"Demat e Kuq" të Partizonit - (#3)

[OO7]

Mobilizohen edhe partizanasit e "Tifozave Kuqezi"

Lajme të tjera të mira na vijnë nga jashtë Shqipërisë nga tifozat që janë të gatshëm të kontribuojnë në aksionin "Shpëtoni Partizanin". Informacione vijnë se disa pjesëtarë të grupit të ultrasve të kombëtares shqiptare "Tifozat Kuqezi", të cilët në të njejtën kohë janë edhe tifoza të Partizanit, kanë filluar të diskutojnë mënyrat se si do t'i dalin në ndihmë skuadrës së Partizanit. Janë disa tifoza që do të mbledhin mbledhin lekë nga tifozë tanët në Zvicër, Itali, Holandë, Angli e SHBA, dhe më pas do t'i dërgojnë në Shqipëri në llogarinë tashmë të hapur. Të paktën kjo është ajo që disa prej tyre deklarojnë në forumin e faqes së "Tifozave Kuqezi". Madje ka pasur edhe premtime për donacione mjaft bujare që arrijnë shifrën e 300 dollarëve nga një person i vetëm nga Shtetet e Bashkuara.
Ky është një tjetër fakt se Partizani është skuadra më e dashur e shqiptarëve, ndërsa me këtë aksion ne si tifozëri po dëshmojmë se jemi gjithmonë me Partizanin, edhe në ditë të zeza si këto.
(Partizani.Net)

[goldian]

une edhe pse tifoz kundershtar i pergezoj tifozat e kuq per kete nisme qe kane ba
ndoshta as nje tifozeri tjeter sdo bente sakrifica te tilla
nuk eshte e lehete ne kohet e sotme te japesh nga xhepi jot
ju uroj sinqerisht

[white-knight]

Sa te deshperuar mer

Pa he njehere kush do ju mari qe do e beni Tiranen te dali kampion nje here ne 30 vjet?Se me kujtove Xhanin qe thonte c'do fillim sezoni qe do hapte thesin,merrte Bajkon trajner dhe e pushonte pas 2 muajsh e me rradhe...histori te vjetra keto dhe perralla me mbret...lol

white-knight nga fotoja duket si Gjermon nazist dhe normal emri Partizan i shkakton alergji

Ne fakt jam komunist rus.

Jeni te marr fund mos enderroni shume.Ngushellime paraprakisht...

[OO7]

50 mijë lekët e para për të shpëtuar të kuqtë

Reportazh nga gjimnazi “Ismaili Qemali”: Të rinj pasionantë për stemën e Partizanit

Me një kuti në dorë, një parrullë ku shkruhet “Shpëtoni Partizanin”, dhe sigurisht të veshur me bluzat e skuadrës së kuqe. Është një ditë ndryshe nga të tjerat për disa prej nxënësve maturantë të “Ismail Qemalit”. Janë tifozë të çmendur të “demave” dhe i dhemb në shpirt kjo gjendje që po kalon skuadra e tyre e zemrës. E kishin lajmëruar një ditë më parë fillimin e nismës për të mbledhur para në shkollën e tyre. Si zakonisht, disa minuta përpara orës 8, Andi Kasmi dhe Besart Doda që shoqërohen edhe nga disa shokë të tyre, hyjnë në shkollë duke tërhequr vëmendjen e të gjithëve. Nxënësit e tjerë fillojnë menjëherë të bëjnë komente dhe kurioziteti nuk i lë rehat. “Çfarë ka ndodhur kështu”, i pyesin çunat e veshur me fanellat e Partizanit. Ai që mban parrullën e shpalos duke u treguar të gjithëve se për çfarë bëhet fjalë. Ka të qeshura dhe shumë pasthirrma habie. Femrat e kanë paksa të vështirë ta kuptojnë, por ultrasit e kuq ua shpjegojnë menjëherë. Drejtoria nuk i lejon pasi nuk është një aktivitet që ka lidhje me shkollën, por janë të vendosur ta startojnë nismën me të gjitha mënyrat. U afrohen nxënësve duke u kërkuar që të kontribuojnë për Partizanin, por nuk e kanë të lehtë që të mbledhin para. “Doni të bëni party me paratë tona”, u thonë shumica e shokëve të tyre të shkollës dhe nuk pranojnë të derdhin asnjë lek në kutinë ku shkruhet “Shpëtoni Partizanin”. Nxënësve nismëtarë u duhet që tu tregojnë gazetat që kanë shkruar për fillimin e kësaj nisme që të gjithë ta besojnë. Efekti është i menjëhershëm. Shumë fillojnë të derdhin kontributet e tyre me aq mundësi sa kanë. “Bëjmë gjithçka për skuadrën tonë të zemrës. E filluam këtë nismë për të ndihmuar sadopak Partizanin. Te kjo shkollë ka shumë tifozë të kësaj skuadre. Madje, edhe femrat janë të shumta që po kontribuojnë. Do ta vazhdojmë gjatë të gjithë javës dhe gjithashtu i bëjmë thirrje edhe gjimnazeve të tjera që ta fillojnë këtë nismë. Më pas, do të grumbullohet e gjithë shuma që do të mblidhet dhe do ta derdhim në llogarinë bankare që pritet të hapet këto ditë për këtë çështje”, shprehet Andi Kasmi që është edhe organizatori kryesor i kësaj nisme. Kanë menduar gjithçka deri në detaje. Koha e pushimit mes orëve është e pakët dhe nuk mjafton. Bisedojnë me mësuesen e Anglishtes, Sadete Prifti, e cila është tifoze e kësaj skuadre. Ajo në çdo fillim ore në klasën ku ka mësim, i merr nxënësit﷓tifozë me vete, të cilët pasi shpalosin idenë e tyre kalojnë bankë më bankë për të mbledhur kontributet nga nxënësit që dëshirojnë të derdhin para. Mësuesja kontribuon edhe vet, në një kohë që nuk mbeten mbrapa edhe shumë mësues apo mësuese të tjera. Midis nxënësve të shumtë, ka edhe armiq” që janë tifozë të Tiranës. Sapo shohin nismëtarët me bluzat e Partizanit lëshojnë batutat e tyre: “Yyyy, nuk i duam “morrat”. Ne japim para, por vetëm për Tiranën”, flasin tifozët bardheblu. Gjatë pushimit të gjatë, ultrasit e kuq dalin në oborrin e shkollës dhe aty kanë mundësi ti gjejnë të gjithë nxënësit. Grumbullojnë jo pak dhe duken të gëzuar që gjithçka po ecën mirë. Kanë mundësi të ndihmojnë ekipin e tyre të zemrës. Rituali vazhdon edhe gjatë orëve të fundit të ditës. Lëvizin në çdo klasë dhe nuk lënë nxënës pa i afruar kutinë nga e cila shpresojnë të nisë shpëtimi i Partizanit. Për ta, mësimi kalon në plan të dytë. Ia vlen të paktën për disa ditë. Një prej dashurive të tyre që kanë në jetë ndodhet drejt shpërbërjes. Nuk duan që ta humbasin dhe për këtë bëjnë gjithçka për ta ndihmuar. Orët kalojnë dhe zilja sinjalizon se edhe për këtë ditë shkolla mbaroi. Të gjithë vërshojnë për të dalë dhe maturantët që kanë filluar nismën janë po aty. Qëndrojnë afër derës së jashtme të oborrit dhe mbajnë kutinë përpara. Ata që nuk kanë pasur mundësi e bëjnë tani dhe hedhin paratë e tyre në të çarën që ka kutia. Shkolla boshatiset dhe nxënësit﷓tifozë largohen të qeshur pas ditës së parë të nismës. Në fund të ditës, llogariten diçka më shumë se 50 mijë lekë të vjetra të grumbulluara. Si fillim nuk është keq. Gjithçka nis në një gjimnaz dhe nuk kanë të ardhura të tjera përveç parave që u japin prindërit. Sot do të jenë sërish aty me kutinë “Shpëtoni Partizanin”...



Mësuesja e anglishtes: Unë një tifoze e thekur!

Nxënësit﷓tifozë të gjimnazit “Ismail Qemali” që filluan dje nismën e tyre “Shpëtoni Partizanin” për të mbledhur kontribute nga shokët e shkollës, u mbështetën menjëherë edhe nga mësuesja e Anglishtes, Sadete Prifti. Kjo e fundit është vet tifoze e Partizanit dhe kontribuoi edhe vet duke hedhur një shumë simbolike në kuti. “Më vjen mirë për këta nxënës që kanë ndërrmarë këtë nismë për skuadrën e Partizanit. Unë jam vet tifoze me këtë skuadër dhe me aq mundësi sa kisha kontribuova. I vlerësoj këta maturantë dhe të gjithë nxënësit që derdhin shuma me aq sa kanëmundësi për të shpëtuar këtë ekip. Partizani ka emër të madh dhe ka lënë gjurmë në historinë e futbollit shqiptar. Shpresoj që këtë nismë ta përkrahin edhe gjimnazet e tjera dhe sigurisht biznesmenë të ndryshëm pasi kjo skuadër ka nevojë për ndihmë”, shprehet në prononcimin e saj, mësuesja e Anglishtes te “Ismail Qemali”, Sadete Prifti.



Trajneri Shpëtim Duro: “Kjo, po që më habit, të hidhet edhe biznesi”

Nisma e disa prej maturantëve të gjimnazit “Ismail Qemali” për të ndihmuar financiarisht skuadrën e tyre të zemrës, është mbështetur edhe nga trajneri i të kuqve, Shpëtim Duro. Ky i fundit e ka përshëndetur dhe është habitur paksa që kjo nismë që dukej disi me dyshim, tashmë është bërë realitet. “Mund të them se është diçka e paprecedent dhe që ndodh për herë të parë në Shqipëri që tifozët duan të ndihmojnë financiarisht skuadrën e tyre të zemrës. Kam mbetur paksa i çuditur që kjo nisi realisht në një prej gjimnazeve të Tiranës. I falënderoj të gjithë ata që kanë filluar këtë nismë dhe ata që kontribuojnë. Pas lojtarëve që vendosën fanellën mbi çështjen financiare, ky është një hap i tifozëve që tregojnë dashurinë për ekipin e tyre të zemrës”, shprehet kryepankina e “demave”. Ky është vetëm fillimi dhe Duro shpreson që kjo të nxisë biznesmenë të ndryshëm që të kontribuojnë. “Sigurisht që duhen falënderuar të gjithë tifozët e kësaj skuadre që po bëjnë gjithçka për Partizanin e tyre. Mendoj se kjo duhet të nxisë edhe biznesmenë apo njerëz të tjerë për të kontribuar. Mendoj se ky klub nuk e meriton vendin që ka duke ditur çfarë i ka dhënë futbollit shqiptar. Ka histori dhe mijëra tifozë jo vetëm në Tiranë, por në të gjithë Shqipërinë. E ndjejnë këtë ekip dhe nuk duan që të bjerë në Kategorinë e Parë”, përfundon prononcimin e tij, trajneri i “demave”, Shpëtim Duro.



Flasin lojtarët: “Ata mezi nxjerrin lekë për kafe, faleminderit...”

Nisma e disa nxënësve﷓tifozë të gjimnazit “Ismail Qemali”, të cilët filluan dje të mbledhin kontribute në shkollën e tyre, është përshëndetur edhe nga lojtarët e kuq. “I falënderojmë të gjithë tifozët për këtë që bëjnë për skuadrën e tyre të zemrës. Është diçka që nuk ka ndodhur asnjëherë në vendin tonë. Tregojnë se e ndjejnë me shpirt Partizanin dhe nuk duan kurrsesi që një emër si ky të vazhdojë në një gjendje të tillë. Pasi ne vendosëm që të luajmë për këtë fanellë edhe pa para, tashmë ky hap tregon se të gjithë ata që kanë lidhje me këtë skuadër, duan ta ndihmojnë me shpirt. Tashmë, kjo nismë duhet të nxisë edhe interesin e biznesmenëve dhe njerëzve të tjerë. Ky klub me historinë që ka dhe atë çfarë ka bërë për futbollin shqiptar, nuk e merriton që të jetë në këtë gjendje dhe të renditet në vendet e fundit të klasifikimit”, shprehen lojtarët e Partizanit, të cilët tashmë shihen si “heronj” nga mbështetësit e kësaj skuadre për atë që po bëjnë për “demat”.

Sport Ekspres

[OO7]

Kush eshte tifoz i Kuq te kontriboj.

[OO7]

...

Pa he njehere kush do ju mari qe do e beni Tiranen te dali kampion nje here ne 30 vjet?Se me kujtove Xhanin qe thonte c'do fillim sezoni qe do hapte thesin,merrte Bajkon trajner dhe e pushonte pas 2 muajsh e me rradhe...histori te vjetra keto dhe perralla me mbret...lol

...Ngushellime paraprakisht...
..

Ngushellime qe fituam ne Ballsh sot ?

Po te jap vetem nje titull gazete:

Partizani/Xhani s’ka nga ia mban: do jetë president nderi
Gati tre gjigantë,ja plani i shpëtimit
Dulaku, “Taçi Oil” e “Joy Travel” pritet të hyjnë si aksionerë

[bayern]

ZeroShtate po me sa di une edhe e kam me te lexume forumore ene zotnia tate me Gjermont osht normalisht.
Amon mer daje su lodhet tu jetu ala me ate 8 - 0? Jeni bo tamom si ato gjynofqaret qe ndjehen viktima edhe sa here i preken telat kujtojne kohet e lavdishme. Plako jetohet ne te tashmen jo te kalumen. E tashmja thoqe te Tirona eshte superiore karshi jush nga koka e deri te komet. I ka dhone tonin futbollit Shqiptar jo vetem pas demokracise po edhe atehere kur ju i merrnit titujt me urdhen nga nolt. Edhe atehere ju pergjigjeshim me shpirtin e nje ekipi qe mbeshtetej te tradita edhe nderi i te qenit vendali edhe jo ekip i sajum si ju ene Dinamo.
Eshte e padiskutushme qe jeni ekipet e sistemit komunist. nisuni nga emrat njoni slavv tjetri Rus.

Sa here e keni morre ju ene Dinamo kampjonatin bashke mas demokracise? Duke mendu qe Dinamo ka pas edhe sponsor te fuqishem? As sa gjysma e Tirones.

Tirona eshte e tironsave plako jo e komunistave ene e kalecave qe na e kan nxi jeten 50 vjet me radhe.

Mu me vje keq per lojtaret ama per ju si klub sma ni fare se jeni tu la gjynofet e gjus shekulli.

[La_Lune]

Pupupu ku ka vajt puna.
Ska ku i co Dulaku leket mire bo tju marri ti hedhi ca fletushka dem
Bayern Cheers.

[strange]

ky OO7, ene fukara ene krenar. Ec e merre vesh.....

[La_Lune]

Ne i themi Ene dhi e zgjebosme Ene Bishtin perpjete.