Nuk i trëmbem natës

[riza2008]

Më uron:"Mik,të jesh i lumtur,
për djalin që nis larg..."
Unë dridhem si një flutur,
që digjet për mbi flakë...

Një lak në fyt do ta pranoj,
veç një urim të tillë jo...
Dritën nga sytë sot po largoj...
-Ç'mik të paskam vallë,
kur ti qorr më do?!....

[riza2008]

Tek ara në Gjokushtë,
Lofata mbi një ledh.
Atje shkoja çdo Gushtë,
Atje ku hija bredh.

Sa vargje atje shkrova,
Rreth trungut për kujtim.
Gjithmonë m’u gjënde pranë,
Në gaz e hidhërim.

Sa herë nis shtegëtimin,
Mes vapës nëpër terr,
Por sytë para nisjes
I mbylla edhe një herë.

E ndjej si degët tunden
Dhe ledhi si u thinj.
Tek fletët që lëkunden
Shikoj portretin tim.

Mi skuqi dielli faqet,
Mi thau er’ e sertë.
Tek ferra manushaqet,
Jetojnë si një mbretë.

Jam larg me orë të tëra,
Nga ai vënd tani.
Më çpoin si gjilpëra,
Kujtimet për të dy.

[riza2008]

Vendosa do iki,mes ëndrrash do humb,
Do grindem me erën,do çirrem me natën,
Në detin e kripur do zhytem në fund,
Me miken çapkëne do ta shuaj vapën.

Do hyj nëpër bahçe,do mbledh luleshqerra,
Rrugës do vrapoj si një kal i sertë.
Do ndal tek një vënd që më hapet dera,
Do ta coptoj qiellin ,do ngjitem mbi retë.

Dhe po u rrëzova mbi barin si mjekërr,
Do ngrihem pa tjetër,do puth këto dhera,
Me rrezet e hënës do krihem pa tjetër,
Mbi borën e ngrirë do t'u sjell pranvera.

[riza2008]

Mos më ngarkoni me lëvdata,
As gjë nuk mbaj dot mbi vete.
Sot jam lodhur nga e prapa
Dhe buza ka etje.

E ndjej veten tel i sertë,
Vetëm flaka mund t'më zbuti..
Po çfar bën ore i drejtë,
Ura telat i këputi?!.....

[riza2008]

Unë eci nëpër male e zgjoj pyje,
Se pyjet flënë kur natyra heshtë.
E sodis qiellin të mbushur me yje
Dhe kopenë që e udhëheqin deshtë.

Unë flë në shpella ku flenë arinjtë,
Në folenë ku ka ndërtuar urithi.
Shok i bëj ata që shtrëmbëroin turinjtë
Dhe mbi gur të lulëzoi drithi.

Unë lahem në lumë me ujë dëbore
Dhe në detin e trazuar shetis.
Si sorkath kaloj shtigje shekullore
Dhe diellin të tërin e mbaj mbi kurriz.

Unë shkoj në qytet me pantallona të grisura
Dhe kafen ekspres e pi si ujë kroi.
S'trëmbem nga vest,nga planet e stisura,
Vërshoj, si në vjeshtë, përroi.

Unë eci e eci e s'di se nga vete,
Me jetën kuptohemi si moshatarë.
Lodhem e çlodhem mbi vullkane dhe tërmete
I vadit me djersë livadhe dhe ugarë.

[INDRITI]

Vendosa do iki,mes ëndrrash do humb,
Do grindem me erën,do çirrem me natën,
Në detin e kripur do zhytem në fund,
Me miken çapkëne do ta shuaj vapën.

Do hyj nëpër bahçe,do mbledh luleshqerra,
Rrugës do vrapoj si një kal i sertë.
Do ndal tek një vënd që më hapet dera,
Do ta coptoj qiellin ,do ngjitem mbi retë.

Dhe po u rrëzova mbi barin si mjekërr,
Do ngrihem pa tjetër,do puth këto dhera,
Me rrezet e hënës do krihem pa tjetër,
Mbi borën e ngrirë do t'u sjell pranvera.

Na frymezove Riza, i mrekullueshem si perhere

Do ti marr ngjyrat ylberit
e me to do pikturoj
sa inate do i vije vrerit
qe me te boten do gezoj.

Do ti marr aromen lules
te deh me te boten mbare
do ti marr krahet flutures
e do te vallezoj ngadale.

Do ti marr puhizen malit
ujet e ftohte do ti marr
do ti marr shpejtesine kalit
e di ti hidhem permbi shale...

Do ti marr egersine pyllit
Kengen e zogjve do te marr
ndoshta dhe melodine e fyellit
si thua te mar dhe nje kitare?

Do te mar nje stilolaps blu
e do te shkruaj mbi te bardhe
ne oxhak do te hedh ca dru
dhe do te ngrohem ne flake.

Oh!harrova te mar ca gure
dhe pse jane te ngrire do ti mar
me to do te bej nje mure
aty poshte nen livadh.

Do te mar edhe nje peisazh
por kete here do shkoj me larg
do te mar pishat andej ne plazh
dhe valen qe bregun lag.

Me pas do marr dhe zemren time
si bore pashkelur lart ne mal
Do e shkul nga gjoksi pa ndjere dhimbje
Dhe ty moj vajze do te ta fal.

[riza2008]

Pershendetje INDRIT qe vizitoni dhe shkruani ne faqen time.Respekte

[riza2008]

Në mes të natës,ku rrugët flinin,
Këndon njeri? O ç'këngë qe!
Dy burra bënin që të më ngrinin,
Nga gjumi thellë,s'po gjëja pre.

Një vërshëllimë e gjatë zullumi,
U zgjat,u zgjat sa dita ra.
Po për çudi s'më dalka gjumi,
Tri herë më tundën,por mazalla.....

As në dritare s'dola të shihja,
Edhe në shtrat i njëjti kra.
Ç'far është kjo mëndje,s'doja ta fshihja,
Vërtet ky gjumë si pa sevda.

Sa feks mëngjesi,pyet komshija:
Kush këndoi natën me atë zë?
S'e hapa gojën,ç'ti thoshja, s'dija,
Po flija gjumë,s'dëgjova gjë.

Po isha shurdh e përtac unë
Dhe gjumin dot nuk e braktisja.
Po këndoi nesër s'do të flë gjumë,
Një jetë të re me të do nisja.

[riza2008]

Kasafortë e bëra zemrën time,
Të të ruaj nga pisllëqet e botës mizore...
Për të tjerët le të mbetesh anonime,
Unë, si shënjtor
Të njoh për hyjnore....

[riza2008]

Në fshatin ku unë kam lindur,
Prap po kthehem përsëri.
Me një tuf lule,i bindur,
Nga e bukura fëmini.

I kërkoj ato rrugica,
Selishta edhe lëndina.
Ca më zënë në ëndërr prita,
Ca heshtin nën drithërima.

Aty pranë një rrëke uji,
Një oborr mur i rrethuar.
Afër portës si me bujë,
Një bajame degëlëshuar.

Ajo gurgullimë uji,
Sa kujtime më ka zgjuar.
Me ritmikën monotone,
Thellë në vite më ka çuar.

Në Sodolin zhurmëshumë,
Çamarrokët si dikur.
Tek Gjokushta po flënë gjumë,
Ata që s'harrohen kurrë.

Këta zëra dhe rrugica,
Asgjikundi nuk i gjej,
As me Lanën ,as me parqet,
Me Tiranën s'i këmbej.