Bibla , Hadithet dhe menyra e studimit te tyre!

[Gostivari_usa]

Hap kete teme jo me qellim sherri ose fesati midis besimtareve musliman , por per te vetmen arsyje qe me ndihme tuaj te sqaroj disa paqartesi kur vjen ne pyetje menyra e studimit te haditheve dhe Bibles!

Eshte teper normale qe kur pyet nje musliman pse nuk beson ne Bibel ?!! Pergjigjen e pare qe do te marish nga 99.9 % e muslimaneve eshte se Bibla nuk eshte e besueshme per shkak se ka kontradita ne te !
Qe eshte shum normale qe dicka te rezufohet si e vertete nqs ka kontradita!

Por ajo qe mua me intereson , ka te bej me te njejten natyre , pra me kontraditat, por jo ato kontradita qe vijne nga Bibla , por per ato kontradita qe vijne nga hadithet.
Besoj qe secili qe i ka lexuar hadithet ka hasur ne hadithe te cilan ne kuptim dhe permbajtje jane ne menyre totale kontradiktore dhe cuditerisht, te dy ose tre ose kater variantet e ndryshme ose me shum te haditheve quhen si te besueshme ?!!
Shembull , nese lexon hadithet , asnjehere nuk mund ta kuptojsh se ne cfar moshe ishte Aishja kur u martua me profetin ?!!
Ishte 6 vjecare, ishte 9 , 11 ose 18 vjecare ?!!
Duke pasur parasysh se hadithet ne shoqerine islame kane fuqine te shendrohen ne ligje mendoj qe keto kontradita duhet te pastrohen ngase psh nsq se mosha e vertete e Aishes ka qene 18 vjecare , atehere me cfar te drejte disa imam , sheik kerkojne qe mosha legjitime per tu martuar femrat te jete 6 vjecare ( duke u bazuar ne hadithet qe thuhet se Aishja ka qene 6 vjecare )!
Sikur per nje moment te mendojme se profeti eshte martuar me Aishen kur ajo ka qene psh 19 vjecare , a nuk eshte krim dhe kunder mesimeve islamike qe mosha legjitime pr martese te vajzave te behet kur ato jane 6 vjece ?!!
Dhe nuk jane vetem keto kontradita qe permenda, ka edhe kontradita tjera psh ne cfar menyre profeti ka pi uje etj etj!

Pra ajo qe me intereson eshte pse dijetaret musliman nuk marin te njejten qasje qe marin per Biblen kur studjojne hadithet?!!
A ekziston nje hipokrizi me thene keshtu psh kur gjendet nje kontradite ne Bibel ajo menjehere nuk besohet, por nga ana tjeter kur gjendet ndonje kontradite ne hadith , ne vend qe te pranojne qe ka kontradite mundohen qe ti justifikojne variantet e ndryshme te haditheve !

Pres mendimet e juaja dhe poashtu do me interesonte sipas jush a duhet qe dijetaret islamik qe ndjekin te njejtat principe kur studjojne hadithet qe i perdorin gjate studimit te Bibles?!!

Me Respekt GV_USA

[Mbarësori]

Në shkrimin që po ju sjellim, keni shumë fakte për moshën e Aishes kur ajo u martua me të Dërguarin e Allahut, alejhi selam. Aty mund të shihni se ajo ishte mbi 9 vjeçe kur u martua... Lexoni argumentet, dhe analizat shkencore ndaj haditheve që thonë se Aishe qe 9 vjeçe kur u martua. Mendimi më i fortë është se ajo qe shumë më shumë se 9 vjeçe.

Mbarësori!

Martesa e hershme e Muhamedit me Ajshen
sqarim i akuzave

Hyrje

Fatkeqësisht në vazhdimësi shohim përpjekjet e misionarëve të krishterë, të fokusuara primarisht në satanizimin e Islamit më shumë se kurrë më parë. Bashkësitë Evangjeliste kanë botuar literaturë urrejtëse ndaj Islamit dhe Profetit të Fundit në modelin e shkrimeve të Jochen Katz, John Gilchrist, Robert Moorie etj, duke e paraqitur Muhamedin si gënjeshtar, mashtrues, terrorist, pedofil etj. Kështu jemi dëshmitarë të parodive të ndryshme që vijnë nga ta në përpjekjet e tyre për të shtrembëruar, manipuluar dhe abuzuar totalisht faktet historike dhe etimologjike. Një polemikë e tillë jo e ndershme e misionarëve të Krishterë është akuza për pedofili ndaj Profetit Muhamed lidhur me martesën e tij me Ajshen derisa ajo ishte e re. Misionarët përpiqen që ta shpallin Profetin për abuzues fëmijësh, për shkak të pohimit se Ajshja u fejua (zauagj) më moshën 6 vjeçare dhe martesa është përmbushur (nikahu) disa vite më pas, në moshën 9 vjeçare kur ajo ishte në pubertetin e plotë (sipas burimeve të përdorura nga ta). Kohëzgjatja midis zauagj-it dhe nikah-ut të Ajshes qartë tergon se prindërit e saj pritnin që ajo të mbërrinte pubertetin e plotë para se martesa të plotësohej, nëse këtë moshë e marim për të besueshme. Po të mos ishte fakti se disa misionarë të verbër kristianë përsërisin si papagaj këto akuza pa dashur ti kuptojnë arsyet prapa ngjarjes, kurrë nuk do të kishte nevojë për të adresuar këtë çështje. Pohimi i tyre është i bazuar në hamendje dhe në relativizëm etik e jo në fakte. Ky shkrim, me fakte i mohon akuzat e tilla.

Pikë së pari traditat që thonë se Muhamedi e martoi Ajshen kur ajo ishte në moshën nëntë vjeçare nuk janë traditat e vetme në historinë e hadithit apo narracioneve. Tradita të tjera lënë të kuptojnë se kjo martesë ndodhi kur Ajshja i kishte 14, 17, 18 apo më shumë vite. Sido që të jetë, nga cilido këndvështrim i burimeve që të shikohet nuk ka asnjë bazë të vetme që Muhamedi të akuzohet për diçka.

Puberteti dhe martesa në moshën e re në kulturën semitike

Naiviteti i tërë sagës së misionarëve kristianë kur e akuzojnë Profetin për ‘keqpërdorim-abuzim fëmijësh’, është se kjo i kundërvihet faktit themelor se vajza bëhet grua kur ajo fillon ciklin e saj të menstruacioneve. Rëndësia e menstruacioneve është e tillë sa që gjithkush me njohjen më të vogël rreth psikologjisë do ta dijë se kjo është shenjë se vajza po përgatitet për të qenë nënë. Femrat e mbërrijnë pubertetin në moshë të ndryshme prej 8 deri 12 vite, varësisht nga aspektet gjenetike, raca dhe mjedisi. Femrat në mjediset më të nxehta e arrijnë pubertetin në moshë shumë më të re se ato në mjedise të ftofta. Këto janë fakte të njohura mirë në shkencë.

Martesa në vitet e hershme të pubertetit ishte e pranueshme në Arabinë e shekullit VII sikur që kjo ishte normë sociale në kulturat semitike duke filluar nga Izraelitët deri te Arabët dhe të gjitha kombet tjera midis tyre. Sipas Talmudit i cili nga Hebrenjtë konsiderohet si ‘Tora gojore’, Sanhedrin 76 b thotë se është e preferueshme për femrat që të martohen kur të kenë menstruacionet e para.

Seksologët e njohur R.E.L. Masters dhe Allan Edwards gjithashtu tregojnë se është normale edhe sod për shumë kultura të Afrikës dhe Azisë që vajzat të martohen më moshë më të vogël se 10 duke qenë se ato e mbërrijnë pjekurinë seksuale shumë më herët se në vende të tjera si rezultat i mjedisit dhe arsyerave të tjera.

Akuzave të misionarëve të krishterë kundrejt Muhamedit dhe martesës së tij me Ajshen ju mungojnë dëshmitë themelore. Po të ishte martesa e tij me Ajshen diçka e pazakontë dhe e dyshimtë do të kishte mospajtime si nga ithtarët e tij e aq më tepër nga kundërshtarët e tij. Relacioni i Muhamedit me të besuarit e tij ishte i tillë që nuk linte asnjë fije hamendjeje që ata të kenë guxim ta kritikojnë kur ai do të bënte diçka jashtë rregullave morale, fetare etj. Pa përmendur këtu natyrën e devotshme të Profetit Muhamed. Nuk ka asnjë reagim të kujdoqoftë,e as të kundërshtarëve të tij, ndaj martesës së Muhamedit me Ajshen në traditat që janë në dispozicion. Po të ishte kjo martesë diçka e jashtëligjshme dhe abuzive siç duan ta paraqesin disa të krishterë atëherë kundërshtarët e tij do ta përdornin këtë me gjithë qejf në luftën e tyre propaganduese kundër tij. Por diçka e tillë nuk është regjistruar asnjëherë. Kulturat fetare qartë e lejojnë martesën nëse personat kanë mbërrirë pjekurinë seksuale. Është irelevante mosha e caktuar legalisht në vende të ndryshme kur të rinjëve u lejohet ligjërisht të kenë lidhje seksuale. Edhe këtu ka dallime të shumta. Në Japoni psh mosha prej kur njerëzit ligjërisht mund të kenë lidhje seksuale është mosha 13 kurse në Spanjë mosha 12 vjeçare. Kjo gjithmonë varet nga pjekuria seksuale dhe relacioni i dyanshëm.

Tradita tjera përmendin moshë tjetër të martesës së Ajshes

Tradita tjera i kundërvihen transmetimeve se Ajshja u martua në moshën 9 vjeçare

Të krishterët kur i bëjnë akuzat e sipërpërmendura gjiithmonë i shmangen transmetimeve të tjera sipas të cilave martesa e Muhamedit me Ajshen u bë në moshë shumë më të shtyrë se mosha 9 vjeçare për Ajshen.

Pikë së pari këtu duhet sqaruar një gjë. Jo gjithmonë dhe jo çdo hadith është për tu marrë si fakt i padiskutueshëm. Është e njohur se në traditën islamike të hadithit (hadith quhen fjalët e transmetuara të Muhamedit të cilat më vonë u shkruan) u kyçën me kohë edhe shumë hadithe të fabrikuara dhe të rreme. Historia e hadithit në një farë mënyre mund të krahasohet me historinë e Biblës, edhe pse për nga autenticiteti krahasimi është larg nga të qenurit i njëjtë. Fjalët e Jezusit të gjendura në Ungjij u transmetuan gojarisht dhe u shkruan shumë kohë pasi që Jezusi nuk rronte më midis Hebrenjëve, kështu që ato na erdhën me gabime të shumta. Njësoj hadithet u kompiluan shumë kohë pasi që Muhamedi e kishte lënë këtë botë. Edhe pse në rastin e hadithit zingjiri i transmetuesve është në shumë raste evident dhe për tu besuar (gjë që nuk mund të thuhet për traditën biblike) prapëseprapë hadithit kurrë nuk iu kushtua rendësia e njëjtë si Kur’anit kështu që normalisht që ishin dhe janë të mundshme gabimet në transmetim dhe bile bile edhe hadithet e rreme. Redaktimet e Buhariut e të tjerëve nxorrën me mijëra hadithe që u konsideruan të dobëta (edhe të fabrikuara) për shkak të zingjirit të dyshimtë të transmetimit.

Shumica e transmetimeve të cilat thonë se martesa e Muhamedit u bë kur Ajshja i kishte 9 vite vijnë nga Hisham ibn `urwah i cili raporton në autoritetin e të atit të tij. Zingjiri tjetër i transmetuesve pas Hishamit vie nëprëmjet njerëzve të Irakut ku Hisham ibn urwah shkoi të jetonte pasi që më parë kishte jetuar në Medinë. Askush nga transmetuesit e tjerë medinas nuk e përmendë transmetimin e Hishamit dhe kjo ngjarje si gjërësisht e njohur që është, do të duhej të përmendej si e tillë. Tehzibu'l-tehzib, një ndër librat më të besueshëm lidhur me jetën e profetit dhe besueshmërinë e transmetimeve të fjalëve të tij, thotë se sipas Yaqub ibn Shaibah “hadithet e raportuara nga Hishami janë të besueshme përveç atyre që transmetohen nëpërmjet zingjirit të transmetuesve nga Iraku”. Vetë nxënësi i Hishamit Malik ibn Anas i cili jetonte në Medinë, kishte gjithashtu dyshim rreth transmetimeve të Hishamit të bëra nëpërmes Irakut.

Sipas traditës Ajshja kishte lindur tetë vite para Hixhretit, mirëpo Buhariu në një vend raporton për Ajshen të ketë thënë se ajo ishte një çupë e vogël kur u shpall surja 54 e Kur’anit, ndërsa dihet se kjo sure u shpall nëntë vite para Hixhretit. Pra sipas këtij transmetimi Ajshja jo vetëm që kishte lindur para shpalljes së sures por kur kjo kaptinë u shpall ajo ishte vajzë e re (jariah) e jo fëmijë (sibyah).

Sipas gati të gjitha transmetimeve dhe historianëve Esma motra e Ajshes ishte dhjetë vite më e vjetër se Ajshja. Është raportuar në Taqri'bu'l-tehzi'b sikur edhe në Al-bidayah wa'l-nihayah se Esma vdiq në vitin 73 të hixhrit në moshën 100 vjeçare. Tash është e qartë se nëse Esma në vitin 73 të hixhrit i kishte 100 vjetë, ajo do ti ketë pasur 27 apo 28 vite në kohën e hixhrit (rreth së cilës datë sillet martesa e Muhamedit me Ajshen). E nëse Esma ishte atëbotë 27 apo 28 vjetë e vjetër, Ajshja e cila i kishte 10 vite më pak duhej të ishte 17 apo 18 vjeçare. Kësthu që nëse Ajsha u martua me Muhamedin në vitin 1 ose 2 pas hixhrit siç thonë të gjitha traditat ajo do të ketë qenë të paktën 18 –19 vjeq në atë kohë.

Tabariu në trajtimin e tij të historisë Islamike përmendë se Ebu Bekri i ati i Ajshes i kishte katër fëmijë dhe që të gjithë i kishin lindur në kohën e Xhahilijetit (para shpalljes së Muhamedit për profet) dhe nëse Ajshja kishte lindur në periudhën e Xhahilijetit-Injorancës ajo kurrsesi nuk mund të ketë pasur më pak se 14 vite në vitin 1 të hixhrit kur sipas të gjitha gjasave ajo u martua me Profetin.

Sipas ibn Hishamit Ajshja e pranoi islamin shumë kohë para se këtë ta bënte Omer ibn Hatabi. Duke pasur parasysh kohën kur ai e pranoi Islamin del se Ajsha e kishte bërë pranimin në vitin e parë të Islamit. Kështu që nëse transmetimet për martesën e Ajshes në moshën shtatë apo nëntë vjeqare janë të sakta Ajshja në vitin e pare të Islamit as që do të ishte e lindur apo do të ishte bebe e vockël.

Dhe për fund edhe vetëm një argment tjetër. Sipas Ibn Haxharit Fatimeja ishte pesë vite më e vjetër se Ajshja. Dihet se Fatimeja lindi në vitin e 35 të jetës së Profetit. Dhe tash kur i bëjmë llogaritjet e thjeshta del sërish se Ajshja në asnjë mënyrë nuk ka mundur të ketë më pak se 14 vite në kohën e hixhretit dhe më pak se 15 a 16 në kohën e Martesës së saj

Përfundim

Kështu që kemi parë se abuzimet me profetin Muhamed nga disa njerëz dhe njollosja e tij me epitete të turpshme janë hiç më shumë se rrena të krijuara mbi tradita jo të besueshme dhe jo definitive. Është shumë lehtë që të ngriten akuza dhe storie të tëra mbi vetëm një raport dhe të tjerat të lihen anash. Aq më tepër kemi parë në pjesën e parë se edhe sikur të është e vërtetë ajo në qka bazohen akuzat e misionarëve të krishterë, prapë nuk ka kurrfarë mëkati apo abuzimi në martesën e Muhamedit me Ajshen.

Njësoj si kjo edhe krejt akuzat tjera për Muhamedin si terrorist, vrasës, jotolerat, mashtrues etj bien si kullë prej letrash kur trajtohen nën dritën e fakteve historike dhe karakterit të tij.

--------------------------------------------------------------------------------

Përgatitur nga H. IBRAHIMI

Bibliografia:

1. "The Young Marriage of `Âishah" nga Mohd E. N. Juferi

2. "What was Ayesha's (ra) Age at the Time of Her Marriage to the Prophet (pbuh)" bazuar në "Tehqiq e umar e Siddiqah e Ka'inat" nga Habib ur Rahman Kandhalwi, Anjuman Uswa e hasanah, Karachi, Pakistan

[Gostivari_usa]

Keto qe thua ti jane te verteta, e kam fjalen kur flet per njollosjen e profetit nga ana e jo muslimaneve !
Ajo qe mua me intereson ka te bej me vete studjuesit musliman! Martesen e Aishesh me profetin e mora vetem si shembull asgje me shum , me ane te cilave doje te tregoj se ne hadithe ka kontradita , te cilat fatkeqesisht refuzohen nga ana e dijetareve , te njejtat kontradita , psh kur folim per Biblen jane jane shkak i refuzimit nga ana e muslimaneve qe Bibla te pranohet si e vertete!
Per shkak se ekzistojne kontradita ne Bibel, muslimanet refuzojne ne besojne ne te!
Tani ajo qe mua me intereson eshte pse muslimanet , dijetaret islamik nuk bejne te njejten puna edhe me hadithet , pra te refuzohen , te mos besohen si te verteta.
Nuk me intereson se per cfar folin hadithet, per martese , per kamate , per rend shoqeror etj etj, perderisa disa hadithe jane kontradiktore , pse besohen nga muslimanet si te verteta, pse nuk refuzohen e kam fjalen !!!
Pse asnje dijetar , nuk del e te shprehet , e di si eshte puna , keto hadithe qe jane kontradiktore , nuk mund te besohen , nga shkaku se nuk perputhen e mesazh , ate qe thot nje hadith nuk e thot tjetri !!!
Shembull me mare , ekziston nje hadith qe thot se profeti ka thene " Parajsa fillon tek kembet e nenes" , per mendimin tim eshte shum i besueshem , por sikur te ekzistonte nje hadith tjeter e te thoshte se " Parajsa nuk fillon tek kembet e nenes" atehere do te ishin dy hadithe qe folin per te njejten tematike dhe qe jane kontradiktore midis veti , pra te dy hadithet nuk mund te jene te verteta!
Ose te dy jane gabim , ose vetem njeri nga ato eshte tamam! Nqs se e dime se midis haditheve kontradiktore vetem njeri eshte tamam , ose llogjika na thote se hmmmm jane kater ose 5 hadithe nuk perputhen njeri me tjetrin , lirisht mund te vijme ne perfundin , se vetem njeri nga ato mund te jete i vertete e jo te gjithe !
Ate qe verej une dhe qe dua te them , kur vjen puna e kontraditave ne hadithe , te pakten mua me duket keshtu dijetaret muslinam i mbyllin syte , nuk bejne asgje per te sqaruar keto kontradita , nuk bejne asgje per ti pastruar shkrimet nga kontraditat , po thjeshte heshtin.
Dhe kjo nuk ka te bej fare me akuzat qe i bejne kirstijanet dhe misionaret e tyre , sepse nese shikon ne internet , jane vete kleriket tone, pra dijetaret islamik te cilet edhe pse e dijne se ekzistojne kontradita ne hadithe , sidomos psh kur folim per martesen e vajzave dh perseri bejne thirje me ate te videove te ndryshme qe mosha legjitime te jete 6 vjece , pra kete e marr vetem si shembull. Nga e dine keto dijetar islamik se mosha gjeshte vjecare eshte legjitime ?!!!
Une psh kisha thene , mosha 6 vjecare nuk eshte legjitime , sepse ka hadithe tjera qe pershkruajne martesen ne nje moshe tjeter , dikush tjeter lexon nje hadith tjeter po ashtu qe flet per ta marim si shembull per martesen dhe thot , okay ne baze te haditheve mosha legjitime per martese duhet te jete 70 vjecare ( eshte ekzagjerim) etj etj !
Ndoshta jam gabim , por mendoj se keto hadithe qe jane kontradiktore me shum krijojne konfuzion tek besimtaret se sa besim!
Dhe perfundimisht ate qe dua te them a duhet besimtaret musliman te ndjekin te njejten strategji qe ndjekin me Biblen , qe eshte se nese ka kontradite , nuk mund te besohet, mos harojme qe shkaku, arsyeja kryesore qe neve refuzojme te besojme ne Bibel jane kontraditat e saj , ndersa nga ana tjeter kontraditat nuk na pengojne aspak me besuar hadithet si te verteta !
Me keq ardhje e them , po a nuk duket kjo nje standard i dyfishte ?!!! Pra do ti refuzojme Biblen per shkak te kontraditave por do ti mbyllim syte tek kontraditat ne hadithe !

GV_USA

[Mbarësori]

Tema që keni shtruar është shumë e arsyeshme, mirëpo kërkon edhe një përgjigje të kapshme.

Fillimisht, dua të potencoj, me qenë se qenke në USA, mundohu të vijosh ndonjë kurs për gjuhë arabe (edhe unë nuk jam hoxhë, porse arabishten e kam parë imperativ për ta mësuar). Për ta kuptuar fenë shumë mirë, të duhet arabishtja, në të cilën janë shkruar miliona vepra për fenë e Allahut, kurse në anglisht apo shqip, fare pak.

Duke u lidhur me këtë që thash më sipër të marr një shembull. Ibn Haxher el Askalani, rahimehullah, Buhariun e ka komentuar në 20 (njëzet) vëllime të mëdha, që na duhen neve të paktën nja 5 muaj për t'i lexuar (nëse i përkushtohemi). Ai çdo hadith, një nga një e ka komentuar, madje edhe ato që ti i quan kontradiktore.

A është e mundur të ketë hadithe kontradiktore? Kjo pyetje është e parashtruar që moti nga besimtarët. Duhet pasë parasysh se kurr mirret një hadith, duhet shikuar: a) kohën kur është thënë, b) vendi ku është thënë, c) kujt i është thënë, ç) në çfarë situatet është thënë, etj., dhe për këto duhet mësuar edhe arabishtja, shkaku i referimit në literaturën e bujshme islame.

Shembull, një hadith që është thënë në kohë paqeje, ndoshta nuk na shërben aq kur jemi në kohë lufte, dhe anasjelltas. Apo shembull, vinte tek i Dërguari i Allahut, alejhi selam, një njeri dhe e pyste cila është vepra më e mirë, e ai, alejhi selam, i përgjigjej: ''Rrespektimi i prindërve''; vinte një tjetër dhe pyeste me të njëjtën pyetje, e ai, alejhi selam, i përgjigjej: ''Xhihadi në rrugë të Allahut'', më pas dikujt tjetër i thonte: ''Urdhërimi në të mirë dhe ndalimi nga të këqijat''. Në këto hadithe nuk ka asnjë kontradiktë, sepse Profeti, alejhi selam, i përgjigjej njeriut në bazë të moshës, rrethanës, mentalitetit dhe gjendjes së tij. Shembull, nëse tek ti të vjen një plak dhe të pyet për dënimin e varrit, duhet t'ia ndrrosh temën duke i folur për shpresën në mëshirën e Allahut, sepse plaku ndoshta nuk e ka edhe shumë të gjatë jetën dhe ai tani nuk është në gjendje të bëj shum namaz nate, mirëpo mund të bëj (pas namazeve obligative për çdo moshë), adhurime të tjera, që ia forcojnë imanin, që është shpresa në mëshirën e Allahut të Mëshirshëm. Pra çdo situat ka tretman të veçantë. Plakun sigurisht se nuk ke arsye ta nxitësh për t'i rrespektuar prindërit, përderisa atij i kanë vdekur që moti prindërit.

Kështu ka ndodhur edhe në jetën e Profetit, alejhi selam, sa që madje, kemi raste kur edhe janë abroguar/shfuqizuar disa prej haditheve dhe janë zëvëndësuar me të tjera, dhe besoj se keni dëgjuar për këtë. Shembull ka një gjë që Profeti, alejhi selam, e ka thënë, mirëpo më pas është ndrruar. Abrogimi është bërë në forma të ndryshme... Shembull ke çështjen e kibles, dikur besimtarët drejtoheshin nga Mesxhidul Aksa, derisa erdhi ajeti për t'u kthyer nga Qabeja e Shenjtë, dhe me këtë rast hadithet për t'u kthyer nga Aksaja qenë abroguar. Ka shumë shembuj të këtillë.

Vëlla, e gjithë kjo që parashtroni ju është fare e lehtë, vetëm sikur të mësonit arabishten. Unë, elhamdulilah, jam duke mësuar akoma dhe besoj se për disa muaj (ndoshta më shumë se vit) mendoj ta perfeksionoj dhe për çdo dilemë, i drejtohem librave dhe shkrimeve në internet. Vetëm një shembull po të marr, një sajt që unë e vizitoj rregullisht, ka mbi 25.000 tituj libra (merre me mend sa libri është me shumë vëllime). Aty shumë ke për hadith dhe akide-besim...

Sidoqoftë, e vazhdojmë bisedën edhe më, në postime tjera se tani nuk kam edhe aq kohë.

Allahu ju ruajtë. Selamun alejkum!
Mbarësori!