"Demat e Kuq" të Partizonit - (#3)

[Apollyon]

Ca thu me Bayern amon.. kur u njifte Partizoni ne Shqiperi, Tirona kishte vetem nja dy viktima qe i kishte fansa.. tani keni vu cik emer aman.. deri ndje sju njifte njeri

[King_Arthur]

Partizani s’luan, java punon për të kuqtë

Takimi Bilisht Sport-Partizani nuk është zhvilluar për shkak të reshjeve të dëborës

Partizani e mori me seriozitet startin e fazës së dytë, por për shkak të dëborës që ka rënë në Bilisht, premiera e të kuqve për vitin 2010 do të luhet pas disa ditësh. Nuk dihet nëse starti do të jetë në mesjavën e ardhshme me Bilishtin, apo do të presin kundërshtarin e javës së 17-të, që është Bylisi. “Jemi njoftuar nga zyrtarët e federatës që të mos udhëtojmë drejt Bilishtit, pasi për shkak të dëborës së rënë është e pamundur të zhvillohet ky takim i javës së 16-të. Pas këtij njoftimi jemi detyruar të anulojmë edhe rezervimet, që kishim bërë në një nga hotelet e Korçës, ku do të kalonim mbrëmjen e së premtes.

Prandaj, pas njoftimit që kishte të bënte me anulimin e ndeshjes është vendosur që skuadra të vazhdonte stërvitjen,”- u shpreh për “Sportin shqiptar” sekretari i F.K.”Partizani”, Bujar Labinoti. Ndërkohë që dje luhej pjesa më e madhe e takimeve të javës së 16-të të kategorisë së parë, Partizani ka kryer dy seanca stërvitore. Paradite të kuqtë janë përgatitur nga Kodrat e Liqenit, seancë e cila është përqendruar te vrapimet në natyrë. Seanca e pasdites është zhvilluar në ambientet e ish-klubit, ku pjesën më të madhe të kohës e zunë ushtrimet me topin. Dje Partizani nuk luajti, pasi transferta e Bilishtit është shtyrë, por duhet thënë se rezultatet e djeshme të kategorisë së parë u shkojnë për shtat shijeve të “demave të kuq”.

Përfundimi i fazës së dytë e gjeti Partizanin 15 pikë larg vendit të parë, 10 pikë më pak se vendi i dytë dhe i tretë, si dhe 6 pikë larg Adës së vendit të katër. Pavarësisht se kanë një ndeshje më pak, distanca e Partizanit me Lushnjën dhe Elbasanin e vendit të dytë dhe të tretë mbetet po 10 pikë. Bylisi dhe Ada me fitoren në shtëpi kanë bërë detyrën e tyre. Rival i të kuqve për t’u ngjitur në kategorinë superiore është edhe Kamza, e cila ka 5 pikë më shumë, por dje kamazalinjtë janë ndalur në Velipojë. Pas përfundimit të këtyre ndeshjeve të luajtuara të javës së 16-të, të kuqtë kanë mbetur të kënaqur, pasi në rast se fitojnë në Bilisht kanë mundësi të rikuperojnë pikë me disa ekipe, që renditen më lart në tabelën e klasifikimit.

Aksionari Sallaku lë Partizanin për Skënderbeun?

Në dhjetor të 2009-s shoqëria aksionare “Partizani” u kompozua në një mënyrë të re, pasi, përveç Albert Xhanit, u afruan edhe biznesmenët Paro Laçi dhe Lulëzim Sallaku. Laçi bleu 40% të aksioneve, ndërsa Sallaku 10%. Por ky bashkëpunim i treshës Xhani-Laçi-Sallaku ka filluar të marrë krisjen e parë, pasi Lulëzim Sallaku është gati të lërë Partizanin, për të mos thënë se e ka lënë, për të kontribuar për ekipin e Skënderbeut. Sipas disa burimeve të ndryshme pranë aksionarit të kuq, mësohet se prej ditësh drejtuesit korçarë ia kanë bërë ftesën Sallakut, por biznesmeni akoma nuk e ka vendosur plotësisht. Njëkohësisht Sallaku e ka pranuar edhe vetë se është shumë pranë Skënderbeut dhe i distancuar nga Partizani. Në këtë rast mungon vetëm konfirmimi zyrtar.

[King_Arthur]

Partizani barazon me Bylisin, pretendentët e tjerë fitojnë

Të shtunën e 6 shkurtit 2010, krahas superligës, u luajt edhe kategoria e parë. Shtatë nga tetë ndeshjet e javës së 17-të, ndër të cilat spikaste ajo që u luajt në “Selman Stermasi’, mes Partizanit dhe Bylisit. Të dyja skuadrat në fjalë ishin edicionin e shkuar në superligë, por tashmë duhej të “përplasin brirët” në kategorinë e parë, me synimin për t’u rikthyer mes më të mirëve. Natyrisht, gjendeshin në pozita të ndryshme në tabelën e renditjes, sepse Bylisi kryeson, ndërsa Partizani mban vendin e tetë. 90 minutat e luajtura në “Selman Stermasi” kanë paraqitur dy tablo. Në pjesën e parë ka qenë Partizani, që është shfaqur mjaft i rrezikshëm dhe kërkues, ndërsa Bylisi i kujdesshëm në prapavijë dhe me qëllime të qarta përmes kundërsulmit. Ka qenë Karapici, që përmes një goditjeje dënimi, të ekzekutuar mrekullisht, e ka kaluar Partizanin në epërsi. Me fitoren 1-0 është mbyllur pjesa e parë e lojës, ndërkohë që në fraksionin e dytë, ballshiotët janë më këmbëngulës dhe shtojnë forcat në sulm. Në radhët e lojtarëve të kuq vihet re mungesa e qartësisë organizative dhe rënia fizike, cka i jep kundërshtarit hapësirat e duhura për t’u zhvendosur pranë portës së Mustafës. Në dy-tri raste, gardiani shkodran i portës së kuqe ka arritur të evitojë golin, por nuk e ka shmangur dot këtë, teksa kapiteni i miqve, Dino, ka vërshuar i vetëm drejt tij, pasi i është vjedhur mbrojtjes vendase. Dhe Mustafa, në daljen e tij, nuk ka rrugë tjetër, vecse ta pengojë sulmuesin ballshiot dhe gjyqtari të akordojë penallti. Që është kthyer në gol nga Hamzai. Barazpeshë në ndeshje, cka i shokon edhe më shumë të kuqtë, që nuk gjejnë forca për të reaguar dhe shkuar te fitorja, madje mund të ishin ndëshkuar edhe më tej, në ndonjërin nga kundërsulmet e shpejta të Bylisit. Me këtë barazim, duket se Partizani i minimizon skajshëm shanset e veta për t’u ngjitur në superligë, ndërsa Bylisi mbetet i patundur në krye. Pretendentët e tjerë për superligën, Elbasani, Lushnja, por edhe Kamza, kanë fituar. Respektivisht, Elbasani ka mundur Sopotin 3-0, Lushnja ka triumfuar jo pa vështirësi, 1-0 ndaj Turbiunës, ndërsa Kamza ka mundur 3-1 Besëlidhjen. Ada e Velipojës është rrëzuar në Burrel, teksa është mundur 2-1, pavarësisht se ka kaluar e para në epërsi. Në sfidën e “të mbyturve”, Memaliaj ka mundur 1-0 Skraparin, ndërkohë që Gramshi ka fituar pastër, 2-0, me Bilisht Sportin.

Sfida Pogradeci-Luftëtari, që në fakt është parashikuar të luhet të dielën, në stadiumin e Korcës, pasi stadiumin e vet e ka në rikonstruksion, ka shumë gjasa që të shtyhet për shkak të dëborës, ashtu sic u shty edhe ndeshja mes Skënderbeut dhe Teutës. .

[SENSUALI_TR]

Java 22: Partizani ngec ne Kamez, Haxhiu debuton me barazim


Partizani eshte frenuar sot ne Kamez ku ka barazuar 1-1 kunder vendasve te drejtuar nga ish-portieri i kuq Perlat Musta, ne ndeshjen e vlefshme per javen e 22-te te Kategorise se Pare.

Trajneri i ri i skuadres, Gerti Haxhiu, ka debutuar keshtu me nje barazim ne pankinen e kuqe. Ai e ka filluar ndeshjen me formacionin qe ishte parashikuar. Mustafa ka qene ne porte. Sheta dhe Pinari ne qender te mbrojtjes ndersa Beqiri me Kapajn nga krahet, duke lene keshtu Shalen ne stol. Mesfusha ka qene e perbere nga Capa, Buna dhe Hallaci, ndersa sumuesi i vetem Maho eshte mbeshtetur nga Karapici dhe Ishka.

Ndeshja ka filluar me mire per vendasit. Jan ata qe hidhen ne sulm dhe rrezikojne te paret me ane te Enri Tafajt. Partizani qendron me shume ne mbrojtje ndersa Kamza sulmon ne kerkim te golit, qe e gjen ne minuten e 39-te me ane te kosovarit Tetova.

Pjesa e pare mbyllet me avantazhin e kamzalinjve ndersa e dyta fillon me mire per te kuqte qe kerkojne golin e barazimit. Kalojne vetem disa minuta nga pjesa e dyte dhe Partizani shenon. Eshte nje goditje nga kendi e ekzekutuar nga Maho dhe Sheta dergon topin ne rrjete duke shenuar golin e trete personal ne kete sezon ne 21 ndeshje te luajtura.

Partizani vazhdon te sulmoje dhe trajneri haxhiu shton nje sulmues ne fushe duke futur edhe Rizvanollin per Ishken. Partizani krijon disa raste te pastra shenimi ne kete pjese por portieri vendas Osmani eshte ne dite te mire. Te kuqte dominojne deri ne fund te tre minutave shtese, por nuk arrijne te gjejne dot golin e fitores.

Mbyllet keshtu ndeshja me nje barazim 1-1 dhe Partizani humb nje shans te mire per te ngjitur shkallet e klasifikimit pasi Ada dhe Elbasani barazuan 0-0 ne Velipoje. Partizani mbetet ne vend te 6-e me 36 pika ndersa Ada dhe Kamza qe mbajne vendet 4 dhe 5 kane nga 38 pike. Lushnja dhe Elbasani ne vendet 2 dhe 3 kane nga 43 pike secila, por Partizani ka nje ndeshje me pak, ate me Bilisht Sport qe do te luhet diten e merkure.

[SENSUALI_TR]

Presidenti i nderit Birçe akuzon Xhanin

Bejkush Birçe, me statusin e presidentit të nderit të Partizanit, ka folur gjatë dje për mediat, ku në përgjithësi i mbetet linjës së ndjekur prej gati dy vitesh në mbrojtje të ambienteve të klubit “Partizani”. Apeli i tij në adresë të qeverisë përmblidhet me një thirrje: Ku do ta çoni Partizanin?

Sipas Birçes, ambientet e klubit janë pronë shtetërore dhe qeveria duhet ta marrë në dorë situatën, pasi përvetësimi i tokave përbën një skandal. Për Birçen, Partizani duhet të transferohet në rast se i kanë prerë shiritin e inaugurimit të kompleksit të ri në një vend tjetër. Sipas Bejkush Birçes, personi përgjegjës për këtë situatë që po ndodh te Partizani është Albert Xhani. “Partizani ka pasur një president si Albert Xhani, i cili e ka zbritur dy herë nga kategoria dhe ka bërë çmos që t’i zhdukë edhe ambientet e klubit.

Është mirë që ky person të mos flasë dhe të hedhë akuza në drejtimin tim apo të dikujt tjetër, sepse nuk i dihet fundit. Veprimtaria e tij, kryesisht me akademinë, ka qenë e gjitha në të zezë. Përgjegjësi të madhe ka edhe Ministria e Mbrojtjes, pasi këto ambiente janë pronë e saj,”- u shpreh dje për mediat presidenti i nderit të Partizanit, Bejkush Birçe. (Sporti Shqiptar)

[SENSUALI_TR]

Mesdita e djeshme ka sjellë furtunën e radhës në ambientet e klubit “Partizani”, pasi ka pasur një atakim mes pjesëtarëve të kampit të kuq dhe pronarëve. Dje pronarët i kanë mbyllur derën Partizanit dhe përfaqësuesit e skuadrës kanë kërkuar ndihmën e ligjit, pasi, sipas tyre, ka vetëgjyqësi dhe janë dhunuar zyrat e tyre, ku është vjedhur edhe një kasafortë me një shumë të konsiderueshme të hollash. Partizani, me anë të përfaqësuesit ligjor, ka bërë një denoncim në Prokurori dhe rreth orës 14:00 futbollistët kanë hyrë në klub, ku edhe janë stërvitur.



Rreth situatës që po ndodh në klub është prononcuar dje për mediat përfaqësuesi ligjor, Paro Laçi: “Ne kishim një marrëveshje dypalëshe xhentëlmenësh, që të respektonim atë lloj pronësie, mbi të cilën këta pretendojnë se janë pronarë, por sot ajo u shkel nga ana e tyre me disa provokime të njëpasnjëshme, duke na mbyllur edhe derën.

Këto sqarime po i bëj për arsye se këta pseudopronarë nuk po ia bëjnë Partizanit, por vetvetes. Sot (dje) si përfaqësues ligjor i kam paraqitur të gjitha dokumentet në Polici, kam bërë një denoncim për atë që ka ndodhur në klubin “Partizani”. Na është mbyllur dera, gjë që konsiderohet vetëgjyqësi, ndaj them se Prokuroria do ta marrë të mirëqenë, pasi ka denoncim penal ndaj këtyre personave, se në zyrë na është vjedhur një kasafortë, ku brenda kemi pasur një shumë të konsiderueshme eurosh.

Ata na kanë ofenduar, kanë përzënë rojet tona, kanë penguar aktivitetin tonë privat, për të cilin do të kërkojmë dëmshpërblim. Dihet se Partizani është klub privat. Vërtet jemi me humbje, por nëpërmjet aktivitetit tregtar, që ka të bëjë me grup-moshat, marketingun, po mundohemi ta kthejmë në një klub rentabël. Kjo që ka ndodhur është një prishje e imazhit, por edhe pengesë në përgatitjen e ekipit.”

“Nuk ka pronarë, por ish-pronarë të shpronësuar”. “Tashmë kjo është një histori që do të ketë vazhdimësi, e cila do të jetë e vazhdueshme, pasi aty do të jetë klubi “Partizani”. Pra, ne do të stërvitemi këtu dhe nuk do të ketë tjetërsim, pasi edhe ligji nuk e lejon.

Ne do ta ndjekim këtë rrugë deri në fund, sepse jemi tepër të bindur se klubi “Partizani” ka të drejtë. Ambienti ku jemi ne është social dhe nuk ka pronarë. Këtë e vërtetoj edhe me dokumente që i disponoj dhe shumë shpejt do t’i paraqes edhe në Prokurori, sepse aty nuk ka pronë private. Këtu ka ish-pronarë të shpronësuar dhe për këtë kam edhe një dokument të firmosur dhe vulosur nga Luan Malltezi, që ma kanë ofruar disa dashamirës.

Në këtë dokumentacion vërtetohet qartë se ambienti ku jemi ne nuk ka pronarë privatë. Edhe nëse shteti i ka kompensuar përsëri këta ish-pronarë, ata nuk më kanë paraqitur asnjë dokumentacion, por më kanë kërkuar vetëm që t’u paraqes anën ligjore, të cilën e kam bërë. Nëse shteti i ka kompensuar, ka gabuar dhe normalisht ka edhe Gjykatë. Kushdo që e ka marrë këtë vendim, Komisioni i Kthimit të Pronave, apo tjetër kush, kemi edhe ne të drejtë të ankohemi për terrenet tona. Meqë këta pronarë nuk duan marrëveshje xhentëlmenësh, ne do t’i drejtohemi Gjykatës, pasi nuk jemi për përdorim force dhe veprime arbitrare, si ato që përdorin ish-pronarët.

“Partizani është në shtëpinë e tij”. “Dihet se si kanë hyrë këta pronarë në klub, gjë e cila përmbush vepër penale. Ata nuk mund të ushtrojnë forcë ndaj nesh. Ne do të vijojmë stërvitjen rregullisht. U drejtohem të gjithë tifozëve të Partizanit të mos shqetësohen, të mos bëhemi ne objekt i dhunës, konfrontimit, sepse kjo që po kurdiset nga të ashtuquajturit pronarë është provokim. Ne do t’i drejtohemi vetëm ligjit dhe them se ligji na jep të drejtë. Jemi në vendin tonë, në shtëpinë tonë, në fushat tona, që i përdorim prej 60 vitesh dhe përsëri do ta bëjmë këtë gjë. Nëse do të ketë ndonjë veprim të formës së prerë me Zyrë Përmbarimi, ne do ta respektojmë, por ata na kanë dhunuar zyrat tona dhe na kanë vjedhur.” (Sporti Shqiptar)

[{A_N_G_E_L_69}]

http://www.sportishqiptar.com.al/wp-...zani-fredi.jpg Partizani,rikthehet ultimatumi per pagesat




Të kuqtë e kryeqytetit më shumë e kanë mendjen se kur do të paguhen sesa te ndërprerja e kampionatit
Edhe pse data shënon 6 tetor 2010, në kampin e kuq as që bëhet fjalë për pagesa. Ndonëse Partizani i kanë nisur përgatitjet që në mesin e korrikut dhe ka zhvilluar katër ndeshjet e para të edicionit të ri, pretendohet se askush nuk ka marrë asnjë këst financiar. Në këtë fushë “demat e kuq” mbajnë rekordin kombëtar.
Fillimisht u fol se lojtarët nuk do të pranonin të nisnin sezonin pa u paguar nga presidenti Albert Xhani. Por kjo nismë nuk u zbatua, pasi, siç u tha, lojtarët vendosën të sakrifikonin edhe për pak dhe t’i jepnin mundësi presidentit të gjente rrugët e duhura që të çonin te sigurimi i financave, pasi thuhej se ishte çështje ditësh. Janë zhvilluar katër javët e para, ku Partizani ka arritur 1 fitore dhe tri humbje.
Starti është shumë i dobët, por duke parë përbërjen e ekipit, fazën përgatitore dhe kohën që u konfigurua grupi, askush nuk priste çudira. Për shkak të impenjimit të ekipit kombëtar, skuadrat kanë mundësi që për dy javë të rikuperojnë defektet e shfaqura në javët e para. Por te Partizani kjo ndërprerje nuk pi ujë, pasi defekti i tyre kryesor është kriza e stërgjatur financiare. Duke i pasur “xhepat” bosh, alternativa e vetëm për të kuqtë mbeten Kodrat e Liqenit Artificial.
Prandaj lojtarët nuk e kanë mendjen te ndërprerja e kampionatit, pasi kanë bërë gati ultimatumin e radhës për rrogat e pashlyera. “Çdo durim e ka një kufi dhe them se durimi ynë po soset. Nuk mund të presim në pafundësi, ndonëse e mirëkuptojmë dhe i dimë vështirësitë e presidentit. Eshtë momenti për të vendosur, sepse kriza financiare po i jep efektet në ekip.
Kur luajmë jashtë, të gjithë mundohen të na nëpërkëmbin, pasi na shikojnë si fukarenj dhe mundohen të na japin të shtyrën e radhës. Këtë gjë e tregojnë edhe gjykimet në dy transfertat që kemi zhvilluar. Ndonëse ekipi ka plot lojtarë të rinj, nëse do të ishim në rreguul me pagesat, pa dyshim që grupi do të ishte më i motivuar.
Prandaj është mirë që deri në fund të kësaj jave të merret një vendim për shlyerjen e pagesave, ose përndryshe çdokush të rishikojë pozicionin e tij. Nuk ia vlen të presësh pa fund, sepse dukesh sikur po gënjen veten dhe familjen,”- u shpreh mbrojtësi me eksperiencë i “demave të kuq”, Engert Bakalli.

[{A_N_G_E_L_69}]

http://www.sportishqiptar.com.al/wp-...i-dhe-sulo.jpg Të rinjtë, përcaktuesit e fatit të Partizanit




Trajneri Bajko përgatit një numër të konsiderueshëm lojtarësh, ku mbizotërojnë elementët U-19
Prej disa sezonesh akademia “Partizani” ka qenë në avangardë, për sa i përket prodhimit të futbollistëve të rinj. Ky produkt mban një peshë të rëndësishme edhe në kategorinë superiore, ndonëse të kuqtë janë katandisur në fundin e kategorisë së parë. Në të shkuarën kishte një ndërthurje të elementit me përvojë dhe atij me moshë të re. Ndërsa këtë edicion balancat janë prishur, pasi peshën më të madhe e mbajnë të rinjtë, ku pjesa dërrmuese e tyre janë më të vegjël se 20 vjeç.
Katër ndeshjet e zhvilluar kanë treguar qartë se këta të rinj e kanë të vështirë të mbajnë barrën kryesore të Partizanit, kur dihet se në ndeshjet në transfertë përcaktues është eksperienca dhe forca fizike. Stafi teknik i të kuqve e ka shprehur qartë që pas ndeshjes me Lushnjën se me këtë grup nuk kanë mundësi të vënë në zbatim idetë e tyre, kështu që duhet të përshtaten me këta lojtarë të rinj, që kanë nevojë të mësojnë nga “a” deri te “zh”.
Pra, “adoleshentët”, të paktën deri në merkaton e dimrit, kanë në dorë fatet e Partizanit të këtij sezoni. Duke u nisur thjeshtë ndeshja e fundit që të kuqtë zhvilluan në Pogradec, shikohet se në këtë transfertë janë aktivizuar 7 futbollistë, që ende nuk i kanë mbushur 20 vjeç, si Sulçe, Fagu, Dushku, Gjoka, Peposhi, Përlleshi, Xhepa. Por këtë nuk janë të vetëm, sepse ka edhe të tjerë si Mehja, Lubonja, Bozho, Sejdo etj., që janë pjesë e 18-shes në çdo takim.
Këta të rinj kanë shansin e madh për të treguar vlerat, pasi po u krijohet hapësira, por janë edhe përballë një rreziku tjetër, sepse çdo javë janë nën presionin e gjendjes së Partizanit, ku rezultati është primar. Pra, fanella e kuqe që ata përfaqësojnë është shans, por edhe rrezik. “Personalisht jam mësuar me fanellën e kuqe, pasi jam pjesë e ekipeve zinxhir të klubit. Ekpi vërtet ka shumë lojtarë të rinj, por them se ata nuk do të zhgënjejnë dhe do t’i tregojnë vlerat në dobi të Partizanit.
Presioni dhe problematika që po kalon ekipi normalisht që nuk ndikon për mirë, por nëse situata përmirësohet, pa dyshim që edhe ne të rinjtë do të ecim në gjurmët e atyre që kanë dalë nga akademia “Partizani”,”- u shpreh për “Sportin shqiptar” 19 vjeçari i të kuqve, Renis Mehja.
Këta të rinj vërtet kanë në dorë fatin e Partizanit, por klubi nuk u përgjigjet atyre, pasi nuk u siguron gjënë më minimale, një fushë stërvitore. Gjatë kësaj jave të kuqtë kanë kryer vetëm përgatitje nga Liqeni dhe vetëm në mesditën e sotme mund të përgatiten me top, pasi do të stërviten në qendrën stërvitore të Kamzës.
Blerti Hajdari, pranë rikthimit si i kuq
Reparti sulmuesi i Partizanit pa dyshim që ka qenë pika më e dobët e ekipit, pasi duke dituar se përbëhet nga lojtarë të rinj, ka shumë gabime në finalizimin e aksioneve. Mësohet se ky repart mund të përforcohet me sulmuesin bardheblu, Blerti Hajdari, i cili nuk po gjen hapësirë te Tirana.
Hajdari është produkt i akademisë së Partizanit, kështu që ambienti nuk është i panjohur për 20-vjeçarin. Hajdari mund të vijë te të kuqtë në formë huazimi dhe mund të jetë një alternativë më shumë për sulmin e Partizanit. Blerti Hajdari do të gjejë te të kuqtë edhe vëllanë e tij më të vogël, që gjithashtu është pjesë ekipeve zinxhir të Partizanit dhe përgatitet me ekipin e parë.

[{A_N_G_E_L_69}]

http://www.sportishqiptar.com.al/wp-...partizani3.jpg Partizani shpërthen në gola ndaj Dinamos U-19




Të kuqtë e trajnerit Neptun Bajko dje kanë fituar me rezultatin 6-0 në sfidën me të rinjtë dinamovitë

Të kuqtë dje kanë qenë mysafirë në kompleksin “Dinamo”, ku kanë zhvilluar një ndeshje miqësore me 19-vjeçarët blu. Partizani vinte në këtë test pas atij që kreu të enjten me Përparimin, ku barazoi 2-2. Dje të kuqtë kanë shpërthyer në gola, duke i mposhtur dinamovitet me rezultatin 6-0. Trajneri Bajko preferoi që këtë ndeshje ta niste ndryshe nga sa bëri me kuksianët, pasi aktivizoi që nga minuta e parë pothuajse formacionin që kemi parë edhe në kampionat:
Xhika, Berberi, Pashaj, Pinari, Cfarku, Bakalli, Gjoka, Karapici, Sulçe, Përlleshi, Dushku. Ndonëse të kuqtë kishin në përbërje pjesën më të madhe të lojtarëve me përvojë, goli vjen nga fundi i pjesës së parë, e cila u mbyll 2-0 me autorë Pashaj dhe Dushku. Në pjesën e dytë trajneri Bajko aktivizoi pjesën tjetër të lojtarëve, të cilët arrijnë të shënojnë edhe katër gola të tjerë, me autorë Mehja, Xhepa, Lubonja, Hithi. Partizani vërtet dje ka luajtur ndaj të rinjve të Dinamos, por nuk duhet harruar se pjesa më e madhe e organikës që drejtohet nga Neptun Bajko janë moshatarë me dinamovitët që kishin përballë.
Madje shpërthimi i të kuqve erdhi në pjesën e dytë, ku nga fusha dolën edhe elementë me përvojë. Pjesa e dytë ishte një përballje pothuajse e denjë për kampionatin e moshave U-19. E rëndësishme për “demat” është që të paktën gjatë kësaj jave patën mundësi të kryejnë dy ndeshje kontrolli. Partizani në këtë fillim sezoni ka shfaqur probleme të mëdha në fazën përmbyllëse të aksioneve, por dje ka pasur sinjale të mira, sepse është shënuar, ku sulmuesit e rinj kanë arritur të gjejnë rrugën e golit. Me këtë miqësore mbyllet edhe java stërvitore e të kuqve, pasi sot e kanë pushim dhe rifillojnë përgatitjet të hënën paradite me vrapime nga Liqeni.
Xhani pranë ekipit, por pritja vazhdon
Takimin e djeshmë mes të kuqve dhe të rinjve të Dinamos e ka ndjekur edhe presidenti i Partizanit, Albert Xhani. Ndonëse Xhani ishte prezent, situata në kampin e kuq mbetet e njëjtë, pasi problemet financiare janë në fuqi. Mësohet se edhe pas ndeshjes së djeshme presidenti u ka premtuar disa lojtarëve, me të cilët ka pasur kontakt, se gjërat do të zgjidhen shumë shpejt. Madje sot pritet që Xhani të udhëtojë sërish drejt Greqisë.

[{A_N_G_E_L_69}]

http://www.sportishqiptar.com.al/wp-...ht-sport-1.gif Partizani, për pikët e para në transfertë



Në ndeshjen e kontrollit të zhvilluar dje u pa që në Pukë do të ketë debutues te të kuqtë
Ndryshimi i regjimit stërvitor, ku në tri ditët e fundit të kuqtë e kryeqytetit janë përgatitur në Kamzë, ka bërë që futbollistët ta njohin më mirë njëri-tjetrin. Partizani, në dy transferta që ka zhvilluar deri tani, Lezhë dhe Pogradec, është mundur me rezultat minimal 1-0. Gjithsesi, të kuqtë shpresojnë që transferta e radhës të jetë ndryshe dhe për këtë do të kërkojnë pikë në Pukë.
Sipas lojtarëve të Partizanit, ata janë përgatitur që ndaj Tërbunit të bëjnë më të mirën e mundshme dhe të marrin pikët e para jashtë kryeqytetit. “Ndërprerja e kampionatit do t’i shërbejë Partizanit, pasi gjatë kësaj periudhe jemi përgatitur mirë dhe me ngarkesën e mënyrën e duhur. Prandaj them se është momenti që edhe Partizani të marrë rezultate pozitive si brenda dhe jashtë Tirane.
Të shtunën na pret një sfidë e vështirë, por kjo nuk na bën pesimistë dhe minimumi që do të kërkojmë ndaj Tërbunit është një pikë,”- u shpreh për “Sportin shqiptar” mesfushori Salvatore Sulçe. Të kuqtë e drejtuar nga trajneri Neptun Bajko këtë javë kamë pasur mundësi, si asnjëherë tjetër në këtë sezon, të kryejnë tri seanca radhazi në një ambient ku mund të praktikosh ushtrimet me top.
Dje të kuqtë kanë kryer një seancë stërvitore në Kamzë dhe kanë zhvilluar një ndeshje kontrolli brenda grupit. Edhe kjo është një risi për “demat”, pasi në të shkuarën për mungesë terreni nuk kanë pasur shans për ta praktikuar.Nga ajo që u pa dje në ndeshjen e kontrollit i bie që në Pukë të ketë të tjerë debutues me fanellën e kuqe. Në krahasim me takimin e fundi me Pogradecin, pritet që në Pukë të ketë disa modifikime në formacion.
Sipas mënyrës që u luajt dje në ndeshjen e kontrollit, i bie që Erind Lleshi do të jetë debutues dhe do të pozicionohet si mbrojtës i djathtë. Ndërsa pjesa tjetër e mbrojtjes do të jetë si në Pogradec, ku do të jenë Pinari, Pashaj dhe Bakalli. Në mesfushë dje është provuar Shabani, i cili vjen nga të rinjtë e akademisë dhe mendohet se mund të luajë në Pukë.
Nga mënyra si u vendos dje ekipi në ndeshjen e kontrollit, i bie që ndaj Tërbunit të kuqtë të luajnë me një sulmues të deklaruar, Dushkun, që do të ketë ndihmën e mesfushorëve, kryesisht të Karapicit. Dje mungoi mesfushori Tetova, i cili nëse gëzon formë të mirë, mund të jetë pjesë e formacionit në transfertën e Pukës.