Korrieri, 12 May, 2008
Qytete maqedonase në Shqipëri?
Media e vendit fqinj thote se Shqiperia po ndermerr fushata asimiluese ndaj popullsise sllave ne fshatrat dhe "qytetet" e zones se Prespes
Gazeta “Nova Makedonija” nga Shkupi akuzoi dje Shqipërinë se ka vite që po ndërmerr fushata asimiluese ndaj një minoriteti sllavisht-folës që konsiderohet si “maqedonas” nga media e vendit fqinj. Por beteja për të ruajtur identitetin nga ana e përfaqësuesve lokalë të këtij minoriteti, shkruante gazeta, është e ashpër.
Artikulli i gazetës së rëndësishme nga Ish-republika jugosllave e Maqedonisë, kishte për fokus të saj një fenomen tërësisht të panjohur në Shqipëri, që ka të bëjë me një proces të pretenduar riemërtimesh fshatrash dhe madje edhe qytetesh në Shqipërinë juglindore, të cilat sipas gazetës deri në vitet ’70 kishin mbajtur emrat e tyre origjinalë “maqedonas”. Gazeta vendase merrte shkas prej një deklarate të vënë në gojën e presidentit Topi, rreth ndryshimit të emrave sllave në zonën e Prespës, ku ndodhen rreth 4-5 fshatra me një popullsi të përzier shqiptare dhe të një pakice që flet një dialekt sllav të cilit herë i atribuohen si bullgarisht e herë si e folmja e zonës lindore të Ish-republikës jugosllave të Maqedonisë. “Deklarata e fundit e Bamir Topit rreth ndryshimit të toponimeve në pjesën Juglindore të Shqipërisë, është thjesht vazhdimi i një asimilimi, i cili po vazhdon prej dekadash mbi popullsinë maqedonase”, shkruante gazeta.
“Autoritetet shqiptare po ushtrojnë presion të ashpër duke penguar rikthimin e emrave maqedonas të qyteteve dhe fshatrave të Prespës së Vogël”, ka deklaruar për gazetën “Nova Makedonija” komunari i fshatit Pustec, Edmond Themelko.
Përgjigju Duke Cituar
Postuar më parë nga Qerim
Krijoni Kontakt