Geixh mbron Bollanon: Berisha s’ka ndryshuar

[brooklyn2007]

• Nga Tedi Blushi
Kreu i lobit grek në SHBA reagon për padinë ndaj kryebashkiakut. Nëpërmjet një reagimi publik, ai ka vjellë vrer mbi shtetin shqiptar, duke e akuzuar mjaft ashpër për dhunim të lirive e të drejtave të minoritetit grek në Shqipëri.

TIRANE-Stomaku i prishur i greko-amerikanit Nikolla Geixh, nuk e ka tretur dot kallëzimin penal ndaj kryebashkiakut të Himarës, Vasil Bollano. Nëpërmjet një reagimi publik, ai ka vjellë vrer mbi shtetin shqiptar, duke e akuzuar mjaft ashpër për dhunim të lirive e të drejtave të minoritetit grek në Shqipëri. Përmbajtja më pikante e kësaj deklarate, veç qëndrimeve antishqiptare të Geixhit, është fakti se ai pohon publikisht fundin e dashurisë së tij gjashtëvjeçare me liderin demokrat, Sali Berisha. Arsyeja është pretendimi i tij, se është pikërisht Berisha, ai që ka dhënë urdhrin për nisjen e ndjekjes penale ndaj Bollanos, çka për Geixh tregon rikthimin e reminishencave të së kaluarës në drejtimin e shtetit shqiptar. Në cilësinë e kreut të “POAKA”-s (Organizata Panehelenike Greke e Amerikës, Kanadasë dhe Australisë) ai argumenton se hetimi ndaj kreut të OMONIA-s, Bollano, i kujton vitin ’94, kur Berisha aso kohe President, urdhëroi arrestimin e pesë anëtarëve të kësaj organizate të përfshirë në incidentin kufitar në Peshkëpi, ku u vranë dy ushtarakë shqiptare. Kreu i lobit grek në SHBA, shprehet i zhgënjyer që i ka besuar Berishës për gjithë këto vite, duke shpallur sërish armiqësinë me të. Ai vë në dukje se ashtu si populli shqiptar që votoi në 2005-ën për rikthimin në pushtet të Partisë Demokratike, edhe ai u mashtrua atë kohë nga qëndrimet moderatore të tij. “Berisha nuk ka ndryshuar dhe nuk ka nxjerrë asnjë mësim nga gabimet e tij të djeshme. Ai i moderoi qëndrimet e tij vite më parë dhe për këtë arsye, partia e tij i fitoi zgjedhjet. Berisha më deklaroi në atë kohë se minoriteti në Shqipëri është një pasuri e dobishme për vendin, ndërsa tani e persekuton”, citojmë nga deklarata e tij që mban vulën “POAKA” dhe që ka bërë jehonë në mediat kryesore greke.
Reagimi
Por historia nuk mbaron me kaq. Në cilësinë e Presidentit Botëror të Epirotasve, Geixh kërcënon Shqipërinë me një reagim të fortë ndërkombëtar për këtë çështje. “Uashingtonin, Europën dhe pjesën tjetër të botës do t’i njohim me këtë qëndrim dhe ne do të bëjmë çfarëdo gjë që të jetë e mundur”, - paralajmëron ai. Ndërkohë në emër të “POAKA”-s, ai zotohet se do të bëjë çdo përpjekje për t’i dhënë gjithë mbështetjen e duhur kryebashkiakut të Himarës, gjatë procesit të tij gjyqësor. Ai e garanton Bollanon për këtë duke i kujtuar rastin e arrestimit në ’94-ën të pesë anëtarëve të OMONIA-s, që siç thotë, “pas një burgimi 10-mujor u liruan si pasojë e një reagimi të fortë ndërkombëtar”.
Dashuria
Në vitin 1994, emri i Nikolas Gejxh u shfaq në dosjet hetimore të Prokurorisë greke, si i përfshirë në instruktimin e terroristëve grekë që sulmuan kufirin shqiptar në Peshkëpi, ku u vranë dy ushtarakë shqiptarë. Nikolas Gejxh pranoi se mund të kishte folur në telefon me një prej terroristëve, por se nuk ishte në dijeni të planeve të tyre. Duke qenë një person me probleme, për shkak të ngjarjeve në Peshkëpi, ai u shpall po në këtë vit person “non grata” në Shqipëri me urdhër të Berishës, asokohe President i Republikës. Ndërkohë që pesë anëtarë të OMONIA-s të akuzuar si përgjegjës të këtij akti u arrestuan për t’u liruar më pas. Deri në vitin ’02, Geixh e Berisha kanë qenë armiq të përbetuar të njëri-tjetrit por në rrethana që nuk u zbuluan kurrë po në këtë vit Geixh zhvillon një takim në selinë e PD-së me Berishën.

[vagabondo_nyc]

Geixh eshte kancer per ne shqiptaret.

Geixh ate rastin e 1994-res ta harroj. Athere Geixh ka luajtur si ka dashur me shtetin shqiptar. Shtetaret e 94-es me nje vize per Greqi shiteshin. Shteti shqiptar ka qene i dobet me instuticione te dobeta ne 1994. Koha ka nderyshuar Nikolla - ti ke ngel ashtu i flliqur dinak antishqiptar kurse ne shqiptaret jemi evropianizuar dhe kemi miq shtete te medha. Kemi bere Kosoven shtet dhe kemi hy ne Nato dhe kur terrorristet e tu vrasin nje oficer shqiptar kane vra nje oficer te Natos.

Per Bollanon fajin e ka politika e partive tona. Konflikti me Bollanon sot eshte i pashmangshem. Por ky konflikt do shmangej sikur partit politike mos te bashkepunonin me Bollanon ne zgjedhjet qe e sollon Bollanon me votat tona ne pushtet.