Danel Cana

[Ali Baba Tepele]

- LUM KUSH TË MBAN NË GJI

Ç’më sëmure me vështrimin,
Vajzë e bukur – o
Lum kush të mban te gjiri,
Lum kush të do!

Syri yt kokërr ulliri,
Dritë të lëshon!
Ref.
Lum kush të mban te gjiri,
Lum kush të do!
* * *
Gjerdan me gurë xhevairi,
Shumë i bukur – o!
Lum kush të mban te gjiri,
Lum kush të do!

Nënë e babë që më rriti,
Shumë më deshën – o !
Lumë kush më mban te gjiri,
Lum kush më do!

Bandilli mezi më priti,
Ma shtonë jetën – o!
Lumë kush më mban te gjiri,
Lum kush më do!

Ndaji moj ç’i do për fare,
Të gjitha këto!
Lum kush të mban te gjiri,
Lum kush të do!

I ndaj me shokun e jetës,
Të gjitha i do!
Lumë kush më mban te gjiri,
Lum kush më do!
@cana

[Ali Baba Tepele]

- ZHABË MOÇALI
( fabula)
Kuak-kuak një zhabë moçali,
Gjithë ditën, nuk di të ndali!

- Nuk ka kafshë që ma hedh dotë,
As në ujë dhe as në tokë!

Sot e tutje, unë e di,
Do shkruaj vetëm poezi!

Të gjithë do më thonë, “poet”,
Moçalin dua ta bëj det!

Dëgjon breshka kur bërtet...
- S’më duket mendim i drejtë!

Çudi! Si do ti vej halli!
S’do të thonë më zhabë moçali!
@cana

[Ali Baba Tepele]

- E DI SE DO VIJË

Natë e kthiellët, plotë me yje,
I vetmuar pranë detit rri!
Rri e pres dritën e syve,
E di mirë se do të vij!

E pres në takim të vijë,
Do të vij, nuk më gënjen!
Një gotë me mua ta pijë,
Se takimi i pëlqen!

Na pëlqen kur jemi bashkë,
Ka diçka që na bashkon!
Bekimin e botës pastë,
Kush me zemër dashuron!

O qiell i mbushur me yje,
Kur të flasim, ti na dëgjon!
Zbrit një nga yjet e bukur,
Të bekojë takimin tonë!

Kush i besoi dashurisë,
Edhe vdekjen ka sfiduar!
Çdo penë, që letrën “bën pis”,
Dashurisë i ka kënduar!
@cana

[Ali Baba Tepele]

- VJEN BANDILLI ME VETURRË

- Erdhi dita të martohesh,
Nuse bijë të vishesh!
Veshur me vello të bardhë,
Shumë lezet të kishte!

Gjithë shoqet i ke pranë,
Të këndojnë këngë,
Për të fundit herë te shpia,
Tako babë e nënë!

Vjenë bandilli me veturrë,
Me krushq e muzikë!
Ngrihu bijë, të thotë nëna,
Takohu dhe ikë!

- Nuk u çmalla nëna ime,
Pritëm dhe njëçikë!
Dhëndërrin ta pres këtu,
Me krushq e muzikë!

Me llokume ta qeras,
Dhe një gotë raki!
Ta presësh si djalin tënd,
Plotë me bujari!

Lumturija na u shtoftë,
Se e dua shumë!
Edhe juve tu nderojë,
Siç ju dua unë!

- Babai që mezi të rriti,
Të bëri manare!
Erdhi dita dhe të shiti,
S’të mbajti për fare!

Sot është dita më e bukur,
Për ty bija ime!
Lotët janë nga lumturia,
Paç vetëm gëzime!
@cana

[Ali Baba Tepele]

- MERAK RINIE

Portokalle e shartuar,
Dole shumë e ëmbël-o!
Lulet tua plot aromë,
Syri na mbeti në to-o!

Kokrrat e tua të shijshme,
Ç’i durojnë ngricës-o!
Degët në penxheren time,
Era shpesh loste me to!

Plot dashuri të këpusin,
Djemtë edhe vajzat-o!
Kur prekin lëkurën tënde,
Aromën shpirti e do!

Në dollap e në sepete,
Ti ruajnë lëvozhgat-o!
S’ngopen me aromën tënde,
Posht jastëkut, flenë me to!

Rreze diellit sapo bije,
Era ti shkund gjethet-o!
Ç’më mbete merak rinie,
Vashat dashuruar-o!

Ah moj portokalle dashur,
Ilaçi i zemrës-o
Me limon e manderinë,
Që ma shtojnë jetën-o!
@cana

[Ali Baba Tepele]

- VEND I BUKUR TEPELENË

Tepelenë o vend i bukur,
Dy male kurorë të rrinë,
Pak dinë bukurit e tua,
Shumë ta njohin historinë!

Tek ty zemra më ka mbetur,
Vjosa ta freskonë gjinë!
Dy krahina i bashkove,
Labërin e toskërinë!

Çdo ditë rritesh zbukurohesh,
Me kalanë dhe Alinë!
Me bregdetin po afrohesh,
Rrugët me asfaltë ndrijnë!

Erdhi koha ti zhvillojmë,
Turizmin dhe blektorinë!
Ecën me hapin e kohës,
Njerzit gjejnë lumturinë!
@cana

[Ali Baba Tepele]

- DY MIJ E NJËZET E NJI

Pasnesër është vit i ri,
Dy mij e njëzet e nji.
Dilni ta prisni fëmij,
Mbushur duart me shami,
Me mollë e me zerdeli!
Qoftë i mbarë ky vit i ri,
Të zhduket virusi i zi.
Ky që shkoj qe i vështirë,
Ngjiti maskat në fytyrë!
Ç’është, vëmë duart në kokë,
Dhjetë njerz nuk bëhen tokë!
Dhimbje që zemra i ndjen,
Kush vdes, varroset si qen!
Mbulohet me dhe të zi,
Sikur s’ka jetuar njeri.
Mbeten fëmijët jetim,
Qani shokë baban tim…
Se jam largë në mërgim,
S’vij dot as për hidhërim!
Me maska të gjithë mbuluar,
Nuk na lënë për të kaluar!
Do bësh testin, paska ligje,
Nuk ikën pa marrë përgjigje!
S’ka ça bën njeriu shkretë,
Shumë vështirë erdhi kjo jetë!
Gjobë me këmbë, e me makina,
Ende nuk ka dalë vaksina!
Dy mij e njëzet e nji,
Fillon vaksinim i ri!
Të na bjerë mbarësi!
@cana

[Ali Baba Tepele]

- PRES NJË NUMËR

Rri e pres, në ankth e shpresë,
Saqë, koha më sëmurë!
Nuk e di dhe sa do presë,
Një numër që s’mori kurrë!

Durim bëj, e pres atë,
Të më marrë në telefon!
Koha nuk më premton gjë,
As përgjigjet, as qëndron!

Pas një muaj, mbase merr,
Mbase merr kur vjen pranvera!
Ditë e javë i përcjell,
Stinët ikin, vijnë të tjera!

Se mendoja, shpirti jot,
Se do mbante kaq shumë vrer!
Të lutem, të përgjëroj,
Bjeri telit...dhe një herë!

Bjeri telit cërr cërr cërr,
Të tringëlloj si njëherë!
Sikur s’je, ti mos u bëj,
Flake inatin njëherë!

Se kuptoj inatin tënd,
Edhe shkakun se kuptoj!
Sa dhe koka zë e dhëmb,
Po pres, të telefonoj!

U shkëpute, pa më thënë,
As dhe fjalën lamtumirë!
Një gurë zemrës i kam vënë,
Mjafton ti të ndihesh mirë!

Koha, po më duket shumë,
Që e bëra zemrën gurë!
Pres i zgjuar dhe në gjumë,
Një numër, që s’mori kurrë!
@cana

[Ali Baba Tepele]

- KRAHASIM NUK GJEN

Sikur vetëm gjysëm nate, të rrija me ty...
Zemra ime do dhuronte aq shumë dashuri!
Sikur natën ta kaloja, deri në të gdhirë,
Për gjithë jetën, zemra ime do ish përtërirë!

Eh, kur rasti të më bjerë, të jemi të dy,
Zemra ime dot se mbanë, aq shumë dashuri!
Do të shkrihesha i tëri, trupit si qiri,
Dhe të prekja çdo të fshehtë, me shumë dashuri!

Nuk ka asnjë gjë në jetë, që mund të gëzojë,
Më shumë se një shpirt i bukur, di të dashuroj!
Ska asgjë më shumë në botë, të ëmbël për mua,
Është buza jote e ngrohtë, e fjala të dua!
@cana

[Ali Baba Tepele]

- KUR DHE SA TË DOJË

- Sytë e zes më hapën punë,
As mi fal i dua shumë!
- Ç’do ti bësh po ti jap unë,
Apo do ti vësh në gjumë?

- Shelege bukur, me lara,
Kudo shkoj më del përpara!
- Bëj sikur befas të ndala,
T’ja fillojmë nga e para!

- Të ndoqa me sy kur dole,
Befas një vështrim më hodhe!
- Të kam si mjalti në hoje,
Që kur një puthje ma vodhe!

Mjaltë e dyllë të kullova,
Plasa sa të përqafova!
Syrin nga afër shijova,
Duke puthur ç’u harrova!

O mjaltë i ëmbël në hojë,
Dashurija s’është lojë!
Më merr, e më përgjërojë,
Kur të dojë e sa të dojë!
@cana