Qarkore sekrete nga (Ediklika), si qarkorja e Enverit për Tefik Mborjen

[TOKE GEGA]

Qarkore sekrete nga (Ediklika), si qarkorja e Enverit për Tefik Mborjen !!!

Fjala “enciklikë” vjen nga latinishtja “encyclia” dhe në shqip do të thotë “qarkore”. Në latinisht fjala përdoret për letrat që çon Papa dhe ku shprehet për një çështje nga pikëpamja e doktrinës së krishterë. Por fjala “enciklikë” është përdorur dhe nga Kisha Ortodokse (në versionin greqisht enkyklo), ku është e famshme letra e patriarkëve të kishave lindore ortodokse e vitit 1848, adresuar Papës Piu IX, ku e akuzonin për herezi. Pra, fjala “enciklikë” nuk do të thotë se Edi Rama po bën një gjest prej katoliku, meqë siç ka pretenduar një herë vetë, e ka pagëzuar fshehtas gjyshja që ishte katolike.Nuk do të thotë as se Edi Rama po i bën një kortezi terminologjike Ledi Shamkut. Në fakt, duket se Edi Rama me fjalën “enciklikë” ka kamufluar fjalën “qarkore”, të partisë komuniste të kohës së Enver Hoxhës dhe Qemal Stafës. Fjala “qarkore” ka qenë shumë e përdorur nga Partia Komuniste Shqiptare, që në kohën e luftës, për shkak se organizimi i partisë ishte në bazë qarku (njësi administrative e asaj kohe si dhe sot), ku ekzistonte Qarkori (komiteti partisë i Qarkut). Kështu që shkresat me udhëzime që çoheshin nga Komiteti Qendror për komitetet e qarqeve, quheshin “qarkore” dhe këto komiteti i qarkut duhej t’ i punonte në nivelet më të ulëta. Edi Rama po nxjerr prej disa kohësh “enciklika” (qarkore) për të gjitha çështjet, që nga bujqësia, tek energjetika, shëndetësia, mjedisi etj. Por përveç këtyre enciklikave publike ka dhe disa enciklika sekrete të cilat janë vërtet të rëndësishme, dhe të cilat i nxjerr Ediklika (klika rreth Edi Ramës) për klikat e qarqeve (Edhe sot PS është e organizuar në bazë qarku, si PKSH dikur). Nga këto enciklika sekrete të Edi Ramës, më e rëndësishmja është ajo për Sali Berishën, që ka dalë kohët e fundit. Enciklika (qarkorja) e Edi Ramës, ngjan me qarkoret ultrasekrete të Enver Hoxhës në kohën e Luftës së Dytë Botërore, për Tefik Mborjen, kryetarin e parë të Partisë Fashiste Shqiptare dhe Ibrahim Biçakun, dy herë kryetarin e qeverisë shqiptare në vitet 1943-1944, në kohën e pushtimit gjerman. Enver Hoxha në kohën e Luftës së Dytë Botërore, lëshoi dy udhëzime (qarkore) shumë sekrete, që të mos bëhej asnjë atentat ndaj Tefik Mborjes dhe Ibrahim Biçakut. Kjo në një kohë që vriteshin në atentate deri edhe policë të thjeshtë të kuesturës. Ky kujdes për jetën e Mborjes dhe të Biçakut nuk erdhi siç mund të mendohet për shkak se Enver Hoxha u druhej reprezaljeve, se atëherë u bënë atentate ndaj Mustafa Krujës dhe Xhafer Devës. Se përse doli udhëzimi për Tefik Mborjen dhe Ibrahim Biçakun u kuptua kur Enver Hoxha erdhi në pushtet dhe këta të dy u arrestuan dhe dolën në gjyqin e kriminelëve të luftës. Duhej pritur që këta të dy të ishin të parët që do të dënoheshin me vdekje, por nuk ndodhi kështu. Ata u dënuan me burg, madje Ibrahim Biçaku doli nga burgu dhe jetoi në qytetin e Elbasanit. Ndërsa Tefik Mborja vdiq pas disa vjetësh në burg, ku u mor me përkthime. Nuk mund të mos pyesësh se si është e mundur që në atë kohë kur u dënuan me vdekje dhe u pushkatuan si kolaboracionistë shumë e shumë ish-vartës të Mborjes e Biçakut, këta të dy patën fat më të mirë. Kjo mund të shpjegohet vetëm me faktin se Tefik Mborja kishte qenë një ndër njerëzit që e kishte mbrojtur Enver Hoxhën gjatë luftës, duke i dhënë mundësi atij që të luante pa rrezik lojën e shndërrimit të dyqanit “Flora” në qendër të Tiranës, në çerdhe të komunizmit shqiptar, duke banuar Enver Hoxha deri në maj 1943 në shtëpinë e mikut të Tefik Mborjes, Bahri Omarit, kunatit të Enver Hoxhës. Ndërsa Ibrahim Biçaku duket se ishte ndërlidhësi i Enver Hoxhës me gjermanët, duke qenë se ishte daja i mikut të Enver Hoxhës, Esat Dishnicës, që ishte sponsor i dyqanit “Flora”. Sipas shembullit të Enver Hoxhës, edhe Edi Rama, pas ngjarjes së Gërdecit lëshoi një enciklikë (qarkore) sekrete për kryeministrin Berisha, ku thuhej se nuk duhet bërë opozitë e fortë që të rrëzohet Berisha nga pushteti, se ai i duhet PS, jo vetëm për të miratuar ndryshimet kushtetuese për reformën zgjedhore, siç i intereson Ramës, duke u kaluar në sistemin proporcional rajonal, por mund t’ i duhet edhe për më vonë. Prandaj nuk duhet bërë asgjë serioze kundër Berishës. Sipas enciklikës (qarkores) sekrete të Edi Ramës armiku kryesor që duhet eliminuar politikisht është Ilir Meta. Prandaj shënjestra duhet drejtuar kundër Ilir Metës. Sipas manualit të Enver Hoxhës, edhe Edi Rama bën pikërisht atë gjë për të cilën e ka akuzuar dikur Ilir Metën. Enver Hoxha, pasi i akuzoi Sadik Premten dhe Anastas Lulën si bashkëpunëtorë të fashizmit, doli se ishte mik me kryetarin e partisë fashiste dhe me dy herë kryeministrin e kohës së gjermanëve. Edi Rama, pasi e akuzoi Ilir Metën se ishte bashkëpunëtori i Berishës, tashmë është bërë vetë bashkëpunëtori më i ngushtë që Berisha ka pasur tek e majta.

[Clauss]

saktesisht cfare perpiqet te thote ky artikull?

[Bizantin]

Fjala “enciklikë” vjen nga latinishtja “encyclia” dhe në shqip do të thotë “qarkore”. Në latinisht fjala përdoret për letrat që çon Papa dhe ku shprehet për një çështje nga pikëpamja e doktrinës së krishterë. Por fjala “enciklikë” është përdorur dhe nga Kisha Ortodokse (në versionin greqisht enkyklo), ku është e famshme letra e patriarkëve të kishave lindore ortodokse e vitit 1848, adresuar Papës Piu IX, ku e akuzonin për herezi.

Është bërë zakon tash në forum që TOKE GEGA të mos japi burimin e artikujve që boton dhe na lë të supozojmë. Hëpërhë mendoj se është i Muftarajt, nga stili i shkrimit.

Në fakt fjala enciklike është huazim i latinishtes nga greqishtja ku versioni origjinal është εγκύκλιος [etimol. = εν (në) + κύκλος (rreth, qark)]dhe jo ενκύκλιος (enkyklo që thotë gabimisht KM) sepse ν-ja përpara κ-së kthehet në një γ. Dhe aktualisht termi është përdorur fillimisht nga Kisha Ortodokse dhe jo nga ajo Katolike duke karakterizuar letrat e peshkopëve drejtuar popullit besimtar.