Danel Cana

[Ali Baba Tepele]

VEZA E KAPOSHIT

Lajm i mirë nga Amerika,
Të martohet burr me burrë.
Do të harrohet tradita,
Popujt mos të shtohen kurrë.

Edhe gratë me gra së bashku,
Të kenë jetë e të kenë mall...
T’u vij mallë për një mashkull,
Të mos bjer asnjë me barrë!

Kjo po që është drejtësi!
Ecën si gaforrja mbrapsht.
Se nga lindëm unë dhe ti?
Nuk ka nënë edhe babë!

Mirë e mendon njerëzimi,
Të gjithë duhet të hanë...
Dhe i ligu dhe i miri...
Ti mbledhim në një sahan.

Sikur të isha i sigurtë...
Ashtu si dhe feja thotë...
Do të drejtoja një lutje,
Lartë, te i madhi zot.

Do të lutem mor aman,
Në qofsh vërtet atje lartë,
Jepua armiqve tanë...
Që t’ju mbetet djepja thatë.

Se, kemi gjetur belanë,
Nuk lanë gjë pa provuar!
Her me drogë, her me armë,
Dhe tani me të martuar.

Kjo e fundit i vë vulën,
S’ka ilaç për alergji.
S’ka ç’e do Kaposhi Pulën,
Vezë do bëj edhe ai...!
@cana

[Ali Baba Tepele]

MOJ VETULLA SHKRUAR

Moj hëna që del mbi maja,
moj vetulla shkruar-o!

Dil apo s’të lë mamaja,
ç'të ka porositur-o!

Të pash dhe sytë s’ti ndaja,
keq më ke trazuar-o!

S’mundesha zemrën t’a mbaja,
iku fluturuar-o!

Sikur më ka zën murtaja,
në pasqyr veten se nj-o!
Moj sy ndritura sërmaja,
ngrije moj gërshetin-o!

O më çliro na sevdaja,
o me të do mbytem-o!

4-7-2015
@cana

[Ali Baba Tepele]

HAJDE MOJ TË DALIM

Ç’i thotë lulja lules-o:
“Hajde moj të dalim-o,
Le t’i hapim fletët-o,
Vesa të pikoj m’i to-o”!

Kokë më kokë mblidhen-o,
Lulet e shullërit-o...
Mblidhen e diç’ flasin-o,
Bilbilin ç’e ngasin-o!

Thëllëza mban frymën-o,
Të dali, do edhe s’do-o!
Ç’i vjen keq për shoqet-o,
Si t’ja prish Bilbilit-o!
@cana

[Ali Baba Tepele]

VËLLEZËRIA

Kush e quajti të përjetëshme?
Jeta jonë ikën shpejtë!
Mbyllen sytë përgjithmonë,
Kush jetoi njëmij vjet!

Kush në jetë e mbolli pemën,
Të shpresës dhe miqësisë,
I lumtur e kalon jetën,
Në hije të dashurisë.

Të përjetshëm kush i quajti?
Kush ka lindur do të vdesë.
Pasuri për njerëzimin,
Është liria e vërtetë.


Mos u bëni të pa shpresë,
Të pa ngopur mos u bëni!
Kush ka lindur do të vdesë.
Nuk të mban përgjithnjë vëndi!

Respektoni njerëzimin...
Leri hyjnit për më vonë!
Respektoni njëri tjetrin,
Sot, se nesër është vonë!

Të gjith një nënë s’i ka bërë!
Po të gjithë bij nënash janë!
Gjaku i kuq është për të tërë,
Të gjithve toka na mbanë.

Njerëzimi ka shumë shekuj,
Që braktisi kafshërinë.
Politikat edhe feja,
Na bën ujk për njerin!

Mblidhi pra mëndjen e kokës,
Mos u bëni ç’njerëzor!
Vëllezërisht ti dalim botës,
Le ta zgjasim atë dorë.

2015-07-14
@cana

[Ali Baba Tepele]

LËVDUAR QOFTË

Shkruaje qiellin në s’ke letër,
Merre dhe detin për bojë..!
Veç një fjalë dhe asgjë tjetër,
Fjal e artë; “Të dashuroj”!

Zemrën do ta shtroj dyshek më vete
Në hije, tek burimi ndënë lis...
Pa do shkrijnë mall dhe derte...
Dhe; Lavdi Përjetë Dashurisë!

Lëvduar qoftë dashuria,
Nga çdo gjë dhe mbi çdo tjetër!
Që shëron ethet e mija...
Dhe shpirtin palos si letër!
@cana
2015-07-25

[Ali Baba Tepele]

FLOKË BUKURA SI TËNDË

- Flokë bukura si tëndë,
Veron një kope e tërë.
Kur i shoh mbetem pa mëndë,
Aty gjumi të më zërë.

Trupi yt porsi lastarë,
Dridhet, përdridhet si ngjalë.
Aty shpirti të më dalë,
Të ndjej dhe njëher si djalë.

Si purteka e lajthisë,
Aty syri të djersisë.
Të ti prek pak ato sisë,
Si gjëmbat e kulumbrisë.

- Djalë me fjalë më ngave,
Zemrën më dyshë ç’ma ndave!
Të gjithën në lot ç’më lave,
Të kam sevdan e sevdave.

Do dal të lajmëroi fshanë,
Ti mbledh ëndërrat nga vanë.
Të gjezdis stane më stanë,
Gji më gji me ty çobanë.

- O vetull kthyer si harkë,
Do të puth që të marr hakë.
Do të shtrij në bar të thatë,
Si pupël do të ngre lartë.
@cana

[Ali Baba Tepele]

MUSHT E VERË

Kam merak e kam sekrete,
saqë vuaj!
I mbaj të gjitha për vete,
nuk i ndaj!
Ca shënja, ca isharete,
më pastaj!
Të bëjn të flasësh me vete,
dhe të qaj.
Të bësh lojë dashurinë,
kush të fal!
Copë do ta bëj mëlçinë,
se jam djal!
Keq shpirtin ma ke trazuar,
vajzë mua!
T’u fala për gjithçka deshe,
se të dua.
Mos dëgjo botën e keqe,
të trazuar.
Mos kalo në lum të turbull,
pa kulluar.
Mbaje dashurin të pastër,
të rrosh gjatë.
Njeriu pa dashurinë,
lis i thatë.
Verë do pi, musht i shtrydhur,
pa karar.
Të dehem e zjarr të marrë,
në damarë.
Nga dritarja, nga ballkoni,
do të ngjitem.
E në rënça gjë mos thoni,
le të vritem.

@cana

[Ali Baba Tepele]

SHIJE MAGJIKE

Dashuria paska rrënjë,
Edhe fruta shum të shijshëm!
Zëmrën memece ka bërë,
Të mendoj dhe flasë lirshëm.

Hijen s’e ka shum të rëndë,
Por vështir ta dallosh hijen!
Gjori unë, e marr me mënd,
Kush provoi dhe ja di shijen!

I pari kush e provoi...
Edhe farën thellë mbolli!
Ç’mbrekulli syri shikoi,
Kur mbiu e dheun mori!

U përhap e kudo mbiu,
Në fusha e mal të thatë!
As bora dimrit se ngriu,
S’pyeti për dit e për natë!

Kanë thënë dhe të parët,
Që është mjaltë, të shëron!
Është moll e artë e fatit,
Pa të zemra nuk punon!

Të erdhi në dorë mbaje,
Është si zogu miku im...
Mbaje afër edhe duaje,
Femrën edhe dashurinë!
@cana

[Ali Baba Tepele]

ROMANTIZMI VDIQ

Iku romantizmi, kohët perënduan,
Burimet e ftohta që etjen ta shuan.
Pran kroit një vashë, ashtu rastësishtë,
Ka njohur dhe djalin, dashurin e brishtë.

Iku kroi i bukur, ujët që buron,
Sot uj’t e burimit e ke në bidon.
Gjithë freski e malit, kish lezet të ishe,
Sot ujët e zallit e marrin në shishe.

Iku dhe na la një kujtim të shkurtër,
Sot djemt dhe vajzat njihen në kompiutër.
Një kuti e vogël, e zez a e bardhë,
Gjith botën e madhe e bije vërdallë.

Ikën gjithë shijet, natyralja iku,
Sot në vënd të gjalpit ke vaj kikiriku.
Iku triko leshit na duket si kashta,
Sot një cop najloni t’i xjerr gjith përjashta.

Romantizmi vdiq, erdhi kohë tjetër,
E kujton me dhimbje brezi jon i vjetër.
Industria hyri dhe atje ku s’thuhet,
Saqë njerëzimi s’dihet nga gatuhet!

10/9/2015

@cana

[Ali Baba Tepele]

MBI Ç’DO GJË

Flasin shkruajnë shum poet,
Për Zjarrin e Dashurisë.
Se ka djegur, edhe djegë,
Gjithë zemrat e njerëzis.

Është sëmundje, e pranoj,
Është kolerë pa shërim.
Shohë, tek vetja s’ka nevoj,
Jam futur një rrugë pa kthim.

Mbi tastier gërmat shikoj,
Kë, të zgjedh për në ekran!
Zemër moj u nxifsh me bojë,
Shprehe hapur në ta mban!

Shprehi hapur sa ke brënda,
Me mënyrën që ti di.
Trego dhe brengat e rënda,
S’është vetëm një Dashuri!

Vërtet njerzit kan një jetë,
Por Dashuri kanë shumë.
Gjithkush ka vëndin e vetë
Mos e ndani një mor lumë!

Ndajë, do lutesha poet,
Kur këndoni Dashurinë,
Mos e quani të shkretë,
Vëndin, Gjuhën edhe Prindnë.

Ka dhe dashuri të tjera,
Që gëzojnë poezinë.
Mbi gjith këto m’e vyera,
Dashuria për njerinë.
@cana