Danel Cana

**Ali Baba Tepele** · 21-09-2010, 13:09

SHPËRBLIMI I DASHURISË

Dashuria që të rrojë përveç zemrës do dhe mëndje,
S'do kapriço dhe inate, por përkëdhelje me ëndje.
Nuk është kukull që të lozësh, ku të duash ti ta hedhësh,
E kur duhet ta kërkoshë, ta marrësh ta përkëdhelësh!

Dashuria nuk është shkencë, që sa vjen edhe zhvillohet!
S'është kompiuter, a diçka, celular që të ndërrohet!
Ajo është një ndienjë e gjallë që prej shekujsh ka buruar,
Kështu do të jetë gjithmonë nga zemër e dashuruar.

Mos luaj me atë ndienjë o njeri i respektuar,
Është ndienja më fisnike që pak-kush e ka kuptuar.
Ta kërkosh...e kur ta keshë nderoje mi çdo gjë tjetër
Dashuria t’a shpërblenë, të rinonë e të shton jetën.

Danel Cana

**Ali Baba Tepele** · 26-09-2010, 13:38

TA PAÇIM HUA

Lumja ti moj Shqipëri,
Lule je, lule të thonë,
Luftove me trimëri,
Vatanin etnik kërkonë.

Shqipëri atdhe i dashur,
Llogaritëm edhe mua.
Brezat jetën ta kanë taksur,
Ta paçim për jetë hua.

Danel Cana

**Ali Baba Tepele** · 01-11-2010, 14:43

TË UROJ TË SHKUARA
(shoqes së forumit Bili)

O t'i bijë e Dianës së Bukur,
Që Pellazgësh gjak buron,
Harkun ngre e shtrirë krahun,
Drejt të keqes ti qëllon!

Drejt në zemër pra,shënoje...!
Harku Dianës nuk gabonë..!
Zhduke të keqen me rrënjë,
Zemër e mirë mbretëronë.

Vesën mbledhur pak nga pakë,
Nëpër gjethe të bleruara,
Ta dërgoj, ta kesh ilaç,
Të uroj për jetë TË SHKUARA.

Gjithë nektarin do ta mbledh,
Nëpër lule porsi bleta,
Ta mjekoshë zemrën tënde,
Me uriminu shtoftë jeta!

Danel Cana

**Ali Baba Tepele** · 11-11-2010, 17:35

NË VËND TË EPITAFIT

“Aty ku prehesh o shpirt fisnik,
Që agimin e bukur s’e prite të dalë…!
O zemër! ..të lutem, mos u fik..
Si qiri i ndezur, ngadalë…”
……………………………………….
Një varr i thjeshtë, me pllakë mermeri
E gdhëndur...një citat lamtumire...!
Me kujdes te koka mbolla,
Një bli të bukur, n’shënjë dashurie.

Gjithmonë e heshtur ajo pllakë e bardhë...
Kalojnë stinët...dimër...beharë...
E bliri rritet dhe lëshonë lule...
Me hije e lule mbulon atë varr!

Mbi degët e blirit shtëpinë e ngriti,
Një çiftë bilbilash që shpejt u shtuan,
E mbushën me këngë e cicërime
E çdo udhëtar e mbrekulluan!

Danel Cana 11/11 2010

**biligoa** · 16-11-2010, 07:55

Ti më bëhesh rreze shpresë
dhe lë anësh çdo pengesë
se e di ku mund të ndodhesh
kur pushon? Vallë ti lodhesh !

Gjithë këto positme që i bën
janë për trurin që kupton,
s'ka randësi përse dikush
hiqet sikur nuk i shikon !

Ec përpara, se kjo është rrita
është mirësia, është urata,
Me këtë ritëm që del në prita
kurrë nuk mbetesh pa dhurata!

bili

**biligoa** · 16-11-2010, 11:21

Postuar më parë nga Ali Baba Tepele

TË UROJ TË SHKUARA
(shoqes së forumit Bili)

O t'i bijë e Dianës së Bukur,
Që Pellazgësh gjak buron,
Harkun ngre e shtrirë krahun,
Drejt të keqes ti qëllon!

Drejt në zemër pra,shënoje...!
Harku Dianës nuk gabonë..!
Zhduke të keqen me rrënjë,
Zemër e mirë mbretëronë.

Vesën mbledhur pak nga pakë,
Nëpër gjethe të bleruara,
Ta dërgoj, ta kesh ilaç,
Të uroj për jetë TË SHKUARA.

Gjithë nektarin do ta mbledh,
Nëpër lule porsi bleta,
Ta mjekoshë zemrën tënde,
Me uriminu shtoftë jeta!

Danel Cana

U mallengjeva jo vetem per faktin qe eshte nje poezi e bukur, por me qenka
kushtuar.
Poezite jan per shpirtin kalori te domosdoshme dhe te pazevendesueshme, shum suksese, dhe lum si ju sa shpirtra ushqeni e rigjeneroni.

**Ali Baba Tepele** · 16-11-2010, 13:44

Postuar më parë nga biligoa

Ti më bëhesh rreze shpresë
dhe lë anësh çdo pengesë
se e di ku mund të ndodhesh
kur pushon? Vallë ti lodhesh !

Gjithë këto positme që i bën
janë për trurin që kupton,
s'ka randësi përse dikush
hiqet sikur nuk i shikon !

Ec përpara, se kjo është rrita
është mirësia, është urata,
Me këtë ritëm që del në prita
kurrë nuk mbetesh pa dhurata!

bili

Faleminderit shumë Bili! Dhurata më e mirë për mua është mirnjohja që ti më jep,kur them TI- mos më keqkupto...thjeshtësia me të cilën fletë,është përsosmëria më e pa arritshme nga asnjë art.

**Ali Baba Tepele** · 23-11-2010, 15:03

POPULLI PAGUAN

Ku ta dinte Noli
Se do vij një ditë...,
Budallenjt e kombit,
Të dilnin në dritë...!

Po ta kish mësuar,
Do bëhej i marrë,
Me gjuhën e popullit
T’i quante Gomarë!

Kohët kanë ndryshuar,
Noli ynë i madh...
Politika bëhet...
...edhe me samar!

Kap për fyti popullin,
Le të thonë kusar...
Shtërngoje sa mundesh,
Nxirre në Pazar...

Futja thikën thellë,
Sa ti vejë në kockë,
Shiti sa të mundesh
Dhe varrin për kokë...!

Ai prapë të falet,
Prapë për ty voton,
Është...apo hiqet?
Lakun se shikon?

Eh more popull,
Kush të bën derman?
Në krye të vëndit
Ke ca Ballaban...

Nga hajdut që ishin,
U gdhinë pashallarë!
Pall e tyre e larë,
E gjitha në ar...!

Grijnë e bëjnë dërmën,
Më të katër anë...
S’janë dhe aq të zotë,
Me t’jerët s’ua mban..!

Pa të tundin këmbët,
Greku apo Sërbi,
Ndryshojnë çerenë,
Nuk i mban as vëndi!

Mblidhen kokë më kokë...
Vetëm mos e thuaj...!
Populli e ka fajin...
Ai ta paguaj.......!

Danel Cana 23/11/2010

**Ali Baba Tepele** · 24-11-2010, 13:40

ËNDËRR E ÇUDITSHME

...në ëndërr shikoja..."të dy në një lumë...
Herë më hidhje ujë...herë të lagia unë.
Bulëzat e ujit ngrinin mi qerpikë..."
Eh...ëndërr e bukur, dale dhe njëçikë!

"...poshtë nëpër valë të dyve na merrte,
Lum i dashurisë pa halle e derte.
Shtohej dhe meraku, si valët me shkumë,
Mos më ftohesh Ti...mos të ftohem Unë!"

...ëndërr!..kaq mbaj mëndë, i lumtur unë isha,
Ndieja se më donin..kë të doja... kisha...!
...të puthja në buzë...oh sa kisha mall...
...ëndërr e çuditshme...kthehu si më parë.

Danel Cana - gusht -2010.

**Ali Baba Tepele** · 06-12-2010, 13:33

BURIM DASHURIE

Çeli manushaqja, çeli edhe dardha,
Molla, si një nuse, u vesh në të bardha!
Lulet e bajames rezja përkëdheli,
Vesa porsi loti, mbi petale mbeti!

Në dritare rrije, me vështrimin tretur,
Faqja jote e bardhë, si bor e pa shkelur!
E thëllëz e malit do ta kish zili,
Gjithë atë nur që kish rën mbi ty!

Më shikoje mua dhe unë të shikoja,
Fjalë të pa thëna doja të të thoja,
Nga ata dy sy, buron dashuri,
Sa shumë i dua, duam edhe ti!

Danel Cana

Zakyntos 06/12/2010

**Ali Baba Tepele** · 08-12-2010, 10:54

- SHQETËSIM

Një natë me shi e vetëtima,
Xhamat e dritares dridhen,
I shqetësuar, gjumi më del,
Bredharakja mëndje s’mblidhet!

Mendoj ilaçin e shpirtit...,
Të dashurën, merak e kam...!
Tani që na ndan largësia...!
Po flen...a ftohtë ka!

Danel Cana 08/12/10

**Ali Baba Tepele** · 10-12-2010, 11:40

DASHURONI SI POETËT

Ne... poetët bëjmë çudira,
Hënën, Diellin mbajmë në duar!
I bëjmë vargje nëpër vjersha,
...I bëjmë këngë për të kënduar!

Mbledhim lulet, kudo janë...
Nektar pimë or tungjatjeta!
I bëjmë tufa, bëjmë kurorë!
Mbi petale rrimë si bleta!

Me agimet bashkë zgjuhemi,
Edhe lumit me furi...
Me flokët e borës lozim,
Bëjmë erë, bëjmë stuhi!

Me ylberin bëjmë si duam,
E prekim me dashuri...
Edhe zemrës njerëzore,
Ja veshim ngjyrat e tij!

Dallgët, detin kemi shokë!
Zhytemi në thellësi...
Male, fusha, oqeane...
Gjithë globin e mbajmë në gji!

Në doni të mbretëroni.
O njerëz, mbi këtë botë?
Si poetët dashuroni,
Grindja, lufta është e kotë.

Danel Cana 12/12/10

**Ali Baba Tepele** · 29-12-2010, 14:43

GJUHËS TONË

Zbritën ujqit e uritur,
Nga pyjet e Evropes,perseri.
Kërkuan kulishët, sa ishin rritur,
...T'i mësonin për gjueti!

Shqipen e kapën për gjuhe,
Këtë shqerkëz të pafaj...
Që u rrit, u zbukurua...
Tani duhet që të vuaj!

Se...Naimi u mbulua,
Që e mbrojti me aq zjarr!
Ç'do të thosh bilbil i kombit,
Po të ishte më të gjallë?

Ç'do të thoshin patriotët,
Çajupi e Noli i madh?
Kini turp të turpërohi,
Mos u bëni tradhëtar!

Gjuha shqipe është e shenjtë,
Dhe ata që e kënduan,
Kishin një barrë me mend,
Përmi libra u munduan.

Gjuha shqipe është folur,
Që ditën që leu bota,
Erdhi dita për t'u shkrojtur,
Nuk na e dashka Evropa!

Janë shum të djallëzuar,
Ndërsen gegë edhe toskë,
Sikur vlerat jan mohuar,
Që të hahen me shoshoqnë.

Ndalni këtë dorë të zezë,
O vëllezër shqipëtarë,
Mos e quani nder e besë,
Po kërkon që t'ju bëj varrë!

Gjith bota nuk ish' kështu,
Por me kohën ka ndryshuar,
Edhe gjuha po ashtu,
Është rritur e zbukuruar.

Danel Cana

**BaBa** · 29-12-2010, 14:47

Danel, je Njesh.

Tpershendes

**Ali Baba Tepele** · 24-01-2011, 11:12

PËR ZAHO KËNGËTARIN

Qytet i lashtë buzë Vjosës,
O e bukur Tepelenë!
Burra ke nxierrë në çdo kohë,
Dhe për pushkë dhe për penë!

Burra që e mbrojtën vëndë,
Çdo pëllëmbë u bënë bedena!
Që të gdhëndën nëpër këngë,
.... Zaho Balil Tepelena!

Kush më mirë se ai,
Diti ta vërtiste penën?
Të këndoj me dashuri,
T'a mbledh si bleta polenën?

Zaho,lot i brengës mbete...
Malli që nuk ka të shuar!
Në ujë burimi u kthyen,
Gjith këngët që ke kënduar.

Danel Cana

**Ali Baba Tepele** · 07-02-2011, 10:42

MARAZI I MOSHËS

Si fllad nga malet e larta,
Që zbret me aromë nektari,
Para ecen,s'kthehet mbrapa,
Dashuria e marazi...!

Nuk dëgjon zemër e pa bindur,
Në të sajin kapriçoze,
Në k'të moshë më nxori emër,
Më dha flakë dashurore..!

Erë e çajit të pa mbledhur,
Erë e trëndelinës bërë,
Zbresin nga grykat e thella.
Më mbështjell, dehem i tërë!

Mbushur plot me cicërima,
Dallohet një melodi...
Këngë thëllëze e bilbili,
Shoqëruar me çifteli!

Na gryk e lumit freskia,
Mbi liqen rëshket kaluar,
E ndezur na dashuria,
Zemra kurrë s'ka të pushuar!

Danel Cana

**Ali Baba Tepele** · 21-02-2011, 11:08

DIL PASHA NA VARRI

Kini dëgjuar për Alinë?
Ali pasha Tepelena
Që la mbrapa historinë.
Që se shkruan dot as pena

Atij që i këndoj dhe hasmi
" O Ali pas'a kaimeni
S'ishte Turk, por Shqipëtarë,
Dervenas e bir Derveni

Dil na varri dhe një herë
Të llafosesh me Helenë
Se kërkojnë zorrët tona
T'i bëjnë kukurec për mbrenë!

"-Ç'kërkon ai edepsëz...?"
- Vjen përgjigja përtej varrit
"- Ja kam lënë me testamentë,
Plakut Ismail Qemali...!

Nuk isha pasha i huaj,
Por në tokat atërore.
Sikur kockë gjuha të bluaj,
S'trëmbet rraca Arbërore!"

Danel cana 21/02/2011

**Ali Baba Tepele** · 22-02-2011, 11:05

SI VAJZË E VËNDIT NUK KA..!

Vajza shqipëtare,
krijes e pa faj,
Edhe rrugët e gjithë botës
i lave në vaj!
Zemra s'do të dijë,
ajo dashuron,
Atë djal të vëndit tënd
që larg emigron.
Kaluan shum kohë,
vitet numuron,
Pa një lajm, e pa një letër,
pa një telefon!
Është gjallë, apo ka humbur..?
a më s' dashuron....?
Shikon gjith këto,
e në vaj shpërthen;
- Ah moj ti katilja jetë,
rininë prap s'ma kthenë!
"...dhe në ëndërr shihte,
djalin me avion...!
Sikur vinte, e i binte,
vajzës një kurorë...!
Të dy bashkë fluturonin
mbi malet me borë!
...Asnjë lule s'po shikonte
t'a merrte në dorë!
T'a mbante në gji'n e ngrohtë
lulen plot aromë!
...Ta puthte, ta përkëdhelte,
oh sa kishte mall..!"
Vetmia e kish mbështjellë..,
ëndërr kishte parë!
Natë e ditë rri e zgjuar,
prapë shpërthen në vaj!
Ku i gjente ata lotë
shpirti i pa faj!
Mos e lini vajzën...,
vetëm e të shkretë,
Si vajza e vëndit tënd
s'ka tjetër në jetë.

Danel Cana 22/02/2011

**Ali Baba Tepele** · 23-02-2011, 10:38

JETA E FSHATIT PO NDRYSHON

Kthehen njerzit na kurbeti,
edhe jeta gjallëron!
Dikush vete nëpër ara,
dikush bagëtinë shikon!
Çdo shtëpi me ujë të pijshëm,
rruga me asfalt po shkon!
Dikush nxierr në punë traktorin,
dikush makinën ngarkon!
Çobani nxierr bagëtinë,
nëpër male ç'i veronë!
Shkojnë ku janë ngritur stanet,
gjithë natyra jeshilon!
Mbushur zile e këmborë,
cjap- bardhoshi ç'i përçon!
Çobani u shkon në ballë,
qen'- larushi pranë qëndron!
Të dalë t'a presi në shtrungë,
të shoqen merr telefon!
Kush punon vëndin e tijë,
edhe jetën e gëzon!

Danel Cana 23/02/20011

**Ali Baba Tepele** · 25-02-2011, 13:48

KOT PISPILLOSESH PLAKË..!

Thonë se...pleqërinë..
Krahasojnë me Hirrën!
Thashethem do jetë...
Nuk na duan të mirën!

Thonë! E kush na thënka?
Të rinjtë e të rejat...
Por dhe pleqëria,
I fiton betejat!

Plakut..vetëm moshën,
Mos ja merr për bazë!
Ta dish mirë se zemra,
Dashuron si djalë!

Eeh moj plaka ime...!
Më je bërë si dritë!
Vishesh, pispillosesh...
Njësoj si të rinjtë!

Def u bëfshin thinjat,
Kur më del përpara...!
Me fustan të shkurtër,
Del nëpër mëhallë!

Përmbi borën tënde,
Hedh një okë me bojë!
...Por jo ftohtësinë...
Bardhësinë mbulojë!

Rudhat si fsheh dotë,
Të bësh çfar të duash!
Kot që pispillosesh...
Siç të kam, më ruash!

Danel Cana 25/02/2011

Tema: Danel Cana

Funksionet e Temës

Ti

Ruaj Lidhjet

Ruaj Lidhjet

Regullat e Postimit

Projekti Albasoul

Komuniteti i Forumit

Rreth Nesh

Kërko

Krijoni Kontakt