"Unë - Udha jote, Ti - Qumështi im..."

[DI_ANA]

Ëndërr ...

Mbrëmë,
Gjithë natën
isha me ty...
T’i këputa venat.
T’i zbërtheva eshtrat.
T’i gjakosa floket.
Te putha
në sy.
Mbrëmë,
gjithë natën,
isha me ty.
Në mëngjes,
s’munda të të rikrijoja…
S’më dilnin gjymtyrët.
S’më mjaftonin flokët.
Buzët e kafshuara,
fytyra e plogët.
Dhe, ika…
Ika,
mora malet…!
Zjarri,
që kam brenda,
As shuhet,
As falet...

E veçante kjo,pavaresisht se te gjitha jane te bukura!
Suksese per me tej dhe te pergezoj per vargjet e shkruara me kaq ndjenje!

Respekte

[M_u_Z_a]

E veçante kjo,pavaresisht se te gjitha jane te bukura!
Suksese per me tej dhe te pergezoj per vargjet e shkruara me kaq ndjenje!

Respekte

Diana, te falenderoj serish dhe te pershendes me kete poezi...




Nëse mëngjesi yt, gdhihet pa mua…



Nëse
mëngjesi yt,
…………..zgjohet pa mua,
Dije se, jam larguar vetë për atje.
Ku, e ëmbla cicërimë,
…………………….tingëllon krrokatje,
Blegërima e qingjit - një shtëllungë me re…


Nëse kraharorit,
………………një brinjë të mungon,
Ashtu mes dhimbjesh, si kurrë më parë,
Dije se, me të, në terrin e përjetshëm,
Kam ndezur.errësirës,
………………..........të vetmin zjarr.

Te digjen aty, në të nxehtin tim,
Të përpëliten,
……………shkrijnë,
…………………… derdhen,
………………………………treten,
Djajtë e ndotur e ëngjëjt e ngrirë
Prej kollarisjes së bronxtë
…………………………të dashurisë për veten…



Atje mes amullisë,
…………………edhe pse larg,
Nuk do harroj kurrë të të dua,
Shpirtin,
me e-mail fluturimesh, do të ta nis,
Nëse, mëngjesi yt,
………………...gdhihet pa mua…

[Tigrimelara]

Te ralla jane poezite te cilat me terhjekin thjesh nuk ndjej ndonje kenaqsi nese lexoj poezi, mirpo e nderuar ty ke qene e vetmja qe ke aritur te me detyrosh ti lexoj poezite dhe ke aritur te me kenaqesh shpirtin.
Ndoshta kjo lloj poezie qe shkruan ty, eshte ndryshe nga te zakonshmet, prandaj lexohen.

SUKSESE vazhdo te jeshe e vecante

[elsaa]

Atje mes amulli
…………………edhe pse larg,
Nuk do harroj kurrë të të dua,
Shpirtin,
me e-mail fluturimesh, do të ta nis,
Nëse, mëngjesi yt,
………………...gdhihet pa mua…

M_u_Z_a vertet qe poezite e tua jane shume te vecanta . kjo strofa ketu me pelqeu shume .Por qe me emocionoi vertet ajo poezia qe ke shkruar per Babane tek tema e mondishall , Ishte vertet fantastike .
Suksese dhe vazhdo te shkruash .

[M_u_Z_a]

Te ralla jane poezite te cilat me terhjekin thjesh nuk ndjej ndonje kenaqsi nese lexoj poezi, mirpo e nderuar ty ke qene e vetmja qe ke aritur te me detyrosh ti lexoj poezite dhe ke aritur te me kenaqesh shpirtin.
Ndoshta kjo lloj poezie qe shkruan ty, eshte ndryshe nga te zakonshmet, prandaj lexohen.

SUKSESE vazhdo te jeshe e vecante

Te falenderoj i dashur Tiger me lara!
Ndihem mire qe me lexon edhe ketu.
Te pershendes me kete poezi:

…

Unë,
Nota e burgosur
………….në pentagramin e ndjenjës,
Herë – herë,
Dua të flirtoj me yjet,
Por…
Shpejt kuptoj
Që ty të përkas.
Shkund flokësh
të nxehtin pluhur meteorësh,
Qiejve të shikimit tënd humbas…
Rrëmbej
të shushaturat tentativat e tona të heshtuara
………………………………………….për tu harruar,
Bodrumeve të errëta të lotit,
dhe i shndërroj në fije bari…
Ti,
i urituri qengji im motak,
Mes dëshirës dhe padurimit për t’i kafshuar,
Shkund qerpikësh frikën.
Dhe,
starton buzët “lëndinave”,
Për të më zotëruar…

[M_u_Z_a]

M_u_Z_a vertet qe poezite e tua jane shume te vecanta . kjo strofa ketu me pelqeu shume .Por qe me emocionoi vertet ajo poezia qe ke shkruar per Babane tek tema e mondishall , Ishte vertet fantastike .
Suksese dhe vazhdo te shkruash .

Te falenderoj per kohen dhe durimin qe harxhon per te me lexuar e dashur elssa!
Te pershendes me kete poezi:


Ëndërr e lagur…


Jehon pylli.
Ashtu si ti…
Rrënjët e thella, thithin etjendezura rrëketë,
Unë, burimet e tua i përpij…

Është vjeshtë i miri im.
Strukur në përqafimin tënd, rri…
Brenda nesh - flokon shpirtrash dashuria,
Jashtë veson shi…

Gjethet e verdha, pikuar me të kuqe,
…………………………….…...........rënkojnë.
Si lëkura ime, nën trupin tënd, tani…

[M_u_Z_a]

Prag - vdekje apo prag - zgjim?


Ajo ose ai, dmth dikush,
Hyn në shtratin tim.
I tejdukshëm, apo e tejdukshme,
Si ta quaj?

Mendimin e lagur,
Ia lexoj
ne shkëlqimin e syve të padukshëm.
Ftohtesinë,
ia var në gozhdën e lodhur të ecjes,
Edhe trishtimin…

Këmbet e ngrira,
ia ngroh me frymë.
Me krahë, end përqafimin.

Dy horizonte,
shfaqin ëndërrash, vegimin
E asaj që dhe mund të vijë,
Por që kurrë s’ka për të ndodhur.
Legjenda,
Në njërin kah thur fshehurzi fatin.
Në tjetrin,
Kreh përhumbur, të njëjtin vështrim.

Jeta, lëvrin nën koret e plagëve.
Koha, lë peng dhimbjet në nënkresën time.
Një fije më ndan nga errësira e përjetshme e hijes…
Ku ti nder erërëndët flokë…?
Në zgjim?

Me thuaj…!

Ajo ose ai, dmth dikush,
Hyn në shtratin tim.
I tejdukshëm, apo e tejdukshme,
Si ta quaj?

[M_u_Z_a]

Ajo që…


Rilind tek sytë.
Pikon në pergamenët e gjinjve,
penelat e stërlashtë të shikimit…

Dhe,
Ndërsa mitra
shkërmoq humnerat e tejdukshme rimave,

Stomaku i shtrydhur i mallit,
tret llërët e vyshkura te harrimit…

[M_u_Z_a]

. . .

Ia preva gjelbërimit, kokën,
.............me një të rënë të kosës.
Përulur gjer në amëshim…
E, nëse nesër,
......mbarsur me klorofil,
.............nuk gdhihem degë
……………............…në qiellin tënd.
Do pjell errësirash
Yllin e mëngjesit…
Pikuar,
mbi gurët
e varrit
tim…

[M_u_Z_a]

HOME SWEET HOME...



E ëmbla shtëpia ime...
Mbështjellë me çarçafët e ngrohtë të fjalëve.
Mbuluar me çatinë e ritmeve...