Danel Cana

[Ali Baba Tepele]

Ç’MË JE TRETUR MIKE

Ç’të shikoj fytyrën moj, atë të malluar...
O ç’më paske hequr moj, o ç’më çaske vuar!

Syt e tua ndesha moj, vetullat harkuar...
O ç’më paske hequr moj, sa më paske vuar!

Buzë kuqërremta moj, faqja jote shkruar...
Ç’halle të kan tretur, kush të ka munduar!

Përmbi gjoks ca djersë, si pika pikuar...
Vallë ç’të ka prekur, çfar të ka munduar!

Ngrirë buzëqeshja me kohën e shkuar...
Ka faj Dashuria, a botë e tërbuar!

01-10-2015
@cana

[Ali Baba Tepele]

LAVDIA NË KËNGË MBETET
(kushtuar Zaho Balilit)

Mblidhemi në Tepelenë të kujtojmë përvjetore,
Gjëmon kënga pas traditës, kënga labe që ti mbolle.
Ref...
Lule o Zaho Balilë,
Je pishtar për djalërinë.
Për vëndin pishtarë mbete,
Kënga dhe lavdia s’treten.

Kënga labe që ti deshe, lulëzoi e mbushi vëndë,
Këngëtar i penës jeshe, ndaj dhe mbete nëpër këngë.

I këndove bukurisë, se nuk desh të ulte ballin,
Me lulet e dashurisë, një kuror të na nxjerr mallin.

Nëpër kroje dhe burime, shetite malet e rënda,
Lule Zaho këngëtari, qëndron zgjuar nëpër ëndrra.

Tepelenën që e deshe dhe për të pena këndoi,
Në furtun e në rrebeshe qumështë gjiri të mëkoi.

Tepelena mëm e gjirit, lavdi për jetë uron,
Këngët e Zaho Balilit ajo kurrë s’i harron.

2-10-2015....@cana

[Ali Baba Tepele]

NATYRËN TË DUAM

Sot njerëzimit,vështirë t’i vësh emër,
Shesin erën, diellin shesin me kubik!
Nuk kan gjak, nuk janë njerëz, nuk kan zemër,
S’jan të vdekshëm dhe nga vdekja s’paskan frikë!

Kasollet dhe shpellat kan mbetur si ëndërr,
Nga nata e errët sot nuk ka frikë.
Harqet e shigjetat që kishin për zemër
Sot flasin me mburrje “Shekulli atomik”.

Ka shpikur shum armë të vrasë në masë,
Tmerr i jetës tënde janë o Njeri!
Akoma s’ka gjetur formulën e Zemrës,
Të marr dhe të japë më shum Dashuri.

Kur harron nga vjenë, nuk di se ku vete,
Ka nevoj ta mbajmë botën, siç na mban.
Se natyra vetë është Zot më vete,
Dhe kur nuk e duam, nuk të lë nishan.
@cana

[Ali Baba Tepele]

NDRYSHE ERDHI JETA

Dola moj të prita, dola por më kotë,
Pas ikjes së madhe na ndanin dy botë.
Njëra botë e vdekur, tjetra mbushur lotë.
Pa shkruar një vjershëz për ty, s’rrikam dotë.

Largësija mike qënka porsi era,
Shuan zjarret e vegjël dhe ndez ca të tjera.
Por prushin në zemër nuk e shuan dotë,
Se e mban kongjillin si hiri, me lotë.

Të kisha thënë mike, mos më shiko shtrëmbër,
Ja se si e bëre të keqen në zemër!
Palë-palë fustanet mbaje në musëndër,
Stuhinë e zemrës e ktheve në ëndërr.

Ç’e ktheve në ëndërr moj gjith atë stuhi,
Dhe pse u betuam për pak lumturi!
Dhe s’do të braktisja, as dhe mua ti!
Ndryshe erdhi jeta, më tepër nuk di!

Ndryshe erdhi jeta, ndryshe ishe ti,
Fati jonë qënka mbyllur në kuti!
Ku ta dijë ç’ka brënda i ziu njeri!
Të uroj në jetë, gjithmon lumturi.

9/12/2015 @cana

[Ali Baba Tepele]

LAPSI I KUQ

Lapsi kuq u bë shkaktari,
Që të prekja ato buzë.
Gabimisht në buzë e mbaje,
Zhgarravisje një pikturë.

Nxënës të një banke ishim,
Bashkë i bënim dhe detyrat.
Por se, orë e vizatimit,
Ishte për Ty më e mira.

Gjith gëzim nxirrje përpara,
Detyrat në vizatime.
Bojra lapsa edhe ngjyra,
E mbuloje bankën time.

Kur bëje detyrë jashtklase,
Gjuhë, fizik e vizatime,
Merrje lejen e mamasë,
Të vije nga lagjia ime.

S’mund ta harroj atë ditë,
Për mua ish’ herë e parë.
Shikonim fotografitë,
Pasi mëndjen kishim vrarë.

Lapsi kuq ishte shkaktar,
Që la shënjë përmbi buzë.
Nëse ishte puthja e parë,
Mos trego se ta dhash unë.

Mbaje sekret thellë në shpirt
Një puthje të fëmijërisë.
Sekretet vdesin me njerzit,
Janë diamant i Dashurisë.

5-12-2015

[Ali Baba Tepele]

E BUKURA NË ÇARDHAK

Një ditë pashë për merak,
Një të bukur në Çardhak.
Më foli dhe qeshi pakë,
Buzë e saj e kuqe gjakë.

Kur i thash do ngjitem lartë,
U bë e kuqe si flakë.
Mos mor’ djalë pritëm dhe pakë!
Jam e vogël për sevadtë!

Njëzet vjeçe rrumbullak.
O të puth o s’gjej rehatë!
Moj u bëfsha për mandatë!
Hidhu të të pres në krahtë!

Unë u hodha dhe më prite!
Si moll e gjirit më rrite!
Më deshe më veselite!
Puthje, lotë më vadite.
@cana
21-12-2015

[Ali Baba Tepele]

MALL E GJË T’I BËJ KURBAN

Nën një lis e kisha stanë, fshatin kisha përkrashi.
Tek një rrap mërxen kopeja, dielli saç mbi koka rri.
Hodha sytë nga tufa, lënë, ishte bërë batërdi.
Shqerra që më këmbë s’i gjeta, të kërcenin, lesh e li!
Një tufë ujqër kishin rënë, ujku murrëm, ujku zi.
Kacafytur ish me qënë, një i vetëm ish ai.
Beleci me dhëmb kish ngrënë, gjak kullonte, ai di.
Unë ngriva kur i pashë, si hu gardhi më këmbë rri.
Më dolli zemra nga vëndi dhe po qaja si fëmi.
Sa për pak u ktheva krahët! Oh i mjeri ç’më gjeti!
Ndënja me miken në tëndë, u harrova s’di se si.
Ma mpiu mëndjen e shkretë, m’u fut si sheqerk në gji.
Ç’më bëre moj, gjeç belanë, humba mall e katandi!
Më lanë mëntë më lanë, për një vetull për një sy.
Flaka që më dogji xhanë, si të bëj i varfëri!
Mallin e bëra kurbanë, gjith jetën me ty të rri.

@cana

[Ali Baba Tepele]

SHKO PASHA ME LOPË
- satirike -

Bërtet Arben Duka:
- Ja hajdutëria.
Po kush t’i dënojë,
O Arben mavrija?

Zëvëndës i të gjatit.
Është Niko Peleshi.
Ai që dhe nënën,
Koloni e deshi.

E ka shitur vëndin,
Të gjith në Greqi,
Ndaj i ngjiti shkallët,
Gjer në qeveri.

Prite more prite,
Prite gjer në vjeshtë.
Po e zuri vera,
Do t’i rruajnë leshtë.

Iku duke lënë,
Shqipërin në gropë.
Është më mirë t’i themi:
"Shko Pasha me lopë"

“Shko Pasha me lopë”,
Se ti je i pari,
Ndaj dhe t’i dha votat,
Popull “Ysmeqari”

Ujku që s’u bije,
Lopëve o popull.
Që nga Amerika,
T’i bje botës rrotull.

@cana

[Ali Baba Tepele]

HËNË E ZHVESHUR

Mbrëmë të kam par të zhveshur,
Hën e bukur, Hëna ime.
Udhës qiellit ishe tretur,
Vijëzuar me lëngime.

Zhveshur, tretur qiellit pus,
Haruar në vijëzime.
Dritën vjedhur kishin yjet,
Saqë zhveshën Hënën time.

Hënëz që më heq lëngatë,
Gjysëm dritë dhe gjysëm hije.
Udhës së qiellit pamatë,
Fanatike rrotull vije.
@cana

[Ali Baba Tepele]

KOHA E SËMURË

Japin provim arsimtarët,
Nëntëdhet e gjasht përqin nuk dinë,
Ata do ishin të parët,
Dhe për veten faqen nxinë.

Ata që e shesin dijen,
Me euro edhe dollarë,
Kishte kohë që fliste populli:
“ Shikoni se jan gomarë!”

Nga kjo ditë kur qeveria,
Në sitë i shkoj të tërë.
Çfar fitimi ka rinia?
Ata gjëmën e kanë bërë!

E keqja ikën si lumi,
Nuk kthehet pas më kurrë.
Koha që shansin e humbi,
Do quhet “Kohë e sëmurë”
2016-01-22