"Unë - Udha jote, Ti - Qumështi im..."

[M_u_Z_a]

Cdo here sjell dicka qe e ben lexuesin te dridhet kur e lexon.Te ndjek me kenaqesi!Flm!

Te falenderoj Zana!
Te pershendes me kete poezi:


JAM KLITHMA E QIEJVE TË TU…



E shkruaj dashurinë mbi lëkurën time.
E nis udhës së gjatë.
Shtriqet kilometrash të ndezura amëshimesh,
e lagësht,
.............e pluhurosur,
...............................e ngratë…
Zogjtë e malit çukisin simbole,
Metaforat,
ftillohen deteve me shkumë,
Tkurren vargjet, shkretëtirave të heshtjes,
Jam unë...
Të mbështjell me rima dhe asociacione.
Tretem
...........e detit shkumë,
................................e qiellit, re.
Ashtu e përgjakur, nderem mbi lëkurën tënde,
Dhe, duke pëshpëritur: “Je imi Diell”,
Fle…

[diamant abrashi]

Tragjikë moderne

Unë nuk desha të endesha mes legjendave
netëve si fantazmë
unë frymori i pa emër
statujë e pa trajtë
quajtur herë
Konstandin i ngritur nga varri
e herë Narcis a Don Zhuan...

Është alibia hormonale e legjendave
që thurrën vajzat e prera ne mes
humbur në xhunglën e pasionit
ngatërruar në rrezet e të tyreve diej
po aty ka gjithmonë një rregull:
(mjerë ajo që s'e di)
metamorfoza ime nga eliksir jete
në baltë tragjike
janë ato vetë....

dhe në vend të verës
(mu sikur ato)
oqeane lotësh pa fund
pi
vetëm pse dikush dikur
të vërtetën e bukur
të legjendës
e ndoqi,
(ashtu siç ndiqen të gjitha fantazmat)
me dru e me gurë...

[bili99]

E nderuar Muza,

"Une- udha jote,
Ti - qumshti im"

Sec ma shpetove mbasditen,u kenaqa me poezite tua ne kete teme..e nisa nga e fundit dola tek e para dhe per neser kam bileten kethyese.
Ate poliedri shpirti fisnik, e shpreh aq bukur dhe me sinqeritet te rralle,shpesh virgjin per kete gjini letrare .

Kur te shoh udhetimin ne Mesnate.. ngjenjen vetmine ne mengjezin e cmendur...Dilema...ime...!!?Te te coj nje Perqafim .... Me vjen te te mbys....me mire te te coj nje puthje pergezimi.... te lumt. ...je madhe dhe privilegj per ne ne kete Forum.

me nderime,
bili99

[eldushka]

Baladë plehrash…!



Endem rrugëve të tua,
duke lënë gjymtyrët,
.............................qelizat,
.....................................indet,
.............................................peng.
Endem, skutave të tua,
duke i falur frymën plehrave.
Endem,
..........hijesh,
...................fantazmash,
Duke vrarë ëndërrat,këtu.
Ç’fatkeqësi
...............për mua
...........................me ju,
...................................fëmijët e së keqes…!
Endem legjendash,
duke vjedhur virtyte,
për t’ia arnuar, jetës...!!!

Nuk e di nese te kam komentuar deri me sot kete poezi, por eshte kaq perfekte. Nese do tentoja te levizja qofte edhe nje presje, nuk do mundesha.
Na fal shume me te tuat poezi Su e dashur.*perqafim*

p.s. Na mungon, po ja tek te gjeta prape ty dhe poezite e tua.

[dp17ego]

EJA TË PIMË



Eja të pimë, Zeus… i hijshëm,
kredhur ujshëm në puse orgjie.
E mbys Dionisin në një kupë verë.
Ringjalle, ti, nesër,
në degë hardhie.

Bukur Muza.
Luan bukur me perendite.

[Zana eVizitorit]

Sa bukur.Flm!

[M_u_Z_a]

Billi, Eldushka, Dp, Zana, ju falenderoj qe humbiisni kohen tuaj ketu!

Ju pershendes me:


TOKA IME - FEMËR…



Në dashurinë tënde,
.......................përpëlitem endem,
si vite më parë, në mitrën e ngjizjes.
Netëve të errëta, me imazhe dehem,
për të rendur ditën me puthje çapitjesh.


Unë i heq këpucët
..........................dhe ashtu e zbathur,
puthje të ngrohta me ty marr dhe jap,
që, kur trupin tim në gji ti ta tresësh,
pluhur dashurie të rikthehem prapë.


Sot gjurmët e mia
.....................tek ti vizatoj.
Afshi i pjellorisë më gëlon në zemër.
Të rilindem bimë me rrënjët te ti,
të çel lule - femër.


http://www.youtube.com/watch?v=BHqAl.../2008/05/.html

[M_u_Z_a]

Përjetësi


U la në vaskën e shkumtë.
Fshiu fytyrën e së përditshmes,
…………………….me peshqirin e butë të natës.
Dhe fluturoi diku, me nxitim…
Pas mesnatës,
Në ujin e ngrohtë,
u zhyt njëra gjysmë.
Tjetra,
kryqëzuar me “gozhdët” e dashurisë,
Mbeti përjetësisht në takim…



Eternité


Elle se lava dans la baignoire mousseuse.
Se secha le visage du quotidien,
…………………….avec le doux peignoir de la nuit.
Et s'en vola en courant...
Après minuit,
Dans l'eau chaude,
une moitié se plongea.
L'autre,
croisée avec les "clous" de l'amour,
Resta éternéllement dans la rencontre...

Perktheu ne frengjisht
URIM NERGUTI

[M_u_Z_a]

RRËKEZË MIRËSIE…



Po të kacavirrem si nepërkë,
trupit që u dridhka si lastar nga era.
Të zë fill te vendi atje,
si dikur mes brinjëve të tjera.
Si dikur përpara se Zoti,
femrën Evë të kishte krijuar,
ishim një e tërë, u bëmë dy,
për t’u ndarë e për t’u harruar…
E nëse të ngjitem nuk do mund,
A do më strehosh…aty…
Nën atë qerpikun fijehollë,
që tek përpëlitet frikësuar,
lëshon një rrëkezë me mirësi…?




ENDMË...



Ti,
mos u end lëndinave të mefshta të heshtjes!
Eja këtu, fluturim...!
Shtëpizën tonë të çmendur të puthjeve,
s’e shembin dot idhujt, shpirti im.
Ti mos u end por endmë,
jam peri i tëndit përqafim...


NË ËNDRRËN TIME…



Në ëndrrën time,
që s’është më ëndërr.
Je Princ i kaltër, Unë – Hirushe.
Ti - dhëndrri im drithëruar,
Unë - nusja jote, buzëprushe…

Në ëndrrën time,
që s’është më ëndërr.
Me krahë zogjsh ti i thur letër,
zemrës sime që shekujsh endet,
Të të kërkojë në kohë tjetër…

Në ëndrrën time,
që s’është më ëndërr,
Ti vjen e ikën, ikën, vjen.
Një puthje lë tek cepi buzës,
E kraharorin ma rrëmben…

[M_u_Z_a]

EH…



Eh,
ato ditë-net në ferr.
Kërkuam njëri-tjetrin mes pyllit të pafund të epsheve.
U përgjakëm, në ferrat e thonjve të kalbur,
në majat e kamave që hijet kishin nxjerrë.
Më zgjate dorën-cung të prerë.
Të zgjata buzët-gjak.
Puthja, iku fluturoi si erë.
Rende ti,
e kape diku.
Më le pa buzë, pa gjinj.
Veshje princi, thure me linjat e mia.
Gjakun, ua servire gjarpërinjve.
Hormonet, i rrëmbeu stuhia.
Krahët ia fale një pulëbardhe,
Këmbët,
një prostitute të lodhur nga jeta.
Orgazmat, jehona që ulërijnë shekujve.
Unë,
e shpërndarë si fara e djallit,
Prehje në krahët e tua gjeta.
U struka aty e dehur nga era jote.
Lëngu yt, etje më dha...
Ti, je Zoti që më mban në jetë.
Unë, Sirena që, për dashurinë, fal gjithçka.