Frytet e profeteve

[daniel00]

Një shqyrtim i mënyrës së jetesës


Mateu 7:20 - Ju, pra, do t`i njihni profetët nga frytet e tyre.


Mateu 7:12-20


Mënyra se si mund ta tregosh që një person është i vërtetë apo jo, është me anë të frutit që ai prodhon. Ky frut ka të bëjë me stilin e jetës. Jezusi theksoi që pema e mirë nuk jep frut të keq dhe pema e keqe nuk jep frut të mirë. Shumë njerëz thonë diçka, por veprojnë ndryshe; kështu që veprimet e tyre e kanë zërin më të lartë sesa fjalët e tyre. Nëse po dyshon që një person është i vërtetë apo jo, apo po pyet a duhet të pranosh prej tij duke ndjekur mësimin e tij, shiko te fruti që është duke prodhuar.


Në vlerësimin e shërbyesve dhe të shërbesave, i duhet dhënë më shumë vëmendje frutit të prodhuar. Dështimi për të ekzaminuar frutin, mund të shkaktojë që gabimisht të mohosh apo diskreditosh një shërbyes që thjesht ka bërë një gabim apo ka gabuar në një fushë. Çdo shërbyes ka te meta, po ashtu si edhe çdo anëtar i Trupit të Krishtit. Por kjo nuk do të thotë që shërbesa e tij është e keqe. Shiko frutin!


Fruti është prova e vërtetë për shërbyesit dhe shërbesat. Nëse njerëz po shpëtohen, nëse jetët po ndryshohen, aty ka frut të mirë. Edhe pse shërbyesi mund të thotë diçka të keqe apo të bëjë një gabim, fruti është i mirë.


Prandaj mund të themi që fruti është i mirë. Kur personi thotë gjithë gjërat e duhura dhe mund të duket i sinqertë, por ti sheh që jetët e njerëzve rreth tij janë të shkatërruara, lëmsh, në konfuzion dhe në dëshpërim, atëherë fruti është i keq. Ti mund ta gjykosh efektivitetin e një personi nga fruti që po prodhon në jetën e tij. Në shërbesë, mund ta gjykosh efektivitetin e një shërbyesi nga fruti që shërbesa prodhon.


Sot, sigurohu që fruti që del nga jeta jote është pozitiv. Sigurohu që po bën një ndikim pozitiv në jetët e njerëzve, që po i drejton jetët e njerëzve te Zoti dhe nuk po i lë ata të lënduar dhe të konfuzuar. Njerëzit po shohin te ti duke parë se ç'lloj fruti je duke prodhuar.


==================


Mateu 7:12-20
Gjithçka, pra, që ju dëshironi t`ju bëjnë njerëzit, ua bëni edhe ju atyre, sepse ky është ligji dhe profetët. Hyni nga dera e ngushtë, sepse e gjërë është dera dhe e hapur është udha që të çon në shkatërrim, dhe shumë janë ata që hyjnë nëpër të. Përkundrazi sa e ngushtë është dera dhe sa e vështirë është udha që çon në jetë! Dhe pak janë ata që e gjejnë! Ruhuni nga profetët e rremë, të cilët vijnë te ju duke u shtënë si dele, por përbrenda janë ujqër grabitqarë. Ju do t`i njihni nga frytet e tyre. A vilet vallë rrush nga ferrat ose fiq nga murrizat? Kështu çdo dru i mirë jep fryte të mira; por druri i keq prodhon fryte të këqija. Një dru i mirë nuk mund të japë fryte të këqija, as një dru i keq të japë fryte të mira. Çdo dru që nuk jep fryt të mirë pritet dhe hidhet në zjarr. Ju, pra, do t`i njihni profetët nga frytet e tyre.

grupi ne facebook , une besoj , ka materiale me teper http://www.facebook.com/topic.php?to...id=39204414631