Danel Cana

[Ali Baba Tepele]

- BILBILI DHE TRËNDAFILJA

Një mëngjes pashë një Bilbil,
lozte me një trëndafil!

Me sqepin e bukur çukit,
e i shprehte dashurinë!

I këndonte këngë plot,
Trëndafilja sikur s’do!

Dridhte e përdridhte fletët,
sytë i kishte tek një tjetër!

Bilbilit këngët i ngrinë,
lodhej kot për dashurinë!

Trëndafile sapo çelur,
më trego se kë ke zgjedhur!

I thoshte Bilbili plotë,
trëndafilja derdhte lotë!

Këngët kurrë s’ju mbaruan,
më në fund u përqafuan!
@cana

[Ali Baba Tepele]

- UNË DHE MBRETI KËNGËS

Ah kjo valë e lumit,
se ç'më la pa gjumë!
Si të bëj i mjeri,
që të dua shumë!

Nuk pushoj së rendur,
vala tatëpjetë!
Melodi e saja,
zemrën ç'ma godet!

Një këngë këndojmë,
vala edhe unë!
Si t’ja bëj i mjeri,
që të dua shumë!

Rend moj valë e egër,
me zhurmë dhe bujë!
Në kokë mendimet,
i ndjejë rrëmujë!

Dallgët lumit shushurin,
natë e ditë s’pushon!
Gjumi mori arratinë,
malli ç’më pushton!

Lumi, dashuria,
malle që më tretën!
Bashkë këndojmë ditën,
natën këndon vetëm!

Ditën na bashkohen
dhe zëra të tjerë!
Bilbili pranë lumit,
ka ngritur folenë!

Mbi degë të nerënxës,
që ujë pi, tek lumi!
Më thuaj, mbret i këngës,
vallë, a të zë gjumi!
@cana

[Ali Baba Tepele]

- JETËN TA BASHKOJMË

Borë e shkrirë kullon vendi,
erë e gjethit përkëdhel!
Zbret Bilbili, me Thëllëzën,
kemi dasëm në pranverë!

Në trëndafilin e çelur,
shkon Bilbili ngre folenë!
Thëllëz e bukur e malit,
hajde së bashku të flemë!

T’i këndojmë dashurisë,
të dy, jetën ta bashkojmë!
Dashuris e lumturisë,
gjithë jetën t’i këndojmë!
@cana

[Ali Baba Tepele]

- TURPI TË MBULOFTË

Si ke guxim njeri i “vocël”,
me tradhëtarin në një çanak?
Kërkon pushtet, njeri i poshtër,
kundër atdheut bën fushatë!

Si nuk ke frikë dhe nuk mendon,
se gjaku i derdhur kërkon shpërblim!
Drejtësia vjen dhe pse vonon,
shpirti yt i zi, s’e ka qetësin!

Nga tradhëtari kush pa hajrin...
cili popull e përkrahu?
Ai , që armikut i qan hallin
dhe kombit ja fut sa krahu!

Si guxon, “njeri i vockël”,
çfarë mëndje ke more aman!
Me tradhëtarët në një sofër,
si mbulon dot ato që pam!

Kombi shqiptar të ka dënuar,
brezit që vjen çfarë ti tregosh!
Dhe historia të ka mohuar,
po nuk ke sy që ta shikosh!
@cana

[Ali Baba Tepele]

- KUFIRI MOLLA E KUQE

Dardania historike,
ishte dhe mbetet fisnike!
Emrin si ta kanë ndryshuar,
ishe dhe mbetesh shqiptar!

Shqip ka folur dhe vazhdon,
historia e tregon!
Dhe në kohët më kritike,
s’e braktisi gjuhën shqipe!

Dhe në luftrat me shumë bujë,
gjakun nuk e bëri ujë!
I thirri ngado që qenë,
krah të njëri-tjetrit mbenë!

Besën edhe trimërinë,
nuk i ndërroj për lirinë!
Mbrojti nderin, historinë,
gjakun dha, për Shqipërinë!

Dhe sido që e coptuan,
kurrë nuk e nënështruan!
Për armikun, ka ca huqe,
kufiri tek “mollë e kuqe”!
@cana

[Ali Baba Tepele]

- DETYRAT E NJRËZIMIT

Dymbëdhjet zotër paganë,
që jetonin në Olimb!
Të pa vdekshëm thonë, janë,
përmbushin mitologjinë!

Shumë të zgjuar, thonë, janë,
dinin vallë shkrim e këndim?
Në çfarë gjuhe komunikuan,
çfarë libri na lanë me shkrim?

Cili nga të dymbëdhjetë,
krijoi botën dhe njerinë?
Kush u kujdesua vërtetë...
s’e kurseu dashurinë!

Si, shërbyen njerëzimit
dhe s’na lanë asgjë të shkruar?
Se në postin e drejtimit,
duhet të jesh i shkolluar!

Çfarë gjuhe flisnin vallë,
mos vallë të gjitha i dinin?
Shetitën gjithë botën mbarë,
edhe bindën njerëzimin!

Nga të dymbëdhjetë, cili,
i lejoi të shpiken fetë!
Dhe të vritej njerëzimi,
kur ata jetonin vetë!

Mitologjia u shkrua,
nga njerzit më të ndritur!
Dhe Zeusi u caktua,
për të mos u përsëritur!

Zot i botës është natyra,
këtë të parët na mësojnë!
Njerëzimi ka detyra,
por ata gjithnjë gabojnë!
@cana

[Ali Baba Tepele]

- KUSH KRENOHET ME FE

Xhami të madhe ndërtuan,
Brënda në Tiranë!
Qeveria gjithë popullin,
E ka bërë kurbanë!

Gëzohu Tirana jonë,
Me xhami të re!
Neve tymi na nxjerr sytë,
Atje ku na le!

Krenohet Erjon Veliaj,
Se ka bërë sevap!
Ca fonde që dha bashkia,
Do t'i mbledhi prapë!
@cana

[Ali Baba Tepele]

- FESTOFSHIM NJË JETË

Dy mij e njëzet e pesë,
tre Prilli po vjen!
Plot me mbesë, e me nipër,
gjyshër po na gjen!

Dyzet e pes vjet martuar,
u lidhëm të rinj!
Ende jemi përqafuar,
s'e ndjejm pleqërin!

Ikin vitet, lulja ime,
po ti nuk ndryshove!
Si atëherë kur u njohëm
dhe u dashurove!

Ikën koha lulja ime,
qetë, e pazhurmë!
Thërrimet e njeri tjetrit,
nuk na prishin punë!

Koha bënë punën e saj,
dot s’e komandojm!
Floku si bora në maja,
ca rudha na shtoj!

Derdhëm djersë dhe punuam,
fëmijët i rritëm!
Sot Evropës u shpërndan,
kohës ju përgjigjën!

U munduam t’i mësojmë,
të bëhen të mbarë!
Ata kudo që të shkojnë,
mbeten shqipëtar!
@cana

[Ali Baba Tepele]

- LOJA NA RRIT
(për fëmij)

Kjo Luljeta nuk dëgjon,
gjithë ditën në telefon!
Eja Luli, dalim jashtë,
të rendim, të lozim bashkë!

Në tablet e telefon,
s’na duhen për moshën tonë!
Babi im shumë mirë e di,
se është mjek për fëmij!

Po të bredhim dit për ditë,
më shumë na hapen mushkritë!
Të shkojmë në det, a në lumë,
të notojmë sa më shumë!

Eja pra, të dalim jashtë,
të luajmë me shokë bashkë!
Të gjithë bashkë, shoqe, shokë,
tek fusha të luajmë me top!
@cana

[Ali Baba Tepele]

- JO NDARJE

Ca pika shiu ranë mbi pellg,
ca rrath të vegjël ato shpërndan!
Unë rri mendohem, si për dreq,
me ëndje shikoj një çift pranë!

Njerëzia çapiten të qetë,
në shëtitoren këtu pranë!
Ndihen të lumtur në vend të vet,
e vetëm ne, bota na ndanë!

Pikat e shiut bien mbi pellg
dhe rrath të vegjël gjithmon shpërndan!
Trishtimi im kohën s’e ndreq,
shum kohë u bë, më s’u pamë!

Përpara rrugës në kafene,
këtë ditë shiu, i vetëm jam!
Dhe veten pyes përse, përse,
duheshim shumë, përse u ndamë?

Ika unë, ike dhe ti,
në tjetër vend dhe më s’u pamë!
Një tjetër mora dhe lindi fëmij...
ty një tjetër në krahë të mban!

Një zjarr u ndez nga një shkëndi
dhe s’ka ndërmend koha ta shuaj!
Unë mirë e di dhe ti e di,
kush dashuroj, duhet të vuaj!
@cana