"Unë - Udha jote, Ti - Qumështi im..."

[M_u_Z_a]

crazy_diamond, sa e perkedhelur ndihem, por...nuk e gjej veten atje... Ngre veshtrimin lart por se shoh gjekund majen...Te te pershendes me ca vargje?


KËNGA E PESHKUT



Jam mes një deti të qetë shprese
dhe një oqeani të egërsuar amullie.
Ku peshkaqenët,
me elegance, tërheqin rrjetat
Dhe unë,
peshku i vogël,
përpëlitem, hapësirave të ngushta.
Vetëvritem, hepohem...se…
…është edhe një rrejtë tjeter aty pranë.
Ajo qe ke hedhur ti, “bashkëvuajtësi” im,
Udhës që dot si mënjanohem.

Mes një deti të qetë shprese,
Që po e përpin i madhi oqean,
Unë, peshku i vockël,
Gjalloj ende.
Jam…



MBI RENË E BARDHË…



Në ëndrrat e njëri - tjetrit,
Koha ngrin dhe hapësira ndihet e zënë në faj…
Çarçafësh të butë lëkure,
Pleksur përqafimesh…
Shkrirë dëshirash ekstreme,
Zemrat i morën në duar
për t’u qetësuar regëtimat…
Në ëndrrat e njëri-tjetrit,
Në shtretër degësh të blerta, kapluar,
Ajo ia vodhi paqen,
Kraharorit të tij rrënjëzoi.
Ai, rrëmbeu çmendurinë e saj
Dhe…e mbolli në tokën e premtuar – zemër
Qiellit,
Mbi renë e bardhë në ëndërr,
Ku dashuritë krihen në pasqyra yjesh,
E dhimbjet s’kanë emër…

[Smth_Poetic]

[B]



MBI RENË E BARDHË…



Në ëndrrat e njëri - tjetrit,
Koha ngrin dhe hapësira ndihet e zënë në faj…
Çarçafësh të butë lëkure,
Pleksur përqafimesh…
Shkrirë dëshirash ekstreme,
Zemrat i morën në duar
për t’u qetësuar regëtimat…
Në ëndrrat e njëri-tjetrit,
Në shtretër degësh të blerta, kapluar,
Ajo ia vodhi paqen,
Kraharorit të tij rrënjëzoi.
Ai, rrëmbeu çmendurinë e saj
Dhe…e mbolli në tokën e premtuar – zemër
Qiellit,
Mbi renë e bardhë në ëndërr,
Ku dashuritë krihen në pasqyra yjesh,
E dhimbjet s’kanë emër…

Shume bukur Muza.
Na kishte marre malli te te lexonim prape.

[crazy_diamond]

si qen rrugesh
iki naten
neper plehrat
e dashurive te mbaruara
te dashuriva te palindura
te dashurive te paguara
te dashurive te konsumuara.
te dashurive te tradhetuara
te dashurive te shitura.
si qen rrugesh
mbledh copat
e zemrave te thyera
shpirtrave te humbur
kenaqesive te fshehta
si qen rrugesh
pij lotet
e endrrave te shenjta
te iluzioneve te humbura.
por nje crazy angel
duket ne horizont...

[Preng Sherri]

Shume bukur Muza.
Na kishte marre malli te te lexonim prape.

Unë jo sepse nami ime do të bje mbi ata që" duan për veten e tyre atë që unë e dua për veten time".

[M_u_Z_a]

Smth_Poetic, crazy_diamond, Preng, nje falenderim eshte pak... Nje poezi shpresoj te leje gjurme:


Nëse mëngjesi yt, gdhihet pa mua…



Nëse
mëngjesi yt,
…………..zgjohet pa mua,
Dije se, jam nisur vetë për atje.
Ku, e ëmbla cicërimë,
…………………….tingëllon krrokatje,
Blegërima e qingjit - një shtëllungë me re…


Nëse kraharorit,
………………një brinjë të mungon,
Ashtu mes dhimbjesh, si kurrë më parë,
Dije se, me të, në terrin e përjtshëm,
Kam ndezur errësirës,
………………..........të vetmin zjarr.

Te digjen aty në të nxehtin tim,
Të përpëliten,
……………shkrijnë,
…………………… derdhen,
………………………………treten,
Djajtë e ndotur e ëngjëjt e ngrirë
Prej kollarisjes së bronxtë
…………………………të dashurisë për veten…



Atje mes amullisë,
…………………edhe pse larg,
Nuk do harroj kurrë të të dua,
Shpirtin,
me e-mail fluturimesh do të ta nis,
Nëse mëngjesi yt
………………...gdhihet pa mua…

[EDUARDI]

Ta ka enda te te lexosh ne cdo postim tendin

Te pershendes

Eduarti...

[M_u_Z_a]

Ta ka enda te te lexosh ne cdo postim tendin

Te pershendes

Eduarti...

Mbetem mirenjohese pa fund ndaj teje Eduard!
FLM qe vazhdon te me lexosh!
Te pershendes:


MIKJA IME E LAKURIQTË…



Dimri,
ky Ujk plak,
më përqafoi.
Dhëmbët mprehu,
në limat e shiut të trishtë.

Më ngrohu
me trupin e saj të lakuriqtë,
Nata,
Mikja ime e brishtë.

[M_u_Z_a]

Baritore…


U çmendën “stinët”…

Zjarr - akulli,
harbon…kufijve të durimit…


Drithërimat,
si delet e trembura në vathë përpëliten,
Teksa unë, baresha,
kullos ëndërrat
nën sharkun tënd të përqafimit…
.
.
.

[xheladin]

E nderuara Suzana, për respektin që kam ndaj shkrimeve tua, e të cilat vërtetë janë të ngjyrosura me 28 ngjyra të pranverës, e që shpirtin ma çlodhin, vendosa që këtë poezi ta vendosu këtu pranë kristaleve të tua.


OR XHANI IM

Yjet që më së shumti shkëlqejnë
I ngjajnë syve tu të zjarrtë
Që pandërprerë më përcjellin
Or xhani im

Era më mësoji
Si pëshpëritet emri yt
Edhe atëherë kur në ëndërr jam
Or xhani im

Dielli më përdhelë e ledhaton
Lehtazi ama bash si dora jote
Dikur në shatërvanin e rinisë
Or xhani im

[riza2008]

E bardha eshte pak

Një mur,
i lyer
me të zezë
dhe me të bardhë...
E zeza - është shumë.
E bardha - pak.
Ngjyrat,
luftojnë ashpër.
Ngjyrat,
lëshojnë gjak.
Përpëlitet e bardha.
E zeza, shumohet.
Syri,
më tmerrohet…!
Mur.
Mur i zi,
larë në gjak.
S’dalloj dot të bardhën.
E bardha,
.............është,
......................pak…!

Pershendetie M_U_Z_A!Mungesa jote per nje far kohe eshte ndjere ne forum(Ishalla mungesa ka qene per tu marre me krijimtari),por kjo ka dhe nje gje shum te mire sepse lexuesit ,dashamirsit,poetet tani jane si te uritur dhe do ti lexojne me endje poezite e tua.Une te pergezoj per keto krijime shum te bukura dhe poezia qe kam veçuar me ka pelqyer shume.Suzana mos na mungo kaq gjate se mungesa na le mangut, me nje poete shum te spikatur si forumin dhe dashamirsit e poezise tendeTe uroj shendet dhe krijimtari te vazhdueshme.Me respekt rizai2008.