"Panairi i Librit"

[Arber gerguri]

Fisnik! Doja te pysja diqka lidhje me librin , Financat banka dhe krediti (sipas sistemit islamik) keshtu me duket quhet ku nga librarite mund ta blej, e kom fjalen per kosove.

[Arber gerguri]

Hyrje ne Ekonomin dhe Financat Islame:

Fisnik eshte fjala per kete liber ......

[fisniku-student]

Fisnik! Doja te pysja diqka lidhje me librin , Financat banka dhe krediti (sipas sistemit islamik) keshtu me duket quhet ku nga librarite mund ta blej, e kom fjalen per kosove.

Kete liber mund ta gjesh neper librarit Islame qoft ne prishtin (Sirra,Krenaria etj) por edhe ne librarit e Qyteteve tjera neper Kosove.

Qmimi i ketij libri sillet prej 10 eurove deri 11-12 euro varet nga Libraria,ndersa ne Panairin e Librit ne Prishtin kete vit ishte 9.90 Euro/cent.

Selam Alejkum

[Arber gerguri]

Kete liber mund ta gjesh neper librarit Islame qoft ne prishtin (Sirra,Krenaria etj) por edhe ne librarit e Qyteteve tjera neper Kosove.

Qmimi i ketij libri sillet prej 10 eurove deri 11-12 euro varet nga Libraria,ndersa ne Panairin e Librit ne Prishtin kete vit ishte 9.90 Euro/cent.

Selam Alejkum

Allahu te shperbleft Fisnik per kete ndihme dhe lemoshe! - Lemoshe sepse pejgamberi a.s ka then kush nga ju e ndihmon vllaun e tij pa pas ndonje interes material apo qfar do interesi, ai kryer nje sadaka. E per kete Allahu te shperbleft.....

Desha t'i bej nje veshtrim ketij libri pasi studjoj financat ne UP por ndryshe nga sistemi yn ky liber ne sistemin islamic me interesoi shume......

[fisniku-student]

Nje Mundesi per gjetur Libra qe deshironi, te lexoni ose te shkarkoni >>>

http://www.ikratv-alb.net/index.php

[burbuqe1]

Selam alejkum
Nje liber qe shume me heret me ka lene mbresa te vecanta, udherrefyes per ushtrimin e vullnetit, shprehive te punes, si dhe per menjanimin ose parandalimin e veseve...

"Kokë me kokë me të rinjtë"- Ali Fuad Bashgil

Një nga të rrallët libra që ka të bëjë me përcaktimet e shtigjeve, drejt të

cilave duhet të ecë çdo i ri, një udhëzues i përpiktë për ata që dëshirojnë

të akumulojnë dituri, të shkojnë drejt ngritjes intelektuale. Autori paraqet

disa nga të fshehtat, përmes të cilave i riu do të arrinte suksesin e

dëshiruar. Çfarë e mbron të riun nga përtacia, nga shoku i keq, nga

indoktrinimet e ndryshme negative? Përgjigjet jepen me argumente praktike,

rrjedhojë e përvojës shumëvjeçare intelektuale të autorit. Janë paraqitur

qartë shkaqet e mossuksesit dhe kushtet e suksesit.


linku ku mund ta lexoni online:

www.thebook.2truth.com

[fisniku-student]

Ftesë për bashkëjetesë

Përmes temave të trajtuara, Amr Halid mundohet ta sqarojë domosdoshmërinë e tolerancës, mirëkuptimit dhe bashkëjetesës ...



Shtëpia botuese: Furkan


Fatkeqësisht, problemet, fërkimet, mosmarrëveshjet dhe grindjet sot janë bërë pjesë përbërëse e jetës. Gjuha e butë e komunikimit mes njerëzve është zëvendësuar me atë refuzimit, përbuzjes dhe arrogancës. Kjo gjendje është kudo në botë. Madje e tillë edhe në raportet e muslimanëve njëri me tjetrin. Jo rrallë kjo mosmarrëveshje di të merr përmasa edhe më tragjike. Iraku, Libani, Sudani, Palestina... janë vetëm disa raste për t'i marrë si shembull i konflikteve të brendshme.

Po ashtu, ne jemi dëshmitarë të përditshmërisë sonë, ku pjesëtarë të shumë familjeve muslimane nuk arrijnë dot ta konceptojnë dhe zotërojnë gjuhën e dialogimit dhe mirëkuptimit në jetën e tyre, por jetojnë në botë konflikti dhe ankthi, të hidhëruar apo të ndarë. Divorcet dhe konfliktet mes bashkëshortëve po shtohen. Shohim që çiftet grinden për shkakun më të vogël. Prindërit kanë humbur artin e komunikimit me fëmijët e tyre. Babai thjesht jep urdhra dhe nuk di të dialogojë me fëmijët e tij.

Mungesa e dialogut ndihet qartë dhe nëpër shkollat tona, mes mësues¬ve dhe nxënësve, profësorëve dhe studentëve. Njerëzit e arsimit janë bërë objekt talljeje, autoriteti i tyre pothuajse ka arritur nivelin zero.

Aspak më mirë nuk është gjendja edhe në raportet tona shoqërore. Shohim gjykatat të mbushura me padi dhe akuza, për shkak se njerëzit nuk munden të bashkëjetojnë dhe ta mirëkuptojnë njëri-tjetrin. Në mesin e të rinjve është për¬hapur konsumi i alkoolit, trajtimi i problemeve me rrugët më eks¬treme, ide dhe sjellje perverse. Të gjitha këto sjellje janë rezultat i vetmisë. Duke mos gjetur dikë që ta kuptojë dhe dikë me të cilin të qajë hallet, i riu mbyllet në vetvete dhe kalon në sjellje perverse.

Madje, probleme të tilla i hasim edhe në xhamitë ku adhurojmë Zotin. Ne kemi filluar të mos pajtohemi me njëri-tjetrin edhe në gjërat më elementare. Edhe pse gjëra të vogla dhe të rëndomta, ato kthehen në çështje shumë të nxehta, duke shkaktuar urrejtje dhe debate të forta mes nesh. Kjo, për shkak se ne nuk jemi treguar të gat¬shëm ta pranojmë njëri-tjetrin ashtu siç jemi. Edhe pse çështje dytësore, ato po përçajnë pjesëtarët e xhamive. Konfliktet në xhami, të cilat janë simbol i mirëkuptimit dhe tolerancës, arrijnë deri në sharje dhe akuza të ndryshme ndaj njëri-tjetrit.

Pikërisht për këto probleme diskuton autori Amër Halid në këtë libër. Përmes temave të trajtuara ai mundohet ta sqarojë domosdoshmërinë e tolerancës, mirëkuptimit dhe bashkëjetesës; pastaj edhe të tregojë mbi nevojën e mësimit të artit të komunikimit me të tjerët.

[fisniku-student]

Akademia Evropiane për Fetva dhe Studime

Synimi i kësaj akademie është përpjekja e unifikimit të qëndrimeve përkitazi me çështjet fetare në vendet Evropiane.





HYRJE

Dr. Jusuf el-Kardavi, Kryetar i Akademisë

Falënderimi i takon All-llahut, paqja qoftë mbi pejgamberët e Tij të cilët Ai i zgjodhi, mbi Pejgamberin e fundit të dalluar, mbi familjen, shokët dhe ata që e ndoqën rrugën e tyre dhe u udhëzuan.

Prej begative të All-llahut që Ai ua dha muslimanëve, është edhe ajo se ata u zgjuan pas një gjumi të gjatë dhe i arriti ky rizgjim i bekuar islam, i cili u përhap në Lindje e Perëndim dhe pati ndikim në ringjalljen e zemrave me besim, në ndriçimin e mendjeve me njohuri, në forcimin e qëndrimeve me bindje dhe në ngritjen e sjelljeve në shkallën e përsosurisë.

Ky rizgjim nuk u ndal vetëm brenda kufijve të botës islame, por rrezet dhe gjurmët e tij u shtrinë edhe jashtë saj, ku jetojnë pakicat dhe komunitetet islame. Kjo qartë u pa në Perëndim, e në veçanti në Evropë, ku me miliona njerëz nga banorët e saj autoktonë jetonin thuajse të izoluar nga Ummeti i tyre islam, e disa prej tyre ishin të ngulfatur pas perdes së hekurt në periudhën e dominimit komunist. Mërgimtarët e parë të cilët i lanë vendet e tyre në botën islame, duke kërkuar jetesë më luksoze dhe fitim më të madh apo më të lehtë, shumica prej tyre u humbën dhe u shkrinë plotësisht në shoqëritë e reja.

Më vonë shpërngulja u intensifikua dhe numri i mërgimtarëve u shtua si pasojë e ndryshimeve që ndodhën në mbarë botën. Disa prej tyre emigruan për shkak të sigurisë dhe t'i shmangen dhunës e cila ushtrohej në vendet e tyre; disa për shkak të studimeve, disa për punësim, e disa për shkaqe të tjera.

Kështu, numri i muslimanëve në Evropën Perëndimore dhe Lindore, nga popullata autoktone dhe të mërguarit arriti diku afro 50 miliona veta. Për këtë, nuk është larg mendjes që ta përjetojnë rizgjimin që e përjetuan vëllezërit e tyre në botën islame, ta ndjejnë identitetin e tyre islam dhe se edhe ata janë pjesë e pandashme e popullit që iu shpall Kur'ani dhe pasues të Muhammedit [sal-lall-llahu alejhi ve sel-lem]. E tërë kjo, pa dyshim, kishte ndikimin e vet në vetëdijen dhe sjelljen e tyre, kështu që ata filluan t'i kthehen fesë dhe misionit të tyre prej fillimit.

Kështu, mendjet e zgjuara, zemrat e pastra dhe dëshirat djaloshare filluan të tubohen dhe mbështesin njëra-tjetrën, të kenë mirëkuptim dhe të bashkëpunojnë në ngritjen e institucioneve për të cilat ka nevojë bashkësia muslimane, të cilat e mbrojnë identitetin e saj pa u izoluar apo mbyllur në vete.

Për këtë u ndërtuan xhami për kryerjen e ritualeve fetare, shkolla për arsimimin e popullatës, klube për instruksione dhe relaksim, u organizuan kampe, u mbajtën kongrese e tubime të njëpasnjëshme shkencore, u botuan libra vëllimorë, u mbajtën ligjërata e fjalime dhe vepruan thirrës dhe mësues. Në vitet e fundit, vëllezërit entuziastë menduan në plotësimin e institucioneve për të cilat janë të nevojshme komunitetet islame në çdo vend. Prej kësaj rezultoi formimi i Unionit të Organizatave Islame në Evropë, prej fryteve të të cilit union qe themelimi i Fakultetit Evropian për Studime Islame në Francë. Gjenerata e parë diplomoi në këtë institucion para disa muajsh; simotra e këtij fakulteti momentalisht themelohet në Britani.

Po ashtu rezultat i këtij aktiviteti ishte edhe themelimi i Akademisë Evropiane për Fetva dhe Studime, e cila tubon disa dijetarë që janë përgjegjës për fetva në qendrat e rëndë*sishme islame në Evropë, krahas shumë dijetarëve tjerë që jetojnë në vendet islame, por që janë të preokupuar me gjendjen e vëllezërve të tyre në Evropë, i vizitojnë shpesh dhe i njohin rrethanat dhe gjendjen e tyre.

Synimi i kësaj akademie është përpjekja e unifikimit të qëndrimeve përkitazi me çështjet fetare (fetva) në këto vende, normalisht në bazë të mundësive, si dhe eliminimi i kundërthënieve dhe luftës ideore rreth këtyre çështjeve, nëse ekziston një mundësi e këtillë. E tërë kjo mund të arrihet përmes konsultimit, studimeve të përbashkëta dhe analizave të hollësishme kolektive, të cilat sot janë domosdoshmëri e patjetërsueshme.

Po ashtu synohet që kjo akademi të jetë autoritet fetar legjitim për pushtetin vendas në çdo shtet, e kjo e forcon pozitën e komuniteteve islame dhe ua hapë perspektivat.

Kjo akademi nuk është rival apo alternativë e akademive islame themelore të mëdha në botën islame, si për shembull Akademia e Studimeve në Az'har, Akademia e Fikhut pranë Ligës Islame, Akademia e Fikhut Islam pranë Konferencës Islamike, por kjo akademi i plotëson punët e tyre në fushën e cila i intereson dhe në të cilën edhe u profesionalizua, gjegjësisht problemet e pakicave dhe atyre që jetojnë jashtë botës islame dhe shoqërisë së muslimanëve, e nuk ka dyshim se kjo akademi i shfrytëzon vendimet që merren dhe studimet që prezentohen në këto Akademi të mëdha.
Dijetarët islamë, All-llahu i mëshiroftë, kanë vërtetuar se fetvaja ndryshon sipas ndikimit të kohës dhe vendit; dukuri më transparente e ndërrimit të vendit është ndryshimi i vendeve islame nga vendet tjera.

Kështu, ai i cili jeton në zemrën e shoqërisë islame rreth vetes ka faktorë të cilët i ndihmojnë në sjelljet islame dhe përpikmërinë në Islam, për dallim nga personi që jeton në një shoqëri krejt tjetër.

Nisur nga kjo, misioni i kësaj akademie është që njerëzve të tillë t'ua lehtësojë në fetvatë e veta, e mos t'i rëndojë; që në thirrjen e saj të përgëzojë e mos të dëshpërojë, t'i mbajë njerëzit brenda kornizave të fesë, madje edhe me linjën më të ulët të Islamit, si dhe t'u përgjigjet me më të lehtën e jo më të preferuarën. Imam Sufjan Eth-Theuri thotë: "Fikhu, profesionalizëm i vërtetë është toleranca nga njeriu i besue*shëm, ndërkaq të qenët kategorik e di çdokush."

Domosdoshmërinë e ekzistimit të kësaj akademie e vërteton edhe ekzistimi i disa psuedoshkencëtarëve, të cilët e radhitën veten në mesin e ekspertëve të Fikhut, kështu që prej tyre u dhanë fetva (mendime) të pabaza e devijuese, të cilat ua lejojnë muslimanëve ta vjedhin pasurinë e atyre vendeve të cilat i strehuan, ushqyen dhe i siguruan, si dhe të dominojnë mbi to me çdo gjë që munden: me dredhi, falsifikim, manipulim, apo me çfarëdo mjeti tjetër. Kështu nuk u paguaj*në atë që e konsumojnë, nuk japin për shërbimet publike, trillojnë rrena të ndryshme vetëm e vetëm që të marrin ndihma që nuk i meritojnë, i mashtrojnë partnerët e tyre, ua bëjnë sherrin kur do që të munden. Këta njerëz janë turp për Islamin, meqë u ngjasojnë çifutëve të cilët i dhanë të drejtë vetes t'ua keqpërdorin pasurinë të tjerëve, dhe deklaruan siç thekson Kur'ani: "… Ne nuk kemi kurrfarë përgjegjësie ndaj (pasurisë që u marrim) të të paditurve (arabëve analfabetë)". (Ali Imran: 75)

Këto qëndrime e dëmtojnë imazhin e Islamit dhe të muslimanëve, po ashtu edhe komuniteteve islame u shkaktojnë probleme mjaft të mëdha, ndërkaq muslimanët i paraqesin si mafiozë të cilët nuk besojnë në vlerat dhe moralin e mirëfilltë, nuk e mbajnë besën dhe premtimin e dhënë. Pikërisht këto janë kokat e injorantëve të cilët i përshkruajti hadithi i vërtetë se kur i kanë pyetur për diçka "Kanë dhënë përgjigje pa dituri, e me këtë e kanë humbur edhe vetën edhe tjerët".

Këto qëndrime injorante bënë që disa muslimanë të gjenden prapa grilave të burgut të akuzuar për vjedhje, falsifikim apo krime të ngjashme.

Më të rrezikshme janë instruksionet e tyre drejtuar disa muslimanëve për lejimin e vrasjes së banorëve të këtyre vendeve, në të cilat jetojnë të sigurt dhe u japin mjete të nevojshme për jetesë po qe se kur nuk mund të gjejnë punë apo janë nevojtarë "shpërblimi i mirësisë duhet të jetë vetëm mirësia".
Për këtë, kjo akademi është e obliguar që ta vë në binarë të shëndoshë mënyrën e jetesës islame në Perëndim, t'i heshtë këto zëra që e lartësojnë të pavërtetën dhe të punojë në zgjidhjen e problemeve të muslimanëve në dritën e Sheriatit fisnik e madhështor.

Me ndihmën e All-llahut kjo akademi arriti të mbajë tetë seanca në vende të ndryshme evropiane ku u bisedua rreth shumë çështjeve të rëndësishme për të cilat edhe u prezentuan studime dhe analiza të mirëfillta. Po ashtu akademia iu përgjigj një varg pyetjesh që iu parashtruan nga ana e individëve apo institucioneve nga vende të ndryshme evropiane. E gjithë kjo punë rezultoi me nxjerrjen e një mori fetvash të shkëlqyeshme me peshë shkencore, për pjesën më të madhe të të cilave anëtarët arritën bashkëpëlqim, ndërkaq për disa pati edhe dallim në mendime, mirëpo u mbështet mendimi i shumicës, sikur që veprohet në të gjitha tubimt e fikhut.

Edhe para kësaj përmbledhjeje është botuar një përmbledhje tjetër, kështu që, asaj të parës i është bashkangjitur edhe përmbledhja e dytë që së bashku të botohen në këtë libër që kam nderin t'ua prezentoj lexuesve të nderuar. E lus All-llahun që këtë libër ta bëjë të dobishëm si për muslimanët e Evropës, po ashtu edhe për të gjithë të tjerët që kanë trajtimin e tyre, që mos të na privojë nga shpërblimi që u takon hulumtuesve që japin mund, po edhe nëse nuk ia qëllojnë. "Zoti ynë, mos na dëno nëse harrojmë ose gabojmë! Zoti ynë, mos na ngarko neve barrë të rëndë siç i ngarkove ata që ishin para nesh! Zoti ynë, mos na ngarko me atë për të cilën ne nuk kemi fuqi! Na i shlyej mëkatet, na i mbulo të këqiat, na mëshiro. Ti je mbrojtësi ynë, na ndihmo kundër popullit pabesimtarë!" (El-Bekare: 286)

Po ashtu, shfrytëzoj rastin që t'i shpreh mirënjohje fondacionit mirëbërës "Al El-Mektum që pozitivisht iu përgjigj kërkesave të kësaj akademie, e financoi me sinqeritet duke mos ndërhyrë aspak në veprimtarinë e vetë akademisë. All-llahu i shpërbleftë me të mira për atë që e bënë dhe qoftë lavdë*ruar All-llahu me ndihmën e të Cilit plotësohen mirësitë.

Titulli: Akademia Evropiane për Fetva dhe Studime
Shtëpia botuese: Furkan ISM

[Amles]

Ju rekomandoj per lexim librin Poema e besimit.

[La_Lune]

Hyrje ne Ekonomi dhe Financat Islame ishte me te vertete punim shume i mire te pakten per aq pak informacion qe ka mbi kete fushe ne kendveshtrimin Islam.