Danel Cana

[Ali Baba Tepele]

- O KËNGA ME DERTE

O shok, shpirti të më dalë,
me këngën labe në gojë!
Shtruar edhe me ngadalë,
dhe tek varri t’ma këndojnë!

Kur mblidhen lebërit bashkë,
edhe bilbilat pushojnë!
Kënga labe shum e lashtë,
brez pas brezi t’a këndojmë!

Burimi që del nga mali,
ashtu është dhe kënga labe!
Të freskon e shuan mallin,
zemra s’do tjetër ilaçe!

O shokë me këngë vdeksha
dhe me këngë të më qani!
Një këngë burrash do desha,
ashtu siç e do tabani!

O këngë e shpirtit që mbete,
këngë me iso që gjëmon!
Të mbaj në shpirtin me derte,
sa t’i mbyll sytë përgjithmon!
@cana

[Ali Baba Tepele]

- UNAZA FLORI

Tek një arë lart në mal,
kishin mbirë pran e pran,
një lajthi edhe një arrë...
Plotë me kokrra ngarkuar!

Mora, çava një lajthi,
gjeta një unazë flori!
E mbajta, që t'a jap ty,
si kujtim për dashuri!

Mora, çava dhe një arrë,
gjeta një fustan të bardhë!
E provoj, i rri tamam,
Thëllëza që kisha pranë!

Thëllëz me pupla të kuqe,
të erdhi koha për nuse...
gushën dhe buzët burbuqe,
ruaji si ujët në puse!

Pusi, i fshehti burim,
që mban freskët dashurin!
Në mes të korrikut ngrin,
në acar mban ngrohtësin!
@cana

[Ali Baba Tepele]

- MATURA E PARË

Koha më e bukur,
është kohë e maturës!
Pavarsishtë se ishte,
kohë e diktaturës!

Kohë e diktaturës,
ishte kohë e unit!
Nga disa u quajt,
“koha e merhumit”!

Po për brezin tonë,
kjo s’është e vërtetë!
Nga matura e parë,
sot bën pesëdhjet vjet!

Ishte kohë e keqe,
vuajtje dhe mjerim!
E harruat shokë,
gjithë varfërinë!

S’flejtëm kurrë mirë,
me ushqim s’u ngopëm!
Po ta ngrije zërin,
t’a kishin bërë gropën!

Bukë misri kishje,
shpesh herë dhe thatë!
Me dy fleta qepe,
ne na dukej mjaltë!

Dhe për të mësuar,
donim të mësonim!
Po dhe ca mësues,
vëngër na shikonin!

Vëngër na shikonin,
kush ishte “i hedhur”!
Të kalonte s’donin,
vetëm për t’a ngelur!

Eh, ç’të them i shkreti,
isha prototipi!
Në klasë më mbeti,
Reshat komunisti!

Shumë ëndërra pata,
m’i preu në mes!
Më ndau nga klasa,
në vitin e tretë!

Eh, çfarë t’ju tregoj,
juve s’kini faj!
Rrugën për në fshat,
e lava në vaj!

Reshat komunisti,
katil, shpirtëzi!
Donte t’i kalonte,
kapriço e tij!

Më quante rrugaç,
të pa edukuar!
Sa që dhe në fshat,
letër kish dërguar!

Dhe po atë vit,
unë shkova ushtar!
Edhe biografia,
mbrapa kishte ardhë!

Me vuajtjet e mia,
mos t’ju mundoj kotë!
Gjithkush ka të tijat,
që s’i harron dotë!

Mbas pesëdhjet vjetësh,
mblidhemi përsëri!
Çmallemi së bashku,
kujtojmë rininë!
@cana

[Ali Baba Tepele]

- PËR NJË KUSI KOS

Ç’kanë qënë ca komunist,
budallenj dhe kokëbosh!
Dënuan një djalë të ri,
vodhi një kusi me kos!

Kryeçobani komunist,
karierist edhe servil!
Nuk e tradhëtonte partin,
lajmëroi policinë!

Vjen polici me një frymë:
- Për ca kos, çfarë po thua?
- Sot me kos, theu urinë,
nesër vjen e më vret mua!

- Unë do lajmëroj partinë;
- Thotë çobani, prandaj merre!
E qeras dhe policinë,
për drek u theri një dele!

E pranoj djali gabimin;
- E mora dhe bëra faj!
Çova kusinë në shtëpi,
se dhe barku do të haj!

- Unë them falja këtë herë;
- thotë polici me të urtë!
- Tetëmbëdhjet djali s’i ka bërë,
është gjyna të shkoj në burg!

- Të bëj burg që ç’ke me të,
kështu na mëson partia!
Unë çoban krrabën s’e lë,
të shkruhet dhe biografia!
@cana