Danel Cana

[Ali Baba Tepele]

KUTIA MAGJIKE.

Sikur shkenca të kishte arritur,
T’a gjente sekretin e tele-transportit...
Me shumë të tjerë, do ishim të lumtur,
Njerëzimi vetëm nuk do të ishte...
Dhe lumturia, e më të fortit.

Shkenca vërtetë se ka zbuluar,
Por zemra ka kohë që e përdor...
Shkencën me kohë ka tejkaluar,
Në errësirë përzë vetminë,
Dashurinë ta jep në duar.

Merre dashurinë time,
Freskohu me të, po të ka munguar!
Mbaje, kujdesu, është delikate,
Pa të zemra do ishte jetime,
Nuk ka zemër që s’ka dashuruar!

Sa të duhet merr dhe lër,
Kam një det me dashuri.
Mos më pyet se si ndihem,
A në ngopen sytë së pari,
Atë ekran të vogël që del ti !

Atë ekran tele-optik,
Në gji e mbaj me delikatesë.
Të flas, të shoh, më shikon mua.
Luaj me flokët, buzët, sytë,
Të përkëdhel sa herë që dua.

@cana

[Ali Baba Tepele]

GJITH NATËN TË PRITA

Vajza donte çmendurishtë...
Tretej mallit për një puthje!
Por s’guxonte realishtë...
Bota ndryshe ish në dukje.

Djali tretej dhe hollohej,
Ditët shkonin pa kuptuar.
Si ujku mbi tufë lëshohej,
Por milorja kishte shkuar.

- Ç’m’u trete o mik, m’u trete,
Si lule xane m’u verdhe...
Burimin që dashurove,
Mos e lër, me vete merre!

- Mos më lër, për kokën tënde,
Se mua shum më pëlqeve...
Gjith natën pas asaj mbrëmje,
Të prita, po më nuk erdhe!

- Pse je verdhur bërë ftua,
I miri djalë, jeta ime?
- Vajzë për hallet e tua,
Zemrën mos e lërë jetime.

@cana

[Ali Baba Tepele]

- MIKES

Kur të ikën mikja, zemra mbetet bosh,
Mbyllet port e jetës dhe burimi shter.
Rruga ku do shkoje, s’ke ku ta kërkosh,
Burimin e shpirtit, dimër edhe verë.

Jeta si do shkoi, pa syçkat e tua,
Për buzën që fali puthje mijra herë!
Sot në të aguar, si qiri u shua,
Pa miken e zemrës jeta është e mjerë!

Kur të lë dhe mikja ndihesh i vetmuar,
Më, vlerë s’ka jeta, mëndja s’të punon!
Kush miken ka pranë, jeta s’ka të çmuar,
Sa pa vlerë jeta, kur mikja mungon!

@cana

[Ali Baba Tepele]

UJKU PREMTON
(fabul)
Bërtet ujku: “ Miqtë e mi!
Do vendosim drejtësi!
Që nga sotë, më asnjë hap,
Do jem roje, jo kasap.

Edhe dhëmbët, besa besë,
Të gjith me sharrë do ti presë,
Për këtë pysni gomarë,
Të dëshmoj çfar ka parë.

Kau me brirët me majë,
S'ka ç’i do, kush do ta hajë?
Edhe Kali me patkua...
Kot i mbanë se më ka mua...."

Dëgjon dhija majë një shkëmbi:
- Këto janë kur s’të kap dhëmbi...
Atje tej dy Qën shikoj....
Vijnë të të përqafojnë!

Ujku vrapin kishte marrë,
Harroi se ç’tha më parë....
Dhe njëherë që u betua,
Kot që foli se besuan.

@cana

[Ali Baba Tepele]

YSMEQARË PËR DYNJANË
(këngë satirike)

Këtu në kurbet ku jam – o djemo
vaj, vaj djemo.
Asnjeri hallin s’ma qanë – o djemo
vaj, vaj djemo.
Palo fashisti na shanë – o djemo
vaj, vaj djemo.
Njëzet vjet ëndrrën ma vranë – o djemo
vaj, vaj djemo.
Për kartat një ligj se kanë – o djemo
vaj, vaj djemo.
Si do bëjnë fëmijët tanë – o djemo
vaj, vaj djemo.
Ysmeqarë për dynjanë – o djemo
vaj, vaj djemo.

@cana

[Ali Baba Tepele]

EVROPË KËSHTU TË DUA

Do marrim valle shqiptare,
Sup më sup si këto male.
Eja të bënemi tokë,
Amaneti kështu thotë.
Shqipëtarët nëpër botë.
Feja jonë shqiptaria,
Dua vatanet e mija.
Që mban greku dhe serbija.
Mali Zi , Maqedonija.
Ta dish moj Evrop e vjetër,
Qetësia s’ka rrug tjetër,
Të njihen kufijt e vjetër.
Që nga koh e Ilirisë,
I jep shpresë vegjëlisë.
Evropë kështu të dua,
Unë me ty dhe ti me mua.

@cana

[Ali Baba Tepele]

SYTË E BUKUR DASHUROJ

Dy sy t’bukur m’robëruan,
Dhe nuk di si ta tregoj...
Le të flasin si të duan,
Unë ata i dashuroj !

E mira me kaçurela,
Sytë si qielli më pushtuan.
Vdeksha po si përkëdhela,
Plaçin ata që s’na duan !

Doja të vija një natë...
“Më zuri shiu në udhë...
I lagur nuk hyra brënda,
Të t’i puthja ato buzë ”!

T’i hiqja rrobat nga trupi,
Të mbështillja me çarçaf...
Mishi, të ngjitej me mish,
Dashuria të marr flakë !

Lule të freskëta nga mali,
Një tufë do ta sjell për ty,
Në vazo qelqi t’i mbashë,
Të kujtosh se jam aty!
@cana

[Ali Baba Tepele]

e korigjuar

SYTË E BUKUR DASHUROJ

Dy sy t’bukur m’robëruan,
Dhe nuk di si ta tregoj...
Le të flasin si të duan,
Unë ata i dashuroj !

E mira me kaçurela,
Sytë si qielli më pushtuan.
Vdeksha po si përkëdhela,
Plaçin ata që s’na duan !

Doja të vija një natë...
“Më zuri shiu në udhë...
I lagur nuk hyra brënda,
Të t’i puthja ato buzë ”!

T’i hiqja rrobat nga trupi,
Të mbështillja me çarçaf...
Mishi, të ngjitej me mish,
Dashuria të marr flakë !

- Ti të vije...si zog deti,
“Gënjeshtari im i mirë”...
Do të ngrohja, të ndërroja..
Të velja me ëmbëlsirë !

Lule të freskëta nga mali,
Një tufë do ta sjell për ty,
Në vazo qelqi t’i mbashë,
Të kujtosh se jam aty!
@cana

[Ali Baba Tepele]

PEISAZH

I përplas i bën rrëmujë
Deti dallgët brënda tij.
Ato shtyhen të tërbuara,
Gjer në breg ku këmbët shtrijnë.
@cana

[Ali Baba Tepele]

nga Danel Cana

STINËNGROHTA

Dashuria ka nga brënda,
Zjarr e flakë si globi ynë.
Kur shpërthen vullkan i saja,
Mos rri afër se të shkrinë.

Zjarr si globi ka nga brënda,
Por dhe akull nëpër pole...
Ku s’arrin dot nxehtësia,
Akull...ngrica dimërore.

Kush i di vëndet e saja,
Stinëngrohta i shijoi...
Mjerë ai që luftë hapi,
Lumë ai që dashuroi...

@cana