga qeveria, duke i penalizuar pa asnjë mbështetje ligjore.

Pavarësisht se ende nuk ka nisur shpërndarja e plotë e pagave për të gjitha drejtoritë e policisë apo sektorët e saj, disa prej tyre, dy ditë më parë, janë përballur me këtë pagë "të cunguar". Askush nuk e ka besuar, pasi nuk ka pasur informacion nga eprorët e policisë se çfarë është bërë konkretisht me pagat e tyre. Por, kur kanë marrë rrogën e parë sipas sistemit të ri, kanë mbetur të habitur. Bëhet fjalë për të gjithë ata persona, të cilët me sistemin e ri të gradave në polici, janë graduar "komisar" e më poshtë.


Dy sisteme

Burimet shpjegojnë se për përllogaritjen e pagave të tyre janë përdorur dy sisteme, duke lënë vend për abuzime. Një nga sistemet e përdorura ka qenë ai i marrjes së gradës, sipas funksionit që ka aktualisht. Duke dhënë gradën sipas funksionit, specialistët e personelit të Policisë së Shtetit nuk kanë marrë parasysh vjetërsinë në punë. Pavarësisht se punonjësi i policisë, i cili ishte në një funksion të caktuar, por kishte më pak se një vit në radhët e uniformave blu, ka përfituar pagë sipas funksionit dhe jo sipas vjetërsisë. Nga ana tjetër, është përdorur sistemi i vjetërsisë në punë. Në këtë aspekt, për disa punonjës të tjerë policie, të cilët kishin të njëjtat kushte me kolegët, që janë vlerësuar me sistemin e parë, është marrë parasysh vjetërsia në polici. Edhe pse punojnë në të njëjtën zyrë, në funksion paralel, madje edhe duke pasur vite më shumë pune në polici, kanë përfituar gradë më të vogël, e për rrjedhojë edhe pagë më të vogël. Nga informacionet e mara brenda policisë mësohet se përdorimi paralel i dy sistemeve të lartpërmendura, i ka lënë dorë të lirë abuzimeve, duke sjellë rënie të pagave. Kështu, shumë punonjës policie kanë pasur rënie në pagë, deri në ulje drastike dhe janë zhgënjyer, duke parë kolegët e tyre, që përfitojnë më shumë, pavarësisht funksionit të njëjtë që kanë. Kjo ka sjellë edhe reagimin e uniformave blu, të cilët kanë kërkuar shpjegime tek eprorët e tyre. Disa prej tyre kanë paralajmëruar se do të largohen nga policia në pamundësi për të përballuar jetesën dhe me shpresën se do të gjejnë ndonjë punë tjetër.


Pagat e reja

Pagat e reja tashmë kanë nisur të shpërndahen në disa sektorë të policisë, por jo në të gjithë territorin. Sipas të dhënave nga zyra e financave, efektet financiare për pagat e reja kanë nisur që në korrik të vitit 2008, pavarësisht se nuk është bërë shpërndarja e tyre te të gjithë punonjësit e policisë. Aktualisht, shpërndarja e pagave është bërë në Drejtorinë e Përgjithshme të Policisë së Shtetit dhe pjesërisht në Drejtorinë e Policisë së Tiranës. Punonjësit e policisë kanë pasur rënie page nga 900 lekë deri në 15 mijë lekë. Specialistët janë justifikuar për këto rënie për shkak të vjetërsisë, pavarësisht se deri në funksionet e larta të policisë, ka persona të emëruar edhe me gradë "drejtues", që nuk kanë mbushur as edhe një vit në radhët e policisë.



Shqip

[RaPSouL]

Pagat e shendetesise, sa rriten ne 1 maj

Rreth 2 mije infermiere dhe 4 mije mjeke ne te gjithe vendin, do te perfitojne nje rritje page deri ne 12.3 per qind ende pa u mbyllur gjashtemujori i pare i ketij viti. Kurse pjesa tjeter prej 9.363 punonjesish te bluzave te bardha do te kene nje rritje te pages se diferencuar nga kategoria e pare. Sipas nje drafti te hartuar pak kohe me pare nga Ministra e Financave do te jete sektori i Shendetesise dhe ai i Arsimit, te cilet do te perfitojne edhe rritjet me te medha te pagave per kete vit.

Perfitimet

Sipas draftit te hartuar nga Ministria e Financave, nga 15. 363 punonjes te bluzave te bardha, rreth 2 mije infermiere, te cilet do te perfitojne nga kjo rritje, do te kene nje page rreth 30 mije lek. Kurse per sa u perket mjekeve, paga mesatare e tyre do te shkoje ne 48 mije lek. Sipas ketij vendimi te marre, pagat e punonjesve te shendetesise do te pesojne nje rritje prej 12.3 per qind. Mjeket jane nje prej kategorive qe kane perfituar, nga rritja e pergjithshme e te gjitha pagave ne vend. Rritja e pages se mjekeve dhe infermiereve ka disa kritere baze, te cilat merren parasysh nga specialistet qe hartojne draftin. Ketu mund te permendet vjetersia e punes apo titujt dhe gradat shkencore. Bluzat e bardha qe perfitojne me shume para, jane individet me grada shkencore dhe shefat e sherbimeve, te cilet vleresohen per punen e kryer ndaj pacienteve dhe punen shkencore dhe kerkimore. Te gjitha kategorite e bluzave te bardha kane nje perftim ne perqindje, mbi pagen baze. Muajt e fundit eshte diskutuar rritja e pagave te mjekeve, infermiereve, sanitareve dhe pjesen e personelit mbeshtetes, deri ne masen 12.3 per qind.

Efektet

Rritja e pages per bluzat e bardha do te aplikohet edhe gjate gjashtemujorit te dyte te vitit 2009, kjo sipas ligjeve te vendit tone, ku shtesat e pagave ndihen vetem nje muaj pas vendimit te marre per rritjen e pagave. Per sa i perket sektorit te Shendetesise, ky i fundit here pas here ka kerkuar rritjen e pagave, e cila do te ndikoje drejtpersedrejti ne uljen e korrupsionit. Nje tjeter faktor qe do te ndikoje ne rritjen e pagave te punonjesve te shendetesise, do te jete edhe futja e tyre ne skemen e sigurimeve shendetesore. Sipas reformes, te ardhurat dytesore te qendrave spitalore do te perdoren per shperblime te mjekeve, infermiereve, punonjesve te tjere si dhe per investime ne ambiente dhe ne aparatura. Nderkohe gjate ketyre 4 viteve te fundit, punonjesit e shendetesise kane pasur edhe rritjen me te madhe te pagave. Keshtu ne janar te ketij viti pagat u rriten me 15 per qind, nga 1 korriku 2008, te gjithe punonjesit e shendetesise kane perfituar rritje mesatare pagash, ne masen 15 per qind. Ndersa rritjet e pagave ne vitet e meparshme kane qene: Per vitin 2005 ne masen 11 per qind, per vitin 2006 ne masen 20 per qind dhe ne vitin 2007 ka qene nje rritje prej 20 perqindesh.

Mjeket e QSUT-se

Mjek kirurg 47.780 mije leke

Shefi i Kirurgjise 60. 000 leke

Mjek i zakonshem 47.780 leke

Kr/infermiere, kirurgji 39.600 leke

Kr/infermiere e larte 36.600 leke

Kr/infermier e mesem 33.000 leke

Infermiere 30.600 leke

Profesor i asociuar 89.250 leke

Punonjes kerkimesh 77.000 leke

Profesor 103.500 leke



Ne maj rritje e pensioneve nga 10-20 per qind

Pervec punonjesve buxhetore atyre te shendetesise dhe arsimit, kategori tjeter qe do te perfitoje nje rritje te pagesave mujore, jane edhe pensionistet. Sipas draftit te hartuar nga Ministria e Financave rritja e pensioneve do te jete nga 10 deri ne 20 per qind. Pensionistet ne qytet do te perfitojne nje rritje prej 10 per qind, kurse pensionistet ne fshat do te kene nje rritje prej 20 per qind. Edhe qeveria ka vendosur qe pensionet e fshatit te rriten me shume se te qytetit. Ne fakt, gjate tre viteve te fundit pensionet e fshatit kane perfituar rritjen me te larte te pensionit. Sipas drejtuesve te qeverise, nje vendim i tille eshte marre me qellim qe te zvogelohet distanca e madhe, qe ekzistonte mes nivelit te pensionit te fshatit me ate te qytetit. Nderkohe, sipas te dhenave zyrtare, numri i pensionisteve ne te gjithe vendin arrin ne 520 mije. Gjithashtu, rritje do te pesoje edhe ndihma ekonomike.


K.J

[Black_Mamba]

Si shkon leku me Euron,nese mundet ndonjeri me tregu desha te dij per afersisht sa i bjen sa euro.

[DYDRINAS]

Pagat, ja sa do të rriten për 32 mijë mësuesit

» Dërguar më: 16/05/2010 - 13:38

Esmeralda Keta

Pagat e mësuesve do të pësojnë dy rritje. E para është rritja e përvitshme që pësojnë pagat e buxhetorëve, dhe që do të jetë afërsisht 8 përqind, dhe nga e dyta do të përfitojnë arsimtarët që i nënshtrohen atestimit. Nga kjo rritje, mësuesit e shkollave 9-vjeçare pritet të kenë një pagë tek 44 mijë lekëshi, ndërsa ata të shkollave të mesme, së bashku me rritjen nga atestimi, do të kenë një pagë deri në 72 mijë lekë të reja. Kjo rritje e re pagash pritet që të ndodhë gjatë muajve qershor dhe korrik, ndërkohë që do të përfitojnë rreth 32 mijë mësues në arsimin parauniversitar.

Rritja e pagës

Rritjen e parë që do ta japë qeveria, do ta përfitojnë të 32 mijë arsimtarët e arsimit parauniversitar, këtu përfshihen edhe edukatorët e kopshteve dhe çerdheve. Kjo rritje do të jetë përafërsisht 8 përqind e pagës bruto dhe do t'i shtohet rrogës së tanishme duke filluar që nga 1 korriku. Ndërkohë, që përveç kësaj rritjeje page, mësuesit do të pësojnë edhe një shtesë të dytë. Kësaj radhe bëhet fjalë për ata që i janë nënshtruar provimit të kualifikimit, i cili në rast se fitohet shoqërohet me rritje page. Kjo rritje e dytë nuk është fikse për të gjithë, por ndryshon në varësisë së kategorisë ku bën pjesë mësuesi. Kështu sa më e lartë të jetë shkalla e kualifikimit, aq edhe më e lartë do të jetë edhe përqindja e kësaj rritjeje që do të përfitojnë arsimtarët. Sipas rregullores, për shkallën e tretë të kualifikimit rritja është 5 për qind, për shkallën e dytë është 10 për qind dhe për shkallën e tretë, që i kalon të 20 vitet e punës në arsim, paga do të rritet në masën 20 për qind. Me të dyja këto rritje pagat e arsimtarëve do të pësojnë një rritje të konsiderueshme në vlera konkrete, sidomos për ata mësues që fitojnë kualifikimin për shkallën e tretë. Mbi 2 mijë mësues iu nënshtruan provimeve të kualifikimit me datë 24 prill dhe pritet që së shpejti të dalin edhe përgjigjet, për të parë se cili prej mësuesve ka kaluar në këtë provim dijesh.

Sa bëhen

Nëse e marrim si të mirëqenë rritjen në masën 8 për qind që do të bëjë qeveria (Për të gjitha kategoritë, mësues të 9-vjeçares, gjimnazeve, kopshteve e çerdheve) si dhe rritjen fikse të përcakuar nga rregullorja e atestimit, do të vëmë re se arsimtarët do të përfitojnë shtesa të konsiderueshme në pagën e tyre bruto. Megjithatë, në këtë llogaritje duhet të kemi parasysh se paga është e diferencuar edhe sa i përket llojit të arsimit ku mësuesi jep mësim. Në gjimnaze, pagat janë më të larta se në shkollat e arsimit bazë, kjo në bazë të specifikës së nxënësve me të cilit i duhet të punojë një mësuesi. Kështu, në shkollat bazë, nuk do të ketë pagë më të ulët se 44 700 lekë, e cila përkon me pagën e pritshme (në sajë të dy rritjeve), për mësuesin që ka shkallën e tretë të kualifikimit. Mësuesi që ka shkallën e dytë të kualifikimit pritet ta ketë pagën mesatarisht 46 mijë lekë, ndërsa ai me mbi 20 vjet punë, do të marrë një pagë mujore mbi 56 mijë lekë. Për mësuesit e gjimnazeve pagat mujore që derdhen në llogarinë e tyre bankare do të jenë më të larta. Ata do të jenë më të "privilegjuar", sa u përket shifrave të rritjes së pagës. Kështu, asnjë prej tyre, qoftë edhe në shkallën e tretë të kualifikimit nuk do të marrë nën 50 mijë lekë, ndërsa mësuesi i shkallës së tretë pritet të marrë një pagë bruto prej 72 499 mijë lekësh.


gazeta shqiptare

[Albo]

ISKSH: Sa rriten pagat për mjekët, infermierët dhe personelin shëndetësor


Lizeta Duro

TIRANË – Instituti im Sigurimeve të Kujdesit Shëndetësor mori vendimin dje për rritjen e pagave për mjekët dhe infermierët që punojnë në sistemin shëndetësor, e cila nis që më 1 korrik të këtij viti. Nga vendimi i djeshëm përfitojnë rreth 20 mijë punonjës të këtij sektori që do të kenë rritje në masën 6 – 10 %. Rritjen më të madhe e përfitojnë mjekët që shërbejnë në zonat qendrore, por, shtim page ka edhe për mjekët e zonave të thella, infermierët, sanitarët dhe personelin mbështetës. Drejtoresha e ISKSH-se Elvana Hana bëri të ditur ndryshimin e pagave sipas kategorive. Ajo pohoi se paga mesatare për mjekët e familjes bëhet nga rreth 50.000 mijë lekë në zonat qendrore deri në 80.000 lekë të reja në zonat e thella. Në konferencën për shtyp që u dha ditën e hënë ministri i Shëndetësisë, zotin Petrit Vasili tha se “kjo rritje pagash është domethënëse, aq me tepër po të shihen kushtet e rajonit, ku jo vetëm nuk ka pasur rritje pagash, por madje ka pasur kufizime”.

Rritja e pagave
Rritje pagash përfitojnë të gjithë mjekët dhe infermierët që punojnë në nivelet e ndryshme të shërbimeve shëndetësore, si shërbimi parësor, ai në qendrat spitalore, etj. Burimet zyrtare të ISKSH-së pohojnë se për shërbimin parësor, mjekët të cilët mbulojnë zonat qendrore, do të kenë rritje page 4000 lekë dhe nga 46 mijë lekë, bëhen 50 mijë lekë. Për mjekët që mbulojnë zonat fushore, paga shkon nga 54 në 57 mijë lekë, ndërsa mjekët që mbulojnë shërbimin në zonat e thella malore do të paguhen me 80 mijë lekë, nga 78 mijë që ishte më parë. “Në total, për shërbimin parësor, përfitojnë rritje page rreth 9300 punonjës dhe kjo rritje nis që nga data 1 korrik 2010”, - tha zonja Hana. Gjithashtu, Këshilli administrativ i ISKSH-së vendosi edhe rritjen e pagave për mjekët specialistë. Kështu, rritja e pagës mujore bruto për mjekët specialistë me vjetërsi pune mbi 25 vjet, varijon nga 49.000 lekë në 52.000 lekë. Nga kjo rritje përfitojnë rreth 300 mjekë specialistë në Tiranë. Rritje është shënuar edhe për pagat e infermierëve të shërbimit parësor. “Nga 1 Korriku pagat e infermierëve me rritjen e përfituar arrijnë nga 34 mijë në 40 mijë lekë ,sipas kategorive”, - thonë burimet zyrtare të ISKSH-së. Efektet financiare mbulohen nga buxheti i miratuar për shërbimin e kujdesit shëndetësor parësor dhe zbatimi i ndryshimit të pagave fillon nga data 1 korrik 2010.

Vendimi për spitalet
Përfitime në paga do të kenë edhe personeli mjekësor që punon nëpër spitale. Burimet e ISKSH-së bëjnë të ditur se mjekët e QSUT-së, materniteteve Nr. 1 dhe Nr. 2 dhe Sanatoriumit kanë rritje në masën 10 % krahasuar me pagën aktuale. Konkretisht, për mjekët e QSUT-së, kishte paga mesatarisht 54.100 lekë, të cilat bëhen 59.100 lekë, ose shtohet 5.000 lekë muaj. Për mjekët e spitaleve te tjera, mesatarisht ishte 51.000 lekë dhe bëhet 54.000 lekë, ose shtohet 3.000 lekë. Për infermierët e QSUT-së ishte 39.000 lekë dhe bëhet 41.000 lekë. Për infermierët e spitaleve të tjera, ishte 37.000 lekë dhe bëhet 39.000 lekë. Vendimi i Këshillit Administrativ të ISKSH-së përfshin edhe spitalin e Durrësit. Pagat për mjekët e spitalit të qytetit bregdetar rriten mesatarisht nga 54.000 lekë në 57.000 lekë. “Nga rritjet e pagave në shërbimin spitalor përfitojnë rreth 11.888 punonjës, nga të cilët, rreth 1700 mjekë, rreth 8000 infermierë e sanitarë dhe rreth 2100 punonjës të tjerë të administratës dhe sektorëve mbështetës”, - thonë burimet e ISKSH-së. Sipas tyre, efektet e rritjes në total për paga e sigurime shoqërore e shëndetësore arrijnë në rreth 400 milionë lekë”. Për të bërë të mundur realizimin e këtyre pagesave, do të përdoret rezerva e ISKSH-së nga buxheti i shërbimit spitalor. Fondet për shërbimin spitalor përballohen nga buxheti i vitit 2010 i ISKSH-së, i parashikuar për këtë shërbim.

SPECIALITETI ISHTE (lekë ) U BË (lekë )
Mjekët e zonave qendrore 46 000 50 000
Mjekët e zonave fushore 54 000 57 000
Mjekët e zonave të thella 78 000 80 000
Mjekët specialistë (me 25 vjet punë) 49 000 52 000
Infermierët e shërbimit parësor 34 000 40 000
Mjekët e spitalit të Durrësit 54.000 57.000
Mjekët e QSUT, Mat. 1, 2, Sanatoriumit 54 100 59 100
Mjekët e spitaleve të tjera 51 000 54 000
Infermierët e QSUT-së 39 000 41 000
Infermierët e spitaleve të tjera 37 000 39 000


Albania
28 Shtator 2010

[Brari]

lajm i gezueshem..

e meritojne punonjsit ton te shendetsise kte rritje rroge..

bravo qeverria..

[Albo]

Berisha: Po pergatitemi te rrisim pagat e pensionet me 1 korrik

Eva Gjura

Qeveria po pergatit vendimin per rritjen e rrogave dhe pensioneve, me 1 korrik te ketij viti, nga i cili do te perfitojne direkt 800 mije familje, duke mbajtur premtimin e bere. Keshtu eshte shprehur dje kryeministri Berisha ne mbledhjen e radhes se qeverise. Gjate fjales se tij, Berisha ka theksuar se kjo rritje behet ne kohen me te veshtire ne kohen e krizes se euros dhe te borxheve, te cilat ne menyre te padiskutueshme, kane ndikuar dhe ndikojne edhe ne ekonomine shqiptare, por serish modeli ekonomik shqiptar, sipas edhe raporteve te Komisionit Europian, eshte nje ekonomi e qendrueshme. Berisha tha se rritja mesatare e ekonomise mbi 3%, eshte 4 here me e madhe se rritja ekonomike mesatare ne rajon, kurse inflacioni ne Shqiperi ne keto vite eshte ulur ndjeshem, dy here me i ulet se rajoni. Berisha ka kerkuar qe te punohet per te vijuar rritjen ekonomike dhe dyfishimin e eksporteve. "Shqiperia i ka ndier ne menyre te padiskutueshme pasojat e krizes, por modeli i saj ekonomik eshte faktuar si modeli me i qendrueshem ndaj krizes dhe ka bere te mundur qe te mbahet rritja ekonomike, te dyfishohen eksportet, te thithen investime te huaja, ka bere te mundur qe papunesia te mos rritet, por perkundrazi te njohe ulje relative", - eshte shprehur Berisha. Duke u ndalur me konkretisht tek rritja e rrogave, Berisha ka deklaruar se ato do te rriten me nje mesatare 5%. "Natyrisht, rrogat e larta mund te mos rriten fare ose do te rriten 1 per qind. Rrogat me te uleta do te proporcionohen sic eshte drejtimi themelor qe ne kemi. Por dua te informoj shqiptaret se ky drejtim ka qene shume i drejte, shume njerezor dhe ne kemi vendosur nje standard te qyteteruar dhe absolutisht perendimor ne diferencen midis rroges se punonjesit dhe rroges se zyrtareve me te larte", - u shpreh kryeministri. Berisha theksoi me tej se ne qofte se ne vitin 2005, kryeministri i vendit merrte rrogen e barabarte me rrogat e 13 infermiereve, me 1 korrik te vitit 2012 kjo do te zbrese ne 6.2 rroga infermieresh. Kjo per sa i perket krahasimit me rrogen e Kryeministrit. Ndersa per rrogen e ministrit, ne vitin 2005, ky raport ishte 1 me 10 rroga te infermiereve, ndersa tani ne vitin 2012, ky raport me rrogen e infermiereve, zbret ne 1 me 4.7. Gjithashtu, kryeministri iu eshte pergjigjur dhe akuzave te kryetarit te opozites, Rama, duke u shprehur se ai po iu nxjerr shqiptareve tezat e Enver Hoxhes, sepse, sipas Berishes, eshte absurditeti me i madh te bertasesh se infermierja paguan 30 here me shume taksa se Kryeministri, nuk ben gje tjeter vetem se mashtron 30 here. Berisha tha se ne kemi nje sistem fiskal proporcional, ne te cilin ai qe merr 300 paguan 30, ai qe merr 3 mije paguan 300, ai qe merr 30 mije paguan 3 mije. Per Berishen, Rama ka ndermarre nje fushate mashtrimesh te paimagjinueshme, duke mos pasur kurajen te beje krahasime me qeverisjen socialiste te meparshme, por shkon e ben krahasime me vitet '38.

Shifrat e papunesise, Berisha: Rama mashtron

Kryeministri ka akuzuar serish dje kryetarin e PS-se, Rama, se po mashtron opinionin publik me statistikat e tij per rritjen e papunesise ne vend. Me deklaraten e Rames se ne Shqiperi jane 1 milion te papune, Berisha tha se ai llogarit ne kete shifer edhe femijet ne kopshte dhe shkolla. Berisha tha se "PS ka marre statistikat e viteve '90 per papunesine". Duke iu drejtuar Rames, Berisha tha se "te mos kesh edhe asnje njohuri elementare te punesimit, te krijon pershtypje te pare qe ky zoteri ka ngelur ne statusin e bojerave dhe te ngjyrave, por nuk eshte keshtu, pasi ai kete e perdor per propaganden e tij. Zoteria nuk njeh strukturen e grupmoshave, pasi po t'i njohe nuk ben kurre nje deklarate te tille", - ka theksuar Berisha.

Koha Jone

[V.I.P Member]

Me 0.5 % rrisin rrogat dhe pensionet nje here ne dy apo kater vjet dhe me 100 deri ne 200 % rrisin cmimet

[Brari]

1 euro mund ta shkembec ne shqiperi me afersisht 140 lek.