A duhet të konsiderohet duhani si haram në islam?

[Murabit]

S'imbas mendimit time ne kete teme, duhet te behet dallimi ndermjet demtimit te shendetit ,haramit ,dhe islamit s'i religjion. Ne shume raste muslimanet kane arritur rezultate pozitive duke e perdorur fjalen haram. Per cdo fenomen negativ qe demton shoqerine ,kurre s'ka mundesi te zgjidhet me ligje ,fjala haram i ndalon me nje menyre te prere rreptesishte e ndaluare,pa kompromis.

S'ikur duhani te ishte perdorur ne kohen e Muhametit a,s, me siguri se duhani do te ishte i ndaluare rreptesishte ,haram ,s'i qe eshte haram alkoholi dhe mishi i derit.

Fjalia haram :

Me siguri se fjala haram ne shume raste ndikon pozitivishte ne shoqeri. Me nje fjale .............fjala haram ka kuptimin e pergjithshem , qe te dallon nga e mirat dhe e keqja,duke u bazuare edhe ne fjalet e Zotit.



Ne shume shtete te evropes perendimore eshte marre vendime ,me ligje ,ndalohet thithja e duhanit ne vendet publike . Ne kete raste nuk behet fjale per haram dhe hallal ,pore behet fjale per mbrotjen e shendetit te njeresve. Ne anen tjeter, perdorimi i bimeve narkotike, jane de ndaluara me ligje ,s'a qe shume njeres vuajne dhe vdesin per shkake te perdorimit te tyre .

Ne kete raste, fjala haram do te kishte me shume rendesi s'i kur t'a kishte ndaluare prodhimin e bimeve narkotike ne shume shtete muslimane.

Duhani eshte i demshem per shendetin e njeresve,

Përshëndetje ...

Pasi që jemi në rubrikën Komuniteti Musliman atëher duhet të dim spaku edhe për cka bëhet fjal në këtë rubrik ...

Në islam mendja ime dhe e jotja nuk jan në rend të parë, ne islam nr 1 është Kurani pastaj vijon nr 2 Sunneti pastaj vijn Ixhmaja (Konvenzimi) dhe Kijasi ...

Pra nuk më takon mua dhe ty të flasim për një dispozit të fes pa u kthye fare në këto baza të fes islame ...

Por ndoshta ke menduar se je në rubriken e politikes edhe ketu dhe ke shprehur mendimin tend duke mohuar edhe disa terme që janë obligative në fe, por ndoshta ke menduar se mohimi i tyre është i leht sikur kur ua mohon atyre partiashve te rubrikat e politikes krytart apo pasuest e atyre partive helmuese ...

Pra kur të flasim këtu le të flasim me argumente fetare dhe duke iu dhënë argumenteve përpasi para çdo gjëjës...

Pasi që ti sjellim argumentet atëher mundet të flasim dhe të vazhdojm biseden rreth argumenteve ... por nuk besoj që ka nevoj edhe të diskutohet pas sjelljes së argumenteve ...


Një gjë duhet ta dim të gjith sepse pash këtu lloj lloj mendime ...

Une kur të lë një gjë se eshte HARAM atëher automatikisht llogaris këtë vepër apo këtë gjë që të shpërblehem për të, sepse unë po e lë për hir të Allahut dhe vetëm pse është urdhëri i tij.
Ndërsa nëse unë e lë një gjë që është Haram por nuk e lë sepse nuk më pëlqen mua e jo pse është haram atëher une kam vepruar mir por nga kjo nuk meritoj të shpërblhem dhe nuk do të kem shpërblim nga ana e Allahut subhenhu ue teala..
Këtë që po e them e vërteton hadithi i Omerit radijallahu anhu ku thotë:
Trasmetohet se prijësi I besimtarëve, Umer Ibnul Hattabi, ka thënë : “ Kam dëgjuar të Dërguarin e All-llahut (s.v.) duke thënë:
“Të gjitha veprat vlerësohen nga qëllimi (nijeti), ndaj dhe ҫdo person shpërblehet sipas qëllimit të tij. Kush emigron për hir të All-llahut dhe të Dërguarit të tij, atëherë shpërblimin do ta marrë nga All-llahu dhe i Dërguari i tij. Ndërsa kush emigron për të përfituar diҫka nga pasuritë e kësaj bote, apo për tu martuar me një grua, atëherë shpërblimi i emigrimit të tij është ajo punë për të cilën është nisur. Trans. Buhariu dhe Muslimi

Pra për atë kur lëmë një gjë atëher duhet ta lëm atë me qëllim apo nijet të mir që të shpërblemi për këtë gjë e jo vetëm për knaqësin ton.

Atë që e ka bërë feja haram sado që të mundohem unë të flas dhe të filozofoj nuk do të kem mundësi ta ndryshoj dispozitën e saj, ndoshta sotë për fat të keq gjejm lloj lloj fetwash por prap ka persona të cilët e vazhdojn rrugën e pastër dhe nuk pasojn epshet dhe dunjallekun për të humbur Ahiretin ....


Ndërsa për ata shtetet e evropes që ke treguar ata e gënjejn veten dhe ua lajn trurin atyre që jetojn aty duke bërë kësi lloj gjestesh që ndokujt i mbesin marak..

Nëse une e ndaloj një gjë atëher e ndaloj edhe të punuarit me të.. Më trego tash cili nga ata shtete e ka ndaluar prodhimin e DUHANIT ?!!!

Pra ata jan vendime të kota dhe vendime që nuk kan vlere aspak fare.


Feja islame kur e bënë haram apo në shqip e NDALON konsumimin e duhanit automatikisht kuptohet se edhe prodhimi i tij është haram gjithashtu edhe punimi i tij është haram dhe kështu me radh ...

Për më tepër do të sjelli disa fetwa dhe fakte më të qarta inshallah ...

Lexo postimet në vijim:

[Murabit]

Pyetje: A lejohet marrja e dyqaneve me qira me qëllim të shitjes së duhanit dhe kaseta të këngëve të ndryshme dhe video kaseta të papëlqyeshme?

Pëgjigje: All-llahu (Xhele Shanuhu) thotë:

? Dhe ndihmoni njeri-tjetrin në mirësi dhe mos e ndihmoni njëri-tjetrin në gjynahe dhe zemërim.? El-Maideh, 2

Nga ky ajet mund të nënkuptojmë se marrja e këtyre dyqaneve me qira për qëllimet e cekura më lartë është haram, sepse kjo është ndihmesë në gjynah dhe zemërim.

Pyetje: Ç´farë është vendimi i Sheriatit për pierjen e duhanit dhe shitjes së tij?

Përgjigje: Pirja e duhanit është haram, poashtu edhe shitja, blerja apo marrja e dyqaneve me qira për shitjen e duhanit është haram, sepse kjo është ndihmesë në gjynah dhe zemërim, dhe ç`do gjë që të shpie në haram, është haram.

Për ndalimin e duhanit egzistojnë shumë ajete Kur'anore, ndër ta është edhe ajeti në të cilin All-llahu (Xhele Shanuhu) thotë:

??Dhe mos e mbytni vehten tuaj (as edhe njeri tjetrin).? En-Nisa, 29

Nga ky ajet nënkuptojmë se konsumimi i duhanit është haram, sepse duhani është shkaktar i shumë sëmundjeve vdekjepruese, të cilën e kanë konstatuar shumë mjekë, siç është kanceri në organet e frymëmarrjes etj.

Poashtu, Pejgamberi (SalAll-llahu Alejhi we Selem) na e ka ndaluar humbjen e pasurisë, e nuk ka dyshim në atë se, shpenzimi i pasurisë për blerjen e duhanit është humbje e pasurisë, sepse shpenzimi i pasurisë në atë që nuk ka dobi, padyshim se është humbje e pasurisë.

Argumentet për ndalimin e pierje së duhanit janë të shumta, por për ata, të zotët e mendjes (për ata që kuptojnë), është i mjaftueshëm një argument nga Kur`ani apo Sunneti.

[Murabit]

Disa pyetje për konsumatorët e duhanit



1. Vëlla musliman: A bën BISMIL-LAHIR-RAHMANIR-RAHIM kur të fillon pierjen e duhanit, ashtu sikurse bën kur hanë apo pinë diçka?

2. A e falënderon All-llahun (a thua EL HAMDU LILAH) kur ta përfundosh pierjen e duhanit?

3. A ka prej ushqimeve apo pijeve tjera, përveç duhanit, që e shkel me këmbë pasi që e përfundon pierjen e tij?

4. A e këshillon fëmiun tënd që ta konsumojë duhanin, ashtu sikur që e këshillon që të hajë bukë apo të pijë ujë, dhe a të vjenë mirë nëse e sheh fëmiun tënd duke pi duhan?

5. A ështe prej Sunnetit të Pejgamberit (SalAll-llahu Alejhi we Selem) që të bësh iftarë me duhan?

6. A është konsumimi i duhanit një vepër që, të tjerët mund të marrin shembull tek ai i cili e konsumon atë?

7. A ka ndonjë ushqim apo pije, përpos duhanit, në të cilën shkruan se, përdorimi i tij?

8. A e ke përgatitur vehten për t´u përgjigjur para All-llahut (Xhele Shanuhu) për mosdhënien e lëmoshës (sadakase) ndaj të varfërve, jetimëve apo fqinjëve, të cilët i ke të varfër apo farefisit tënd, të cilët ecin të uritur? A mos do të jetë përgjigjja jote se: ´Kam dhënë lëmoshë (sadak) me ato të holla, të cilat më kanë tepruar nga blerja e duhanit?


Vëlla musliman, mos e mashtro vehten tënde dhe mos u bë mendjemadh në pranimin e së vërtetës. Vëlla musliman, paramendoje vehten tënde, nëse një mjek të thotë që mos ta konsumosh duhanin sepse do të të keqësohet gjendja jote shëndetësore, apo se do t´a shkurtojë jetën tënde, sigurisht se do ta lësh konsumimin e tij, kurse vëlla i dashur,

All-llahu (Xhele Shanuhu), Ai i Cili të ka krijuar dhe ta ka dhënë shpirtin, të thotë që mos ta konsumosh më duhanin dhe dije se, nëse nuk e ndërprenë konsumimin, pason ndëshkimi në Ditën e Gjykimit.

Vëlla i dashur, pendohu te All-llahu (Xhele Shanuhu), pendohu para se të arrijë ajo ditë kur nuk të bën dobi as malli e as familja, dhe do të jesh vetëm me veprat e tua të mira apo të këqija. All-llahu na udhëzoftë në rrugën e drejtë dhe na e mundësoftë dhe na e lehtësoftë lënien e duhanit.

All-llahu (Subhanehu ve Teala) e di më së miri

[Murabit]

Një porosi konsumatorëve të duhanit





Është pyetur Abdurrahman Nasir Seidi se çfarë është vendimi i Sheriatit mbi pirjen e duhanit:


Kjo porosi është nga dijetari i njohur Abdurrahman Nasir Seid (Rahimehullah), i cili është pyetur për vendimin e Sheriatit mbi pirjen e duhanit dhe tregtija me të, se a është haram apo mekruh tahrimen. Abdurrahman Nasir Seidi (Rahimehullah) është përgjigjur:

Pirja e duhanit, shitja e saj, transportimi i saj, apo blerja e saj për dikë tjetër është haram, dhe muslimanit nuk i lejohet që ta konsumojë atë apo ta blejë atë për dikë tjetër, e ai musliman i cili e ka bërë një gjë të tillë, i duhet që të pendohet te All-llahu (Xhele Shanuhu) me një pendim të sinqertë, sikurse që pendohet nga një mëkat që e bën, sepse konsumimi i duhanit është prej mëkateve të mëdha, duke pasur parasysh se duhani shakakton dëme fetare, trupore dhe materiale.

All-llahu (Xhele Shanuhu) në Kur'an thotë:

?Ai u lejon atyre sit e ligjshme At-Tajjibe (gjithçka të mirë dhe të ligjshme për besimin, punët, ushqimet dhe sendet) dhe ua ndalon sit e paligjshme Al-Habaith (gjithçka të keqe dhe të palejueshme për besimin, punët, ushqimet dhe sendet)? El-A'raf, 157

Poashtu All-llahu (Xhele Shanuhu) thotë:

? Dhe mos e shkatërroni vetveten (duke mos e shpenzuar pasurinë në Çështjen e All-llahut)? El-Bekare, 195

? Dhe mos e mbytni veten tuaj (as edhe njëri tjetrin). Sigurisht All-llahu është gjithnjë Mëshirues ndaj jush.?
En-Nisa, 29

Me këto ajete dhe ajete të shumta sikur këto, All-llahu (Xhele Shanuhu) na ka ndaluar ç'do të keqe dhe të dëmshme dhe ç'do gjë që bën dëm dhe keq, është e ndaluar, kurse e keqja dhe e dëmshmja mund të dallohen përmes gjurmëve të tyre, dhe ne e dimë fare mirë se duhani është shkaktar i shumë sëmundjeve dhe është shkaktar i dëmeve fetare, trupore, siedhe materiale.

Prej dëmeve fetare është se, duhani ia vështirëson muslimanit që ta adhurojë All-llahun (Xhele Shanuhu) në mënyrën më të bukur dhe më të mirë, e posaçërisht ibadetet gjatë muajit të Ramazanit ku shumë muslimanë nuk e agjërojnë këtë muaj duke qenë shkaktar kryesor moslënia e duhanit.

Dëmet trupore që shkakton duhani janë të shumta, do t´i cekim vetëm disa prej tyre: duhani dobëson fuqinë trupore, e dobëson poashtu edhe të pamurit, është shkaktar edhe i dobësimit të zemrës dhe humbjen e shijes së ushqimit, saqë njeriu thotë se pa bukë e pa ujë mundem të ri, ndërsa pa duhan nuk mundem.

Prej dëmeve të tjera të duhanit është edhe kollitja, saqë vjen edhe deri te ënjësimi i kanaleve të frymëmarrjes duke e vështirësuar frymëmarrjen. Poashtu, është fakt se, shumë mjekë e kanë vërtetuar se duhani është shkaktar i shumë sëmundjeve të gjoksit.

Duhani, poashtu, është shaktar i dëmeve materiale duke hargjuar të holla për blerjen e saj, e ky investim është i ndaluar, sikurse transmetohet se Pejgamberi (SalAll-llahu Alejhi we Selem) ?... e ka ndaluar humbjen e pasurisë? (Merfu), kurse humbja e pasurisë është më e arsyeshme sesa hargjimi i tyre për blerjen e duhanit, sepse humbja e pasurisë nuk bën dëm të madh aq sa bën dëm hargjimi i pasurisë duke blerë duhan, sepse duhani shkakton dëm material dhe dëm trupor.

Disa dijetarë janë të mendimit se pirja e duhanit është mekruh, e jo haram, por kjo është në kundërshtim me argumentet që i cekëm nga Kur'ani, argumente të cilat argumentojnë se pirja e duhanit është haram, dhe shumica e dijetarëve janë të mendimit se pirja e duhanit është haram, kurse All-llahu (Xhele Shanuhu) thotë: ? Pyetni ata që i dinë librat e Parë, në qoftë se nuk dini? (En Nahl, 43) , d.m.th. pyetni ata që dinë nëse ju nuk dini se çfarë është vendimi i Sheriatit mbi pirjen e duhanit.

Ç'do gjë që është në dëm të muslimanit, pa marrë parasysh se a është në dëm të fesë apo në dëm të trupit të tij, apo shkakton dëm material, është e ndaluar-haram.

Kurse, për atë i cili është konsumator i duhanit i obligohet që të pendohet tek

All-llahu (Xhele Shanuhu) dhe t'i mbështetet All-llahut (Xhele Shanuhu) që t'i ndihmojë në lënien e duhanit, kurse All-llahu (Xhele Shanuhu) është i Plotëfuqishëm që t'i ndihmojë robit të Tij.

Poashtu, duhet ta dijë ç'do musliman se, nëse e len një gjë për hir të All-llahut (Xhele Shanuhu), All-llahu (Xhele Shanuhu) ia zëvendëson me një më të mirë se ajo. Poashtu, duhet ta dimë se, ibadeti i cili është i rëndë për ta kryer atë, ka shpërblim më të madh sesa ibadeti me më pak vështirësi, poashtu edhe personi i cili e len një vepër me shumë vështirësi, për lënien e një mëkati, ka më shumë sevabe sesa një person i cili e len një vepër me më pak vështirësi për lënien e atij mëkati.

Dije vëlla i dashur se, All-llahu (Xhele Shanuhu) nuk e mundon njeriun me atë që nuk mundet ta përballojë, dhe dije se All-llahu (Xhele Shanuhu) kur të sheh se ti je i sinqertë në lënien e duhanit, ta lehtëson lënien e tij. All-llahu (Xhele Shanuhu) na ndihmoftë e na i lehtësoftë rrugët e hajrit.

Është pyetur Abdul Aziz bin Abdullah Bin Baz se çfarë është vendimi i Sheriatit mbi pirjen e duhanit:

Shumë argumente tregojnë për ndalimin e pirjes së duhanit, duke e ditur se ai shkakton dëme të mëdha, kurse All-llahu (Xhele Shanuhu) nuk ia ka lejuar robit të tij asnjë pije apo ushqim, përveç nëse ajo është në dobinë e robit të Tij, kurse ato ushqime dhe pije që janë të dëmshme për robin e All-llahut (Xhele Shanuhu) për fenë e tij apo jetën e tij, All-llahu (Xhele Shanuhu) i ka bërë haram dhe Ai është Mëshirues i gjithë Mëshiruesve dhe është më i Mëshirshëm sesa vet njeriu për vehten e vet, dhe All-llahu (Xhele Shanuhu) është më i Ditur në punët e Tij dhe thëniet e Tij dhe nuk e bën asnjë gjë haram nëse ajo është në dobinë e robit të Tij, sepse All-llahu (Xhele Shanuhu) e di më së miri se çka është e dobishme për robin e Tij dhe çka është në dëm të tij,sikurse thotë All-llahu (Xhele Shanuhu):

?Dhe All-llahu është kurdoherë i Gjithëdituri, më i Urti Gjithëgjykues.? En-Nisa, 11

Për ndalimin e duhanit egzistojnë shumë ajete Kur'anore, ndër ta është edhe ajeti në të cilin All-llahu (Xhele Shanuhu) thotë:

? Të pyesin ty (o Muhammed) se ç'është e lejuar për ta (për t'u ushqyer). Thuaj: Të lejuara për ju janë Et-Tajjibat (të gjitha ushqimet e mira dhe të pastra, të lejuara nga All-llahu si mishi i therrur i bagëtive dhe kafshëve të tjera të ngrënshme, prodhimet e qumshtit, dhjami, fruta e perime etj.)? En-Nisa, 4

Dhe ajeti tjetër, i cili e cilëson Pejgamberin (SalAll-llahu Alejhi we Selem), ku thotë:

?Ai i udhëzon ata për besimin e pastër dhe i ndalon ata nga mosbesimi (politeizmi), ai u lejon atyre sit e ligjshme At-Tajjibe (gjithçka të mirë dhe të ligjshme për besimin, punët, ushqimet dhe sendet) dhe ua ndalon sit e paligjshme Al-Habaith (gjithçka të keqe dhe të palejueshme për besimin, punët, ushqimet dhe sendet.? El-A`raf , 157

All-llahu (Xhele Shanuhu) na e ka sqaruar në këto dy ajetet e latpermendura se, nuk u është lejuar muslimaneve, vetëmse të mirat të cilat i bëjnë dobi muslimanëve, kurse ushqimet dhe pijet të cilat janë të dëmshme për trupin e njeriut, siç është droga me llojet e tij dhe të gjitha ushqimet dhe pijet të cilat janë të dëmshme për fenë,trupin apo mendjen e muslimanit, janë të ndaluara. Kurse për duhanin, të gjithe mjekët janë unanim se, konsumimi i duhanit është shkak i shumë sëmundjeve vdekjepruese.

Duke i ditur të gjitha këto argumente, s´ka dyshim se konsumimi i duhanit është haram, kurse i mençuri nuk duhet të bazohet në atë se, shumica e njerëzve e pinë duhanin edhe unë do ta pi, sepse All-llahu (Xhele Shanuhu) thotë:

? Dhe në qoftëse ti i bindesh shumicës së atyre që janë në tokë, ata do të të dëbojnë tepër larg udhës së All-llahut. Ata nuk ndjekin asgjë, por vetëm hamendjet e tyre dhe nuk bëjnë gjë tjetër përveçse gënjejnë.? En-A´am, 116

? Apo mendon se shumica e tyre dëgjojnë ose kuptojnë? Ata janë veçse si bagëti; -jo ata janë dhe më tej në rrugë të gabuar, larg udhës (së Drejtë) (d.m.th, akoma më keq se bagëtitë)? El-Furkan, 44

Të gjitha falënderimet i takojnë vetëm All-llahu (Xhele Shanuhu).

[Murabit]

Duhani helmi vdekjeprurës

Përbëhet nga:
NIKOTINA: Materie shumë helmuese, konsiderohet një prej helmeve më të forta ekzistuese.

KATRANI: Është materie e zezë ngjitëse, përdoret zakonishtë në prodhimin e materialeve izoluese.



DËMET E PIRJES SË DUHANIT
1. Shtimi i rrahjeve të zemrës si dhe rudhja e arterieve ku gjinden edhe arteriet e zemrës.
2. Infsima: Sëmundje e cila prish ndërtimin e mushkërive.

3. Kanceri: Sëmundje shumë e keqe, formohet si rezultat i shtimit të qelizave.

4. Ndikon në të menduar, kujtes dhe njëkohësisht zvogëlon zellin.

5. Dhimbja e kokës, marramendja dhe dobësimi i nervave.

6. Shumicën e kohës duhanxhiu ndjen nervozë, brengë dhe arrakatje (mendime të hallakatura).

7. Goditja nga iluzionet, vesveset dhe mendimet shqetësuese.

8. Vdekshmëria shtohet me rritjen e numrit të cigareve, të cilat i thith duhanxhiu për çdo ditë.

9. Një cigare e vetme mjafton për mbytjen e njeriut nëse ajo i ipet përmes gjilpëres në venë.

10. Pirja e një cigareje shkurton nga jeta e duhanxhiut pesë minuta e gjysmë? kohë të cilën zakonishtë duhanxhiu e kalon gjatë pirjes së saj.



SHKAQET E PIRJES SË DUHANIT

? Pasimi i prindërve dhe shoqërisë së keqe.

? Percjellja e dobët e familjes dhe çrregullimi i saj.

? Shtypjet e ndryshme shpirtërore.

? Mos interesimi për shkaqet e pirjes së duhanit.

? Mundësia e lehtë për të arritur deri te cigarja, si dhe në anën tjetër mundësia e lehtë për ta bartur dhe fshehur atë.



SHKAQET E VAZHDIMIT NË PIRJEN E DUHANIT

? Argumentimi i vazhdueshëm me dëshirë të dobët.

? Shmangija e vazhdueshme nga tema për dëmet e tij.

? Mosqortimi ndaj konsumuesit të duhanit.

? Ekzistimi i disa shëmbelltyrave në shoqëri, të cilat nxisin në thithjen e duhanit si p.sh. mjeku, baba etj.

? Justifikimi me atë se gjinden persona në moshë me të madhe se ai, të cilët ishin konsumues të duhanit, por qëndrojnë me shëndet të mire.



RAPORT ME RENDËSI

Në një raport nga revista "Shkencat mjekësore", thuhet: "Lënia e terësishme e pirjes së duhanit dhe atë në formë përfundimtare është më e mirë se zvoglimi i numrit të cigareve". Më tej, në raport thuhet: "Fazat më të rënda të vuajtjes nga lënia e duhanit vijnë në dy javët e para". Kurse në një raport tjetër qëndron: "Ata të cilët e lanë duhanin menjëherëshëm, shkalla e vuajtjes tek ta ishte me e vogël dhe këtë gjatë ditëve të pakta, të cilat pasuan lënien e duhanit... kjo formë nxit që të lihet në mënyrë të prerë ".

Siç thuhet në këtë raport se: "Lënesi i duhanit në ditët e tij të para ndjen një humbje esenciale në stabilizim, dhe se ai është shumë i ndjeshëm për kthim tek duhani gjatë ditëve të para".

Dr. Jasir Burhami



HAPAT E LARGIMIT NGA DUHANI

? Ç?lodhja e mirë sidomos gjatë ditëve të para të lënies së duhanit.

? Shtimi i ngrënies së pemëve dhe perimeve të fresketa si dhe mosngrënia e ushqimeve yndyrore.

? Pirja e një sasie të madhe të ujit, këtë për të pastruar trupin nga nikotina dhe lëndet e demshme. Njëkohsishtë zvoglimi i sasisë së çajit dhe kafes veçanerishtë në pesë ditët e para.

? Përpiqu të largohesh nga duhanxhinjtë dhe nga ambientet e ndikuara nga duhani.

? Largohu nga të menduarit në rikthim tek ai në kohën kur ndjen lakmi për të... përkujto dëmet e tij dhe duro, angazhoje vetën me diç prej ëmbësirave dhe qumështit.

? Ushtroje vetën ta përdoresh misvakun.

? Ha çdo ditë pas mengjesit një sasi të limoneve apo portokalleve ngase kjo e zvoglon dëshiren për duhan.

? Vizito klinikën më të afërtë për luftimin e duhanit.



BISEDË ME DUHANXHIUN

Vëllai im për hirë të Allahut,

A e përmend emrin e Allahut ( a thua bismilah) kur të pish duhan?

A thua elhamdulilah kur të përfundosh prej tij?

A gjindet ndonjë ushqim ose pije përpos duhanit, të cilin ti e shtyp me këmbet tua pasi të përfundosh prej tij?

A të vjen mirë të shohësh vajzën apo djalin tënd duke pirë duhan?

A është prej syneti që ta fillosh iftarin në Ramazan me cigare?

Nëse kërkohet prej teje që t`i klasifikosh të gjitha ushqimet në të mira ose të këqija, ku do ta vesh duhanin?

A konsiderohet dhurimi i njeriut vllait të tij një cigare përbrenda fjalës së Pejgamberit a.s: "Dhuroni që të duheni"?

A ekziston ndonjë ushqim apo pije përpos duhanit në të cilin shkruan se është i dëmshem për shëndetin?

A ke angazhuar ndonjëherë vetën me kërkim për datën e skadimit të afatit të cigares? Dhe pse?

Ti polemizon dhe thua se ai nuk është haram porse është mekruh (i urrejtur). Ne të themi: Prej nga ai është mekruh atëherë? A ka të mençur, i cili këmbëngul se ai është mekruh nga ana e Allahut dhe e dërguarit të Tij alejhis salatu ve selam?

A ke përgatitur përgjigje kur të pyet Zoti i botërave për mosjapje të lemoshës të varfërve, jetimeve dhe nevojtarëve?

A do të jetë përgjigjeja yte: Se unë kam shpenzuar për blerjën e duhanit me atë çka ka tepruar nga nevoja ime?

A nuk ke përceptuar mirë fjalën e Allahut të Lartësuar: " u lejon ushqimet e këndshme dhe u ndalon ato të pakëndshmet" (el Araf 157), dhe " e mos hidhni vetën në rrezik" (el Bekare 195)



DISPOZITA LIGJORE ISLAME (SHERIATI) MBI DUHANIN

Thotë: Shejh Abdullah Mushd, Antarë i akademisë së hulumtimeve islame si dhe kryetar i komisionit të fetvave në al- Az`har:

"Fakti që pirja e duhanit dhe konsumimi i drogave helmuese me unanimitetin e mjekëve specialistë është i dëmshem për vet personin, mendjen, pasurinë si dhe çon në dëmtim dhe agresion ndaj tyre... dhe këtë me prishjen dhe dobësimin e prodhimit të tyre qoftë në sasi apo kualitet, kjo na obligon të nxjerrim vendimin e sheriatit islam për ndalim (Haram) të konsumimit të tyre (duhanit, drogat etj). Poashtu, caktimin e një dënimi frikësues për ata që nxisin në të, tregtojnë me të si dhe e konsumojnë; qoftë kjo me që konsumojnë pakicë apo shumicë."

Thotë: Komisioni i përhershëm i fetvave me qendër në Mbretërinë e Arabisë Saudite

"Pirja e duhanit është haram, poashtu mbjellja e tij, tregtia me të, kjo për shkak të dëmit që përmban". Në hadith thuhet:

"Nuk i bëhet dëm vetvetës e as të tjerëve"



Vëllau im!

Mos e mashtro vetën, mos u bë mendjemadh në pranimin e të vertetës, e as mos u mundo të ikësh nga realiteti i hidhur. Mbështetu në Allahun e Lartësuar e tërhiqu nga këto gjëra të këqija para se të të befasoj shkatrruesi i kënaqësive (vdekja) kur pendimi më nuk vlen.

Së fundi, pas gjithë kësaj, që të përfitosh edhe ti një shpërblim të mirë mundohu që së paku ta këshillosh një vëlla, kjo për të fituar një të mire rrjedhëse. Allahu na shpëbleftë neve dhe juve me shpërblimin më të mirë.

[Zëu_s]

Tem intersante hahahaa , po pse haram te pish duhan auuu tjeter haram mos paqa

Sepse eshte i demshem per shendetin e njeriut, dhe çdo gje qe eshte e demshme per shendetin e njeriut eshte e ndaluar ne islam, natyrisht duhet argumentuar qe diçkafi eshte me te vertete i /e demshme qe te ndalohet, e jo vetem thashetheme filani i ka thene fistekut.

Une vet jam duhangji dhe votova per po.

[aspira]

Ne fakt cdo gje qe demton trupin dhe shpirtin eshte Haram-E Ndaluar! Pra nuk na mbetet ne ve te vendosim nese do ta konsiderojme si te tille apo jo. Fene e ka vendosur Zoti. Nese ne duam te perdorim injorancen tone per te bere muhabet me kaluar kohen kot...
Pra, duke u mbeshtetur ne faktin se duhani demton rende shendetin automatikisht kemi te bejme me Haram-ndonese shume prej nesh pijne duhan. Kjo eshte tjeter problem.Problem i atyre qe e pijne ndersa ceshtjet e fese i vendosin Dijetaret muslimane te cilet jane komision i pergjithshem dhe merren edhe me rregullat e ixhtihadit.

[Ribery]

gjithçka qe demton shendetin e njeriut eshte haram, e sipas kesaj edhe duhani eshte haram

[Drini_i_Zi]

Pasiqe skemi ndonje dobi prej duhanit , ateher ?

[Stentori]

Pergjigjen e njejte e kam me MBARESORIN, cdo gje qe eshte e demshme per shendetin e njeriut eshte HARAM ,keshtu kam lexuar ne shum libra fetar,ska arsye kur thone se duhani nuk eshte thene-shkruar ne KURAN,shkurt e qart duhani eshte HARAM