Berisha: Me 1 korrik 2012 rriten rrogat dhe pensionet me 5%

[GeorgeR]

Sa do te rritet rroga? A do te jete vlera e 20 perqindshit me e madhe se 20 euro? Tanime tere mesuesit dhe mjeket ja hodhen problemeve. Do behen me te pasurit e Shqiperise. Cfare estrade e pervitshme! Ua rrit kendej e ua merr andej me taksat e sheshta.

[no name]

Në korrik pagat rriten mbi 20%, pensionet 5-15%

22/06/2007

• Në korrik pagat e arsimit, të shëndetësisë dhe ato të ulëtat do të rriten me mbi 20 për qind.


Përveç rritjes prej 20 për qind që ishte e planifikuar në fillim të vitit, kjo kategori pagash do të përfitojë edhe një masë kompensimi me futjen në fuqi të nivelit të ri të tatimit mbi të ardhurat personale. Kjo masë kompensimi do të jetë nga 1 deri në 5 për qind në varësi të pagave, ku prioritet do të kenë ato të ulëtat. Ndërkohë, për sa i përket pensioneve, rritja e tyre do të jetë nga 5 deri në 15 për qind, ku rritjen më të lartë do ta kenë pensionet e ulëta. Në një intervistë për gazetën "Panorama", zëvendësministri i Financave, Sherefedin Shehu, ka zbardhur të gjitha detajet e buxhetit suplementar, i cili pritet të miratohet së shpejti.



Qeveria ka deklaruar se edhe këtë vit do të ketë një buxhet suplementar, sa do të jetë rritja e pensioneve dhe e pagave për 6-mujorin e dytë të vitit?

Rritja e pagave dhe e pensioneve është parashikuar që në fillim të vitit, pra paratë janë në Buxhetin e Shtetit edhe pa u hartuar buxheti suplementar. Rritja e pagave do të jetë mbi 20 për qind për arsimin, shëndetësinë dhe pagat e ulëta. Në rritjen e pagave për këtë kategori përfshihen jo vetëm politikat e deklaruara dhe të përfshira në buxhetin e vitit 2007, por do të ketë edhe një kompensim për zbatimin e taksës së sheshtë, e cila jep një impakt në koston e atyre që do paguajnë këtë taksë. Për këtë arsye, ky kompensim do t'i shtohet pagës. Pra, nëse paga rritet me 20 për qind për arsimin, në varësi të nivelit të tyre do të ketë rritje nga 1 deri në 5 për qind. Pra, disa mund të marrin 25 për qind rritje dhe disa 21 për qind rritje, në varësi të nivelit të pagës që kanë dhe në varësi të ndikimit që jep tatimi mbi të ardhurat personale në pagën e tyre. Ky tatim, siç dihet, do të aplikohet në një normë të sheshtë, e cila do të jetë e barabartë për të gjithë, pra 10 për qind.

Po për sa i përket pagave të kategorive të tjera, a është parashikuar të ketë rritje?

Kemi tre grupe të mëdha, arsim, shëndetësi dhe paga të ulëta në pjesën tjetër të sektorit. Përveç kësaj do të ketë disa rregullime që kanë përqindje variabël, që mund të shkojnë dhe mbi 20 për qind. Por këto janë politika rregullimi që mund të bëhen brenda grupeve të pagave. P.sh., Ministria e Mbrojtjes po punon për ristrukturimin e sistemit të pagave. Kjo nuk është miratuar ende, por në këto rritje mund të ketë edhe paga rritja e të cilave mund të arrijë në 60 për qind, por dikush mund ta ketë dhe 10 për qind, pasi kjo është në varësi të sistemit që do të propozojnë ata, i cili do të miratohet në mënyrë të posaçme. Po kështu mund të ketë struktura brenda shtetit, të cilat mund të barazohen me strukturat më të larta. Por në mënyrë të përgjithshme do të ketë riklasifikime.

Sa do të jetë rritja e masës së pensioneve për 6-mujorin e dytë të vitit?

Pensionet kanë një skenar tjetër. Pensionet janë rritur që në janar, sepse pensionet e ulëta u bënë 10 mijë lekë në muaj. Kjo ka bërë që disa pensione të jenë rritur nga 1 për qind dhe të tjerë të jenë rritur mbi 20 për qind. Tani pensionet që janë mbi 10 mijë lekë, të cilët nuk kanë marrë rritje ose nuk kanë përfituar nga rritja e fillimit të vitit, pasi sqarojmë se këtu u prekën ato pensione që ishin nën 10 mijë lekë, tashmë është parashikuar do të ketë një rritje të diferencuar. Kjo rritje që do të jetë nga 5 në 15 për qind, sipas nivelit ku pensioni më i ulët do rritet me 15 për qind dhe më i larti me 5 për qind.

Sa arrin në total vlera e buxhetit suplementar?

Në total buxheti është rreth 20 milionë dollarë, i cili është rezultat i tejkalimit të të ardhurave në tatime e dogana dhe njëkohësisht kemi një burim suplementar, i cili nuk është buxhetuar në fillim të vitit, që është shitja e Albtelekomit.

Si do të ndahen paratë që merren nga shitja e kësaj kompanie, do të shkojnë të gjithë për buxhetin suplementar?

Gjysma e tyre do të shkojnë për buxhetin suplementar dhe vetëm për investime, ndërsa pjesa tjetër do të përdoret për uljen e borxhit. Kështu që në këtë vit do të marrim më pak borxh, si rezultat i shitjes së kompanisë Albtelekom, pra të paktën 6 miliardë lekë.

Sa është parashikuar të jetë fondi për ish të përndjekurit politikë?

Ky fond është ai që ne kemi parashikuar zakonisht në buxhet. Ndërkohë që është në proces vlerësimi i faturës për ish të përndjekurit dhe njëkohësisht ne do të përgatisim dhe një skenar për kryerjen e pagesës, sepse kjo kosto me çfarëdo variabël që të vijë, nuk është e përballueshme nga buxheti i një viti. Dhe ne akoma nuk kemi një skenar, sepse akoma nuk kemi një shumë përfundimtare sa është kosto e këtij dëmshpërblimi, me qëllim që të përcaktojmë edhe skenarin e tyre.

Po për sa i përket faturës së ish-pronarëve, sa është vlera e saj?

Ish-pronarët kanë dy opsione për shpronësimin e tyre. I pari është kompensimi fizik dhe i dyti ai në lekë. Procesi vazhdon me alokimin e përvitshëm që kemi bërë dhe ndërkohë Agjencia e Kthimit dhe Kompensimit të Pronave është në përpunim të të dhënave për të paguar atë që kemi trashëguar në buxhet. Ndërkohë pritet që nga procesi i legalizimit do të krijohet edhe një fond kompensimi financiar. Pra, të ardhurat që do të merren nga procesi i legalizimit do të përdoren për kompensimin e ish-pronarëve.

A ka përfunduar vlerësimi i faturës financiare për pensionet e ish-ushtarakëve?

Është ende në proces, pasi po shikohet ligji, sepse ka disa variante. Kjo kategori do të trajtohet nga fondi i kontigjencës që ne kemi për pensionet. Kjo, pasi ne e kishim parashikuar këtë faturë, por efektet do të jenë pak më të larta, sepse këtu futet dhe ajo kategori që ne e kishim përjashtuar, e cila në bazë të vendimit të Gjykatës Kushtetuese duhet futur në skemën e trajtimit. Aktualisht po merremi me rishikimin e kostove, por ende nuk kemi një faturë. Ne kemi vetëm opsionet, çka do të thotë se ne do të propozojmë variantin që ka koston më të ulët. Ky variant do të garantojë respektimin e vendimit të Gjykatës Kushtetuese, por që natyrisht do të ketë edhe një rishikim të përfitimeve në formën e ligjit të mëparshëm, sepse ne kishim një shkallëzim të ndjeshëm për sa i përket gradave më të larta. Tani ky vendim bazohet në parimin e barazisë dhe ne për hir të atij jemi të detyruar që të përfshijmë të gjitha kategoritë. Por kjo do të thotë se ne duhet të rishikojmë të gjitha shpërblimet për çdo kategori. Theksoj se nuk pritet ndonjë rritje e ndjeshme, kjo pasi kategoritë ekzistuese marrin dy pensione, ne mund të shtojmë edhe një pension minimal, por gjithsesi do të ruajmë shkallëzimin e gradave.

Sa është fondi i planifikuar për investimet në këtë buxhet suplementar?

Është të paktën 13-14 miliardë lekë, pasi në këtë buxhet suplementar ne kemi edhe një kosto për KESH-in, i cili arrin në 5 miliardë lekë plus 1-2 miliardë lekë llogariten shpenzimet operative. Dhe një pjesë do të shkojë edhe për të përballuar efektet shtesë, siç janë pensionet e ish-ushtarakëve, ose edhe për efektet e rritjes së pagës nga futja e taksës së sheshtë. Këto efekte përllogariten rreth 2 miliardë lekë. Kështu që nga totali prej 20 miliardësh, të paktën 13-14 miliardë lekë do të jenë për investime.

Kështu këto para do të përdoren për investime në rrugë, ujësjellës.

[JestersWorld]

Ka disa arsyetime ekonomike ketu qe jane per te vene kujen...

Ngaterrohet deflacioni me inflacionin; Efekti snoob me preiselasticity etj etj etj

Gjithsesi:

Une se kuptoj pse ankohet dynjaja kur rriten rrogat e dy sistemeve me famekeqe ne Shqiperi. Keto dy sisteme kane nevoje per nje ngritje te mire te rroges ne menyre qe korrupsioni dhe jashteligjshmeria e fitimeve te bien.

Nje rritje rroge me 20% eshte nje rritje shume e madhe, ne ndryshim me c'eshte thene me lart. Nuk mund te behet rroga nga 20.000 ne 200.000 me vendim qeverie se del shteti me kepuce te kuqe.

Niveli i cmimeve ne Shqiperi nuk ka te beje me Inflacionin por me sundimin e nje tregu jashte cdo standarti kapitalist.
Keto gjera duheshin luftuar qe ne fillim dhe duhet te luftohen tani. Kjo lloj lufte ama nuk mund te arihet me daljen e shtetit komplet nga tregu.

Kontrolli i cmimeve behet me futjen e shtetit ne treg si ofrues mallrash e sherbimesh. Pra shteti perfaqson nje konkurrence shume efikase per ti sjelle cmimet ne raport te drejte me te ardhurat.


Jam shume kurioz te di per masta e marra nga qeveria per mosndryshimin e nivelit te cmimeve me rastin e rritjes se rrogave te disa buxhetoreve.

Urime qeverise Berisha per nje hap ne drejtimin e duhur.

[no name]

Pensionet false, demi 4,8 milione leke ne muaj

E Diele, 24 Qershor 2007


Intervista Flet drejtoresha e Pergjithshme e ISSH-se, Evelina Koldashi

Rreth 4,8 milione leke ne muaj eshte demi qe i shkaktohet skemes se sigurimeve shoqerore nga perfituesit ne menyre te parregullt te pensioneve te pleqerise, invaliditetit si dhe te trajtimit te vecante si ish-punonjes te minierave. Ne nje interviste te dhene dje, drejtoresha e Pergjithshme e Institutit te Sigurimeve Shoqerore, Evelina Koldashi, shpjegon te gjithe procesin e kontrollit te dosjeve te pensioneve. Deri me tani i jane nenshtruar verifikimit rreth 5 mije dosje pensionesh, nderkohe qe kontrolli do te vijoje ne te gjithe Shqiperine, ne menyre qe skema e sigurimeve shoqerore te pastrohet nga perfituesit e padrejte te pensioneve. Tashme do te pritet perfundimi i ketij kontrolli per te pare se sa do te jete demi i sakte financiar qe i eshte shkaktuar skemes se sigurimeve shoqerore nga keta perfitues te padrejte.

Keni deklaruar disa kohe me pare, nisjen e nje procesi kontrolli ne dokumentacionin e perfituesve te sistemit te sigurimeve shoqerore. Ne cfare faze eshte ky kontroll?

Aktualisht, i gjithe sistemi po i nenshtrohet nje procesi te plote kontrolli, qe ka per objekt kontrollin rast pas rasti te legjitimitetit te cdo perfitimi dhe vertetesise se dokumentacionit mbi te cilin eshte dhene ky perfitim. Gjate fazes se pare te ketij kontrolli, me problematike kane rezultuar trajtimet e vecanta te minatoreve, pensionet e invaliditetit dhe te pleqerise.

Pse jane konsideruar si grupe me rrezik keto 3 kategori dhe cilat jane natyrat e shkeljeve te konstatuara?

Perfituesit e trajtimeve te vecanta te minatoreve, eshte e vertete se kane mase te vogel perfitimi mujor qe perballohet me fonde te buxhetit te shtetit, por rreziku per kete kategori qendron ne faktin se me mbushjen e moshes per pension pleqerie (aktualisht 56 vjec), kjo kategori futet automatikisht ne skemen e perfitimit te pensionit te pleqerise, duke pranuar si te mireqena dokumentet qe ne po na rezultojne te paverteta.

Shume prej tyre kane perfituar nga fakti se nje pjese e dokumentacionit te minierave eshte djegur dhe ata kane paraqitur dokumente te paverteta, nderkohe qe nga kontrolli qe eshte bere ne dokumentacionin e ish-kooperativave bujqesore kane rezultuar qe keta njerez kane punuar pa nderprerje ne kooperative bujqesore dhe jo ne miniere.

Nderkohe, te pensionet e pleqerise problematike eshte ndryshimi kategorise se punes, i moshes si dhe perpjekjet per ndryshimin e llojit te pensionit, nga fshati ne qytet. Me lejoni ju lutem qe te jap vetem nje shembull qe kemi gjetur shtetas te datelindjes 1970 qe aktualisht na ka rezultuar perfitues pensioni pleqerie vetem nepermjet nderhyrjes se bere ne certifikatat e lindjes dhe dokumentacionit qe provon vjetersine ne pune.

Ndersa per sa i perket pensioneve te invaliditetit nga kontrolli i dosjeve rezulton se ka pasaktesi te dokumentacionin mjekesor te leshuar nga klinikat universitare dhe spitalet rajonale, pasi ky dokumentacion nuk justifikon gjendjen reale shendetesore te personit qe ka perfituar. Gjithashtu, konstatohen nderhyrje ne moshen e perfituesve, llojit te punes dhe te periudhes se sigurimit. Dua te theksoj edhe nje fakt tjeter qe ky grup ka rezultuar problematik, nisur edhe nga statistikat e administruara nga ISSH. Keshtu, gjate vitit 2006, numri i pensioneve te invaliditetit eshte rritur me 3600, nderkohe qe trendi mesatar i dhjete viteve te fundit shkon nga 300 deri ne 400 pensione te reja ne vit. Nje nga arsyet qe mund te kene ndikuar ne rritjen e ketij numri eshte hyrja ne fuqi e ligji nr 9377, date 21.04.2005, "Per disa shtesa dhe ndryshime ne ligjin nr. 7703, date 11.05.1993, per Sigurimet Shoqerore ne RSH", i cili ne nenin 35 te ligjit paraardhes hoqi kushtin e te qenit te siguruar ne momentin e aplikimit. Keshtu, rritja reale e numrit te pensioneve te invaliditetit ne vitin 2006 i ka tejkaluar disa here parashikimet e nje trendi normal dhe efekteve te hyrjes ne fuqi te ligjit. Eshte kjo arsyeja qe ky grup eshte objekti i kontrollit.

A mund te na thoni nese nga kontrollet e deritanishme verehet ndonje efekt ekonomik?

Kontrolli eshte ende ne proces dhe deri tani jane kontrolluar vetem 5 mije dosje dhe ajo qe mund t'ju them sot eshte se efekti financiar i nderprerjeve per nje muaj, te bera deri tani, per te gjitha pensionet qe kane rezultuar te parregullta eshte rreth 4,8 milione leke. E theksoj qe ky eshte vetem efekti ekonomik mujor, sepse per te nxjerre demin ekonomik qe i eshte shkaktuar skemes nga keto perfitime, po kryhen perllogaritjet rast pas rasti per cdo dosje, nisur nga data e fillimit te perfitimit dhe rritjet e perfituara ne vite. Por ajo cfare eshte e rendesishme per ISSH-ne eshte qe keto pensione nuk vazhdojne te paguhen me qe nga data e konstatimit dhe nuk vazhdojne te gjenerojne dem ekonomik te ri dhe mund te them se keto jane hapat e para per shfryrjen e skemes nga informaliteti.

Ju rreshtuat nje sere shkeljes dhe demesh te shkaktuara nga perfitimet e parregullta. Atehere, a mund te na thoni cila eshte siguria qe ju transmetoni?

Procesi i kontrollit do te jete i plote dhe synimi i vetem eshte pastrimi i skemes se Sigurimeve Shoqerore nga perfitimet e padrejta, duke bere te mundur rikthimin e dinjitetit te skemes se Sigurimeve Shoqerore, funksionimin e saj normal dhe motivimin e kontribuesve per te marre pjese ne kete skeme.

[no name]

Buxheti shtese, Bode: Dote rriten rrogat e uleta

Derguar me: 26/06/2007
• Ministri i Financave ka paraqitur sot para mediave buxhetin shtese per 6 mujorin e dyte te vitit. Pjese e ketij buxheti jane dhe te ardhurat nga privatizimi i Albetelekomit.

Sipas Bodes buxheti shtese u be i mundur fale nje performace te mire fiskale për të ulur nivelin e taksave dhe masave për zbutjen në tërësi të ngarkesës fiskale. Ne buxhetin shtese perfshihen dhe te ardhurat nga privatizimi I Albtelekomit. Bode ka pranuar se problemet persa i perket mos realizimit te investiumeve publike. Sipas ministrit ato kane qene ne nivelin e 70 %. Ministri Bode tha se duke filluar nga 1 korriku, do te kete nje rritje te pagave te uleta si dhe pensioneve. Buxheti shtese pritet te paraqitet shume shpejt ne Parlament

[no name]

1 korrik, pagat rriten 20% per arsimin dhe shendetesine
Blerina Hoxha
E Merkure, 27 Qershor 2007

Arsimi dhe shendetesia do te perfitojne nje rritje te konsiderueshme te pages gjate muajit korrik. Ministri i Financave, Ridvan Bode, ka zbardhur dje skemen e rritjes ku, ka deklaruar se, pagat per mjeket dhe mesuesit do te rriten nga 20 deri ne 25 per qind, ndersa pagat e tjera te nivelit mesatar per efekt te vendosjes se takses se sheshte dhe kompensimit te saj, do te rriten midis niveleve 8-10 per qind. Burimet financiare per kete rritje jane gjeneruar nga planifikimet fillestare ne buxhetin e 2007, nga fondet qe pritet perfitohen nga buxheti shtese dhe nga te ardhurat qe lindin si pasoje e shkurtimit te 4500 punonjesve te administrates publike, shpjeguan burimet ne Ministrine e Financave. Sipas, perllogaritjeve te deritanishme, rritja e pagave do te hyje ne fuqi ne muajin korrik bashke me miratimin e buxhetit suplementar dhe paketes fiskale. Efekti financiar ne buxhetin suplementar per rritjen e pagave arrin ne rreth 100 milione USD, tha ministri Bode. Me kete vendim qeveria eshte duke zbatuar nje strategji te saj per politiken e pagave. Ne themel te kesaj strategjie eshte rritja e pervitshme e pagave ne administraten publike, ku perparesi do te kene pagat e uleta, duke synuar qe ne fund te 2009-es, raporti mes pages me te larte dhe me te ulet ne administraten publike te jete 1 me 5. Ne kete sektor do te ngushtohen edhe diferencat e theksuara dhe c'balancimet e krijuara mes degeve te ndryshme, duke i dhene perparesi rritjes se pagave ne sektoret e sherbimit te drejtperdrejte te qytetareve e vecanerisht ne arsim, shendetesi, rend publik. Nderkohe qe qeveria ne strategjine e pagave ka deklaruar se, do te kete rritje periodike edhe per pagen minimale ne sektorin privat.

Para pak ditesh qeveria ka miratuar skemen e shperblimeve per punonjesit buxhetore, ne perputhje me rezultatet ne pune. Gjithashtu, gjate qershorit qeveria ka miratuar shperblimin prej 10 mije lekesh, qe do te perfitohet nga te gjithe buxhetoret ne fund te vitit. Ato punonjes qe kane performance me te mire ne ushtrimin e detyres perfitojne deri ne nje page shperblim. Per te zbatuar kete politike cdo institucion buxhetor do te krijoje nje fond te posacem 5 per qind, me te cilin do te behen politika ne lidhje me shperblimet e buxhetoreve.

Rritjet e pagave sipas sektoreve

-Arsimi 20%

-Shendetesia 20-25%

-Pagat e tjera 8-10%

[no name]

.................................................. ..............

[no name]

Pensionet, ndryshon skema e rritjes

E Shtune, 30 Qershor 2007

Ndryshon skema e parashikuar e rritjes se pensioneve. Megjithese gjate ketyre diteve ishte deklaruar se nga data 1 korrik, do te perfitonin rritje vetem pensionet e fshatit dhe ata minimale te qytetit, duket se ne projektin e ri, Ministria e Financave, ka zgjeruar bazen e perfituesve nga skema e re. Ne nje interviste per ATSH-ne, zv/ministri i Financave, Sherefedin Shehu, beri te ditur se ne rritjen e re te korrikut do te perfshihen edhe pensionistet e qytetit, qe nuk u preken nga rritja e muajit janar. Sipas deklarimeve te meparshme, qe nga data 1 korrik, pensionet minimale te qytetit dhe te fshatit do te rriten mesatarisht me 5 dhe 10 per qind. Por sipas Shehut, do kete nje ndryshim te kesaj skeme duke perfshire ne rritjen prej 10 per qind edhe pensionet e qytetit qe variojne nga 10 mije, deri ne 12 mije leke ne muaj.

"Politikat qe do te ndiqen per rritjen e pensioneve konsistojne ne ate skeme, qe, ato kategori qe kane perfituar nje rritje te madhe ne fillim te vitit, kur ne beme caktimin e nivelit minimal te pensionit ne qytet dhe fshat, perkatesisht 10 mije leke dhe 5 mije leke, do te kene rritje me te vogel ne kete faze", deklaroi Shehu. Sipas tij, kjo rritje, do te jete 5 per qind per ate kategori qe ka perfituar rritje mbi 10 per qind ne fillim te vitit. Ndersa pensionistet e fshatit, sipas parashikimit, do te kene nje rritje 10 per qind, meqe baza e tyre eshte me e ulet. Nderkohe perfituesit e rinj nga shtesa e muajit korrik do te jene te gjithe pensionistet e qytetit qe perfitojne pension ne masen mbi 10 mije leke dhe qe nuk kane pasur rritje ne janar, kur edhe u be rritja e pare. Kjo kategori pensionistesh do te perfitoje nje rritje te pakten 10 per qind. Nga ana tjeter, sipas Shehut, rritje ne kete mase do te perfitojne edhe pensionet qe variojne nga 10, deri ne 12 mije leke ne muaj. Por mesa duket, rritje do te perfitojne edhe pensionet mbi 12 mije leke ne muaj, por rritja do te jete ne masen 5 per qind. Lidhur me kete fakt, Shehu theksoi se "kategoria qe perfiton pensionin mbi 12 mije leke ne muaj, do te perfitoje nje rritje ne masen mbi 5 per qind".

Se bashku me procesin e rritjes se mases se pensionit, e gjithe kjo skeme pritet qe t'i nenshtrohet nje reforme te thelle. Keshtu, rritja aktuale sipas Ministrise se Financave ka si qellim qe t'i jepet nje hapesire, te gjitha kategorive te pensioneve per t'u rritur, ne menyre qe te mos ulet interesi per kontributet e pensioneve te diferencuara. Pikerisht pritet qe skemes se pensioneve t'i jepet pak hierarki brenda saj. Duket se vendimi i fundit per shtesen e re te pensioneve, ka ardhur pas vendimit per vendosjen e niveleve minimale te pensioneve, ne kufirin 5 mije leke per fshatin dhe 10 mije leke per qytetin. Tashme, sipas drejtuesve te kesaj ministrie eshte e domosdoshme qe kategorite e tjera qe kane perfituar me pak, sepse kane qene mbi keto nivele, te mund te perfitojne rritje per te ruajtur hierarkine. Rritja e re do te jete nje alternim mes rritjes se muajit dhjetor-janar dhe asaj qe do te behet ne nje korrik. Per te mos cenuar marzhen e rritjes se pensioneve, grupi i punes ka parashikuar qe te kete nje nderthurje mes rritjeve te ndryshme qe i jane bere pensioneve. Kjo gjithmone per te ruajtur nje strukture te caktuar te mases se pensionit. Tashme do te vazhdohet me pergatitjen e shumes konkrete qe do te perfitoje cdo kategori, ne menyre qe pensionistet te mund ta marrin ate prej dates 1 korrik.

Te dhena:

10% do perfitojne pensionet ne masen 5 mije leke

5% do perfitojne pensionet ne masen 10 mije leke

5% do perfitojne pensionet qe jane rritur mbi 10% ne fillim te vitit

10% do perfitojne pensionet e qytetit qe jane mbi 10 mije leke dhe nuk jane rritur ne janar

5% do te perfitojne pensionet e qytetit qe jane mbi 12 mije leke ne muaj

Pagat, kush do perfitoje rritje

Mesuesit, punonjesit e shendetesise (infermiere dhe mjeke) dhe kategorite e tjera te sherbimit civil, te cilat kane paga te uleta d.m.th deri ne 20 mije leke ne muaj, do te jene perfituesit kryesore te rritjes se pages. Zv/ministri i Financave, Sherefedin Shehu, deklaroi dje se shperndarja e pagave do te behet mbi bazen e politikave qe jane shpallur qe prej fillimvitit, kohe kur edhe eshte miratuar Buxheti. Sipas kesaj skeme, perfituesit e rritjes se pagave do te marrin nje shtese te pakten 20 per qind mbi pagen baze. "Nga ana tjeter kohet e fundit ne kemi marre disa iniciativa ligjore, per te zbatuar taksen e sheshte dhe zbatimi i kesaj takse, qe do te thote nje norme unike per tatimin mbi te ardhurat personale, ben qe nje pjese e mire e ketyre kategorive mund te kene rritje te tatimit qe paguanin krahasuar me ate qe paguanin me pare", theksoi zv/ministri. Keshtu sipas, Shehut, pervec rritjes qe eshte rreth 20 per qind, brenda secilit grup do te kete dhe nje kompensim te efektit te kesaj takse per keto kategori, cka do te thote se kjo rritje do te jete mbi 20 per qind, ne varesi te efektit te takses se sheshte. Sipas kesaj skeme tjeter, punonjesit do te kene nje indeksim qe do te jete 5 per qind, pra tek nivelet qe konsiderohen te mesme dhe te larta dhe qe nuk preken nga efekti i takses se sheshte. Me aplikimin e sistemit te ri te pagave, paga mesatare do te rritet ne nivelin e 10 per qind ne teresi.

[no name]

Pensionistët, të martën në protestë, qeveria na mashtroi

Përfitimi i moshës së tretë, duhet të rritej me 10 dhe jo me 5 për qind


Nuk e kanë zgjatur më shumë paralajmërimin e tyre për përdorimin e të gjitha metodave demokratike për plotësimin e kërkesave që kanë. Sindikata e pensionistëve tashmë ka marrë vendimin e saj.

Ditën e martë, në orën 09:00, përpara derës së Kryeministrit, pensionistë nga i gjithë vendi do të protestojnë për disa çështje kryesore. Aktualisht, janë rreth 87 mijë pensionistë në të gjithë vendin. Meqë rekomandimet e tyre nuk janë marrë parasysh dhe askush nuk i ka pritur në takime apo bashkëpunime dypalëshe për të sistemuar situatën, atyre u ka mbetur protesta për t‘i thënë me zë të lartë problemet e tyre. Pensionistët tanimë kanë akumuluar disa shqetësime. Në fillim ilaçet, më pas kompensimi i energjisë elektrike, rritja e çmimit të bukës, e tani rritja e pensioneve në një masë të pallogaritshme për nevojat e tyre.

"Ditën e martë në mëngjes, pensionistë nga i gjithë vendi do të nisin protestën e parë, përpara Kryeministrisë. Arsyet janë të shumta, ilaçet, çmimi i bukës, kompensimi i energjisë elektrike, bukës, masa e përqindjes që do të rrisë pensionet", tha kreu i sindikatës së pensionistëve, Isa Gorrica. Sipas tij, tani pensionistët janë bërë gati që ditën e martë t‘i kërkojnë publikisht Kryeministrit të mbajë fjalën për premtimet e tij dhe të gjejë mënyrën e zgjidhjes për problemet, që e shqetësojnë sot moshën e tretë.

Pensionet, kompensimi i energjisë

Sipas sindikatës së pensionistëve, vetëm një e treta e atyre që kanë aplikuar për përfitim, kanë marrë kompensimin e energjisë elektrike. Ata për këtë kanë bërë fajtor kushtet dhe kriteret, të cilat në shumicën e rasteve i sorollatin pensionistët dhe nuk i lënë kohën e duhur për të plotësuar këto dokumentacione. Por, nga ana tjetër, Instituti i Sigurimeve Shoqërore ka deklaruar se shumica e atyre që nuk kanë mundur të përfitojnë nga kompensimi i energjisë elektrike u përkasin personave, që nuk kanë një kontratë të rregullt me KESH-in, ose pensionistët që nuk kanë dokumentacionin sipas ligjit. Ka edhe nga ata, që jetojnë vetëm, por në dokumentacion rezultojnë të jenë në shtëpi bashkë me fëmijët. Sipas ISSH-së, në momentin që ata e plotësojnë këtë dokumentacion e fitojnë që në datën kur ka hyrë në fuqi ligji. Ndërsa, për rritjen e pensioneve në muajin korrik, pensionistët ishin përgatitur të merrnin një shtesë prej 10 për qind më shumë se pensioni aktual. Por që në fakt, Ministria e Financave i ka njoftuar se, kjo rritje do të jetë vetëm me 5 për qind.

Buka dhe ilaçet

Pensionistët janë mërzitur edhe me cilësinë e ilaçeve që po iu ofrohet. Megjithëse ata nuk e kanë kundërshtuar prej kohësh listën e re të barnave, përsëri gjatë këtyre muajve në heshtje kanë konstatuar se cilësia e tyre lë për të dëshiruar. Për të mos folur për tarifën e recetave, që duhet të paguajnë sa herë blejnë ilaçe. Një tjetër kërkesë, për të cilën pensionistët do të ngrenë zërin ditën e martë, do të jetë edhe ajo për rritjen e çmimit të bukës. Një pensionist, që merr nga shteti 10 mijë e kusur lekë si shpërblim mujor, blen të paktën një bukë në ditë. Sipas një llogaritjeje matematikore, me rritjen e çmimit të bukës ata paguajnë më shumë se 2 mijë lekë të reja vetëm për të blerë bukë, pa e shoqëruar atë me asnjë lloj asortimenti tjetër.

Sindikata do t‘i kërkojë kryetarit të qeverisë të mendohet lidhur me një kompensim për bukën për të gjithë pensionistët.

Rritja e çmimit të bukës, ndikim më të madh te pensionistët


Rritja e çmimit të bukës, ka ndikuar më shumë se në çdo kategori, te mosha e tretë. Duke qenë se buka është asortimenti i pandashëm i çdo tavoline pensionistësh, në çdo vakt, rritja e çmimit të këtij produkti ka ndikuar negativisht në ekonominë e secilit. Një pjesë e mirë e të ardhurave të kësaj kategorie shkon për ilaçe, ekzaminime, pagesat e ujit, dritave apo taksave të shtetit. Tani, ata nuk mund të tolerojnë uljen e pagesave për asnjërën prej kostove të sipërpërmendura. E vetmja mënyrë për të manovruar, me aq para sa kanë, është vetëm kursimi i bukës së përditshme. Zgjidhja më e mirë e mundshme për ta do të ishte një vlerë kompensimi nga shteti.

[Albo]

Qeveria miraton buxhetin shtesë për vitin 2007

13/7/2007

Këshilli i Ministrave në mbledhjen e sotme miratoi buxhetin suplementar për vitin 2007, prej 280 milion eurosh. Ky buxhet do të mundësojë rritjen e rrogave, për kategori të caktuara, si dhe rritjen e dytë të pensioneve të ulëta, në shkallë vendi.

Kryeministri informoi se bazuar në buxhetin shtesë do të realizohet shpërblimi mbi pagën, i punonjësve dhe ekspertëve sipas titujve shkencorë. Në këtë mënyrë do të shpërblehen punonjësit me titullin profesor me 300 mijë lekë mbi pagën, specialistët e doktoruar jashtë shtetit dhe asistent profesorët,me 250 mijë lekë, punonjësit me titullin doktor shkencash me 200 mijë lekë, ekspertët që kanë kryer master pasuniversitar jashtë shtetit me 180 mijë lekë, si dhe të gjithë ata që e kanë kryer masterin në vend me 100 mijë lekë.

Kryeministri theksoi se vëmendja e treguar për shpërblimin sipas titujve shkencor shënon një risi dhe një përpjekje për ta bërë administratën më tërheqëse për forcat e kualifikuara.

Kryeministri Berisha gjithashtu u shpreh se fondet e buxhetit shtesë do të përdoren për të mbështetur ndërtimin e veprave të rëndësishme infrastrukturore. Kështu këto fonde do të përdoren për financimin e pjesës dërrmuese të autostradës Durrës-Morinë por gjithashtu edhe për dy akse të tjera të tjera rrugore, autostradën Korçë- Qafë-Pllocë dhe aksin Bllacë –Bulqizë, prej 17 kilometrash të Rrugës së Arbrit.

Në fjalën e tij, kryeministri Berisha, ndër të tjera u shpreh:

“Kjo mbledhje i kushtohet tërësisht buxhetit suplementar. Është viti i dytë në historinë e këtij vendi që qeveria ia del të paraqesë buxhet të dytë në qershor jashtë të gjitha parashikimeve të institucionevce ndërkombëtare, FMN-së dhe institucioneve të tjera. Buxheti suplementar ka një avantazh shumë të madh sepse bën të mundur rritjen e rrogave, rritjen e dytë të pensioneve dhe në këtë kontekst duhet të theksuar se pa këtë buxhet një rritje e tillë e rrogave do të ishte e pamundur.

Sërish këtë vit qeveria rrit rrogat e arsimtarëve me 22 për qind, rrogat e mjekëve me 20 për qind , të infermierëve me 22 apo 23 për qind, si dhe rritje të pagave nga 8-18 për qind, të punonjësve të tjerë buxhetorë, duke mos u ndalur në grupe të caktuara që shkojnë deri në 74 për qind, por këto janë grupe të vogla. Në këtë mënyrë realizojmë rritjen e dytë më të madhe të pagave. Ko rritje është më e madhe se sa e vjetshmja sepse në vlerë, ajo bëhet mbi bazën e rritjes së vjetshme, duke kompensuar në këtë mënyrë taksën e sheshtë dhe duke bërë një hap të madh në investimin në burimet njerëzore.

Në këtë kontekst vendosëm, që bazuar në këtë buxhet të shpërblehen me 300 mijë lekë mbi pagën, punonjësit me titullin profesor, me 250 mijë lekë, specialistët e doktoruar jashtë shtetit dhe asistent profesorët, me 200 mijë leke me titullin doktor të shkencave, me 180 mijë lekë të gjithë ekspertët që kanë kryer master pasuniversitar jashtë jashtë shtetit, si dhe me 100 mijë lekë, të gjithë ata që e kanë kryer masterin në vend. Në këtë mënyrë vendosim për herë të pare bonuset e domosdoshme për gradat e titujt shkencor, si një risi dhe si përpjekje për ta bërë administratën më tërheqëse për forcat e kualifikuara.

Krijohet një lloj ekuivalence në traitimet që bëhen në universitete për titujt dhe gradat shkencore dhe këtë e konsiderojmë shumë të rëndësishme. Efektet financiare të rritjes së rrogave dhe pensioneve janë të mëdha, por do të përballohen plotësisht nga ky buxhet. Gjithashtu do të bëhet rritja e dytë e pensioneve. Rritjen e parë të madhe të pensioneve ne e filluam në fillim të vitit. Në rritjen e parë vendosëm pensionin minimal 50 mijë lekë në fshat nga 34 mijë që ishte në mesataren e tij. Me rritjen që i bëjmë prej 10 për qind pensioneve të fshatit ato pësojnë një rritje prej 26 për qind në këtë vit, ndërsa pensionet minimale të qytetit me rritjen e dytë prej 5 për qind do të shënojnë një rritje prej 20 për qind. Rritja u referohet pensioneve të ulëta. Nga kjo rritje përfitojnë rreth 400 mijë pensionistë shqiptarë nga 517 mijë që janë në skemën e pensioneve. Kjo është një rritje shumë e ndjeshme, një rritje prej 20 për qind në qytet dhe 26 për qind në fshat dhe mendoj se është bërë një hap shumë i rëndësishëm, në drejtimin e duhur.
Fondet e buxhetit suplementar do të përdoren për financimin e autostradës Durrës-Morinë, pjesa dërrmuese e investimit, por do të përdoren edhe për dy akse të tjera të tjera rrugore, autostradën Korçë, Qafë-Pllocë dhe aksin Bllacë –Bulqizë, prej 17 kilometrash, Rruga e Arbrit. Ka një seri destinacionesh të tjera shumë të rëndësishme në ministritë e linjës, ku jam i bindur se ju do të kishit dëshirë të plotësonit listën e dëshirave tuaja, por pjesa dërrmuese e buxhetit i mbetet biznesit sepse janë ulur në mënyrë drastike taksat, do ulen edhe më tej. Është e mundur në skemën e pensioneve, që të ketë sërish një ulje në kontributin e sigurimeve shoqërore, megjithatë kjo është në diskutim dhe nuk është vendosur ende, sepse është një skemë në shqyrtim e sipër. Duhet me këtë rast të falenderoj të gjithë ata që bënë të mundur buxhetin suplementar.

5 miliard të këtij buxheti kalojnë për të mbulur deficitin e madh që krijohet nga importi i energjisë me çmimet 2 herë me të larta se vitin e kaluar. Jo vetëm në sasitë më të mëdha, për shkaqet që tani çdo shqiptar i ka të qarta, por dhe çmimet janë realisht dy herë më të mëdha dhe në këtë kontekst ne duhet të ndihmojmë KESH-in për të përballuar deficitin , megjithëse ka përmirësuar treguesit. Kjo sipërmarrje ka bërë një përmirësim të qartë të treguesve të saj, por sërish çmimi me të cilin shet dhe çmimi me të cilin importon janë jo pak larg njeri-tjetrit.
Ky është pak a shumë në vija të përgjithshme, kurse në detaje do të nisim diskutimin bashkërisht, për të dëgjuar edhe vërejtjet tuaja, megjithëse ato janë shqyrtuar nga ministria e financave me shumë vëmendje."

Keshilli Ministrave