Danel Cana

[Ali Baba Tepele]

O MËSUES I VEGJËLIS

Lavdi penës edhe veprës,
Bir i Dukaj, Labërisë.
Mesues ishe edhe mbete,
Mësuesi gjithë vegjëlisë.

Jeta jote s’ish e lehtë,
Po dite ta përballosh.
Atdhetari i vërtetë,
Ndaj në këngë do jetosh.

Tepelenë, qytet me brenga,
Rrite burra dhe levendë!
Siç di të rris Tepelena,
Bij të denjë për mëmëdhenë.

Maliq Lila, nga të rrallët,
Shkëlqeu pena e tij...
Si baballarët e kombit,
Betohej për Shqipëri.

Betohej për mëmëdhenë,
Për flamurin kuq e zi...
Pushkë e bëre atë penë,
Do mbetesh në histori.

Grupi i Bënçës që krijove,
Korrë suksese dhe tani!
Veç tyre, këngët e tua,
Ti këndojë, nuk ka njeri!

I dhe jetë “opingës Labe”,
Edhe shtizës së flamurit.
Për atdheun, s’ka hesape,
Rron, se rronë besa e burrit.

Kënga jote mjalt e verë,
Rron, se rronë Tepelena.
Këngët e tua për herë,
Na ngroh gjakun nëpër vena.
@cana

[Ali Baba Tepele]

DHE DASHURIA URREN

Do të këndoj për të dyja,
Urrejtje dhe dashuri.
Janë në jetë, unë, e tyja,
Janë dy, jetojnë në nji.

Dhe dashuria urren!
Dhe urrejtja dashuron!
Ka që mëndja i gënjen,
Se dashuria s’mbaron!

Dashuria është si zjarri,
Po nuk e ushqeve fiket.
Dhe urrejtja si behari,
Lakuriq lëkura digjet.

Asnjërën mos nënvlersoni!
Të dyja kërkojnë të mbrohesh!
Njërën ta mbash gjallë, mos fiket,
Tjetra, të mos përvëlohesh!

Dhe dashuria urren,
Kur e lë dhe nuk kujdese!
Dhe urrejtja dashuron,
Kur gënjeshtrat bëhen vese.
@cana

[Ali Baba Tepele]

GUGU-FTUGU SI PËLLUMBAT

Dashuria është si molla...
Molla e pjekur në degë!
Të shëron kur e ha goja,
Nuk të vjenë, po s’shkove vetë.

Dashuria është këngë,
Që ta thotë buza dhe gjuha!
I kini vën re pëllumbat,
Gugu-ftugu...sa të dua!

Dashuria është erë...
Erë që frynë velat e tua!
Po s’ngrite velat e zemrës,
Çdo të fryjë, a s’më thua!

Dashuria është mjaltë,
Mjalti që rrjedh nga hojet,
Kush ka pyetur mor i ngratë,
Bletën puntore, sa lodhet!

Dashuria është flakë,
Ta ushqesh, të mosë të tretet,
Po nuk hodhe dru në zjarrë,
Fiket dhe veç hiri mbetet.
2019

[Ali Baba Tepele]

DIELLIN SE MARRIN DOT

Sa herë kujtoj vendin, më vjen për të qarë!
Se lënë vendin tim, lirshëm frymë të marrë!

Më vjen për të qarë, të qaj me dënesë!
Populli më fisnik, duan që të vdes!

Këtë se them unë, që jam bir i tij!
Por në histori, ka bërë histori!

Me jetën e tij ka bërë historinë,
I dha botës art, gjuhë edhe perëndinë!

I dha botës jetë, po bota çfarë tha?
Evropë e pa ditur, të varfër e la...

Të tallësh një popull nuk është mënçuri!
Ti marrësh lirinë dhe vendin e tij!

Ti marrësh çdo gjë, nderin dhe pastaj,
Jashtë portës ta lësh, ngarkuar me faj!

Gjithë këto padrejtësi, më bëjnë të qaj,
Dhe ngaqë e dua, të shpërthej në vaj!

E drejta do dalë, bëj dhe pak durim,
Po diellin s’ma marrin, është dielli im!
@cana
* * *
Ndodh na një herë si pa kuptuar,
S'ka rëndësi në shpesh a rrallë!
Që hundët fusim atje ku s'duhet
Dhe gripin e kemi përlarë!
@cana *
* * *

[Ali Baba Tepele]

DY THËLLËZA MBI ÇATI
(popullore)

Dy thëllëza mbi çati,
Qërojnë orizin në sini!
Merre një mor djal i ri,
Ta ndriçosh këtë shtëpi!

Del djali dhe sikur s’do...
Bën ti trëmb thëllëzat-o
Thotë nëna: - Ç’është kjo!
Merre djalë, një nga ato!

Merre djalë, mos rri menduar,
Thëllëzën me sy të shkruar,
Buzën e kuqe harkuar...
Çoje në dyshekun shtruar!

Thëllëz e malit të lartë,
Kur bje bora zbret në fshatë!
Mbulon bora bar dhe lule,
Thëllëza në gjunj të ulet!

Them ta marr, herë them jo...
Bën se s’di, e sikur s’do...
Thotë: “Jam e vogël-o,
Më mirë vitin tjetër-o”!

Djali si pëllumb i bardhë,
I shkathët dhe këngëtar!
Ta marr, të dal ku të dalë,
Kemi dasëm në beharë!

Do ngjitem lartë në male,
Do të marr thëllëzë, për fare!
Male e fusha janë të mijat,
Kështu e ka dashuria!
* * *
NJË DIMËR NË FSHAT

Nata fshatin ka mbuluar, borë e parë ka zbardhur vend!
Hënë e ftohtë rreze lëshuar, mbushur dritë të ergjëndë.
Tym i bardhë del nga oxhaqet, shkon dhe tretet errësirrës!
Qetësia dhe të ftohtit i hap rrugën egërrsirës.

Bagëtia në kasolle, merren me çu hedh i zoti!
Fletët e dushkut të tharë bluan urija dhe të ftohtit.
Brenda kasolles me kashtë frymë e ngrohtë e bagëtisë,
Bën që të kullojnë strehët, shkrin dhe borën e çatisë.

Herë-herë çan errësirën blegërim e ndonjë qengji,
A ndonjë pëllitje lope, përzier me lehje qeni.
Udha ngrirë borës së bardhë, tej përroi i zhurmshëm ndihet!
Pylli me lisat ngarkuar që presin ditën të gdhihet.

Dalë ngadalë bje qetësia, gjë e gjallë ka rënë në gjumë,
Nga brënda xhamit veshur me brymë, rri i zgjuar vetëm unë!
Mendimet bredhin pa ndalur, shkojnë në mal, e kthehen prapë!
Më të gdhirë të rrezes parë, dremis në të ftohtin shtrat.
2019
* * *

[Ali Baba Tepele]

PLANGPRISHËS

Dy fëmij prindët i kanë,
Një i mburr, një i shan.
Prindin e duron, jo ndreq!
Mos u bëj fëmij i keq!
@cana
Punova një dimër edhe një behar,
Të blija fustanin, nuse të të marrë.
@cana

[Ali Baba Tepele]

SOLIDARIZIM

Grekërit u ngrenë e thonë,
Çështë kështu që dëgjojmë!
Tërmet i madh në gjitonë,
Bashkohuni ti ndihmojnë.

Ndihmoni vëllezrit tanë,
Për çfardo që kanë nevojë!
Këto dhimbje që po vuajnë,
Këto çaste ta tregojmë.
@cana
Tërmeti që tund gjithçka,
Nga nëntoka vjen fuqia,
Kur vret nënën dhe fëmijën,
Ç'të besosh tek perëndia!
@cana

[Ali Baba Tepele]

FJALA DHE BEKIMI

Dashuria nuk njeh moshë,
Themi ne, kanë thënë më parë.
Ske pse veten ta dënosh,
S’ndalet gjaku në damar.

Dashuria frikë, jo kurrë!
Dashuria frikë s’di...
Kush ka ëmbëlsi më shumë,
Se sa fjala dashuri!

Dashuria është fat,
Të sjell shumë mbarësi!
S’dashurohet me inat,
Por me zemër dhe me sy!

Të bekuar gjithë janë,
Kush thotë fjalën dashuri.
Dhe plaku kur e ka pranë,
E hedh kapelen mbi sy.

Ikin vitet, s’rrinë në vend,
Gjashtëdhjetë vitet e mija!
Përgjigja në jetë su gjendë,
“ Si s’na ngopi dashuria?”

Mike, do ikim pa ngopur,
Dhe ti kokën tund përballë!
Akoma vaji s’mu ka sosur,
Hedh rromuze dhe më tall!

Thellë paskemi fshehur zjarrin,
Bota na e ka me hile!
Do mbledh si bleta nektarin,
Dashurinë, moj trëndafile!

Thinjat, rudhat në lëkurë,
As dhe mosha, s’ndikon fare!
Largësia të sëmurë,
Qëndro afër moj manare.
@cana

[Ali Baba Tepele]

PRANVERË PËR TË GJITHË

Do këndoj sipas tabanit,
Të nxjerr meraqet e mia.
Nëse shpirt e trup i ndani,
Do rrojnë këngët e mia.

Vendit, kombit i kushtoj,
Gjithë energjitë e mia.
Ngado vete edhe shkoj,
Them: - Rroftë Shqipëria!

Në paqe të gjithë i dua,
Edhe gjithë kombet e tjerë.
Zemra mal më bëhet mua,
Për të gjithë të jetë pranverë.

Nën kuben e qiellit kaltër,
Ka vend për të gjithë ne.
Se një diell na ndriçon,
Bashkë presim ditën e re.
@cana

[Ali Baba Tepele]

VRAJE MENDJEN POPULL

E gjithë bota sot ka krizë,
Krizë për sinqeritet...
Nga mendja tu heqësh vizë,
Gjithë ç’janë në pushtet.

Kanë zënë poste të larta,
Kryeministër, president....
Dikush i ka duart të gjata,
Dikush shkon e fle me qentë!

Kur duart i zgjat tek tjetri,
Zjarrin i ke vënë shtëpisë!
Si i riu dhe i vjetri,
Armiku i njerëzisë.

Ku qëndron zgjuarësia?
Ç’të mira do pres një vend!
U duket sjellje e mirë,
Nga ai që fle me qentë!

Nga ai që vjedh një popull,
Prisni që të udhëheq!
Nuk ka vend rreth e rrotull,
Ai duhet çuar në dreq!

Nga ato koka të nxehta,
Që botës i hapin plagë...
Çfarë të mire na sjell jeta,
Gojë e tyre nxjerr veç flakë!

Ka disa që kohën vrasin,
Duke pirë dhe në bixhoz!
Si mund mendjes ti thërrasin,
Edhe shtetin t’ju besosh!

Vraje mendjen ti o popull,
Bjeri kokës mur më mur.
Shiko mirë se kë ke rrotull,
Të tillë njerz mos i zgjidh kurrë!

Do më thuash, si zgjedh unë!
Atë edhe unë e dija,
Ty me kohë ta kanë vënë drunë,
Për ty flet gjithmonë partia.

Po dhe njerzit e partisë,
Janë të gjithë bijtë e tu,
Prandaj bëje natën ditë,
Edhe zëri të gjithë me hu...

Popullit i takon pushteti,
Se di cili është sekreti?
Se mbretin e zgjedh populli,
Jo popullin, e zgjedh mbreti!

2019- dhjetor

[Ali Baba Tepele]

Mirë
(Fabul)
- Mirë bëre, po çfarë bëre?
I tha kalit, një ditë pela!
- Tani kot pyet, vlerësimin e dhe!
Përgjigjet kali. - Një *** shkela !
@cana
* * *
Diktatura
(Fabul)
Ashtu tha dhelpëra kur u sëmurë!
Në kotec nuk mund të zinte ndonjë pulë!
"Ka vdekur humanizmi, jemi në diktaturë. .."
@cana

[Ali Baba Tepele]

Moderrnizmi

U gjenda rastësishtë në një ekspozitë,
Ekspozitë fotografie dhe pikture!
Kanë humbur arsyen, kanë shtuar xhepin njerzit,
Kur pashë shitjen e një pikture!
Bota e gjithë mu rrotullua,
Si i çmendur mbaja kokën me dorë!
Si u shit me çmim stratosferik,
Tre rrathë me ngjyra dhe një katror!
@cana

[Ali Baba Tepele]

DHURATA E JETËS

Të shkruash për të vegjlit, nipër, mbesa, nuk qenka e lehtë,
Sidomos kur bëhesh gjysh, lumturi për herë të tretë!
I rritëm fëmijët me mundime, kjo është e vërtetë,
Familja që ata krijojnë, për ne është një buqetë.

Bekuar njëzet e pesë Janari dymij e njëzet,
Ishte dita më e lumtur për njërin nga djemtë!
Në këtë ditë krijesa më e bukur erdhi në jetë,
Beni i bukur, fruti dashurisë, lumturi të ketë.
@cana

[Ali Baba Tepele]

TRËNDAFILI-FERRA
( fabul)
Në një ditë të bukur prilli,
Ferra edhe trëndafili,
Kishin çelur në një kohë,
Trëndafili dhe ajo.

Pa shiko!- Krenohej ferra,
- Nuk janë si lulet e tjera!
Bletët veç mbi mua rrinë,
Se ma njohin bukurinë!

- Ferrë e dashur, kotë krenohesh,
Se për lule nuk dallohesh!
Ty veç frutat njerzit hanë!
- I tha trëndafili pranë.

- I pëlqejnë frut e gjeth,
Ty të mbajnë veç për buqetë!
- Thotë ferra me krenari,
Gjëmba unë, gjëmba ti!

- Kot mburremi e flasim ne,
Të gjithë e dinë se kush je!
Vajza djem kur dashurohen,
Trëndafila u dhurohen.
* * *
Të ngop dashuria

Kur të zë meraku,
të zë dashuria..
nuk do asgjë tjetër,
edhe pse pa ngrënë,
nuk të merr uria!
@cana

[Ali Baba Tepele]

PËRVJETORI I MARTESËS

Më tre Prill të këtij viti, dy mij e njëzetë,
Kamë përvjetor të martesës, mbush dyzet vjetë.
Është dakord “kumbulla ime”, tani është oshafkë,
Nuk e quajmë festë të madhe, se na duken pakë!

Eh, do thoni more miq, si kalojnë vitet!
E rrëmbeva ca si shpejtë, se prita të rritet…
Është e njëjtë lulja ime, që e mbaj në dorë,
Festën e madhe kemi lënë për njëqind vjetor.

Kur të mbushim njëqind vjetë, betohem për kokën,
Oh çfarë feste, do të ftojmë qiellin edhe tokën!
Gjithë bota në fest do vijë, të gjithë do ti ftojmë,
Përvjetorë të tillë paçim dhe ju s’ju harrojmë.

Kur ke të tillë përvjetor, asgjë tjetër s’mbetet,
Të mbajmë njëri-tjetrin fortë, si tregojmë sekretet.
Se ç’kam hequr, se ç’kam gjetur, kurrë nuk i thamë,
Dashurinë dhe hidhërimin gjithmon bashkë i ndamë.

Unë tërhiq dhe ajo tutje, kurrë nuk mu nda!
Ajo larg dhe unë afrohu, pështyma su tha.
Nuk është e kollajshme fare, ka shumë të përpjeta,
Por edhe kur del nga shinat ka shumë tatëpjeta!

Për të rinjtë dhe të rejat, një fjalë do ta them,
Mos mendoni se dashuria është vetëm melhem!
Po nuk dite të përulesh, të bëhesh llastik,
Dashuria bëhet helm, se mban dotë or mik!
Mars 2020
@cana

[Ali Baba Tepele]

KUR I LIGU NDËRRON FLET

Kur i ligu “ndërron fletën”,
Mos mendo, u bë i mirë!
Po përgatit diçka tjetër,
Me gjithë rrecka të përpijë!

Ai që për shumë kohë,
Mendimet ti kundërshtoj…
Do ndërroj “armët”, jo bindjen,
Që të mundet të luftoj.

Kur e sheh që del përpara,
Edhe thjeshtë nuk të kanoset!
Mos mendo “u kthye e mbara”,
Ka filluar serviloset.

Servili është më i keq,
Pranë vetes mos e mbaj!
Të ka frikë, s’të ka qejf,
Me gjithë rroba do të hajë!

Të ka frikë kur ke pushtet,
U mundua për të rrëzuar!
Armë e tij, që nuk shkrep,
Mundohet ta lër në duar.

Mos e mbaj të ligun afër,
Me të ligj mos u përzje!
Në do familje dhe vatër,
Dhe me nder të rrosh mbi dhe!
@cana

[Ali Baba Tepele]

- DËGJOJE POETIN

Do ta ngre folenë në mes të lulishtes,
Mbreti luleve, trëndafilin ta kem pranë!
Ti gëzohem erës, asaj më të brishtës,
Dashurisë zemrës, që brenda e mban!

Pranë vajzës së ëmbël do ta mbështes kokën,
Dhe shpirtin e ngrohtë në prehër do ta le!
Ti bashkosh bashkë, qiellin edhe tokën,
Pa ato gjithësia, nuk do ishte gjë!

Kënga e dashurisë është lumturia,
Jo thirrjet e çjerra për hakmarrje, gjak!
Në honet e thella, kurrë s’do ta lija,
A robinë ta mbanin, lidhur, sado pak!

Kudo njerëzimit me zë fort ti thoshja,
Dashurinë mbani, të thotë kush të dojë!
Se, nga dashuria ka lindur gjithë bota,
Dhe nga çdo e keqe, ajo do ta mbrojë.

Ju njerëz të mirë, dëgjoni poetin,
Jetoni me të, mendoni çfarë thotë!
Fuqit e natyrës, qiellin dhe detin,
Zemra komandonë gjithmonë në botë.
@cana

[Ali Baba Tepele]

NJË PUTHJE HUA

Po të kisha gushën tënde,
Dija si ta mbaja…
- Popullore -

Gushën tënde po ta kisha,
Do dija ta mbaja…
Ergjënd e flori ta vishja,
Ç’më ka zënë sevdaja!

Belin tënd moj po të kisha,
Belin e këputur…
Brezin flori do ta mbaja,
Brezin më të bukur!

Flokun tënd moj po ta kisha,
Atë flok të derdhur…
Gjithë nektarin “Afërdita”,
Mbi ty e ka hedhur!

Sytë e tu moj po ti kisha,
Ata sy të zesë…
Përtej botës do të shihja,
Natës pa pengesë!

Të kisha qerpikun tënd,
Ta mbaja, do dija…
Përveç dritës dashurisë,
Lotin s’do ta lija!

Gjithë bukuritë e tua,
Do doja ti kisha…
Një puthje që ma jep hua,
Do ti kthej të gjitha!

Bukuritë prej teje,
Stolitë prej meje. ..
Aman, mendjen seç ma more,
U çmenda pas teje!
@cana

[Ali Baba Tepele]

- KOMBI ËSHTË NJË

Ato vende ku kamë shkelur nuk harrohen,
Kanë zënë vend në mendjen time dhe kujtohen.

Ku hodha hapat e para dhe kaloi djalëria,
Janë vende të bekuara, janë vendet e mia.

Kudo tjetër shkova, si ato s’kamë parë të dytë.
Vetëm atje përtëritem, më çlodhet zemra dhe sytë.

Kamë shkruar dhe do të shkruaj, të mirat ti përmend,
Më të dashur, më të shenjtë, nuk kam tjetër nga ai vend.

Nuk më bëhet më i shenjtë, nga gjuhë e kombësia,
Sa kam gjakun shqipëtar, ato janë vendet e mia.

Kështu si i dua unë, do ti duan dhe fëmija,
Edhe keci, edhe qengji, shkon pi mëmën e tija.

Të duam nënë dhe babë, kështu është njerëzia,
Ti duam gjuhë dhe kombë, secili i mban të tijat.

Shumë gjuhë mund të mësoshë, por të tënden mos e lë,
Me shumë njerëz mund të jetosh, por kombi është vetëm një.
@cana

[Ali Baba Tepele]

DHËNDËRR KUR TË BËRI NËNA
(përpunuar për këngë popullore)

1- Dhëndërr kur të bëri nëna,
Më i bukuri se hëna!

Refren: (përsëritet pas çdo 2 vargjeve)

O djalo, o djalo! O djalo i miri nënës!
Vashëzo, vashëzo! Vashëza ilaç i zemrës!

2- Të veshi rroba t’ergjënda,
Ti qepi si ja kish ënda!
Ref.
O djalo…..

3- Nusen kur e prure brënda,
Me gëzim na u mbush zemra!
Ref.
O djalo……

4- Të gjëmoj vallja dhe kënga,
Se hoqëm halle të rënda!
Ref.
O djalo….
@cana