C'mendim keni per Himnin e ri te Kosoves?

[RaPSouL]

Republika e Kosoves behet me himn, Kuvendi votoi ne shumice propozimin “Europa”

Ligjevenesit kosovare i kane thene OK me shumice votash propozimit te Mengjicit per himnin qe do te perfaqesoje shtetin kosovar ne evenimente te ndryshme, kombetare apo nderkombetare. Me miratimin e himnit tashme jane rrumbullakuar plotesisht simbolet e shtetit të Kosovës


PRISHTINE-Kuvendi i Kosoves ka miratuar sot në një seancë të veçantë himnin e Kosoves. Me 72 vota për, 15 kundër dhe 5 abstenime parlamentaret kosovare kane miratuar himnin shtetëror të Republikës së Kosovës, i cili do te jete propozimi i kompozitorit Mendi Mengjiqi me kodin “Europa”. Himni do te jete një melodi pa tekst.
Në perzgjedhje ishin tre propozime, ndërsa në konkursin për himnin shtetëror ishin gjithsej 134 propozime të kompozitorëve të vendit dhe të huaj. Propozimet nuk duhet të paraqisnin apo t'u ngjasonin himnit apo ndonjë kënge popullore të cilitdo shtet, ose një himni të cilësdo parti politike, lëvizje apo institucioni të Kosovës, ose të implikonte çfarëdo besnikërie ndaj cilitdo komunitet etnik të Republikës së Kosovës.
Me miratimin e himnit janë rrumbullakuar simbolet e shtetit të Kosovës. Kosova ka flamurin, stemen, himnin dhe ne 15 Qershor do te hyje ne fuqi zyrtarisht Kushtetuta e re e Republikes se Kosoves.



(d.b/Balkanweb)

[drague]

RAPSOUL ku mund ta ndigjojm?

[strange]

RAPSOUL ku mund ta ndigjojm?

Me Video

Me Mp3

[Edvin83]

si muzike duket si muzike e Soap Operave ose Beethoven.. Me ngjan shume me melodi Latino Amerikane. Por edhe te emri kane bere gabim, se duhet Evropa dhe jo Europa.

[Tal Aga]

Nuk duhet Evropa por Europa!

Nuk thuhet ami 5 Evro por ami 5 Euro!

Evropa i thojnë sllavët e grekët....... ne në shqip mund të përdorim diftongje si: eu, au , ui, ia etj., kurse fqinjët tanë e kanë gjuhën më të ngathët.......

Gjithashtu jo Hollanda por Holanda.

[Llapi]

MENDI MENGJIQI: "HIMNIN E KOMPOZOVA PËR NJË DITË"

Flet kompozitori Mendi Mengjiqi, autori i himnit të ri të Kosovës, që dje u miratua nga Kuvendi në Prishtinë

Ka një melodi të cilën tashmë duket se e kanë pëlqyer të gjithë. Fjala është për himnin e ri të shtetit më të ri të botës, atë të Kosovës. Në një seancë parlamentare të mbledhur enkas, deputetët votuan me shumicë votash për kompozimin e Mendi Mengjiqit. Sipas burimeve nga Kuvendi, melodia pas ca kohësh do të pajiset edhe me tekstin dhe mbase do të ketë një tjetër konkurs për këtë të fundit. Melodia e himnit të Kosovës, sipas specialistëve, shpreh mburrje dhe krenari, por për të plotësuar kriteret i është përmbajtur më shumë një vije melodike sesa demonstrimit të forcës. Për sa i përket kompozitorit Mendi Mengjiqi, ai lindi në vitin 1958, në Lupç të Epërm të Podujevës. Mbaroi studimet në Krakovë (Poloni) në klasën e Bujarskit, kurse studimet postdiplomike i kreu në klasën e njërit prej kompozitorëve më të mëdhenj botërorë, Kshishtof Pendereckit. Zhvilloi një aktivitet intensiv dhjetëvjeçar në këtë vend, ku pati suksese të konsiderueshme. Veprat e tij ekzekutohen në vende të ndryshme të botës. Pas kthimit nga Polonia u angazhua si mësimdhënës në Fakultetin e Arteve të Universitetit të Prishtinës, ku ligjëron lëndët e kompozimit. Është autor i dhjetëra kompozimeve të këngëve argëtuese. Ka kompozuar gjithashtu muzikën për filmin artistik të metrazhit të gjatë "Anatema" të regjisorit Agim Sopi.

MENDI MENGJIQI

Gazeta „SHQIP“: Si ju lindi ideja për të marrë pjesë në konkursin për himnin e Kosovës dhe nga ju erdhi frymëzimi për këtë melodi që u kthye në himn?


MENDI MENGJIQI: Pikë së pari e kam ndjerë si obligim moral për shtetin tim, për shtetin më të ri në botë, Kosovën, dhe gjithmonë kam pasur frymëzim edhe qysh herët kam menduar që në të ardhmen edhe Kosova do ta ketë himnin e vet. Inspirimi më ka lindur prej gjakut që rrjedh dhe duke u bazuar në kulturën tonë më të lashtë, që është një ndër kulturat më të vjetra në Evropë. Ky ka qenë frymëzimi.


Gazeta „SHQIP“: Si do ta zbërthenit me fjalë këtë lloj melodie?

MENDI MENGJIQI: Himni ka formën e vet dhe karakterin e muzikës solemne, muzikës së mburrjes, krenarinë dhe porosinë e paqes. Siç e dimë, qysh prej lindjes së komunizmit, himnet, të cilat janë kompozuar prej asaj periudhe kanë një karakter, që janë vepra të caktuara ta zëmë për ushtarë, këngë marshi, këngë revolucionare etj. Mirëpo himni është diçka e veçantë që nënkupton se populli duhet të ndihet krenar dhe të mburret me atë që porosit paqe.


Gazeta „SHQIP“: Sa e vështirë ka qenë për një kompozitor si ju të bëjë punën e tij mes disa kornizave, të cilat kanë qenë të përcaktuara me konkurs?

MENDI MENGJIQI: Vet fakti se kush jam, nuk mund ta ndërroj vetveten. Ato korniza mendoj se ndoshta kanë qenë në aspektin tekstual. Për mua që e kam kompozuar himnin është e rëndësishme që njerëzit ta kuptojnë atë, porosinë dhe mesazhin që përcjell.


Gazeta „SHQIP“: A e ndjenit ju presionin e pikave të tilla që serbët të mos ta kundërshtojnë?

MENDI MENGJIQI: Unë nuk e kam menduar atë. Siç e thashë edhe më parë, ne jemi kulturë e lashtë e Evropës dhe atë askush nuk mund ta mohojë. Përndryshe ne huazojmë folklorin e njëri-tjetrit. Folklor për mua është muzika toske, ndërsa në këto kohërat e reja kemi muzikën e cila quhet "tallava", ose muzikë globale rajonale dhe me siguri në të ardhmen ajo do të mbetet si folklor.


Gazeta „SHQIP“: Si e pritët lajmin se kompozimi juaj ishte fitues?

MENDI MENGJIQI: T‘ju them të drejtën unë jetoj në fshat dhe atje telefoni nuk ka qasje, kështu që kam qenë si i izoluar jo me dëshirën time, por nuk kam qenë në rrjedha fare.


Gazeta „SHQIP“: Kur e morët vesh?

MENDI MENGJIQI: E kam marrë vesh para dy-tre ditësh, më kanë treguar kolegët.


Gazeta „SHQIP“: Sa kohë ju është dashur për ta kompozuar?

MENDI MENGJIQI: Nuk më ka marrë shumë kohë, për arsye se e njeh formën e njeh gjuhën....


Gazeta „SHQIP“: Sa ditë ose sa orë?

MENDI MENGJIQI: Një ditë, ideja më lindi për një ditë dhe është kompozuar komplet.

[Tironcja_BLN]

nuk kam as nji mendim se nuk e kam ndigjuar dhe nuk me hy ne xhep...shpresoj ti pelqej kosovarve se ato do e kendojne ne e kemi te tonin

[ABSOLUTE]

nuk kam as nji mendim se nuk e kam ndigjuar dhe nuk me hy ne xhep...shpresoj ti pelqej kosovarve se ato do e kendojne ne e kemi te tonin

hahahah
cfar indiference, s'esht mire kjo qe e thua, bjer ne tok lol....

himni, per mua don permirsime te medha!