"Unë - Udha jote, Ti - Qumështi im..."

[M_u_Z_a]

E nderuar Suzana, vërtetëna ke munguar disa ditë, por me këtë poezi të veçant, e ëmbëlsove pritjen, sikurse shlagu mbi torte të madhe.

Mos i harro lexuesit e shumtë që presin shkrimet e Juaja.

Të përshëndesë nga zemra!

Agim METBALA

Te dashur Agim dhe Anxh, ju falenderoj qe vazhdoni te humbisni kohe duke me lexuar e vleresuar!
Krijimet e mia jane nje asgje pa syte dhe shpirtin e atyre qe i lexojne.
Gjuha eshte e varfer dhe une fjalen e mirenjohjes, se gjeta dot, ndersa fjala falenderim, eshte teper e vogel per te shprehur ate qe ndiej.

Uroj gjithe te mirat per ju dhe te tere ata qe lexojne ketu!





Kohë e çmendur…


Një Korb,
bën dashuri, me lulen e bardhë të mollës…
Limfa rënkon…
Gjethet e rrudhura, ëndërrojnë shi të klorofiltë…
..........................Teksa kryqëzojmë të sotmen që të vdesë nesër.
.................................................. .......................Ngujuar me vargonjtë e erës,
Rrënqethet rrënja…
Të nesërmes,
i masim me pëllëmbë përmasat e dhimbjes…
Thatësirë e trëndafiltë,
Në ç'pasqyrë i kreh flokët hëna?
Penelatat e dritës,
shuajnë zbehtësinë e mendimeve,
Që,
...struken,
.........struken brenda konturit të tyre të përfytyruar.
Mëkatar, njeriu…
Shqiponja,
fluturon në qiellin e hapësirës së bravës së derës…
Kris reja...
Shemrat petale,
nguten të mbulojnë polenin nga shiu.
Kafka është bosh, krejt bosh…
Krizantemat e vdekura,
............................vajtojnë vyshkjen e tyre të sigurt,
Ndërkohë që arkivoli – qese antike mbeturinash
Skërmitet duke u prehur në një qosh…

.

[M_u_Z_a]

TË JESH…



Të jesh,
Duhet të të prekin,
Që të vërtetojnë hipotezën e rënies dhe ringritjes…

Të qeshësh nëse do mundësh,
Mes rrudhave të thella të pritjes,
Duke rrëzuar jargë të lashta dhimbjesh,
Stuhi, përpëlitjesh.

Të jesh,
Do të thotë të vjellësh rininë nga goja e pleqërisë,
Kujtimeve të trishta të rrëmosh.

T’i këndosh kufomës tënde psalme biblike.

Të jesh,
Do të thotë: Të harrosh.


.
.
.

[PeSiMiStJa]

Muza përveç se një poete e mrekullueshme je dhe një muzë e vërtet

[M_u_Z_a]

Muza përveç se një poete e mrekullueshme je dhe një muzë e vërtet

Te falenderoj qe humbet kohen tende duke me lexuar e dashur PeSiMiStE!
Te pershendes me dy poezi:


NATA…



Ajo, për flokësh, e zvarrit Ditën.
Spazmat arkivon në sirtarë mëshire.
E përgjak Dritën, me të kuqen e vjeshtës,
qiejve të vetmisë, sajon fotokopje të trishta fytyre…

Vejusha Natë, i kreh dhimbjet,
me të nxehtat puthje errësire.






KËNGA E PESHKUT



Jam mes një deti të qetë shprese
dhe një oqeani të egërsuar amullie.
Ku peshkaqenët,
me elegance, tërheqin rrjetat
Dhe unë,
peshku i vogël,
përpëlitem, hapësirave të ngushta.
Vetëvritem, hepohem...se…
…është edhe një rrejtë tjeter aty pranë.
Ajo qe ke hedhur ti, “bashkëvuajtësi” im,
Udhës që dot si mënjanohem.

Mes një deti të qetë shprese,
Që po e përpin i madhi oqean,
Unë, peshku i vockël,
Gjalloj ende.
Jam…

[M_u_Z_a]

Një varg për ty…



Të shkruaj një varg për ty,
qenka e vështirë
Nga t’ia nis më parë?
Buza thahet duke pritur puthjen
Syri tret shikimin lëndinave me bar…

(E shkruaj një varg për ty, por,
oqeani i shkronjës së fundit,
rëndon trafikun e përqafimit…)

Të shkruaj për ty,
është barrë
që rëndon brinjëve të mia të holla,
e rrëshqet syve - "Simfoni e zgjimit…"

Të shkruaj për ty një klithmë,
që ëndrrash të të shkundë nga “gjumi”
Duke rrëfyer histori të reja apo të vjetra…
rrëmbyer nga një rrjedhë e kristaltë lumi…

Në fëmijërinë tënde rrjedh ai...
Duke rendur të dëshiruar tek njëri - tjetri,
Personazhet, jemi ne të dy…

Si të kundërtat anonime
që rendin tek njëra - tjetra,
Karizmatike deri në përsosmëri.

Udhëtarë,
shaluar mbi dy breshka…
Hahahaha…

Çdo jetë
E ka nje çmenduri…

Të shkruaj një varg për ty?
.
.
.

[Agim Doçi]

Te shkruaj per Ty
Me jep nje varg uha!
Te shkruaj per ty
me duhen metafora.
Te kendoj per Ty
Tingujt ujvara m'i dha.
Te vjerrsheroj per Ty
pse jo, me dridhet dora!

urime MUZA

[Preng Sherri]

Të gjithë urojnë atë që uron dhe mua fatkeqit s'më mbeti as për farë një " urim" për vargun e Muzes kështu që MUza do të bëjë një vargë dashurie për " mua dhe për veten e saj".

[Pratolini]

Te shkruaj per Ty
Me jep nje varg uha!
Te shkruaj per ty
me duhen metafora.
Te kendoj per Ty
Tingujt ujvara m'i dha.
Te vjerrsheroj per Ty
pse jo, me dridhet dora!

urime MUZA

Jo cdo gje ne shqip shkruhet si degjohet o poet ! Eshte HUA dhe jo uha

[Ali Baba Tepele]

Jo cdo gje ne shqip shkruhet si degjohet o poet ! Eshte HUA dhe jo uha

Te drejte ke ti i dashur por,andej nga eshte ai,ashtu i thone.Ka shume qe nuk e dine tamam gjuhen zyrtare.

[M_u_Z_a]

Te shkruaj per Ty
Me jep nje varg uha!
Te shkruaj per ty
me duhen metafora.
Te kendoj per Ty
Tingujt ujvara m'i dha.
Te vjerrsheroj per Ty
pse jo, me dridhet dora!

urime MUZA

Te falenderoj Agim! "nje varg hua...", eshte vertet nje "gjetje" e bukur jotja.
Nje varg hua, nje dhimbje hua, nje dritherime hua, nje dore per tu mbeshtetur, por ne kete rast nuk eshte hua, eshte dhurata me e madhe qe mund ti behet nje qenieje qe eshte duke rene... Dhe heroina lirike e poezise sime ishte duke rene...

"Te shkruaj nje varg per ty", e kam shkruar per dike qe e meriton sakrificen sublime te rendjes(qofte edhe me hapat tejet te ngadqalte te nje breshke), e rendesishme eshte rendja dhe finalja...
Te falenderoj qe e lexove, e kuptove dhe e vazhdove idene e poezise sime i dashur Agim!