Erion Veliaj per zerin e Amerikes

[DJAL_BERATI]

http://www.voanews.com/albanian/2008...cfm?rss=topic1 - 55k -

Veliaj për 'Zërin e Amerikës': aksioni më i madh duhet të jetë politika për normalizimin e jetës

Gjatë vititës së tij në Washington DC me ftesë të Open Society, përfaqësuesi i G 99 Erion Veliaj zhvilloi një intervistë me gazetaren Laura Kondi në VoA, 'Zëri i Amerikës' Veliaj ishte i ftuar në aktivitetin e organizuar nga Open Society: Democracy, Demolition and Development: Albania's Crooked Road to the West (Demokracia, Shkatërrimi, Zhvillimi: Rruga problematike e Shqipërisë drejt Perëndimit)



Cili është pozicionimi i lëvizjes suaj, Grupi-t 99, në politikën shqiptare?


Besoj që aksioni më i madh politik që duhet ndërmarrë është politika e normalizimit i jetës dhe nuk është lënë një hapësirë e madhe per të diskutuar majtas apo djathtas. Ajo që ka qenë tema më e rëndësishme e këtyre viteve në Shqipëri ka qenë siguria e jetës dhe mënyra e papërgjegjshme me të cilën trajtohet aseti më i çmuar që kemi që është jeta e qytetarëve tanë. Njerëzit vdesin në rrugë, njerëzit vdesin në miniera, njerëzit vdesin praën një baze ushtarake, njerëzit vdesin në liqen dhe une them që për të kthyer në vëmendjen e publikut disa nga këto çështje shumë të rëndësishme si shëndetësia, arsimi, jeta e qytetarëve më shumë duhen politika të rikthimit të normalitetit sesa një diskutim për filozofinë e rradhës.



-Megjithatë një lëvizje ose një parti politike në bazë të programit të saj elektoral anon nga e majta, nga e djathta ose në qendër. Cili është pozicioni juaj?



Sot qeveria britanike është një qeveri e majtë laburiste e cila është gati të privatizojë hekurudhat vetëm që të funksionojë më mirë transporti publik ndërkohë që qeveria franceze është një qeveri e djathtë me në krye Sarkozinë, i cili është gati të mbajë komunistat më të flaktë si Kushneri në qeveri sepse kështu funksionon më mirë. Unë them që duhet të kthehemi në një politikë më normale. Me këtë qeveri aktuale jemi absolutisht në opozitë. Me këtë qeveri të Gërdecit ku makutëria dhe papërgjegjshmëria krijojnë një Kongo të papranueshme jemi absolutisht në opozitë po them që duhet të kemi më shumë nevojë për një sprint që ti kthejmë gjërat në normalitet sesa një betejë ideologjike që gjithsesi po zhduket edhe në botën perëndimore.



-Kritikët kanë thënë që lëvizja juaj rrezikon të shndërrohet në një aneks të Partisë Socialiste?



Nëqoftëse do të kishim dashur të ishim një aneks i PS do të kishim pranuar ofertat që na janë bërë nga Partia Socialiste ose nga parti të tjera të majta. Fakti që po sigurojmë një aleancë qytetare me profesionistë më të mirë që ka sot Shqipëria si dhe me studentë, të rinj dhe të reja të një brezi që ska të bëjë fare me të kaluarën në Shqipëri na bën të ndryshëm. Zgjedhjet e ardhshme do të jenë të veçanta për këtë arsye: do të votojnë për herë të parë 18 vjeçarë që kanë lindur në vitin 91 që nuk kanë dëgjuar as për rradhën e qumështit, as për arançatën me limontoz as për racionet me 100 gram sallam. Këtyre të rrinjve ne duhet që tu përgjigjemi jo me metodat e vjetra që 'fajin e ka komunizmi apo otomanët' këta të rrinj duan metoda të reja. Them që jemi një kalorësi e lehtë pa bagazhin dhe pa barrën nga e kaluara. Kjo ndoshta na bën që të dallohemi nga partitë që ju përmendët që gjithsesi i mbartin me vete disa nga problemet e së kaluarës dhe që unë jam shumë i inkurajuar kur i shoh që edhe ato po mendojnë në mënyrë progresiste dhe që po e pastrojnë veten e tyre nga elemente që ndoshta s'kanë qenë figurat më të mira të kombit tonë.



-Nga këndvështrimi i votuesit cili do të jetë përfitimi i votuesit pë të pasur një parti tjetër të re për Shqipërinë?



Unë them që një votues është një punëdhënës , kjo do të thotë që njëherë në katër vjet merr në punë disa njerëz që të kujdesen për interesat e veta ashtu si merret në punë një dado apo një kopshtar. Zgjedhjet e ardhshme janë momenti i punësimit, vijnë disa njerëez me CV-të e tyre, vjen CV-ja e atij që rrahu gjyqtarin në stadium, vjen CV-ja e atij që rrahu gazetarin, do të vije dhe CV-ja jonë që rrahim idetë dhe mendimet. Kështu që midis këtyre është detyra e publikut të zgjedhë CV-në e atij që i mbaron më shumë punë ose që mund të menaxhojë shqetësimet e veta më të mëdha .Them që pesë vitet e fundit disa si aktivistë të Mjaftit por dhe shumë aktivistë të tjerë të G 99 kanë demonstruar që kanë një pasion të sinqertë për këto çështje dhe që do të duhet të ishin në pushtet dhe të administronin atë karton jeshil të Parlamentit. Ajo që i themi këtyre qytetarëve është që disa punë të këtij shteti mund ti bëjmë më mirë sesa 10 përqind e parlamentarëve të tanishëm që janë ish-badigardë (bodyguard). Për të vendosur këtë balancë ky akt punësimi që bëhet me anë të votës duhet të ndodhi në mënyrë transparente dhe mendoj që Kodi i ri Zgjedhor e garanton këtë gjë.



-Në kushte kur politika shqiptare dominohet nga dy partitë e mëdha, PS dhe PD partitë më të vogla janë ankuar vazhdimisht se nuk i dëgjohet zëri në politikën e vendit. Cili është komenti juaj lidhur me ndryshimin që u miratua kohët e fundit në Kushtetutën e Shqipërisë mbi sistemin proporcional dhe mbi shqetësimin që kanë partitë e vogla?



Dua të bëj një sqarim të vogël. Jo të gjitha grupimet e reja apo të gjitha partitë e vogla janë ankuar. Zakonisht ankohen vetëm partitë me pronarë që njihen si të tilla në Shqipëri, zakonisht një ish-kryeministër ose një ministër i inatosur që krijon një parti të re dhe e përdor si një konsullatë politike private, këto janë ankuesit më të mëdhenj. Unë them që kushtetuta e Shqipërisë duhet të garantojë të drejtën e çdo qytetari për tu përfaqësuar por jo të drejtën e çdo partie për të ekzistuar. Marrim rastin e Amerikës, partia e gjelbër e Ralph Nader nuk e kalon pragun, nuk është fundi i botës por ama garantohet e drejta e qytetarëve. Këto parti ishin mësuar që për njëzet vjet Kushtetuta e Republikës sonë ju garantonte të drejtën e tyre për ekzistencë, të drejtën e tyre për të pasur ministra por këto nuk janë të drejta kushtetuese. Kështu që tani të paktën gara është e hapur, secili ka korsinë e vet, mund të vrapojë më shpejt ai që është më i shkathët dhe më i aftë por ama u eliminua koncepti i "të fortit" nga politika. Pjetër Arbnori vetë apo njerëz të tjerë të shquar nuk futeshin dot në Parlament sepse dikush tjetër ishte më i fortë dhe më i pasur dhe i nxirrte nga politika. Tani hapësira për këta të fortë është më e vogël, rajonet janë më të mëdha. Nuk mund të korruptosh apo të intimidosh me armë pesëqind mijë njerëz. Partitë e vogla duhet të kuptojnë që nuk janë parti monarkike por duhet të fitojnë këtë të drejtë ekzistence me anë të aftësive të tyre. Ne si lëvizje nuk kemi asnjë problem me një ligj i cili i vë njerëzit në garë me ekipet e tyre më të mira. Duhet të jemi të sinqertë edhe për diçka tjetër, këto parti të vogla që ankohen tani për lista të hapura fundja fundit kurrë s'i kanë pasur listat e hapura. Gjithmonë kryetari apo pronari i partisë dhe dy shokët e vet kanë qenë të parët në liste dhe vetëm plebenjtë e tjerë ishin ata që garonin. Ky standard i dyfishtë është anormal. Dhe e fundit ka një dopio standard tjetër meqënëse u ngrit çështja e Kushtetutës. Janë po këto parti të vogla kryetarët apo pronarët e të cilave hipin mbi tryezën e parlamentit gati për ta mbytur kryetaren e Parlamentit kur vinte puna për ta ndryshuar kushtetutën për interesat e tyre për KQZ-në para dy vjetësh ama që përdorin një dopio-standart dhe tani i thonë popullit 'pse nuk mer pjesë o popull.' Kjo mban erë padrejtësi.



- A po përgatitet lëvizja juaj që të marrë pjesë në zgjedhjet e 2009 dhe çfarë vështirësish mendoni se do të hasë ajo?



Them që problemet më të mëdha kanë të bëjnë me çështjen e infrastrukturës zgjedhore. Tani që të paktën rregullat e lojës u vunë, që portat dhe vijat janë njësoj, rregjistrimi i votuesve apo kartat e identitetit janë absolutisht të nevojshme. Mund ti kesh rregullat e lojës po për sa kohë që nuk dihet se kush janë lojtarët është e pamundur. Por beteja më e madhë është për zemrat dhe mendjet e njerëzve për tju treguar që Shqipëria mund të bëhët dhe që do tja dalim. Në mes të një oqeani me skepticizëm ku thonë që ky vend nuk ka për të dalë ndonjëherë nga tranzicioni unë them që në 2009 kemi një mundësi fantastike për një kthesë të madhe dhe për të mbyllur ndoshta këtë kapitull të trishtë të Shqipërisë.

[Duaje Siveten]

je apo nuk je zgjatim punist ...

indikacionet jane qe ps-pd do ta "shigjetojne" ashper kete levizje, ne daç te dale parti ne vete, ne te majte, ne te djathte, qender, etj ...

per ps dhe pd - interesi eshte dhe ka rendesi menjanimi i çfardo konkurrenti te mundshem ...

nuk u bene kot ato ndryshimet kushtetuese per sistemin zgjedhor ... ata gerdallat (desha te thenm kalecat) e partive te vockla, te cilat thuajse pa perjashtim kane levizur nga e majta ne te djathte, sipas nevojave te zgjatimeve puniste psiste e pdist ne pushtet, ata i kane ne xhep - kete e tregoi edhe reagimi i tyre ndaj ndryshime ne sistemin zgjedhor - xhuvel ishte, xhuvel mbeti ...

a do te beje erioni perjashtim?

te shohim ...

[Breshka]

Erjoni eshte e ardhmja e shqiperise. Ai do zhduki cdo mbeturine nanoiste dhe berishiane, ai do ti veje kazmen komunisteve. Kombi shqiptar paska qene i bekuar qe Erjoni u c'faq me "integritetin" "pastertine" "moralitetin" "ndershmerine" "elekuencen" "Carm-in"......
ai ka gjithcka i duhet shqiperise. Tashti mund ta themi me plot gojen qe shpetuam, dmth, per verteti.
Rofshin 99-shat dhe strategu i tyre ERION.......

[niraal]

Me ben pershtypje reagimi i meparshem qe fokusohet me ironi tek Erion Veliaj i cili mesa shof ne shtyp eshte vetem nje perfaqesues i G 99.
besoj se ne ne Shqiperi kemi vuajtur mjaftueshem nga kulti i individit, dhe duhet qe nga te gjitha levizjet partite apo cfaredo qofshin format e tjera te kerkojme te dime kontribuesit e tjere, dhe sidomos idete dhe programet e tyre. Erion Veliaj nuk eshte dhe nuk duhet te jete e vetmja gje qe ka kjo levizje ashtu si dhe ne partite e tjera liderat e tyre nuk duhet te jene gjithcka.

[TOKE GEGA]

Lëvizja «Mjaft», në protestë qytetare, apo subversion nën simbolin e Ku Kluks Klan, me armatë pas?

Sipas posterave që ka vendosur nëpër rrugë Lëvizja «Mjaft», protestën e paralajmëruar për ditën e nesërme para selisë së qeverisë, kjo lëvizje e organizon në bashkëpunim me shoqatën e invalidëve dhe shoqatën e ish-ushtarakëve.Duket qartë se shoqata e invalidëve është vënë e para në poster, për të ulur disi përshtypjen e rëndë që bën prania e shoqatës së ish-ushtarakëve. Por e vërteta është se partneri kryesor i Lëvizjes «Mjaft» në këtë protestë do të jetë pikërisht shoqata e ish-ushtarakëve, e cila proteston ndaj qeverisë për çështjen e pensioneve. Është rasti i parë në Shqipëri, që një lëvizje e vetëparaqitur e shoqërisë civile, si “Mjaft”, del në një protestë duke pasur pas një armatë të tërë ish-ushtarakësh. Kjo gjë bëhet akoma më alarmuese kur mendon se jemi në një vend me stabilitet të brishtë si Shqipëria. Ish-ushtarakët janë në përgjithësi shqiptarë të mirë, por për fat të keq mes tyre ka shumë që janë duke shfaqur një entusiazëm të madh për fuqizimin e Rusisë në bisedat e tyre në rrethin familjar dhe në tryezat e kafeneve, se mjedisi ku ata janë formuar është ai rusofil, ku nostalgjia për Rusinë nuk u zhduk kurrë. Shumë nga këta njerëz para se të mësojnë të ecin i kanë mësuar të kërcejnë vallen «Kamarinskaja» (E lin kakalin kamalja) dhe sot kjo mbetet muzika e tyre e parapëlqyer. Në shpirt shumë prej tyre ata duan ta shohin ushtarin rus përsëri në Vlorë, dhe gjeneralët rusë në Tiranë, në vend të atyre amerikanë. Ish-ushtarakët sigurisht që kanë të drejtën të kërkojnë pensione, siç mendojnë se u takojnë, por ata duhet të kenë kujdes që të mos përdoren në skema politike dhe “Mjaft” sot është një Lëvizje politike pro Edi Ramës, i cili është njeriu që urdhëroi që “Zëri i Popullit” të mos dilte ditën e pavarësisë së Kosovës në 17 shkurt, edhe pse ishte e dielë, kur kjo gazetë ka dalë ditë të diela edhe gjatë Luftës së Dytë Botërore! Edi Ramës ish-ushtarakët i duhen si kartë për të kërcënuar qeverinë, ashtu siç i përdori edhe partia e Ramës, që e shtyu për tetë vjet ligjin për pensionet e ish-ushtarakëve dhe e bëri vetëm një muaj para zgjedhjeve. Edhe Berisha sigurisht që nuk do t’ i trajtojë më mirë. Ish-ushtarakët duhet të pyesin veten se nga i ka ardhur Lëvizjes «Mjaft» gjithë ky përkushtim për kauzën e tyre? Njerëzit e «Mjaft», që thonë se janë të rinj të shkolluar në Perëndim, e dijnë se privilegjimi i kastave ushtarake në vende të varfra, është një veti e shoqërive të mbyllura. Njerëzit e “Mjaft” që bahen si njohës të shkencave politike, duhet ta dijnë se kur një lëvizje e ashtuquajtur e shoqërisë civile çon mijëra ish-ushtarakë para selisë së qeverisë, ky është një gjysëm grushti shteti. Kur simboli i Lëvizjes «Mjaft», pëllëmba e kuqe në sfond të bardhë, shfaqet në sfondin e turmës së ish-ushtarakëve, atëherë ky simbol fiton sinjifikimin e atij të Ku Kluks Klanit. Pëllëmba e kuqe në sfond të bardhë ka qenë edhe simboli i Ku Kluks Klanit. Kjo paraqitet edhe në kopertinën e librit të Stetson Kenedi «Unë kam Qenë anëtar i Ku Kluks Klanit», i botuar edhe në Shqipëri në 1974. Stetson Kenedi ishte një aktivist civil amerikan i cili në vitet dyzet të shekullit të kaluar u bë anëtar i Ku Kluks Klanit për t’ i zbuluar të fshehtat e kësaj organizate raciste nga brenda dhe për ta demaskuar atë, duke i dhënë publikut dëshminë e tij në një libër. Simboli i Ku Kluks Klanit, që paraqitet në kopertinën e librit të tij, pëllëmba e kuqe në sfond të bardhë është identike me simbolin e «Mjaft». Madje edhe pikat e kuqe poshtë pëllëmbës janë identike. Tek Ku Kluks Klani pëllëmba e kuqe me disa pika poshtë, simbolizon ceremoninë e betimit të anëtarit të Ku Kluks Klanit, që bëhej duke prerë dorën dhe duke lënë disa pika gjaku të bien në një kupë, në altarin e organizatës. Betimi me gjak bëhej për të derdhur gjakun e të tjerëve, armiqve. Ku Kluks Klani e kishte si praktikë që në shtetet e jugut të SHBA, pas Luftës së Parë dhe asaj të Dytë Botërore të mobilizonte ushtarakët e liruar të bardhë me bindje raciste, për t’ i përdorur si reparte sulmi, saktësisht siç bënin nazistët dhe fashistët në Gjermani dhe në Itali. Në këto kur Shqipëria shpreson të marrë ftesën për t’ iu bashkuar NATO, si anëtar me të drejta të plota, po flitet shumë për standardet që Shqipëria duhet të arrijë për t’ u bërë anëtar i NATO. Por NATO ka pasur dhe ka edhe një standard për të cilin nuk flitet kurrë dhe ky është ai që është quajtur «Gladio», apo «Stay Behind». Tashëm janë zbuluar dokumente që tregojnë se gjatë Luftës së Ftohtë, në vendet anëtare të NATO u krijua një grupim politiko-paramilitar i cili do të hynte në veprim në rast forcat zyrtare të sigurisë policia dhe ushtria nuk arrinin të kontrollonin istuatën në rast të një aksioni subversiv në vend, të nxitur nga Bashkimi Sovjetik. Në vendet perëndimore-anëtare të NATO, me përfundimin e Luftës së Ftohtë, duket se nuk ka më nevojë për «Gladio» se atje nuk parashikohet të ketë lëvizje subversive të nxitura dhe të sponsorizuara nga jashtë. Por në Shqipëri, në situatën kur Rusia kërkon të marrë revanshin në Ballkan, çka nuk përjashton as Shqipërinë, ky rrezik ekziston, aq më tepër që Rusia e di se këtu ka qarqe nostalgjike për të, që në bashkëpunim me filogrekët, që gjithashtu janë dhe filorusë, mund të bëjnë një lëvizje subversive. Kështu që ne sot në Shqipëri kemi një situatë si ajo kur në vendet anëtare të NATO u krijua «Gladio» gjatë Luftës së Ftohtë, por nuk kemi «Gladio». Ky është një problem i madh. Aspekti tjetër i problemit është se forcat subversive sponsorizohen nga fondacione ndërkombëtare të shoqërisë civile dhe ambasada perëndimore në Shqipëri. Lëvizja «Mjaft» është pjesë e atij që quhet Rrjeti i Shoqërisë së Hapur, i promovuar në Shqipëri nga George Soros në vitin 2005. Tashëm duket se e ashtuquajtura shoqëri e hapur sorosiane edhe po militarizohet. Lëvizja «Mjaft» është krijuar dhe ka pasur mbështetjen e gjithanshme, duke përfshirë dhe atë financiare, të Ambasadës së Mbretërisë së Holandës në Shqipëri. Ambasadori i Mbretërisë së Holandës në Shqipëri, z. Sëeder van Voorst tot Voorst, është bërë tutori i krerëve të Lëvizjes «Mjaft». Mbështetja që ambasada holandeze i jep Lëvizjes “Mjaft” është një kortezi e Mbretëreshës së Holandës për George Soros. Nëse ambasadori holandez dhe Soros nuk duan të implikohen në ngritjen e një lëvizjeje subversive në dobi të Rusisë, ata duhet të distancohen menjëherë nga Lëvizja “Mjaft” e cila vihet në një protestë në krye të brigadave të ish-ushtarakëve. Ambasadori holandez dhe Soros mund të mos e bëjnë këtë gjë, duke përfituar nga fakti se shteti shqiptar nuk u thotë asgjë atyre, apo edhe duke përfituar nga fakti se këtu nuk ka “Gladio”. Por ajo që po bëjnë Soros dhe ambasada holandeze me “Mjaft” dhe ish-ushtarakët do të shërbejë si katalizator që në Shqipëri njerëzit e përgjegjshëm të krijojnë “Gladio”, që nuk do të bëjë asgjë më tepër se çfarë do të bënte “Stay behind” holandeze (“Gladio” holandeze) në rast se atje do të kishte të huaj që bënin atë që bën në Shqipëri Soros z. Sëeder van Voorst tot Voorst. Se nuk ka kuptim që nga Holanda të na vijnë dhe kryetari aktual i Prezencës së OSBE në Shqipëri, z. Bosch, që supozohet të punojë që në vend të ketë stabilitet, dhe një ambasador holandez, që bëhet sponsori i lëvizjeve subversive, në formën e shoqërisë civile të militarizuar. Pas skemës shoqëri civile-korpusi i ish ushtarakëve, qëndron Edi Rama, i cili është njeriu kryesor i Soros në Shqipëri. Edi Rama vihet kështu në krye të një force paramilitare subversive. Kjo nuk është një gjë që duhet marrë lehtë, aq më tepër kur Edi Rama po bën veprime sinjifikuese në adresë të Serbisë dhe Rusisë, siç ishte ai kur “Zëri i Popullit” nuk doli fare ditën që u shpall pavarësia e Kosovës, dhe nuk dha asnjë shpjegim për këtë gjë, çka nënkupton se e bëri për kortezi ndaj drejtorit të saj të parë, serbit Miladin Popoviç.