Danel Cana

[Ali Baba Tepele]

- VETULL SI PËNDË SHQIPONJE

Vetull moj, vetull e kthyer,
si pëndë shqiponje e ngjyer!
Qepalla syrin zbulonë,
plot me drit e s’e tregonë!
Të mjerin më robëronë!

Dy liqene m’duken mua,
kur zhytem në syt e tua,
më mbysin, dua nuk dua,
zemra bën si e tërbuar!
Mëngjesi më gjen zbuluar!

Dritë e mëngjesit ka rënë,
flejtëm a nuk flejtëm prëmë,
nuk tregojmë, natës ja lëmë!
Xhevaire një pëllëmbë,
kaq të mir moj, kush të bënë!

Vetull si pëndë shqiponje,
nuk më the moj, sa më doje!
Bëje sikur s’më besoje,
me sy mbyllur më kërkoje!
I mjeri ç’më torturoje!
@cana

[Ali Baba Tepele]

- DASHURIA UDHËHEQ

U njohëm, ishim të lirë,
një mbrëmje në mugëtirë!
Bëra keq, a bëra mirë,
e kam bërë me dëshirë!

Bëra mirë, a bëra keq,
nuk ka gjasa, që ta ndreq!
Dashuria na udhëheq
dhe tani që jemi pleq!
@cana

[Ali Baba Tepele]

- E VËRTETA PA KAPAK

Gulçon zemra e tërbuar,
si tenxhere përmbi flakë!
Ty mendoj, s’të kam harruar,
nga mëngjesi gjer në darkë!

Ditë e natë, pa zmadhuar,
në të ftohtë dhe në vapë!
Më fal, ndjehem i penduar,
të lutem të kthehesh prapë!

Më fal, ndihem i trishtuar,
shëromë zemrën pak nga pak!
Ka ca kohë, më ke munguar,
e vërteta s’ka kapak!

S’ka kapak për t’a mbuluar,
në u vonoftë sado pak!
Si një lum i kaltëruar,
zemrën time bënë jatak!
@cana

[Ali Baba Tepele]

- ZEMRA ËSHTË E KUQE

Qofsh e zezë, a e bardhë,
dhimbja është njëlloj!
Edhe loti ngjyrë s'ka,
syrit kur pikoi!

Qofsh i bardhë, a i zi,
gjaku është njëlloj!
Ngjyrë të kuqe ka ai,
njëlloj dashuroj!

Qofsh i bardhë, apo i zi,
i kuq a i verdhë!
Ngjyrë e jashtme s’ka rëndësi,
kur di të rrosh me nder!

Çfardo ngjyre ka lëkura,
zemra një ngjyr mban!
Si për gra, edhe për burra,
syri njëlloj qan!

Qajnë fëmijët nëpër botë,
plagë, uri e dhimbje!
Ndaloni luftën na thotë,
kanë ëndërra fëmije!

Shihni ç’bukuri ka bërë,
nëna jonë natyrë!
Bota ka vend për të tërë,
çdo komb e çdo ngjyrë!
@cana

[Ali Baba Tepele]

- AH PLEQËRIA

Në, faqen ma dhënç ti,
oh faqen si petull!
Të puth dhe synë e zi,
oh syrin me gjith vetull!

Në buzën gjith dashuri,
oh buza avullon!
Në gushë të puth, në gji,
aty jeta buron!

Kur isha vetë i ri,
ah i ri kur isha!
Rrespekt dhe dashuri,
gjithmon për femrën kisha!

Dhe sot në pleqëri,
oh sa shpejt që vjen!
I gjallë, sa kam fuqi,
oh shpirti s’më gënjen!
@cana

[Ali Baba Tepele]

- FAJTOR JEMI VETË

Kur të zbardhet pëndë e korbit,
mbaje mënd këtë o bir!
Atëherë mrekulli do ndodhin,
që të jesh njeri i lirë!

Kur Dielli të jetë shuar,
edhe korbi të jetë zbardhur!
Atëherë fatin e vonuar,
mos e prit më, për të ardhur!

Shumë pengesa ka kjo tokë,
kjo tokë, që s’dëgjon nga veshët!
I drejti rrugën s’e gjen dot,
njerëzia nuk e deshën!

Dele e zezë s’bëhet e bardhë,
as gomari nuk fluturon!
Ka vuajtur populli shqiptar,
po armikun kurr s’e duron!

Them se erdhën kohë të liga,
s’ka faj koha, faj kan njerzit!
Nuk mendojnë për të mira,
t’ja lënë trashëgim dhe brezit!

Ikën të gjithë ata burra,
ata ishin drejtësia!
Hasmit i shpëtonte shurra,
vetëm nga hija e tija!

Sot s’e dinë fjalën vatan,
nuk e dinë fjalën atdhe!
Dolën nga shishja ca shejtan,
grykën shishes ja hapëm ne!
@cana

[Ali Baba Tepele]

- KTHEJE KOKËN MBRAPA

Dielli puthi malin moj,
rrezja shkriu vesën!
Ç'pate kush të ndali moj,
që nuk ma dhe besën!

Syri im lotonte moj,
fshehurazi qaja!
Besën edhe malin moj,
në zemër ti mbaja!

Të kisha në zemër moj,
dorën kur ta zgjata!
Më ngrive si bora moj,
ktheje kokën mbrapa!

Ktheje mbrapa kokën moj,
se më mori malli!
Po si ta shkrij borën moj,
të puthem me malin!

Ktheje kokën mbrapa moj,
se e bëre gjëmën!
Si ta shkrij unë borën moj,
të më ngrohësh zemrën!
@cana

[Ali Baba Tepele]

- HËNA MË BRAKTISI

Hëna në të mbushur,
pret diellin të dalë!
Sapo nxori synë,
iku la sabanë!

Një natë të tërë,
Hëna edhe unë!
Asnjë s’do të flerë,
si nuk patëm gjumë!

Sot e dashur Hënë,
ngjajmë ne të dy!
Vetëm na kanë lënë,
si mua edhe ty!

Gjumi arratiset,
nuk di se ku shkoi!
Hëna më braktisi,
dita e ndihmoi!

Në bregun e detit,
pres vajzën të dalë!
Ajo s’qenka vajzë,
qenka rrënjëdalë!

Era lehtë ja merrte,
flokët kaçurela!
Përmbi sytë e kaltër,
baluket e verdha!

Hënë e dashur Hënë,
dil tani po deshe!
Zgjate natën tënë,
të mbush me peshqeshe!
@can