Nuk i trëmbem natës

[riza2008]

Në kulmin e dëshpërimit
Nis e shkruaj poezi.
Kujtoj vargjet e Naimit
"Bagëti e Buqësi".

I kujtoj lisat e lartë,
Tek koria për mbi breg.
Eci drejt përroitthatë,
Vrapin ndaloj tek një shteg.

Tek burimi poshtë rrungajës,
Lumin shikoj krejtë të qetë.
Më ngacmon arom' e thanës
S'di pse vetia mu duk mbret.

Tek bregoria bukuroshe,
Ulem,çlodhem pa merak,
Kokën mbështet mbi një qoshe
Lëndinën kam për jatak.

I malluar e gdhij natën
Endërruar dhe me shpresë.
Veç në mëndje e gdhënd datën
Ky kujtim s'mbesoj të vdesë.

[riza2008]

Qiparisi

Me lot kam mbjellë një qiparis,
Tek varri i nënës në pranverë
S’besoj kjo pemë të të bezdisë,
Veç hije e fresk të sjell në verë.


Në maj kur vitin do të mbushë,
Do lagen degët me pika loti,
Ti qiparis do jesh dikush
Një avokat i madh tek zoti.


Si dëshmimtar i gjithësisë,
Do t’më tregosh ti për çdo stinë,
C’far halle dalin aty poshtë
Sa njerëz shkojnë, sa njerëz vijnë.


Kështu të dy do miqësohemi
Në jetë të jetëve s’do të harroj,
Ti qiparis jet e poetëve ,
Për gjethin tënd vargu lotoj.




Shënim : Këtë poezi ja kushtoj nënës time Farie Cato
E cila u nda nga jeta më 30.05.2006.

[riza2008]

I ndarë më dysh qielli më duket,
gjysma e kaltër,gjysma me re.
Kështu më duket dhe bora në male,
gjysma e ngrirë e gjysma rrëke.

I ndarë më duket dhe pylli me bredha,
gjysma jeshil,gjysma dyll e verdhë.

Rrungajat kanë mbetur të shkreta,
ujë rrjedhin pak,gurët vjellin vrer.

Një ankth të madh kam në gjoks,
pritja e lodhja më bren,
ndaj çdo gjë ndryshe e shikoj,
ndoshta sot pritja nuk më gënjen.

[riza2008]

Nuk qe e thënë që të vazhdonte,
kjo ndjenjë e lodhur në kllapi.
Ja donte shpirti dhe ma donte,
nuk di ç'far ndodhi,jo s'e di.

Po të them ndarje,ndoshta s'pranohet,
po i them ftofje,ndoshta më mirë.
Si ndarje,ftofje,as gjë s'tregohet.
Ngeli e fshehtë e bukura dëshirë.

As gjë s'do them po s'foli zemra,
Do dëgjoj rrahjet për çdo darkë.
E di që ajo jeton brënda
dhe sharjen nuk e ka për hak.

Do pres me ditë,a ndoshta vite,
e kam një shpres që nuk më lë.
Po ndodhi ndryshe më mërzite,
Dhe buzëqeshje,nuk do ketë më.

[riza2008]

Vëndlindja

O Limar ,o vënd i largët
Për ty gjithmonë ndjej mall.
O Limar dërras e bardhë
Ku stërralli lëshon zjarr.

Je vëndlindja ime e dashur
Të kujtoj me nostalgji.
Kujtoj SHpardhin dhe Prodanin
Çajupin që ke karshi..

Bregu Catos në mes të fshatit
Kishte rreth dy,tre shtëpi.
Shtëpia ime e gurtë
Më duket si perëndi.

Si hije kishim bajamen
Na qëndronte si çati.
Nga pusi ne pinim ujë,
Ujë të ftohtë si në GJonzi.

Vënd i skalitur me gurë
Natyra bën mbrekulli.
Hijet qenë të pakta shumë
Mani i zi nxjerr veç raki.

Nga vëndndodhja kuti ndodhesh
Është për tu ardhur çudi,
Djem dhe vajza si lastarë
Të etur për dituri.

Rrapi Lëmejsit si shënjë
Kalanë sheh me dashuri,
Vrimë e Pëllumbit e bukur
Si shtëpizë për çdo njeri.

Qafë e Limarit të shënjtë,
Që shërbente si kufi
Ku ndahej djali nga nëna,
Edhe nisej për ushtri..

Përroi që përshkon fshatin,
Është për tu patur zili.
Gjarpëron si gjarpërushe,
Sjell shumë zhurmë kur bie shi.

[riza2008]

Bregu i Xanës si lëgjendë
Dimrin nxin,verës verdhon,
Shikon Grillin,shikon Ngjeqin
Është një pikë që dominon.

Ti ke bukuritë e veta,
Do shumë kohë që ti përshkosh.
Shumë të kanë thënë tungjatjeta,
Shumë shtëpi kanë ngelur bosh.

O Limar,o vënd i thatë.
O Limar, shtruar me gurë.
O Limar, përroi gjatë.
O Limar pa një pike ujë.

Si do që ti të mbetesh
Vëndlindja s’harrohet kurrë
Kujtoj shok,e kujtoj miq
Malli më merr dhe për gurë.

[Sorkadhe_Kelcyre]

Riza i nderuar
vetem mos ndalo
krijime te na sjellesh
e te na cosh kudo..

Nder te bekuarat male
nder perrenj a burime
se vec per ato loton
vazhdimisht zemra ime...

[riza2008]

Faleminderit Sorkadhe Kelcyre.Ç'far te bejme engledisemi me kujtime dhe hedhim nga nje varg duke i bere qejfin vetes.E gjithe ajo zone po thuajse eshte braktisur,tani rregulluan xhaden dhe tek tuk kane filluar ti ngrejne nga e para shtepite.Une kur me bije rruga andej edhe gezohem edhe trishtohem.Edhe Kelcyra pothuajse e larguar,por eshte populluar nga banoret e fshatrave perrreth,ata qe kane qene vendas jane larguar ne per qytetet e tjere sidomos Tirane dhe Durres qe ti mbesoj se e di kete fakt.Te uroj gjith te mirat .

[Sorkadhe_Kelcyre]

Kur rruga per Kelcyre prape te te bjere
Ndaloje makinen edhe zbrit njehere

Poshte gurores, para Ujit te Zi
A Ngjirit Cumanint, ku te duash ti.

Kur nga buze e xhades poshte te shikosh
Nje kelcyriote te larguar dua te kujtosh

E t’i thuash lumit se shume jam djegur
Nga dallget e tij trupin per ta prekur

Nga krahet e babit papritur u leshova
Aty ne ate vend , notin kur mesova

S’i pata frike dallget, as hinkat a shpellat
Vetem notoja , pa menduar te tjerat

S’e dija se kaq mall do ndjeja nje dite
e do ta tregoja vec tek poezite…

[riza2008]

Bravo shume e bukur.Te lumte sorkadhe venlindja nuk harrohet kurre,Faleminderit.