Danel Cana

[Ali Baba Tepele]

- LUM KUSH PUNON

Bukuri që kurrë s’humbi,
vajzë si të dha mamaja!
Fluturojë si pëllumbi,
krijoi familjen e saja!

Iku, braktisi qytetin,
shkoj në fshat përgjithmonë!
Në male djalin e gjeti,
e do dhe e dashuronë!

E lumtur që e ka pranë,
i lumtur është dhe ai!
Punë e tij është çoban,
një kope me dhën e dhi!

Dhe ajo ka punë plotë,
lanë, fshinë dhe gatuan!
Parazite nuk rri dotë,
nuk i rrihet pa punuar!

Lumë kush djersë derdhë,
edhe familjen mbanë!
Kurrë nuk vuan në jetë,
të lumtur gjithmon janë!
@cana

[Ali Baba Tepele]

- VETËM TY MENDOJ

Le të ndizet zjarri,
thellë, thellë, në bark!
Një vështrim nga malli,
seç më ndezi flakë!

S'e kuptoj ku ra,
shkëndija më parë!
Vetëm ndjej se digjem,
i gjithi në zjarrë!

Vetëm ty mendoj,
kur do të takoj!
A do buzëqeshësh,
kur të përqafoj!

Si do reagosh,
kur të më kesh pranë!
Një gjë e di mirë,
zemrën kush m’a mban!

Vrapin do të marrë,
zemra ime e shkretë!
Sado të kujdesem,
s’e kuroj dot vetë!

Vrapin do të marrë,
maleve përpjetë!
Kur dhe dashuria,
i kalonë dhe retë!

Mbaj besën njeri,
dashuro gjithmon!
Diellin mos e paftë,
kush nuk dashuron!
@cana

[Ali Baba Tepele]

- FSHATI MË BËN KRENAR

Më vjen mall të shkoj në Mezhda, a në korije të bëj dru!
T’ja hipi kalit mënjanë dhe ngarkuar t’a sjell më tu!
Dru lisi nga të mitë do presë, të mira që mbajnë zjarr,
Kur të zbres në përrua tatëpjetë, labçe do ja marrë!

Mësova t’a ngarkoj kalin vetëm, hiç të mos hedhë anë,
Ishte i urtë Balashi rrinte, me mushkën gjeja belanë!
Dru nga pylli im do presë, një apo dy barrë t’i sjell,
Sa të pjek ndonjë byrek, a ndonjë kec shkuar në hell!

Më vjen mall t’i shkel një herë, gjithë rrugët ku kam shkuar,
Në vëndin tim ku jam lerë dhe ku jamë dashuruar!
Të më rrojnë ç’kam lënë pas, janë njerëz të fshatit tim,
Eh! Halli më hodhi shumë largë, i huaj në mërgim!

Edhe tani po të vete, të gjithë më bëjnë vënd,
Që tridhjetë vjeç ika nga fshati, s’u prisha me askënd!
As unë, as babai im, që iku në pleqëri,
Sa ishim rrojtëm si vëllezër, s’u prishëm me njeri!

Prandaj rrugën e kam të hapur, qoftë ditë apo natë,
Bukë e kripë dhe zemër gjej, në çdo portë të trokasë!
Dhe jo vetëm në fshatin tim, po dhe ata për rrethë,
Gjithë respektin që kam mbjellë, filloj tani e mblethë!

Kjo në jetë është kryesore, prandaj i lumtur jam,
Emrin e fshatit Vagalat, kurorë mbi ballë e kamë!

@cana

[Ali Baba Tepele]

- I HUAJ MBETET I HUAJ

Shtatë të mira, një e keqe,
të bën t'i rrish lepe-peqe!
Zemrën e mbërthen në leqe,
të mbyt kapriço e keqe!

Bëj të mira sa të duash,
po e prishe, do të vuash!
Po veprove një herë keq,
është pa mundur që t’a ndreq!

Prisni pak more të ngratë,
s’pritet lisi me një spatë!
As kali me shalë stolisur,
s’shitet, një herë qorollisur!

Vëllanë tënd, ti po e do,
kurrë mos shaj, e poshtëro!
I huaj kurrë s’të jep hakë,
sa yti, që ke një gjakë!

I huaj mbetet i huaj,
nuk bëhet dot gjaku juaj!
Dashurinë dhe rrespekte,
i ke bërë çdo gjë për vehte!
@cana

[Ali Baba Tepele]

- DASHURI PREJ SË VËRTETI

Më iku gjumi, më iku,
ma rrëmbeu vetullholla!
Deshi edhe ma rrëmbeu,
apo vërtetë dashurova!

Më iku gjumi më iku
zemrën s’e di ku e kam!
Mezi pres të vijë dita,
t’a takoj, e t’a kem pranë!

Gjej një puthje virtuale,
ja dërgoj që t’a pëlqej!
Për ato mos u lodh fare,
ku e kamë që t’a ndjej!

Dashuria është intime,
s’ka figurë që e tregonë!
T’a ndjej mbi lëkurën time,
ajo më ngroh, e më çliron!

Të ndjej dhe të më ndjesh pranë,
të dëgjoj frymmarrjen tënde!
Ledhatimin tënd të marrë,
të, të pëshpëris me ëndje!

Fjala ëmbël ka shumë peshë,
kur e thuaj pranë veshit!
Në qafë puthjen t’a ndjeshë,
dashuri prej së vërteti!
@cana

[Ali Baba Tepele]

- THËLLËZË E SHËNDËLLISË

Dëgjoj një këngë Thëllëze,
që këndonte pa pushim!
Ajo ndihej e vetmuar,
dita i sillte trishtim!

Hodha sytë nga Shëndëllia,
gjysma me borë të ngrirë!
Brënda Thëllëzën e mora,
t’a ngroh se kishte mbërdhirë!

Buzën çeli, falenderon,
kur e merrja me të mirë!
Një sy gjumë ç’e ëndërronë,
mbi dyshekun e butë shtrirë!

Buzë e kuqe flakëronë,
e putha gjithë ëmbëlsirë!
- Ah bilbil në dashuronë,
mos më lerë ti në vetmi!
@cana

[Ali Baba Tepele]

- TË BETOHEM MANUSHAQE

O bobo çfarë më ke bërë,
më ke hyrë thellë në zemër!
Që nga dita që të pashë,
nuk shikoj dotë tjetër femër!

Do të dua vogëlushe,
për atë diell të betohem!
Për veç shijes asaj buze,
në jetë nuk dashurohem!

Kurthin që të bën o jetë,
t’a mbërthen zemrën në çark!
Të zgjedhësh, është e vërtetë,
nuk qënka e lehtë aspak!

Të zgjedhësh kur je mes lulesh,
ditën që i çelë pranvera!
Në tru aroma të ngulet,
të tërheq nga lule tjera!

Të betohem manushaqe,
sado që të rrish e fshehur!
Gushën dhe të butën faqe,
do t’a puth moj si i dehur!
@cana

[Ali Baba Tepele]

- VULA E JETËS

Numërojmë vitet që ikin,
si shkallët në brirët e dhisë!
Dhe rudhat që dotë s’i mbyllim,
zbardhen flokët e zesë pisë!

Si rrathët e trungut të prerë,
numërojnë moshën dhe rudhat!
Si dallgët që shuhen në breg,
jetës sonë i vihet vula!

O njeri sa të jesh gjallë,
fjalën kurrë ti mos e prish!
Për fjalë të bukur na mbanë,
nuk na mbanë toka për mish!

Kujdesu për lulen e jetës,
ajo është dashurija!
Mos ja mbyll sytë së vërtetës,
pa të s’rron dot njerëzia!
@cana

[Ali Baba Tepele]

- QYQJA U KËNDOFTË

Pse harxhoni bojë dhe letër,
ju që s’kini gjak në deje!
Vlerat e kombit të vjetër,
i dimë të gjithë, përveç teje!

Sa herë duam të ngremë kokën,
dhe vlerat e kombit tregojmë!
Ju me vrap e hapni gropën,
s’duroni kur na vlerësojnë!

Qëllimi juaj të mohoni,
qëllimi juaj i gabuar!
Përçarjen ju e lëvdoni,
nuk na doni të bashkuar!

S’na doni se frikë kini,
po ne nuk u trëmbëm kurrë!
Nga liria, nga bashkimi,
gjithmon qëlluat me gurë!

Kini frikë nga bashkimi,
ndaj dhe udhën na e zutë!
Dhuratë na falët mjerimin,
dhe përçarjen ju e prutë!

Sado të përkohshëm ini,
kini plotë edhe zagarë!
Dhe shpirt i vogël që kini,
s’do t’ju mbetet as për farë!

Si njerëz nuk arsyetoni,
shisni nënën tek të tjerë!
Nëna juaj, edhe joni,
është atdheu ynë i ndjerë!

Nuk është jashtë armiku kombit,
është brënda dreqi vetë!
Për të shitur, për të prishur,
e përçarje, po bërtetë!

Mblidhni, mblidhni mënd e kokës,
mjaftë u bëtë qesharakë!
Mjaftë e zhvlerësuat një popull,
t’u këndoj qyqja në prakë!
@cana

[Ali Baba Tepele]

- ÇFARË DO MBAHET MËND

Iku mëndja mike,
nuk rri në një vënd!
Përveç dashurisë,
çfarë do mbajmë mënd!

Edhe mosha ikën,
në një vënd nuk rri!
Mundohesh gjithë jetën,
për pak dashuri!

Sa është gjallë njeriu,
gojën mos t’a prish!
Njëlloj të dhëmb shpirti,
thika kur pret mish!

S’ka ngjyrë dashuria,
çdo i gjallë e ndjen!
Është si fëmija,
e do, nuk e zgjedh!

Ndjenjë e dashurisë,
kush nuk e përfill!
Vetë zemrën burgos,
nuk e lën të lirë!

Buzë dhe sy moj mike,
për ata betohem!
Për trupin nazike,
një jetë dashurohem!
@cana