Gruevski i mposhti shqiptarët

[Murabit]

Kim MEHMETI





Zgjedhjet e parakohshme parlamentare në Maqedoni i fitoi Gruevski. Edhe atë jo vetëm në bllokun politik maqedonas, por duke i mposhtur bindshëm dhe turpshëm edhe shqiptarët e Maqedonisë. Kuptohet, atë e arriti i ndihmuar nga PDSH-ja, e cila mbase edhe e ka ditur se për Gruevskin shqiptar i mirë është vetëm ai që e dhunon shqiptarin. Edhe atë për kohë dhe afat të caktuar. Duke qenë i tillë, Gruevski i lejoi PDSH-së të bëjë ç’të dojë me votuesin shqiptarë gjatë fushatës parazgjedhore. Këtë ia lejoi kësaj partie edhe në ditën e zgjedhjeve, sepse Gruevski e dinte se çka do që të bënte PDSH-ja me shqiptarët, ajo do realizonte vetëm konceptin e tij politik: do shpaloste vetveten si parti dhunuese e votuesit shqiptarë, si parti që njollos popullin e vet si të dhunshëm e të pacivilizuar, e nga ana tjetër, do e dobësonte BDI-në, e cila nuk kishte ndihmën institucionale që t’i kundërvihej kësaj dhune. Pra, Gruevski kishte qëllim më të lartë se që mund ta kuptonin partitë shqiptare: donte rezultat të plotë në bllokun politik maqedonas dhe mposhtje sa më përbuzëse për shqiptarët e këtushëm.
Për ta arritur këtë fitore, Gruveski i filloi parapërgatitjet qysh në vitin 2006, kur shkeli mbi vullnetin shumicë të shqiptarëve të këtushëm dhe mbolli grindjen brendashqiptare. E që pastaj , të arrinte këtë që ka sot përballë vetes: dy parti shqiptare në dukje thuajse njësoj të dobëta. Dhe të vazhdojë të bëjë atë që është duke bërë këto ditë: të burgosë sa më shumë aktivistë edhe të PDSH-së edhe të BDI-së. Me qëllim që t’i barazojë në fajësi që të dy partitë dhe të ç’fajësoj vetveten. Me qëllim pra që t’u dëshmojë të huajve se sa rëndë e ka me këto dy parti shqiptare. Pra, ai tani e zhvillon betejën e fundit drejt triumfit të tij të plot: ua plotëson dëshirën të dy partive shqiptare, të cilat kërkojnë ndihmën e tij, që të burgos sa më shumë aktivist të kundërshtarit politik. Dhe tani, ai u përgjigjet kërkesave të tyre: i burgos radhazi edhe ata që deri dje ishin të “pakapshëm” për policinë e tij, a në të vërtetë qëndronin pranë krerëve të PDSH-së, sa herë që ata bënin fotografit grupore parazgjedhore, për ta bindur popullin se ku mbështetej forca dhe arroganca e tyre. Ai tani i mbush burgjet me aktivistë partiak shqiptarë, që të mbulojë lëshimet e strukturave shtetërore që kishin për obligim të siguronin zgjedhje të lira e të qeta edhe për shqiptarët e këtushëm. Ai tani e shpallë fajtorë tërë një popull për atë që ndodhi edhe në regji të disa strukturave shtetërore.
Si do që të jetë, jeta do vazhdojë edhe pas këtyre zgjedhjeve skandaloze e tragjike të parakohshme parlamentare në Maqedoni. Jeta nuk do ketë më asnjëfarë kuptimi vetëm për të riun e vrarë në fshatin Haraçin, në afërsi të Shkupit. Jeta do ketë krejt kuptim dhe rrjedhë tjetër për familjarët e këtij të riu, si edhe për dhjetëra entuziastë të rinj partiak që shijuan plumbin, apo tani shijojnë terrin e burgut. Jeta do ndryshojë për ata që u flijuan vetëm që të vazhdonte më tej jeta e parlamentarëve dhe ministrave të ardhshëm shqiptarë, të cilëve mbase edhe nuk do u rikujtohet gjithaq shpesh se ulëset e tyre janë të njollosura me gjakun e të riut të vrarë nga Haraçina dhe me gjakun e dhjetëra të plagosurve të tjerë. Apo do u kujtohet aq sa u rikujtohet politikanëve të sotëm gjaku i të riut Fatmir Jakupi nga fshati Kondovë në afërsi të Shkupit, të vrarë në vendvotim gjatë zgjedhjeve lokale të vitit 2000. Vrasje e cila dëshmon se shkupjanët, shumë më herët kanë ngrënë plumba shkaku i demokracisë “alla shqiptarçe”, të ushqyer e të nxitur edhe nga strukturat shtetërore .
Pas gjithave që ndodhën në vendbanimet shqiptare gjatë këtyre zgjedhjeve parlamentare të parakohshme në Maqedoni, u bë e dukshme ajo që disa e përsërisnin vite me radhë: se qarqet antishqiptare nëpër institucionet e këtij shteti, u lejojnë partive të këtushme shqiptare të “banditizohen”, ta kriminalizojnë shoqërinë shqiptare, por vetëm me një kusht: nëse i mbajnë duart larg vendbanimeve të etnitetit maqedonas. Para se të fillonte fushata parazgjedhore, shumë njohës të rrethanave të këtushme politike, përsërisnin se në këto zgjedhje BDI-ja nuk do ketë përballë vetes vetëm aktivistët e PDSH-së, por edhe një pjesë të strukturave shtetërore, të cilat do i barazojnë shqiptarët si njësoj fajtorë për atë që ua kurdisi shtetit. Por, këto vlerësime ishin të pavlefshme edhe për disa politikanë të “moderuar” të BDI-së, të cilët më me rëndësi e kishin sa herë do paraqiten në ekranet televizive dhe a do bëhen zëvendës kryeministra, se sa a do e nxjerrin popullin nga kjo rrugë drejtë vëllavrasjes. Thëniet se BDI-ja kësaj radhe duhet me vendosmëri të demaskojë strukturat shtetërore që ndihmojnë kriminalizimin e shoqërisë shqiptare, nuk kishin vlerë për disa partiak të lartë të strukturave të BDI-së, të cilët e dinin saktësisht kur është Dita e Evropës, por nuk dinin asgjë për netët përplot trishtim të atyre që duhet të votonin për ata.
Cilat do qofshin ambiciet e aktivistëve të partive të këtushme shqiptare, mbetet e vërteta se shqiptarët e Maqedonisë janë humbësit më tragjik të këtyre zgjedhjeve parlamentare. Dhe që humbja të jetë më e plotë, kryetari i PDSH-së, atë e emëroi si “fitore më të lezetshmen” që e ka shijuar gjatë karrierës së vet. Shqiptarët e Maqedonisë edhe kanë mundë të habiten e të pyesin veten për cilën fitore flet kryetari i PDSH-së, por vetëm nëse kanë harruar se ai me kohë, edhe atë publikisht, i paralajmëroi se nuk e interesonte ardhmëria e partisë së tij, por rritja e popullaritetit të VMRO-DPMNE-së. Kështu që nuk kishte si mos ta ndjente këtë fitore të VMRO-DPMNE-së si “më të lezetshme” dhe si sukses personal. Dhe kështu e poshtëroi Tetovën duke kremtuar këtë “fitore më të lezetshme” të veten.
Sa i përket kremtimit të së dielës mbrëma të aktivistëve të PDSH-së dhe të VMRO-DPMNE-së në Tetovë, nuk ka dyshim se ai manifestim, shqiptarëve të këtushëm, ua rikujtoi ato që bëheshin në Beogradin e viteve të nëntëdhjeta, kur në Kosovë vriteshin të rinj shqiptarë, e Millosheviqi kremtonte në Beograd “fitoret” e arritura në Kosovë. Pra, në njëfarë mënyre, asaj nate, Tetova i ngjante Beogradit të dikurshëm. Dhe në këtë qytet, disa shqiptarë të PDSH-së dhe maqedonas të VMRO-DPMNE-së, të vëllazëruar, kremtuan fitoren e Gruevskit mbi shqiptarët, fitoren e paguar me një të vrarë, me dhjetëra të plagosur, me më se tridhjetë të burgosur. Fitore e cila mbase paralajmëron një ardhmëri të pasigurt për Maqedoninë. Ardhmëri e cila do mund t’i çojë shqiptarët e këtushëm një ditë të thonë – ju faleminderit, por Maqedonia e Gruevskit neve nuk na nevojitet.
Shqiptarët e Maqedonisë humbën, por edhe si humbës tragjik, ata do kenë përfaqësuesit e vetë në parlament, si edhe qeveritarë në kabinetin e Gruevskit. Sepse kështu e do rendi demokratik i Gruevskit, rendë që ofron siguri institucionale për maqedonasit etnik, e sa më shumë trishtim për shqiptarët. Dhe duke ndërtuar demokraci dystandardëshe, Gruevski u bë i shurdhër ndaj thirrjeve të BDI-së gjatë fushatës parazgjedhore që të frenonte strukturat policore që dhunonin popullin. Gjatë fushatës parazgjedhore, ai nuk donte të reagojë sepse i trembej fitores bindëse të BDI-së. I trembej mundësisë që shqiptarët të kenë një subjekt të fortë politik. Dhe bëri çmos që kjo mos të ndodh.
Përndryshe, sa i përket Ali Ahmetit, ai thuajse e ka fat jetësorë që mos ta shijojë kurrë të lehtën. Kështu që sa më shumë e përkrahë populli, aq më të shumta bëhen qarqet antishqiptare që duan ta asgjësojnë. Se sa Ahmetit i beson dhe e përkrahë populli, më së miri dëshmoi mitingu madhështorë parazgjedhorë i BDI-së, i mbajtur në sheshin e Shkupit. E në këtë miting, shkupjanët e pritën dhe e përcollën Ali Ahmetin me ovacione që i ruajnë vetëm për njeriun të cilit i besojnë. Në këtë miting, shkupjanët i përcollën me duartrokitje përplot entuziazëm edhe fjalimin e Teuta Arifit dhe Izet Mexhitit. Por, ata e përcollën me fishkëllima Musa Xhaferin dhe me mospërfillje zëdhënësen e kësaj partie. Mbase duke dashur t’ia përcjellin Ali Ahmetit porosinë se Shkup është i gatshëm të hajë edhe plumba për të, por jo edhe për ata që vlerë të vetme kanë atë se “janë rritur me të” dhe mendojnë se kjo mjafton që të kenë ardhmëri të pakontestueshme politike.
Sa u përket shkupjanëve, ata janë barometri më i saktë i asaj se si qëndrojnë partitë politike shqiptare në Maqedoni. Edhe gjatë kësaj fushate parazgjedhore, ata u treguan qartë BDI-së edhe PDSH-së se deri ku kanë arritur. Kështu që për BDI-në e mbushën sheshin më të madh të Shkupit, e për PDSH-në e lanë zbrazur sallën ku krerët e kësaj partie shpresonin se do realizojnë paraqitje pompoze. Sallë të cilën krerët e PDSH-së e mbushën me tetovarët që i shëtisnin nga një vendbanim shqiptarë në tjetrin. Mbase kësaj radhe krerët e PDSH-së me kohë e kishin kuptuar se Shkupi nuk gjunjëzohet aq lehtë. Apo kishin bërë çmos që ta gjunjëzonin Tetovën dhe t’ia mundësonin Gruevskit të kremtojë fitore të dyfishtë: atë që e arriti në bllokun etnik maqedonas dhe mposhtjen tragjike që ua bëri shqiptarëve.

Lajmpress.com

[Murabit]

Shkrim interesant dhe i mbushur me fakte.

mos e lejeni qe te iu ik pa e lexuar.

[Shkupi]

Ja nje plan sekret :-) pak hajgare e pak e vertete

Ajo qe po ndodh tani sic po shihet eshte nje loje e madhe ne te cilen jane te perfshire edhe nderkombetaret. Ne baze te disa pohimeve pas rivotimit ne tetove dhe pas percaktimit te "fituesit" me kampin shqiptar Nikolla Grujevski eshte sygjeruar nga miqte perendimor qe ta merr partine fituese.Sic mesohet pritet qe kjo parti fituese te jete BDI me dy apo tre deputet me shume.
Ne anen tjeter ne baze te disa burimeve nga tetova mesohet se PDSH-ja ka pergadit plan rezerv nese nuk hyn ne qeveri e qe ka te beje me shpalljen e krahines autonome te tetoves ku mbreti Thaci do te emerohet per pasha per tere jeten.Ky plan perjashtohet nga nderkombetaret por kete plan e ka perkrahur edhe Nikolla i cili si kundershperblim kerkon qe ti hiqen qafes 200 mije shqiptaret nga Shkupi e Kumanova gje qe eshte pranuar parezerve nga ana e Menduhit. Me pak fjale BDI-ja do te hyje per pak kohe ne qeverine e proserbit Grujevski por do te plas sherri ndershqiptar ku mund ta pesoje Shkupi dhe Kumanova. Pas kesaj pastrim etnik ne Shkup,Kumanove e ndoshta edhe ne Kercove e Struge si dhe do te kete edhe intervenim nderkombetar dhe protektorat ne Maqedonine perendimore pa Shkupin e Kumanoven. Sllavomaqedonasit ne pjesen e vet do te lirohen nga barra ndersa shqiptaret do te ri-socializohen pas virusit vdekjeprures thaci-ahmeti qe ka perhapur urrejtjen, dhunen dhe pabesine.

[Renea]

Shkupi , kujdes burr mati fjalt se me rrenqethe , po kush ta len Shkupin e Kumanoven , kallet Ballkani vallah.
Ani kur po ma permend Strugen ehehehe.
Un aspak nuk dyshoj qe Thaci esht ne gjendje gjithcka te bej vetem qe te jet ne pushtet , ky esht gjakpires dhe shkatrrues i gjitha endrrave kombetare.
Nese ke mund mbrem ta ndegjojsh per Top Chanel , po ky aspak nuk merzitet per shqiptaret dhe nese vazhdon ky person te jet ne krye te PDSH-se ateher do ti beje shqiptaret te vriten mes vete .
Poashtu nese ndegjove Gruevskin , po ai esht nje dhelpen e pa pare , ka nje shkoll shum te fort dhe po arrin ti realizoj disa projekte qe as Milloshi ska mund ti realizoj. Ndoshta se esht nacional shovinisti i fundit ne Balkan , e ndoshta ka marr msim prej gjith atyre diktatorve qe ishin ne Ballkan dhe i ka perfshi ne vetvete tiparet e gjith diktatorve te Balkanit.
Paramendo pranon se zgjedhjet ne Fyrom lejn pershtypje negative jo vetem per shqiptaret ne Fyrom , por ne gjith Ballkanin.
Pra shum mir po duket qellimi i ktij ujku me lekur te qengjit.
Ne si popull sguxojm te biejm preh e ketyre planeve , por maksimalisht duhet te qendrojm te permbajtur , dhe mos tju mundesojn qe te bejm trazira mbrenda shqiptare , sepse sipas asaj qe u pa ne zgjedhje , ketu kemi te bejm me persona qe jan ne gjendje gjithcka te bejn vetem ti realizojn qellimet antishqiptare.
Pershendetje

[antina]

Kim Mehmeti gjithmon i përshkruan situatat në stil mjaft popullor për ta kuptuar qartë , këtë e kam vërejtë dhe tek libri i tij ...rugaçëria partiake.
Titulli i temës më duket i pa qartë. Gruevski i mposhti shqiptarët ...?
Po me sa duket ne u mposhtëm vet more si gjithmon, ne nuk mund të jetojmë pa mos me liderizuar një tradhtar. Me sa duket edhe një fëmijë mund ta kuptoj situatën momentale. Kënaqsinë e fitores ja mundësuam ne Gruevskit, edhe e" festuam" , por një shprehje thot se diplomacia është veprim që e çon në rot të samës, kurse individi ndjehet i kënaqur dhe falenderues.
Ne vet ja ofruam Gruevskit (diplomacinë ) mposhtjen........!!!

[bili99]

Shkrim interesant dhe i mbushur me fakte.

mos e lejeni qe te iu ik pa e lexuar.

Nje popull qe ben dallimin mes mesuesit dhe nxenesit ka ardhmeri te ndritshme dhe te lumtur!
Lexoni pra me shume, dhe shkruani me pak...

Murabit, rrofsh per shkrimin e Intelektualit shqiptar Kim Mehmeti.
Eshte nje shkrim i nje njeriu qe ka sens per realitetin mbrendashqiptar dhe per realitetin ne Ballkan.
Si cdo here edhe kete here ka qelluar ne lule te ballit realitetin e hidhur ne Maqedonine Perendimore.

Shkrimet e intelektualve shqiptare nga Maqedonia dhe me gjere ,jane detyre shtepije per te gjithe rinine, keshtu mprehet gjykimi i drejte per te verteten , keshtu kuptohet realiteti per shoqerine, poziten personale dhe kombetare ne shoqeri dhe perfundimisht keshtu buzeqesh ardhmeria per rinine shqiptare ne Maqedoni..
Keshtu krijohet personi me integritet qe neser nuk do te jete arme ne duar te gabuara,dhe kur te kete arme vete te dij drejtimin kah ti drejtoje..

Pra nxenesi eshte nxenes dhe duhet te mesoje, nuk duhet te marre detyren e mesuesit.

Njeri meson duke lexuar dhe duke ndegjuar dhe JO duke shkruar dhe duke folur...(kjo per te rinjtte militant partie ketu ne Forum dhe ne jete...mesoni keshtu jeni me te vlefshem per vehten tuaj fillimisht dhe me pastaj edhe per shoqerine njerezore- shqiptare)
I lumt Kim Mehmetit qe tregon se eshte intelektual me plot kuptimin e fjales, edhe kur kerrcnohet nga banditizmi fashist nuk ngurron te thote te verteten ..nuk ngurron te jete trumbete e vertete e Shkupit dhe shqiptareve..

[xhevat ademi]

gruevski nuk ka faj ka xhet budallenj qe i mashtron pse mos.

[gazibaba]

Deri kur dot miremi ne shqiptaret me keta sllavo-bugar(mongoll tatar magjuo etj).
Duhet sa ma shpejt te fillojm pastrimin e trojeve SHQIPTARE nga keta raca te pa pastera,dhe nje her e per gjithmon te bejm SHQIPRIN VETEM PER SHQIPTAR.

RROFT SHIPNIA ETNIKE
RROFT SHIPNIA ETNIKISHT E PASTER.

[feneri]

gruevski nuk ka faj ka xhet budallenj qe i mashtron pse mos.

Xhevat Ademi ma mirë mos e zgjat se e bën turshi! Dhe në atë tinar kushedi ku del !

[Beran]

Gruevski eshte nje figur ne Shah.
I cili per politiken e tij qe e perdor tani! E mer nga Beogradi.