Danel Cana

[Ali Baba Tepele]

E ndryshuar.....

LEFTER ÇIPËS

T’u shtoftë jeta Lefter Çipa,
Monument i gjallë.
O dora që ndezi drita,
Rivierës së rrallë.

O mëndje Floriri pastër,
O gjuha balsam.
Bilbil i Himarës ashpër,
Pena Jatagan.

O dora që bukur gdhëndi,
Historin në këngë.
Pashallesh Vasiliqinë,
E bëri të shënjtë.

Këngët e tua të rralla,
Bërë lloje-lloje.
Të deshi bregu dhe vala,
Si mjalti në hoje.

I mblodhe gjithë bukuritë,
Dhe i bëre tokë.
Cylën dyjare dhe grykë,
Bilbilin ke shokë.

Bilbil je, Bilbil do mbetesh,
Për gjith shqiptarinë.
Në vargje e këngë do tretesh,
Si kostum të rrinë.

Era që ngrihet nga deti,
Djersën të ta thajë.
Loti i kripur në sy mbeti,
Nuk thahet kollajë.

Për Himarën ke kënduar,
Se e doje shumë.
Prapse valën e tërbuar,
Të mbuloj me shkumë.

Ktheja përgjigjen me këngë,
Si herët e tjera.
Mjegullës që mbuloj vëndë,
Gjoksin kërkon era.

Himara djepi i këngës,
Krenari e bregut.
Krenari e këngës Labe,
Penës dhe dyfekut.
@cana

[Ali Baba Tepele]

E DEHUR JE MË E BUKUR

E dehur qënke e bukur,
Se më flet çaprazë,
Me krahët loz si një flutur
Si det me tallazë.

Syrin hap e mbyll ngadalë,
Atë sy të bukur.
Buzët afron të bashkuara,
Gushën për të puthur.

Unë nuk di nga ta zë fillë,
Si ti edhe vera.
I dehur dhe i pa pirë,
Mëndjen ma merr era.

Pi një gllënjkë, sytë nga mua,
Nën qepallë të fshehur.
Vdeksha kur më thua: “Të dua”,
Gjoja qënke dehur!

Gjithë të ligatë t’i lashë,
Mbi buzën qershi.
Me linj të hollë kur të pashë,
Ç’të bëj unë me ty!

Buzë më buzë të përqafuar,
Kaloi dhe një natë.
Mëngjesi na pa zbuluar,
Na mori inatë.
@cana

[Ali Baba Tepele]

PREFEKTI
( Fabul )

Një Karçin që ish Prefekt,
Nxori thirrje n’Internet:
Bar e gjeth, po do të hani,
Mos u ndani nga ekrani!
Bar e gjeth do ndaj Bashkija...
Mmmm..sa mirë, lëpihet Dhija!
Hapet lajmi cep më cep:
Sotë kullosni n’Internet.
Karçin Prefekti e foli,
Si lum Dhija që e polli!
@cana

[Ali Baba Tepele]

TË QESHUR TË PAFSHA

Përmbi foto’ të profilit,
T’a shkruaj një urim,
E bukur si Trëndafilat,
Si drita n’agim.

Ditët, muajt, edhe vitet,
Shkojnë pa kuptuar,
Gjithë më e mir se ç’ishe,
Rritur zbukuruar.

E freskët gjithmon të mbetesh,
Si vesa mbi lule,
Uroj të tillë portetesh,
Pafsha këtej e tutje.
@cana

[Ali Baba Tepele]

... TI MË PYET

- Do të puthësh pak, për të jetuar gjatë...
Më pyet mikja: Cila është më mirë?
- Apo do të jetosh të puthësh prap e prap?
Cila të duash ti, Dielli del të ndrij!

Të puthësh për të jetuar, kjo është ilaç,
Mbi buzët e tua t’i shuaj energjitë...
Mënyrë më të mirë për zemrën nuk ka!
Si rrufe nga qielli ndienjat m’i zhurit.

@cana

[Ali Baba Tepele]

GËRSHETI I ARTË

Tek vështroj portretin tënd,
Thellë zhytem në mendime.
Për poetin qënka rëndë
Penë, bojë, cop e thërrime.

Atë ball si bjeshkë e fjetur,
Rrethuar nga gërshet i artë.
Larg në bjeshkë, ndër mërriza,
Shkon mendimi nisur vrap.

Bjeshkës shkoj natën me hënë
Thyhet hija, ndër burime,
Ndënë lisa, ujë ergjëndë,
Shuan etjen ëndrra ime.

Dhe mbi ujët e burimit,
Si pasqyrë, a si në fat...
Dalin Zanat e mendimit,
Shikoj një gërshet të artë !

Kokën kthej e përgjërohem,
Ajo lehtë më shkeli synë,
Për ty bëj gjithçka, betohem,
A do të përkud fëmijnë ?

Ti s’je Muji, m’a kthen flokarta,
As dhe unë një Zanë mali,
Dy fotografi të thata,
Ç’të bënë të digjesh nga malli !
@cana

[Ali Baba Tepele]

CA FJALË NDËRRUAM

Sorkadhja që s’bie në pritë..
O syri që lëshon dritë !
Ndalu e dëgjomë njëçikë...
Dertet e mia në shpirtë...

Dil moj dil e bukur femër,
S’dua pasuri dhe emër!
Dua buzë e dua zemër,
Bukurin që ka një femër.

Pse u njohëm s’u gabuam...
Pakë kohë ca fjal ndërruam.
E di që të dy e duam,
Atë që në jetë s’provuam !

Hajde provoje ç’është dija...
S’është e hidhur dashurija!
S’është nektar në treg ta blija,
Ku ta gjej, të tërë ta pija!

Trëndafili i sapo çelur,
Aromën brënda të mbledhur...
Si fustan i bardhë hedhur,
Cila vajzë s’mbeti e velur!

Dashurija s’është lojë...
Është mjaltë i nxjerr nga hojë.
Kush e ka duhet ta mbrojë,
Kush se ka del ta kërkojë.
@cana

[Ali Baba Tepele]

BETOHEM

Betohem për të madhin diell,
Për yjet që jan në qiell,
Betohem për nënën çfar ka sjell,
Për ata sy që pran më ndjell.

Shumë gjëra besova në jetë
Besova, ashtu si tani.
Të mashtroi nuk di vërtetë,
Bije viktim në dashuri.


Ashtu gjithmon u betofsha
Si zogu pran të këndofsha,
Për nazet t’u përgjërofsha,
Behar dhe dimër kalofsha.
@cana

[shigjeta]

BETOHEM

Betohem për të madhin diell,
Për yjet që jan në qiell,
Betohem për nënën çfar ka sjell,
Për ata sy që pran më ndjell.

Shumë gjëra besova në jetë
Besova, ashtu si tani.
Të mashtroi nuk di vërtetë,
Bije viktim në dashuri.


Ashtu gjithmon u betofsha
Si zogu pran të këndofsha,
Për nazet t’u përgjërofsha,
Behar dhe dimër kalofsha.
@cana

Ky po qe eshte betim

Bukur shkruar ....

[Ali Baba Tepele]

DO VI PRISHTINË

Një ditë do vete në Prishtinë,
A Prishtina do vijë tek mua !
Do shkoj së bashku me poezinë,
Me këngën Labe që shum e dua.

Me këngë do ngjitemi në skenë
Dhe valle do hedhim me vëllezrit,
Së bashku me pushkë dhe penë,
Së bashku dhe skenën e ndezim.

Ne dimë si vëllezër të bashkohemi,
Tej t’i flakim vitet që na ndanë...
Gjuhës e mëmëdheut t’i gëzohemi,
Flamurit të Gjergjit që na mbanë.

@cana

[Ali Baba Tepele]

CA FJALË NDËRRUAM

Sorkadhja që s’bie në pritë..
O syri që lëshon dritë !
Ndalu e dëgjomë njëçikë...
Dertet e mia në shpirtë...

Dil moj dil e bukur femër,
S’dua pasuri dhe emër!
Dua buzë e dua zemër,
Bukurin që ka një femër.

Pse u njohëm s’u gabuam...
Pakë kohë ca fjal ndërruam.
E di që të dy e duam,
Atë që në jetë s’provuam !

Hajde provoje ç’është dija...
S’është e hidhur dashurija!
S’është nektar në treg ta blija,
Ku ta gjej, të tërë ta pija!

Trëndafili i sapo çelur,
Aromën brënda të mbledhur...
Si fustan i bardhë hedhur,
Cila vajzë s’mbeti e velur!

Dashurija s’është lojë...
Është mjaltë i nxjerr nga hojë.
Kush e ka duhet ta mbrojë,
Kush se ka del ta kërkojë.

@cana

[Ali Baba Tepele]

SA E BUKUR VASHËZO

O sa bukur vashëzo,
Nishani mbi buzë...
Kur e putha vashëzo,
Më ndezi si shpuzë!
O sa bukur vashëzo!

O sa bukur vashëzo,
Vetullat me harqe..
Si dallga e detit-o,
Tretur pas një vale!
O sa bukur vashëzo!

Floku jotë vashëzo,
Si kurorë bliri..
Nën dritën e hënës-o
Merr ngjyrë floriri..
Floku jotë vashëzo!

O ky trup i bukur-o
Si purtek lajthie....
Zemëra ku qëndronë!
Flisje edhe ndrije...
O ky trup i bukur-o!

@cana

[Ali Baba Tepele]

MOS E LËNDO POEZINË

Mos e lëndo poezinë!
Shkel mbi të si një tastierë.
Ajo zemrën përtërinë..
Lëre lirshëm që të rrjedhë.

Sikur lulet ledhaton..
Ledhatoi rrokjet ngadalë.
Po ta shtrydhësh mjalt pikonë,
Por për shpirtin ngre dhe valë!

Si fëmija poezia....
Lind nga qënia e një poeti.
Vriten po të bjen, të dyja...
Ndihmoje më këmbë të eci!

Bie, ngrihet me ngadalë..
Oh sa keq! Kujdes..U vra?
Si e dehur ecën, s’ndalë
Dhe ajo një zemër ka.

Pa bukë duroj ca kohë..
Nuk rri dotë pa poezitë..
Pa marr frymë s’duroj dotë
Oksigjeni për mushkritë.

Thell më fusin në mendime,
I lexoi gjithmon ngadalë...
E trazojnë mëndjen time
Ngrohet gjaku në damarë.
@cana

[Ali Baba Tepele]

- NATA E PARË

Në odën me xhama ndezur një qiri...
S’kish gjumë për ata, çifti më i ri...
Thëllëza, Bilbili myllur në kulvi...
Gjumi i përzënë mori arrati...

Ah ç’u tretë i gjori, shpirti tij e di,
Natë e ftohtë Shëndreu, në djersë u shkri!
Natë e goxha natë, sa mezi u gdhi...
Edhe nata s’ikte, s’donte kurrësesi!

E mjera Thëllëzë ku t’a dije ti!
Se një shpirt i vetëm do të bëhej fli!
Në hone të thella, në pyllin e zi,
Ç’ish... torturë për të apo dashuri!

Qelibar të virgjër ti edhe ai...
Të grisi, të zhveshi, si mbajte mëri,
Buzët në të kuqe t’i bëri mavi...
Herë gjoksi buçet, herë bën ujdi.


Herë herë ohë..as vetë nuk e di...
Ç’është nata e parë për çiftin e ri!
Është ëndërr e keqe apo dashuri!
Është një dritë qiriri që i ndezur rri.
@cana

[Ali Baba Tepele]

PO TË THEM

Ta kam thënë moj ta kam thënë,
Vetëm Ti më mban këtu!
Do ti braktis Diell dhe Hënë,
Të mbetem në gjinjtë e Tu.

Të tillë sy kurrë s’kam parë,
As dhe si të tuat buzë!
Më beso edhe më qaj hallë,
Trupi gjith më djeg si shpuzë!

Të them pse të dashurova,
Atë trupin si qeri!
Mesë hollë, gjer në gushë,
Ç’ke mbuluar nuk e di!

Betohem, as njerëzia..
Par s’ka të tillë bukuri...
Fajtore është rastësia,
Që u takuam ne të dy!

O! Po të mundje të kuptosh,
Se ç‘dhimbje ndjej në shpirtin tim!
Mbi det trazuar do lundrosh,
E më s’e gjen rrugën për kthim!

Në mes gëzimesh të lëngosh,
As për të mira s’ka shpërblim,
Të vuash e të duash fortë...
Pa shpërblesë, pa një fitim!

Vështroja rrobat plot stolira,
Që dhe vetë yjet kishin zili...
Ata vallzonin të pa ndarë
Dhe unë qaj në ngashëri!

Dhe rraha krahët i tmerruar,
Të betohem për qiell e dhe...
Si ty në jet s’kam dashuruar,
Si shurdhmemece rri e më sheh!

Nga luft e brëndshme i dërmuar,
Në shtrat kur shkoj gjumi s’më ze!
Jastëkun lagur edhe i zgjuar...
Në mëndje kam vetëm atë!
@cana

[BaBa]

CA FJALË NDËRRUAM

Trëndafili i sapo çelur,
Aromën brënda të mbledhur...
Si fustan i bardhë hedhur,
Cila vajzë s’mbeti e velur!

@cana

Je i Madh.

[Ali Baba Tepele]

ESMERKA IME

Njëzet vjet festoje ditën e Xhuma,
Iku fëmijria lule që u tha.
Lule që se mbajte, u bë frut i pjekur
Në Gusht trëndelina bëhet për t’u mbledhur.

Esmerkë më ishe kush të hodhi kripë?
Ja më thuaj eja, ja më thuaj ikë!
Ja më thuaj eja, që të lozim tokë,
Ja më thuaj ikë, pa mëndje në kokë!

Ja më thuaj eja Esmerkë të keqen,
Kushedi ç’levendë për tyja po treten!
Ç’të qeras i gjori që më dole para,
Më ngrive, më shkrive, më fut në belara!

U fryjta i mjeri si vedra me shkumë,
Nga malet më zbrite, më shpure në lumë.
Qumësht të pikonte ai sy i murrmë,
Më trete, më thave, më vure në gjumë.

Me florinj të mbushur gushë edhe duar,
Burrat mëndje prishur djemtë pa martuar,
Seç i le të gjorët me zemër helmuar,
Të ka lindur nëna për t’u dashuruar.

@cana

[Ali Baba Tepele]

- QËNI KRYETARIT
(Satirike)

Qyteti...ja dha të qarit,
Ngordhi qëni kryetarit!
Iku qëni i shtëpisë.
Kryetarit të bashkisë!

Ç’na bëre mor i uruar,
Ditën e ujit bekuar!
Le fëmijët të pikëlluar,
Me celular nëpër duar!

Sa për Fe ishte i ndjerë,
Mysliman dhe i krishterë!
Vetëm duke bërë ca - ham;
Hante pashkë dhe barjam!

Sa për politikë e qante,
Partit e mëdha i ruante!
Të tria testat i mbante,
Her i lyente, herë i lante!

Ishte qëni më me fatë
Njëzet vjet elektoratë,
Buçet s’i linte rehatë,
Socialist dhe demokratë!

Për nga fisi derë e madhe,
Qën bir qëni ish për stane,
E jëma buçe me halle,
Babai si dihej fare!

Ç’na bëre more lanet!
Me ty erdhëm në pushtet.
Ç’far deshe t’a zuri dhëmbi,
Përrmirrje në majë të gjëmbit.

[Ali Baba Tepele]

MALL PËR MEZHGORAN

Mezhgoran o vënd i sertë,
Midis maleve qëndron.
Llafosesh përditë me retë,
Trëndelina kundërmon.

Të zgjodhi nëna Natyrë,
Nga më krenarët dy male.
Shëndëlli çaj e pelinë,
Vëndi ku verojnë stane.

Trebeshina e Dhëmbeli,
Përball njëritjetrit rrinë.
Lumi që legjendar mbeti,
Vjosa nuk e ndal furinë.

Fshati syrin ballë diellit
Era të ledhaton gjinë.
Zgjuhesh nga zile këmborë,
Zëra zogjësh cicërimë.
@cana

[Ali Baba Tepele]

VAJZ DHE TRËNDAFIL

Lule në tënden saksi,
Larg vështrimit vjedhur.
Të të laj syrin e zi,
Me vesën e mbledhur.

Trëndafil do bëhem,
Të falem me ëndje.
Para teje çelem,
Mëngjes edhe mbrëmje.

Të vish të më puthësh,
Kur duhet aroma.
Të të puth dhe unë,
Ato buzë të njoma.

Të më përkëdhelësh
Me shumë dashuri.
Të fle e të vyshkem,
Në të tëndin gji.

Të çel gonxhe shumë,
Me fletë mbuluar.
Të zgjuaj nga gjumi
Si i dashuruar.

Vajz dhe Trëndafil
O sa shum që ngjajnë!
Duhen në natyrë,
Nga dora si ndajmë.
@cana