Zbulohet një fis i ri

[Coca-Cola]

Bota u mahnit me fotografitë e pabesueshme nga xhunglat në zonat e thella ndërmjet Brazilit dhe Perusë në Amerikën Jugore.

Një fis autokton deri te i cili askush nuk ka arritur, jeton sikurse para një mijë vjetëve, kështu që me shigjetë dhe shtizë mbroheshin nga aeroplani në të cilin ishte ekipi shkencor kërkimor. Deri më tani në botë janë regjistruar rreth njëqind fise të tilla të cilët nuk kanë pasur kontakt me botën e jashtme dhe në këtë mënyrë ende jetojnë si në parahistori

Qeveria e Brazilit i cilësoi si të mahnitshme fotografitë e një fisi autokton i cili jeton i izoluar tërësisht në viset më të largëta të Amazonës, në rajonin kufitar ndërmjet Brazilit dhe Perusë. Në fotografi shihen më tepër anëtarë të fisit të ngjyrosur me të kuqe. Disa prej tyre me shigjeta dhe shtiza marrin në shënjestër aeroplanin në të cilin ishte ekspedita që i fotografoi. Në to shihen qartë edhe shtëpizat e tyre nga kashta të ndërtuara në mes të xhunglës së gjelbër. Aktualisht, në botë ekzistojnë edhe disa qindra fise të cilët jetojnë në izolim të plotë, gjysma prej tyre janë në Brazil dhe Peru. Qeveria e Brazilit bëri të ditur se fotografitë janë bërë që të dëshmohet ekzistenca e tyre dhe që duhet të ndihmojë në mbrojtjen e hapësirës së tyre të jetesës. Një rrezik i madh për ekzistencën e këtyre fiseve të paprekur të cilët jetojnë sikurse para shumë mijëra vitesh, janë edhe sëmundjet ngjitëse. Në të kaluarën anëtarët e fiseve të tillë të cilët erdhën në kontakt me njerëzit, për ta, nga bota e jashtme, vdiqën nga sëmundjet për të cilat nuk kanë imunitet, sikurse që janë gripi dhe fruthi./ALSAT/

[alda09]

Zbulim interesant.