Harami hallall nuk bëhet!

[Veton Shkupi]

I gjithë rajoni dhe Europa janë të njoftuar me zgjedhjet e përgjakshme ne Republikën e Maqedonisë, humbi jetën një aktivist i Bashkimit Demokratik për Integrim, shumë të tjerë u plagosën, një nga të plagosurit është në rrezik jete, u mbushën kutijat votuese, u fyen dhe u rrahën aktivistat e BDI-së! Terror i vërtetë u ushtrua ndaj shqiptarëve nga shqiptarët e PDSH-së të ndihmuar nga forcat parapolicore!

Dikush festoi më 1 qershor ndërsa të tjerët shprehën ngushëllime dhe përkrahje te vdekurit dhe të plagosurve, dikush festoi së bashku me flamujt e maqedonasve të cilët kremtuan vrasjet e shqiptarëve!

Një porosi deri te të gjithë aktivistat e PDSH-së dhe deri te kryesia e udhëheqësia e kësaj partie politike -

HARAMI HALLALL KURR NUK BËHET!!!

[Renea]

Pyetje shum e leht per tu pergjigj , mendoj edhe vet antart e PDSH-se po e pranojn se kan vjedh votat dhe se kan shkaktu incidente.
Edhe shoket nga Tetova po kallxojn per at cka ka ndodh , bile po thojn marre po na vjen cysh po festojn bashk me shkijet.

[Veton Shkupi]

Nuk kan marre ata JO!

[Veton Shkupi]

tash sa lajmeruan disa burime te sigurta qe jane leshu flet arrest per te plagosurit (aktivistat e BDI)! Ky terror nuk eshte perdorur as ne vitin 2001! Mirepo si thojne

JAU KTHEFSHIM PER T'MIRE!

[Münster]

Perverziteti politik i Menduh Thaçit!



Menduh Thaçit le ti vijë turp, e jo të festoj “fitoren”!



Shkruan: Bashkim HOXHAJ / 02. 06. 2008



· Foto: Menduh Thaçi gjatë vizitës së fundit në Kosovë



Ngritja e toneve, akuzat e ndërsjella, atentati ndaj liderit të BDI-së, z.Ali Ahmeti, mesazhet ogurzeza të politikës shqiptare (në relacionet PDSH-BDI), në Maqedoni, më në fund patën epilogun e vet. Sipas versionit zyrtarë, së paku një 1 i vdekur dhe 9 të plagosur nga incidenti i ndodhur. Zgjedhjet u përgjakën. U shkaktuan viktima të panevojshme për hir të një grimë pushteti. Epilogu i kësaj ngjarje të hidhur pothuaj ka qenë i ditur. Simptomat e përfundimit të tillë janë shfaqur qysh gjatë fushatës elektorale, por edhe më herët. Dy partitë rivale kryesore, BDI-PDSH, për të arritur ngjitjen në pushtet, i ngjanin çdo strukture tjetër, sigurisht në kënde të ndryshme, por assesi partive të mirëfillta demokratike. Assesi partive të dala nga gjiri i popullit nga i cili kanë lindur, dhe për të cilin do të duhej të angazhoheshin. Si soditës i rrjedhave, personalisht asnjëherë nuk kam mundur ta kuptoj rolin e njëmendët të Menduh Thaçit. Kujt i shërben vërtetë ky njeri. Për kë punon. Për atë person janë thënë një mori tregimesh: njeri mafioz, biznesmen, i korruptuar, kleptoman etj. Njeri që favorizon klanet e tija, krijues i grupimeve në gjirin e partisë së tij, përçarës i shqiptarëve, e çka nuk është thënë tjetër.

Kam arritur të kuptoj vetëm se është politikan i nivelit të ulët intelektual, arrogant, egoist, përçarës, demagog e primitiv. Formate të këtij lloji politikanësh sigurisht më tepër janë të dëmshëm, aspak të dobishëm. Pa dashur të hyj në aspekte të tjera se çfarë bëri apo nuk bëri për shqiptarët prej se Menduhi është në skenë, ngase këtë e dinë më së miri ata vet. Do të doja që shqiptarët ta vlerësojnë ashtu siç e meriton me votën e tyre. Një gjë desha të them. Menduh Thaçi, kryetari i PDSH e cila është në qeveri, për asnjë çast të vetëm nuk dha mesazhe të paqes ndër shqiptare, tolerancës ndërpartiake, unitetit kombëtar - jo asnjëherë. Ai me paraqitjet e tija herë pas here nëpër media të linte përshtypjen e dëshirës për tu marrë me njerëz të “mëdhenj”qoftë edhe kur nuk thoshte asgjë. Për Menduhin me rëndësi është kacafytja, ngritja e tensioneve politike për arsye që vetëm ai i di. Tensionet u ngritën deri në atë shkallë sa që gjatë zgjedhjeve atje u shkaktuan konflikte të armatosura. Njësitë policore të shtetit maqedonas ndërhynë në procesin zgjedhor duke vrarë e plagosur shqiptarë, përkatësisht aktivist të BDI-së. PDSH-ja e Menduh Thaçit është parti në pushtet dhe dyshimet për implikime janë më se evidente.

Kulmi i perverzitetit politik i Menduh Thaçit arriti me festimin e tij dhe partisë së tij për fitore fill pas zgjedhjeve. Akoma pa u ditur saktësisht rezultati i zgjedhjeve, ende pa u tharë gjaku i derdhur i shkaktuar për tekat e politikës intolerante, hala pa u qetësuar gjakrat, ky njeri pa pikë turpi denjoj të festonte fitoren. Ndonëse për fitore të tij e partisë së tij nuk bëhej fjalë. Rezultatet e dhëna treguan se partia e Menduh Thaçit nuk ishte fituese. Por nuk ka rëndësi kjo. Çështja konsiston se ky njeri, ky individ, ky politikan nuk i duhet shqiptarëve. Shqiptarët janë ngopur me luftëra, konflikte e gjakderdhje. Kohërat e luftërave kanë pasur bartësit e vetë, kanë qenë të tjerë njerëz ata që bënë luftërat. Në kohën kur zhvilloheshin ato, menduhthaçët e mjaft të tjerë si ai sodisnin kafeneve, sabotonin e s’linin gjë pa bërë për të penguar. Nuk e kam të qartë se pas asaj që ndodhi, a do të ketë fytyrë ky njeri për tu takuar me elektoratin shqiptar. Por momentet tregojnë se ky njeri nuk ka cipë, nuk ka as vizion, nuk e din se çfarë kërkon e çfarë dëshiron. Ruana zot prej të tillëve.

[arusha e malit]

Nuk duan aktivistet e ndershem te pdsh te festojn me VMRO.Po jan nji grup i vogel qe bejn ate pun.Po edhe aj grup at nat ka qen i revoltuar nga mos dalja ne bin e MENDUH THACIT.Bile jan shpreh ne ket menyr, si nuk i erdh mare gjith at pun kemi be tan diten me rezik kemi vjedh vota e nuk doli as te na pershendes.

[Renea]

Puna esht se as pales tjeter nuk ju pengon , sepse edhe ato po i ndiejn si te vetit , po jan shum te afert , kan kriju met vertet partneritet strategjik . Kan me ja nis me u martu mes vete , mos ta perzijn gjakun me te BDI-se , por me te VMRO-se mundet.
Ne Kumanov ne vitin 2006 , kur fitoj BDI-ja , ne anen tjeter VMRO-ja , dhe u mbledhen ne shesh per ta festu , edhe te BDI-se u nisen drejt sheshit , mirpo ishin rreth 100 polic qe beren kordon , sepse dot beheshte luft aty , e jo sikur kta te PDSH-se qe i lidhin flamurat.
Ata as nuk guxojn te festojn ne pjesen shqiptare e lere mo te ofrohen afer selive partiake.
E dijn kufirin , mirpo ne Tetov ne vend se tju bejn presion shkijeve , qe te shporren prej aty , cdo dit tu japin dajak dhe presione te ndryshme , keta po u japin krah qe edhe me tej te ket shkije ne Tetov.

[StormAngel]

Eshte haruar te permendet ne sondazh edhe opsioni me kryesor: Paraja.

PDSH ose BDI jane vetem emra, eshte leku ajo qe i sjell edhe largon problemet.

[Juventus]

Mendoj qe sondazhi eshte shume kot, nuk di aty te pdsh-se do votojn bdi-ja, te bdi-se do votojne pdsh-ja, kshu qe dihet.
Por mbi gjitha e dime qe gabimine bdi-se ne 2006 e perseriti pdsh, pse nuk mbusheni me mend???

Koha eshte per ndryshim, se ketyre u ka dal boja ma ska gja.